ಕಿನ್ನಿಗೋಳಿ: ಶಾಂತಿನಗರದ ಶ್ರೀ ಮೂಕಾಂಬಿಕಾ ದೇವಲ್ಯಡ್ ಶಾಂತಿನಗರ ಶ್ರೀ ಮೂಕಾಂಬಿಕಾ ಅಮ್ಮನ ಸನ್ನಿಧಾನಡ್ ಅಷ್ಟಬಂಧ ಪುನರ್ ಪ್ರತಿಷ್ಠಾಪನೆ ಅಂಚನೆ ಬ್ರಹ್ಮಕಲಶಾಭಿಷೇಕ ಮಹೋಚ್ಚಯ ಮಾ.12ಕ್ಕ್ ನಡತ್ಂಡ್.
ಸಿದ್ಧಾಂತಿ ವೇದಮೂರ್ತಿ ಕೇಶವ ಶಾಂತಿ ಬನ್ನಂಜೆ ಮೆರೆನ ಮುತಾಲಿಕೆಡ್ ಸದಾನಂದ ಶಾಂತಿ ಮೆರೆನ ಧಾರ್ಮಿಕ ವಿಧಿ ವಿಧಾನೊಲು ನಡತ್ಂಡ್.
ಶ್ರೀ ದೇವೆರೆನ ಬಿಂಬ ಪ್ರತಿಷ್ಠೆ, ಶ್ರೀ ಪ್ರೇಮಾನಂದ ಸ್ವಾಮೀಜಿ ಮೆರೆನ ಬಿಂಬ ಪ್ರತಿಷ್ಠೆ ಬ್ರಹ್ಮ ಮಂಡಲ ಪೂಜೆ ಕಲಶ ಸ್ಥಾಪನೆ ಕಲಶ ಪೂಜೆ, ತತ್ವಕಲ ಹೋಮ ನಡತ್ಂಡ್.
ವೃಷಭ ಲಗ್ನ ಮೂರ್ತಡ್ ಬ್ರಹ್ಮ ಕಲಶಾಭಿಷೇಕ ನಡತ್ಂಡ್. ಅವೆರ್ದ್ ಬೊಕ್ಕ ಧರ್ಮದರ್ಶಿ ವಿವೇಕಾನಂದ ಮೆರೆನ ಪಟ್ಟಾಭಿಷೇಕ ನಾಗದೇವರೆಗ್ ಪಂಚಾಮೃತ ಅಭಿಷೇಕ ಪರಿವಾರ ದೇವೆರೆಗ್ ಪೂಜೆ ಮೂಕಾಂಬಿಕ ದೇವಿನ ಮಹಾಪೂಜೆ ಪಲ್ಲಪೂಜೆ ಬೊಕ್ಕ ನುಪ್ಪು ಸೇವೆ ನಡತ್ಂಡ್.
ಈ ಪೊರ್ತುಡು ಬ್ರಹ್ಮಕಲಶೋತ್ಸವ ಸಮಿತಿದ ಅಧ್ಯಕ್ಷೆರ್ ಬೊಕ್ಕ ಪದಾಧಿಕಾರಿಲು, ಸರ್ವ ಸದಸ್ಯರು ಬೊಕ್ಕ ಸಾರರ್ದ್ ಎಚ್ಚದ ಭಕ್ತೆರ್ ಇತ್ತೆರ್.
Editorial