ಅಟ್ಟಿಲ್ | Recipes

ಭಾರತಗ್ ಒಲಂಪಿಕ್ಸ್ ಡ್ ಕುಡೊಂಜಿ ಪದಕ ಫಿಕ್ಸ್

Jul 30, 2021

ಟೋಕಿಯೋ: ಭಾರತದ ಪಾಲ್ ಗ್ ಇನಿ ಶುಭ ಶುಕ್ರವಾರ. ಮಹಿಳಾ ಬಾಕ್ಸಿಂಗ್ ಕ್ವಾರ್ಟರ್ ಫೈನಲ್‌ಡ್ ಲೊವ್ಲಿನಾ ಬೊರ್ಗೊಹೈನ್ ಚೈನೀಸ್‌ ತೈಪೆಯ ಚೆನ್‌ ನೀನ್‌-ಚಿನ್‌ ವಿರುದ್ದ 4-1 ಅಂತರಡ್ ಗೆಂದುನ ಮುಖೇನ ಸೆಮಿಫೈನಲ್‌ಗ್ ಆಯ್ಕೆ ಆತೆರ್ . ಈ ನೆಲೆಟ್ಟ್ ಭಾರತಗ್ ಕುಡೊಂಜಿ ಪದಕ ಖಚಿತ ಆತುಂಡು .

ಮಹಿಳಾ ವಾಲ್ಟರ್‌ವೇಟ್‌ ವಿಭಾಗಡ್ ಚೈನೀಸ್‌ ತೈಪೆಯ ಚೆನ್‌ ನೀನ್‌-ಚಿನ್‌ ಎದುರು ಪ್ರಾಬಲ್ಯ ಮೆರೆಯಿನ ಲೊವ್ಲಿನಾ ಬೊರ್ಗೊಹೈನ್ ಸೆಮಿಫೈನಲ್‌ ಪೊಗ್ಗುನ ಮುಖೇನ ಇಡೀ ದೇನೇ ಖುಷಿ ಆಪಿಲಕ ಮಲ್ದೆರ್

ಕುಡ್ಲಡ್ ಇನಿ ಬೈಯ್ಯರ್ದ್ ವೀಕೆಂಡ್ ಕರ್ಪ್ಯೂ ಜಾರಿ

Jul 2, 2021

ಕುಡ್ಲ, ಜುಲೈ 2: :ಕರಿನ ವಾರ ಕುಡ್ಲಡ್ ದ.ಕ ಕಟ್ಟುನಿಟ್ಟಾದ್ ಜಾರಿಡ್ ಇತ್ತಿನ ವಾರಾಂತ್ಯ ಕರ್ಫ್ಯೂ ಇತ್ತೇ ಸಡಿಲ ಆತುಂಡು . ವೀಕೆಂಡ್ ಡ್ ಒಂತೆ ರಿಲೀಫ್ ಕೊರ್ತೆರ್ , ರಾತ್ರಿ ಕರ್ಫ್ಯೂ ಕಟ್ಟುನಿಟ್ಟಾದ್ ಜಾರಿ ಮಲ್ಪರೆ ಜಿಲ್ಲಾಡಳಿತ ತೀರ್ಮಾನ ದೈದುಂಡು .

ವಾರಾಂತ್ಯಡ್ ಒವು ಮಾತಾ ಚಟುವಟಿಕೆಗ್ ಅವಕಾಶ?

ಜಿಲ್ಲಾಡಳಿತದ ಮಾರ್ಗಸೂಚಿ ದಾದ ?

