ಜೋಕುಲೆ ಚಾವಡಿ | Children’s Corner

ತುಲುವೆರೆ ಕಲ ಜೋಕುಲ್ನ ಪದೊ, ಕತೆ ಪಂತೊ

Mar 12, 2026

ಕುಡ್ಲ: ತುಲುವೆರೆ ಕಲ ಟ್ರಸ್ಟ್(ರಿ.) ಮಂಗಳೂರು ಉಂದೆತ್ತ ಮೂಜನೇ ವರ್ಸೊಚ್ಚಯದ ಸಲಾದ್ ಜೋಕುಲ್ನ ತುಲು ಪದೊ ಅಂಚೆನೇ ಜೋಕುಲ್ನ ತುಲು ಕತೆ ಪಂತೊ ಅಟ್ಟಣೆ ಮಲ್ತ್‌ದ್ಂಡ್. ಪಂತೊಡು ಏರೆಗ್ಲಾ ಪಾಲ್ ಪಡೆವೊಲಿ. ಪದೊ 12 ಸಾಲ್, ಕತೆ 250 ಪದೊಕ್ಲೆನ್ ಮೀರಿಯರೆ ಬಲ್ಲಿ. ಸ್ವಂತ ಬರವುಲಾದಿಪ್ಪೊಡು. ಈ ದುಂಬು ಅಚ್ಚಿ ಆದುಪ್ಪರೆ ಬಲ್ಲಿ, ಓಲುಲಾ ಪಸೆರ್‍ದಿಪ್ಪೆರೆ ಬಲ್ಲಿ. ಪದೊ ಬೊಕ್ಕ ಕತೆ ರಡ್ಡ್ ಎಗ್ಗೆಡ್ಲಾ ಊಂಚಿದ ಮೂಜಿ ಬರವುಲೆಗ್ ಸುರುತ್ತ, ರಡ್ಡನೆ ಬೊಕ್ಕ ಮೂಜನೇ ಪನವುದ ಇನಾಮುಲೆನ್ ಮೇ ತಿಂಗೊಲ್ಡು ನಡಪುನ ತುಲುವೆರೆ ಕಲೊತ್ತ ವರ್ಸೊಚ್ಚಯದ ಲೇಸ್‌ಡ್ ಪಟ್ಟ್‌ದ್ ಮಾನಾದಿಗೆ ಮಲ್ಪೆರುಂಡು. ಅಜತ್ತ್ ಬತ್ತಿನ ಬರವುಲು ಮಸ್ತಿರೆಡ್ ಅಚ್ಚಿ ಆಪುಂಡು. ಬರವುಲೆನ್ ಅಶೋಕ ಎನ್.ಕಡೇಶಿವಾಲಯ- 7760041895 ಅತ್ತ್ಂಡ ವಿಶ್ವನಾಥ ಕುಲಾಲ್ ಮಿತ್ತೂರು- 9900380301 ಒವ್ವಾಂಡಲಾ ಒಂಜಿ ವಾಟ್ಸ್ಯಾಪ್ ನಂಬರ್‌ಗ್ ಮಾ.31ತ್ತ ಉಲಯಿ ಟೈಪ್ ಮಲ್ತ್ ಕಡಪುಡೊಡು ಪಂಡ್ದ್ ಕಲತ್ತ ಗುರ್ಕಾರ್ದಿ ಗೀತಾ ಲಕ್ಷ್ಮೀಶ್ ತೆರಿಪಾದೆರ್.

Sports ಊರ್ದ ಸುದ್ದಿ Regional News ಜೋಕುಲೆ ಚಾವಡಿ | Children's Corner ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಮುಲ್ಕಿ

