ಸುರತ್ಕಲ್: ಕಟೀಲ್ ಉಲ್ಲಂಜೆ ಕ್ರಾಸ್ ಕೈತಲ್ ಮುಗ್ರೋಡಿ ಕನ್ ಸ್ಟ್ರಕ್ಷನ್ ದ ಸುಧಾಕರ ಶೆಟ್ಟಿ ಮೇರ್ ಸೇವಾ ರೂಪವಾದ್ ಕಟ್ಟಾವುನ ಪೊಸ ಸ್ವಾಗತ ಗೋಪುರಗ್ ಕೆಸರ್ ಕಲ್ಲ್ ಪಾಡುನ ಲೇಸ್ ಅಂಗಾರೆ ಕಾಂಡೆ ನಡತ್ಂಡ್.
ಶಿಬರೂರು ವೇದವ್ಯಾಸ ತಂತ್ರಿಲು ಧಾರ್ಮಿಕ ವಿಧಿ ವಿಧಾನನ್ ಮಲ್ತೆರ್.
ಈ ಪೊರ್ತುಡು ಪಾತೆರ್ನ ತಂತ್ರಿಲು, ಮುಗ್ರೋಡಿ ಕನ್ ಸ್ಟ್ರಕ್ಷನ್ ಸಂಸ್ಥೆದಕುಲು ಕಟೀಲು ಶ್ರೀದೇವಿನ ಉತ್ಸವ ಪೊರ್ತುಡು ಕೊಡಮಣಿತ್ತಾಯ ದೈವದ ಭೇಟಿಗ್ ಪೋಪಿನ ಸಾದಿಡ್ ಸ್ವಾಗತ ಗೋಪುರ ನಿರ್ಮಿಸಾಯಿನ ಖುಷಿತ್ತ ವಿಚಾರ. ಸೇವಾಕರ್ತೆರೆನ ಇಚ್ಛೆದಂಚ ಏಪ್ರಿಲ್ 20 ಗ್ ವಾರ್ಷಿಕ ಜಾತ್ರಾ ಮಹೋತ್ಸವ ಪೊರ್ತುಡು ಗೋಪುರ ಲೋಕಾರ್ಪಣೆ ಆವಡ್. ಭಗವದ್ಭಕ್ತೆರೆನ ಆಸೆನ್ ಕಟೀಲ್ ದುರ್ಗೆ ಬೊಕ್ಕ ಶಿಬರೂರು ಕೊಡಮಣಿತ್ತಾಯ ದೈವ ಈಡೇರಿಸಾವಡ್ ಪಂದ್ ಪಂಡೆರ್.
ಕಟೀಲು ಕ್ಷೇತ್ರದ ಅನುವಂಶಿಕ ಅರ್ಚಕೆರ್ ಶ್ರೀಹರಿನಾರಾಯಣ ದಾಸ ಅಸ್ರಣ್ಣೆರ್, ಸೇವಾಕರ್ತೆರ್ ಬೊಕ್ಕ ಇಂಜಿನಿಯರ್ ಲೆಗ್ ಪೂಜಾ ಪ್ರಸಾದ ಕೊರ್ದು ಮಾನಾದಿಗೆ ಮಲ್ತೆರ್.
ಈ ಪೊರ್ತುಡು ಶಿಬರೂರು ಗುತ್ತಿನಾರ್ ಉಮೇಶ್ ಎನ್ ಶೆಟ್ಟಿ, ಪ್ರದ್ಯುಮ್ನ ರಾವ್ ಕೈಯೂರುಗುತ್ತು, ತುಕರಾಮ ಶೆಟ್ಟಿ ಪರ್ಲಬೈಲ್ ಗುತ್ತು, ಜಿತೇಂದ್ರ ಶೆಟ್ಟಿ ಕೋರ್ಯಾರು ಗುತ್ತು, ಸುಬ್ರಮಣ್ಯ ಪ್ರಸಾದ್ ಕೊರ್ಯಾರ್, ಮಧುಕರ ಅಮೀನ್, ಚಂದ್ರಹಾಸ್ ಶಿಬರೂರು, ವಿನೀತ್ ಶೆಟ್ಟಿ ಕೋರ್ಯಾರು ಹೊಸಮನೆ, ದೇವಿಪ್ರಸಾದ್ ಶೆಟ್ಟಿ ಕೊಡೆತ್ತೂರು ಹೊಸಮನೆ, ಮುಗ್ರೋಡಿ ಸೇವಾಕರ್ತರಾಯಿನ ಸುಶಾಂತ್ ಶೆಟ್ಟಿ, ಸುಧಾಕರ ಶಿಬರೂರು, ಇಂಜಿನಿಯರ್ ಸುಬ್ರಮಣ್ಯ, ವಿಜಯರಾಜ್, ದಿನೇಶ್ ಕುಲಾಲ್ ಅಡು ಮನೆ, ರಾಜೇಶ್ ಕುಲಾಲ್, ಪ್ರಸಾದ್ ಕುಲಾಲ್, ನಾರಾಯಣ ಕುಲಾಲ್, ಪ್ರಭಾಕರ ಶೆಟ್ಟಿ ಹೊಸಕಟ್ಟ, ಜಗದೀಶ್ ಶೆಟ್ಟಿ, ಸುದೀಪ್ ಶೆಟ್ಟಿ ಇತ್ತೆರ್.
ವಿದ್ಯುತ್ ದೀಪಾಲಂಕಾರ ಮೂರ್ತ
ತಿಬಾರ್ ಬ್ರಹ್ಮಕುಂಭಾಭಿಷೇಕದ ಪ್ರಯುಕ್ತ ವಿದ್ಯುತ್ ದೀಪಾಲಂಕಾರ ಮೂರ್ತ ಶ್ರೀಕ್ಷೇತ್ರಡ್ ತಿಬಾರಗುತ್ತಿನಾರ್ ಉಮೇಶ ಎನ್ ಶೆಟ್ಟಿ ಅರೆನ ನೇತೃತ್ವಡ್ ಊರ ಗಣ್ಯೆರೆನ ಸಮಕ್ಷಮಡ್ ನಡತ್ಂಡ್. ಅಲಂಕಾರ ಬೊಕ್ಕ ಚಪ್ಪರ ವ್ಯವಸ್ಥೆದ ಗುತ್ತಿಗೆದಾರೆರ್ ಪ್ರಕಾಶ್ ಭಟ್ ಕೃಷ್ಣಾಪುರ ಇತ್ತೆರ್.
pallavi shetty 
Editorial