ಶುಕ್ರವಾರ ಬೈಯ್ಯ 7 ಗಂಟೆರ್ದ್ ಸೋಮವಾರ ಕಾಂಡೆ 5 ಗಂಟೆ ಮುಟ ವೀಕೆಂಡ್ ಕರ್ಫ್ಯೂ.
ವಾರಾಂತ್ಯ ಕರ್ಫ್ಯೂ ಪೊರ್ತುಡು ಕುಡ್ಲಡ್ ಅಗತ್ಯ ವಸ್ತುಲೆಗ್ ಮಾತ್ರ ಅವಕಾಶ.
ಕಾಂಡೆ 6 ಗಂಟೆರ್ದ್ ಮಧ್ಯಾಹ್ನ 2 ಗಂಟೆ ಮುಟ ಅಗತ್ಯ ವಸ್ತುದ ಖರೀದಿಗ್ ಅವಕಾಶ.
ಆಹಾರ, ದಿನಸಿ, ಫಲವಸ್ತು , ತರಕಾರಿಲು , ಮಾಸ ಬೊಕ್ಕ ಮೀನ್ , ಡೈರಿ, ಪೇರ್ದ ಬೂತ್ ಗ್ ಬೇರ ಮಲ್ಪರೆ ಅವಕಾಶ ಉಂಡು.
ಮಾರ್ಗದ ಬರಿಟ್ ಬೇರ ಮಲ್ಪುನಕುಲು,ನ್ಯಾಯಬೆಲೆ ಅಂಗಡಿಲು , ಮದ್ಯದಂಗಡಿಗ್ ಅವಕಾಶ.
ಸ್ವತಂತ್ರ ಮದ್ಯದಂಗಡಿ ಬೊಕ್ಕ ಅಂಗಡಿಡ್ ಪಾರ್ಸೆಲ್ ಗೆ ಅವಕಾಶ.
ಹೋಟೇಲ್, ರೆಸ್ಟೋರೆಂಟ್ಡ್ ಪಾರ್ಸೆಲ್ ಬೊಕ್ಕ ಹೋಂ ಡೆಲಿವರಿಗ್ ಅವಕಾಶ.
ಬಸ್, ರೈಲು ಬೊಕ್ಕ ವಿಮಾನ ಪ್ರಯಾಣಗ್ ವಿಕೇಂಡ್ ಕರ್ಫ್ಯೂ ಪೊರ್ತುಡು ಅನುಮತಿ.
ವಿಕೇಂಡ್ ಕರ್ಫ್ಯೂಡು ಬಸ್ ಸಂಚಾರಗ್ ಲಾ ಅನುಮತಿ.

ವಿವಿ ಕಾಲೇಜ್ : 425 ಜೋಕ್ಲೆಗ್ ಲಸಿಕೆ

Jun 29, 2021

ಕುಡ್ಲ, ಜೂನ್ 29: ಕೋವಿಡ್‌ ತಡೆ ರಾಷ್ಟ್ರೀಯ ಲಸಿಕಾ ಅಭಿಯಾನದಡಿ ಎನ್‌ಎಸ್‌ಎಸ್‌ ಒಟ್ಟು ಸೇರಿಗೆಡ್ ಪೇಂಟೆದ ವಿಶ್ವವಿದ್ಯಾಲಯ ಕಾಲೇಜ್ ಡ್ ಸೋಮವಾರ ಅಟ್ಟನೆ ಮಲ್ತಿನ ಸುರುತ್ತ ಶಿಬಿರಡ್ 425 ಜೋಕ್ಲೆಗ್ ಲಸಿಕೆ ಕೊರಿಯೆರ್ .

ಜೋಕುಲು ಕಾಲೇಜ್ಗ್ ಬತ್ದ್ ಕೂಪನ್‌ ಪಡೆದ್ , ಕೋವಿನ್‌ ಅಪ್ಲಿಕೇಶನ್‌ಡ್ ಪುದರ್ ನೋಂದಾವಣೆ ಮಲ್ತ್ ಲಸಿಕೆ ಪಡೆಯೆರ್ . ಈ ಪೊರ್ತುಡು ಆರ್‌ಸಿಎಚ್‌ ಅಧಿಕಾರಿ ಡಾ.ಬಿ.ವಿ. ರಾಜೇಶ್‌, ಜೋಕ್ಲೆಗ್ ಕೋವಿಡ್‌ ವಿರುದ್ಧದ ಲಸಿಕೆದ ಉದ್ದೇಶ, ಲಾಭಲು ಬೊಕ್ಕ ವಹಿಸೋಡಾಯಿನ ಮುನ್ನೇಚ್ಚರಿಕೆದ ಬಗ್ಗೆ ಮಾಹಿತಿ ಕೊರಿಯೆರ್.

ಆಸ್ಪತ್ರೆಡ್ ಬೂರ್ದು ತೀರ್ ಪೋಯಿನ ಉಳ್ಳಾಲದ ಜವಣ್ಯೆ

Jun 29, 2021

ಉಳ್ಳಾಲ :, ಜೂನ್ 29: ಆಸ್ಪತ್ರೆಗ್ ತಪಾಸಣೆಗ್ ಪಂದ್ ಪೋಯಿನ ಜವನ್ಯೆ ಬೂರ್ದು ತೀರ್ ಪೋಯಿನ ಘಟನೆ ಕೆ.ಎಂ.ಸಿ ಆಸ್ಪತ್ರೆಡ್ ನಡತುಂಡು .