ಶಾಲೆ ಜೋಕುಲೆನ ಭವಿಷ್ಯ ಕಟ್ಟುನ ಅಪ್ಪೆ ಇಲ್ಲ್ :- ನಾಗರಾಜ್ ಶೆಟ್ಟಿಗಾರ

Nov 11, 2025

ಜೋಕುಲೆಗ್ ಗೊಬ್ಬುನವೇ ಪಾಠ, ಗೊಬ್ಬುನೆಟ್ಟೆ ವಿದ್ಯೆ ಇಂಚಿನ ಕ್ರೀಡಾ ಸೌಲಭ್ಯಲು ಜೋಕುಲೆನ ಬೌದ್ಧಿಕ, ದೈಹಿಕ ಬೊಕ್ಕ ಸಾಮಾಜಿಕ ಬುಲೆಚ್ಚಿಲ್ ಗ್ ಮಸ್ತ್ ಅವಶ್ಯಕ.
ಶಾಲೆ ಜೋಕುಲೆನ ಭವಿಷ್ಯ ಕಟ್ಟುನ ಅಪ್ಪೆ ಇಲ್ಲ್ . ಈ ಕ್ರೀಡಾಪಾರ್ಕ್‌ದ ಒರುಟು, ಪ್ರತಿ ಬಾಲೆದ ತೆಲಿಕೆ, ಕುಸಿ ಬೊಕ್ಕ ಪೊಸತ್ ಕಲ್ಪರೆ ಅವಕಾಶ ಕೊರ್ಪುಂಡು. ಈ ಮಹತ್ವದ ಕಜ್ಜಗ್ ಕೈಜೋಡಾಯಿನೆಕ್ಕ್ ನಮಕ್ ಪೆರ್ಮೆ ಉಂಡು ಪಂದ್ ಮಣಿಪಾಲ್ ಡಾಟ್ ನೆಟ್ ಪ್ರೈ. ಲೀ. ಮಣಿಪಾಲದ ಒತ್ತು ಗುರ್ಕಾರ್ಲು ಅಂಚೆನೆ ಶ್ರೀ ಶಾರದಾ ಹೈಸ್ಕೂಲ್ ದ ಹಿರಿಯ ವಿದ್ಯಾರ್ಥಿ ನಾಗರಾಜ್ ಶೆಟ್ಟಿಗಾರ ತೆರಿಪಾಯೆರ್.
ಆರ್ ಶ್ರೀ ಶಾರದಾ ಸೆಂಟ್ರಲ್ ಸ್ಕೂಲ್, ಶಿಮಂತೂರುದ ಮಣಿಪಾಲ್ ಡಾಟ್ ನೆಟ್ ಪ್ರೈ. ಲೀ. ಕೊಡುಗೆಯಾದ್ ಕೊರ್ನ ಒನ್ ಗುಡ್ ಸ್ಟೆಪ್ ಬೆಂಗಳೂರು ಕಾರ್ಯಗತ ಮಲ್ತಿನ ಪೊಸತ್ ಎಲ್ಯ ಜೋಕುಲೆನ ಕ್ರೀಡಾ ಪಾರ್ಕ್ ದ ಉದಿಪನಡ್ ಪಾಲ್ ಪಡೆದ್ ಕಾರ್ಯಕ್ರಮಗ್ ಎಡ್ಡೆಪ್ಪುಲು ಬಯಕಿಯೆರ್.
ಈ ಲೇಸ್ ದ ಗುರ್ಕಾರ್ಮೆನ್ ಶಿಮಂತೂರುದ ಶ್ರೀ ಶಾರದಾ ಸೊಸೈಟಿಯ ಗುರ್ಕಾರ್ಲು ಧರ್ಮದರ್ಶಿ ಡಾ. ಹರಿಕೃಷ್ಣ ಪುನರೂರು ವಹಿಸೊಂದು, ಇತ್ತೆದ ಜೋಕುಲು ಎಲ್ಯ ಪ್ರಾಯನ್ ರಂಗ್ ಮಲ್ಪುನ ನಮ್ಮ ಜವಾಬ್ದಾರಿ. ಮೊಬೈಲ್ ಬೊಕ್ಕ ಟೆಕ್ನಾಲಜಿದ ಜಗತ್ತ್ ಡ್ ಜೋಕುಲು ಪಿದಾಯಿ ಗೊಬ್ಬು ಗೊಬ್ಬುಲೆರ್ದ್ ದೂರ ಆಪುನ ಪೊರ್ತುಡು ಇಂಚಿನ ಉಪಕ್ರಮಲು ಜೋಕುಲೆನ್ ಪ್ರಕೃತಿದೊಟ್ಟು ಸೇರಾವುಂಡು ಪಂಡೆರ್.
ಕಾರ್ಯಕ್ರಮಡ್ ಒನ್ ಗುಡ್ ಸ್ಟೆಪ್ ಬೆಂಗಳೂರುದ ನಿರ್ದೇಶೆಕೆರ್ ಭಾಸ್ಕರ್ ಸಿಎನ್, ಯೋಜನಾ ನಿರ್ದೇಶಕಿ ಕು. ಅಲ್ಕ ಪೈ, ಶ್ರೀ ಶಾರದಾ ಸೊಸೈಟಿದ ಕೋಶಾಧಿಕಾರಿ ಭುವನಾಭಿರಾಮ ಉಡುಪ ಕೆ, ನಿರ್ದೇಶೆಕೆರ್ ಸುರೇಶ್ ರಾವ್ ನೀರಳಿಕೆ, ಶಿಕ್ಷಕರಕ್ಷಕ ಸಂಘದ ಅಧ್ಯಕ್ಷೆರ್ ಸುಮನ ಉಪಸ್ಥಿತರಿತ್ತೆರ್.
ಶಾಲಾ ಸಂಚಾಲಕೆರ್ ದೇವಪ್ರಸಾದ್ ಪುನರೂರು ಪ್ರಾಸ್ತಾವಿಕ ಪಾತೆರದೊಟ್ಟು ಎದ್ಕೊಂಡೆರ್, ಪ್ರಾಚಾರ್ಯ ಜಿತೇಂದ್ರ ವಿ ರಾವ್ ಹೆಜಮಾಡಿ ಸೊಲ್ಮೆ ಸಂದಾಯ ಮಲ್ತೆರ್, ಸಹ ಶಿಕ್ಷಕಿ ಅಮಿತಾ ಕುಮಾರಿ ಕಾರ್ಯಕ್ರಮ ನಿರೂಪಣೆ ಮಲ್ತೆರ್.

ಕುಡ್ಲದ ಸುದ್ದಿ | Mangalore News ಜೋಕುಲೆ ಚಾವಡಿ | Children's Corner ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಪಿಯುಸಿ ಪರೀಕ್ಷೆಡ್ ಸಾಧನೆ ಮಲ್ತಿನ ಕ್ರಿಯೇಟಿವ್ ಪದವಿಪೂರ್ವ ಕಾಲೇಜ್ದ ಕಲ್ಪಾರ್ಥಿಲು

Jun 18, 2022

ಪಿಯುಸಿ ಪರೀಕ್ಷೆಡ್ ಸಾಧನೆ ಮಲ್ತಿನ ಕ್ರಿಯೇಟಿವ್ ಪದವಿಪೂರ್ವ ಕಾಲೇಜ್ದ ಕಲ್ಪಾರ್ಥಿಲು

ಕಾರ್ಲ : ಹಿರ್ಗಾನಡ್ ಉಪ್ಪುನ ಕ್ರಿಯೇಟಿವ್‌ ಪ.ಪೂ ಕಾಲೇಜ್ದ ಕಲ್ಪಾರ್ಥಿಲು ದ್ವಿತೀಯ ಪಿಯುಸಿ ಪರೀಕ್ಷೆಡ್ ಎಡ್ಡೆ ಅಂಕೊ ಪಡೆತೆರ್.

ಕಾಲೇಜ್ ದ ವಿಜ್ಞಾನ ವಿಭಾಗದ ಕಲ್ಪಾರ್ಥಿಲಾಯಿನ ರಿಶೆಲ್‌ ಜೆಸ್ಸಿಕಾ ಸಲ್ಡಾನ ಬೊಕ್ಕ ರಿಧಿ ಎಸ್‌ ಕುಂಟಾಡಿ 591 ಅಂಕೊ ಪಡೆದ್ ರಾಜ್ಯೊಗೂ 8 ನೇ ರ‍್ಯಾಂಕ್‌ ಪಡೆತೆರ್ . ಬೊಕ್ಕ ಸಹನಾ ಕಾಟೇನಹಳ್ಳಿ 591 ಅಂಕೊ ಪಡೆದ್ 9 ನೇ ರ‍್ಯಾಂಕ್‌ ಪಡೆತೆರ್ . ವಾಣಿಜ್ಯ ವಿಭಾಗಡ್ ಅಶ್ವಿತಾ 590 ಅಂಕೊ ಪಡೆದ್ ರಾಜ್ಯೊಗೂ 7ನೇ ರ‍್ಯಾಂಕ್‌ ಪಡೆತೆರ್ ಜಿ ಗೌಡ 589 ಅಂಕ ಪಡೆದ್ ರಾಜ್ಯೊಗೂ 8 ನೇ ತಾನೊ ,ಬೊಕ್ಕ ಸುಮಾ ಬೊಕ್ಕ ಅನನ್ಯ ಹೆಗಡೆ 588 ಅಂಕೊ ಪಡೆದ್ ರಾಜ್ಯೊಗೂ 9ನೇ ತಾನೋ ಪಡೆತೆರ್ .ಒಟ್ಟು 112 ಕಲ್ಪಾರ್ಥಿಲು ವಿಶಿಷ್ಟ ಶ್ರೇಣಿದ , 61 ಕಲ್ಪಾರ್ಥಿಲು ಸುರುತ ಶ್ರೇಣಿ ಡ್ ತೇರ್ಗಡೆ ಆತೆರ್ .