ಕುಂಪಲ ಆಶ್ರಯ ಕಾಲೊನಿ ನಿವಾಸಿ ರಿಕ್ಷಾ ಚಾಲಕ ರಾಜೇಶ್ ರಾವ್ (31) ತೀರ್ ಪೋಯಿನಾರ್ .ಹೃದಯ ಸಂಬಂಧಿತ ಸಮಸ್ಯೆಗಾದ್ ವಾರದ ಪಿರವು ದೇರಳಕಟ್ಟೆ ಖಾಸಗಿ ಆಸ್ಪತ್ರೆಡ್ ಪರೀಕ್ಷೆ ಮಲ್ತಿತ್ತೆರ್ . ಅಲ್ಪ ಜಾಸ್ತಿ ಬಿಪಿ ಇತ್ತಿನೆನ್ ವೈದ್ಯೆರ್ ಪಂದ್ ಇತ್ತೆರ್ ತಿಗಲೆ ಬೇನೆ ಕಮ್ಮಿ ಆವಂದಿನ ಕಾರಣ ಕುಡ್ಲದ ಆಸ್ಪತ್ರೆಗ್ ಆರ್ನ ದೋಸ್ತಿಲು ಲೆತೊಂದು ಬತ್ತಿತ್ತೆರ್.ಆಸ್ಪತ್ರೆಡ್ ವೈದ್ಯೆರ್ ಬಿಪಿ ಚೆಕ್ ಮಲ್ಪರೆ ಬತ್ತಿಲಕನೇ ರಾಜೇಶ್ ರಾವ್ ಜಾಗೆಡೆ ಬೂರ್ದು ತೀರ್ ಪೋಯೆರ್.

ಮೀರಾ ರೋಡ್ ಶ್ರೀಶನೀಶ್ವರ ಮಂದಿರ:ವಿಶೇಷ ಪೂಜೆ

May 10, 2021

ಮುಂಬಯಿ, ಮೇ 10:ಮೀರಾ ರೋಡ್ ಶ್ರೀ ಶನೀಶ್ವರ ಮಂದಿರಡ್ ಶನಿವಾರದಾನಿ ತಿಂಗೊಲ್ ದ ಮಂಗಳಾದ್ಯಯ ಮಹಾ ಪೂಜೆದ ಪರವಾದ್ ರಡ್ಡನೆ ಶನಿವಾರದಾನಿ ವಾರದ ವಿಶೇಷ ಪೂಜೆ ಶ್ರೀ ಶನೀಶ್ವರ ಗ್ರಂಥ ಪಾರಾಯಣದರ್ದ್ ಬೊಕ್ಕ ಹನುಮಾನ್ ಚಾಲೀಸ್ ಬೊಕ್ಕ ಶ್ರೀ ಶನೀಶ್ವರ ಜಪದರ್ದ್ ಬೊಕ್ಕ ಶ್ರೀ ಶನೀಶ್ವರ ಭಜನಾ ಸಮಿತಿದಕ್ಲೆನೆರ್ದ್ ಭಜನೆ ಆದ್ 7ಗಂಟೆಗ್ ಸರಿಯಾದ್ ಮಹಾ ಮಂಗಳಾರತಿ ತೀರ್ಥ ಪ್ರಸಾದದೊಟ್ಟುಗು ನಡತುಂಡು. ಈ ವಿಶೇಷ ಪೂಜೆಡ್ ಮಂದಿರದ ಜತೆ ಕೋಶಾಧಿಕಾರಿ ಜಯಕರ್ ಶೆಟ್ಟಿ ಮುದ್ರಾಡಿ ಮೆರ್ನ 15ನೇ ಮದಿಮೆದ ವರ್ಷದ ಪರವಾದ್ ಬೊಕ್ಕ ಯವ ಸಮಿತಿದ ಹಿಮಾಂಶ್ ಅಮೀನ್ ಮೆರ್ನ ಪುಟ್ಟು ಪರ್ಬದ ಪರವಾದ್ ಮಂದಿರಡ್ ವಿಶೇಷ ಪೂಜೆ ಮಲ್ತಿನ ಪೊರ್ತುಡು ಗೌರವ ಗುರ್ಕಾರ್ಲಾಯಿನ ವಿನೋದ್ ವಾಘಷಿಯ ಮೇರ್ ಶಾಲ್ ಪಾರ್ದ್ ಪೂಜೆದ ಪ್ರಸಾದ ಕೊರ್ದು ಮಾನದಿಗೆ ಮಲ್ತೆರ್ .