ಜೋಕುಲೆ ಚಾವಡಿ | Children's Corner ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News ರಪಕ್ಕ ಸುದ್ದಿ Flash News

ದೇಶ ಪರ್ಯಟನೆಗ್ ಪಿದಾಡಿಯೆರ್ ಕುಡ್ಲದ ಜವಣ್ಯೆರ್ : ” NoMad People ” ಕೂಟದ ಆಲ್ ಇಂಡಿಯಾ ರೈಡ್

Jun 8, 2022

ದೇಶ ಪರ್ಯಟನೆಗ್ ಪಿದಾಡಿಯೆರ್ ಕುಡ್ಲದ ಜವಣ್ಯೆರ್ : ” NoMad People ” ಕೂಟದ ಆಲ್ ಇಂಡಿಯಾ ರೈಡ್

ನಾಲ್ ಗಾಲಿ ದೇಹನ್ ದುಂಬು ಕೊನೊಂಡ, ರಡ್ಡ್ ಗಾಲಿ ಆತ್ಮನ್ ದುಂಬು ಕೊನೊಪುಂಡು ಪನ್ಪಿ ಪಾತೆರ ಉಂಡು. ಮೂಲೊಂಜಿ ಕುಡ್ಲದ ಬೆಚ್ಚ ನೆತ್ತೆರ್ದ ಲತ್ತ್ ಜವಣ್ಯೆರ್ನ ಕೂಟ ಒಂಜಿ ದೇಶ ಪರ್ಯಟನೆಗ್ ಪೋದು ಅಲ್ಪದ ಜನಕ್ಲೆನ ಆಚಾರ ಇಚಾರ, ಸಂಸ್ಕೃತಿ ಸಂಪ್ರದಾಯ, ತೆನಸ್ ವನಸ್ ದ ಬಗ್ಗೆ ತೆರಿಯೊನೆರೆ ಪೋತಿನ ಕುಡ್ಲದ ಜನಕ್ಲೆಗ್ ಪೆರ್ಮೆ ಪಂಡ ತಪ್ಪಾವಂದ್.

ಒಂಜತ್ತ್ ರಡ್ಡತ್ತ್ ಬರೋಬ್ಬರಿ 13 ರಾಜ್ಯ 11 ಸಾರರ್ದ್ ಲಾ ಜಾಸ್ತಿ ಕಿಮೀ ಬೊಕ್ಕ ಒಂಜರೆ ತಿಂಗೊಲ್ದ ಪಯಣ ಮುಖೇನ ‘ಆಲ್ ಇಂಡಿಯಾ ರೈಡ್‌ ಗ್ ‘ ಕುಡ್ಲದ ಜವಣ್ಯೆರ್ ತನ್ನ ತನ್ನ ಬೈಕ್‌ ಏರೊಂದು ಪಿದಾಡ್ದೆರ್ .

ದೇಶೊದ ಬೇತೆ ಬೇತೆ ರಾಜ್ಯೊದ ಸಂಸ್ಕೃತಿ, ಆಚಾರ-ವಿಚಾರದ ಪೊಲಬು ಮಲ್ತೊಂದು ಅವೆನ್ “ನೋ ಮ್ಯಾಡ್ ಪೀಪಲ್ “ ಪನ್ಪಿನ ಯೂಟ್ಯೂಬ್ ಚಾನೆಲ್ ದ ಮುಖೇನ ಜನಕ್ಲೆಗ್ ಪಟ್ಟೊಂದು ಉಲ್ಲೆರ್.