ಈ ಪೊರ್ತುಡು ಗುರ್ಕಾರ್ದಿ ವಿದ್ಯಾ ಅಶೋಕ್ ಕರ್ಕೇರಾ, ಕಾರ್ಯದರ್ಶಿ ಸದಾನಂದ್ ಪೂಜಾರಿ ಕಾರ್ಕಳ, ಜತೆ ಕಾರ್ಯದರ್ಶಿ ಉಷಾ ದಿನೇಶ್ ಶೆಟ್ಟಿಗಾರ್,ಜತೆ ಕೋಶಾಧಿಕಾರಿ ಭಾರತಿ ಅಂಚನ್,ಪೂಜಾ ಸಮಿತಿದ ಉಪಾಧ್ಯಕ್ಷೆ ಜಯಲಕ್ಷ್ಮಿ ಸುವರ್ಣ,ಪೂಜಾ ಸಮಿತಿದ ಕಾರ್ಯದರ್ಶಿ ಶಕುಂತಲಾ ಶೆಟ್ಟಿ. ಮಹಿಳಾ ಸಮಿತಿದ ಯೆಶೋದ ಪೂಜಾರಿ, ಸುಜಾತ ಶೆಟ್ಟಿ,ಆರತಿ ರಾವ್‌, ಬೊಕ್ಕ ಯುವ ಸಮಿತಿದ ಜಯೇಶ್ ಸುವರ್ಣ,ರಿಚೀನ್ ಅಮೀನ್,ಕಾವ್ಯ ಶೆಟ್ಟಿಗಾರ್, ಹಿಮಾಂಶ್ ಅಮೀನ್, ಪ್ರಜ್ಣ ಶೆಟ್ಟಿಗಾರ್, ಅರ್ಚಕೆರಾಯಿನ ನಿರಾವ್ ಭಟ್ ಬೊಕ್ಕ ಶುಶಿಲ್ ಮಿಶ್ರ, ವಿಘ್ಣಹರ್ತ ಡೆವಲಪರ್ ದ ವಿವೇಕಾನಂದ,ಜಾ.ಬೊಕ್ಕ ನನಾತ್ ಸಾಕಾರಿಲು ಈ ಧಾರ್ಮಿಕ ಲೇಸ್ ಗ್ ಸಾಕಾರ ಕೊರಿಯೆರ್.

ಜಗತ್ತ್ ಗ್ ಬೈದಿನoಚಿನ ಕೊರೋನದ ನಿವಾರಣೆಗಾದ್ ಪ್ರಾರ್ಥನೆ ಮಲ್ಪರೆ ಲಾಕ್ ಡೌನ್ ದ ಮಾರ್ಗ ಸೂಚಿದ ಪ್ರಕಾರ
ಈ ವಿಶೇಷ ಪೂಜೆಡ್ ಪಾಲ್ ಪಡೆಯಿನ ಸರ್ವೆರೆಗ್ಲಾ ಸದಾನಂದ್ ಪೂಜಾರಿ ಕಾರ್ಕಳ
ಸೊಲ್ಮೆ ಸಂದೈತ ಮಲ್ತೆರ್.

ಅಗತ್ಯ ಸೇವೆ Emergency Services ಅಟ್ಟಿಲ್ | Recipes ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ವೆನ್ಲಾಕ್ ಆಸ್ಪತ್ರೆದ ಕೋವಿಡ್ ವಾರ್ಡ್ ಗ್ ದ.ಕ. ಜಿಲ್ಲಾಧಿಕಾರಿ ಡಾ.ರಾಜೇಂದ್ರ ಕೆವಿ ಭೇಟಿ

May 1, 2021

ಕುಡ್ಲ, ಮೇ 01 : ಕುಡ್ಲದ ವೆನ್ಲಾಕ್ ಆಸ್ಪತ್ರೆದ ಕೋವಿಡ್ ವಾರ್ಡ್ ಗ್ ದ.ಕ. ಜಿಲ್ಲಾಧಿಕಾರಿ ಡಾ. ರಾಜೇಂದ್ರ ಕೆವಿ ಗುರುವಾರ ಭೇಟಿ ಕೊರ್ದು ಕೋವಿಡ್ ಸೋಂಕಿತೆರ್ ನೊಟ್ಟಿಗೆ ಪಾತೆರ್ದ್ ಚಿಕಿತ್ಸೆ ಬೊಕ್ಕ ಮೂಲ ಸೌಕರ್ಯದ ಬಗ್ಗೆ ಮಾಹಿತಿ ಪಡೆದ್ ಯೋಗಕ್ಷೇಮ ತೆರಿಯೊಂಡೆರ್..

ಅಟ್ಟಿಲ್ | Recipes ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News

ಲಯನ್ಸ್ ಕ್ಲಬ್ ವಿಟ್ಲ ವತಿರ್ದ್ ನೆತ್ತೆರ್ ದಾನ ಶಿಬಿರ

Apr 1, 2021

ವಿಟ್ಲ, ಎಪ್ರಿಲ್ 01: : ಲಯನ್ಸ್ ಕ್ಲಬ್ ವಿಟ್ಲ ವತಿರ್ದ್ ಧ್ವನಿಬೆಳಕು ಸಂಯೋಜಕೆರ್ನ ಒಕ್ಕೂಟ ವಿಟ್ಲ ವಲಯ, ಐಡಿಯಲ್ ಫ್ಯೂಲ್ಸ್ ಮಂಗಳಪದವು ಒಟ್ಟು ಸೇರಿಗೆಡ್ ಕುಡ್ಲ ಜ್ಯೋತಿ ಕೆಎಂಸಿ ಆಸ್ಪತ್ರೆರ್ದ್ ವಿಟ್ಲದ ಒಕ್ಕೆತ್ತೂರು ಸರಕಾರಿ ಶಾಲಾ ವಠಾರಡ್ ಎ.3ಕ್ಕ್ ಕಾಂಡೆ 9.30ಕ್ ಬೃಹತ್ ನೆತ್ತೆರ್ ದಾನ ಶಿಬಿರ ನಡಪರೆ ಉಂಡು .

ಈ ಪೊರ್ತುಡು ಮಂಗಳಪದವು ಐಡಿಯಲ್ ಫ್ಯೂಲ್ಸ್ ವತಿರ್ದ್ ಸುರುತ್ತ 50 ರಕ್ತದಾನಿಲೆಗ್ ಇಂಡಿಯನ್ ಆಯಿಲ್ದ ಉಚಿತ 1 ಲೀಟರ್ ಪೆಟ್ರೋಲ್/ಡೀಸೆಲ್ ಕೊರಿಯರೆ ಉಲ್ಲೆರ್.

ಶ್ರೀ ನಾಗಬ್ರಹ್ಮ ಅದಿಮೊಗೆರ್ಕಳ ಪರಿವಾರ ದೈವಬೊಕ್ಕ ಶ್ರೀ ನಾಗದೇವರ ಪ್ರತಿಷ್ಠಾ ವರ್ಧಂತ್ಯುತ್ಸವ ಬೊಕ್ಕ ದೈವೊಲೆನ ನೇಮೋತ್ಸವ

Mar 30, 2021

ಕುಡ್ಲ, ಮಾರ್ಚ್ಶ್ರೀ 30: ನಾಗಬ್ರಹ್ಮ ಅದಿಮೊಗೆರ್ಕಳ ಪರಿವಾರ ದೈವಬೊಕ್ಕ ಶ್ರೀ ನಾಗದೇವರ ಪ್ರತಿಷ್ಠಾ ವರ್ಧಂತ್ಯುತ್ಸವ ಬೊಕ್ಕ ದೈವೊಲೆನ ನೇಮೋತ್ಸವತಾರೀಖ್ ತಾ. 8-5-2021ನೇ ಶನಿವಾರ ಬೊಕ್ಕ ತಾ. 9-5-2021ನೇ ಐತಾರದಾನಿ ಕಾಂಡೆ ಗಂಟೆ 9.00ರ್ದ್ ವೇದಮೂರ್ತಿ ರಾಜಗೋಪಾಲಾಚಾರ್ಯ ಮೆರ್ನ ಮುತಾಲಿಕೆಡ್ ನಡಪರೆ ಉಂಡು.