ಅಂದ್ ಈ ಜವಣ್ಯೆರ್ ಮೂಲತಃ ಕುಡ್ಲದಕುಲು. ಶಿಶಿರ್ ಶೆಟ್ಟಿ, ಮೋಕ್ಷಿತ್ ಪೂಜಾರಿ, ಆದಿತ್ಯ ನಾಯಕ್ ಧನುಷ್ ಶೆಟ್ಟಿ, ಪವನ್ ಶೆಟ್ಟಿ, ಗಗನ್ ದೀಪ್ ಗೌಡ, ದೀಕ್ಷಿತ್ ಕುಮಾರ್ ಪುದರ್ ದ ಜವಣ್ಯೆರ್ನ ಕೂಟ, ಒಟ್ಟುಗು ಬೆನ್ನಿ ಬೆನೊಂದು ತನ್ನ ಕಸುಬುದೊಟ್ಟುಗು ದೂರದ ಊರುಗು ಬೈಕ್‌ಡ್ ಪೋಪಿನಿ ಪಂಡ ಬಾರಿ ಪ್ರೀತಿ. ಇತ್ತೆ ದೇಶದ 13 ರಾಜ್ಯ ಸುತ್ತುನ ಕನ ಮೇ 24 ಕ್ಕ್ ನಂಬಿನಕ್ಲೆಗ್ ಇಂಬು ಕೊರ್ಪಿನ ಕೊರಗಜ್ಜನ ಸಾನಿಧ್ಯೊಡು ಸುರು ಆತುಂಡು.

ಈ ಜವಣ್ಯೆರ್ ತನ್ನ ಬೈಕ್ ಡ್ ಪ್ರಯಾಣ ಸುರು ಮಲ್ದೆರ್ . ಬೈಕ್‌ದ ನಾಲ್ ಕಡೆಟ್ ದಿನ ನಿತ್ಯ ಗಲಸುನ ವಸ್ತು ಅಂಚನೆ ಕ್ಯಾಮರಾ ಪಾಡೊಂದು ಪ್ರತಿದಿನ ಪೋಪುನಂಚಿನ ರಾಜ್ಯೊದ ಸಂಸ್ಕೃತಿ, ತೆನಸ್ ದ ಪದ್ದತಿ, ಆಚಾರದ ಬಗ್ಗೆ ಮಾಹಿತಿನ್ ಪಡೆಯೊಂದು ತನ್ನ ಯೌಟ್ಯೂಬ್ ಚಾನೆಲ್ ಡ್ ಜನಕ್ಲೆಗ್ ಪಟ್ಟುನ ಕಜ್ಜ ಮಲ್ತೊಂದು ಉಲ್ಲೆರ್.
ಈ ರೈಡ್ ಗಾದ್ ಈ ಜವಣ್ಯೆರ್ ತನ್ನ ಬೈಕ್‌ನ್ ವಿಶೇಷ ರೀತಿಡ್ ತಯಾರ್ ಮಲ್ದೆರ್ . ಬೈಕ್‌ಡ್ ಟೂಲ್‌ಕಿಟ್‌ರ್ದ್ ಪತ್ತ್ ದ್ ಅಂಗಿ ಕುಂಟು, ತೆನಸ್ ಇಂಚ ಮಾತಲ ಬಾಕ್ಸ್‌ ಮಾದರಿಡ್ ಬೈಕ್‌ ನ್ ಮೋಡಿಫೈ ಮಲ್ದೆರ್ . ನೆತ್ತ ಒಟ್ಟುಗು ಹೆಲ್ಮೆಟ್‌ಡ್ ವಿಶೇಷವಾಯಿನ ಕ್ಯಾಮೆರಾ, ಮೈಕ್ರೋಫೋನ್‌ ದ ಮುಖೇನ ನಿರಂತರ ಪೋವೊಂದು ಉಪ್ಪುನ ಬೈಕ್‌ರ್ದ್ ಪಾತೆರ ಸುರು ಮಲ್ಪುವೆರ್.ಇಂಚ ನನಲ 1 ತಿಂಗೊಲು ಬೇತೆ ಬೇತೆ ಸಂಸ್ಕೃತಿ ,ಸಂಪ್ರದಾಯದ ಪೊಲಬು ಪಟ್ಟೆರೆ ಈ ಜವಣ್ಯೆರ್ ತಯಾರ್ ಆದ್ ಉಲ್ಲೆರ್.

“ಕನಸೆಂಬ ಕುದುರೆಯನ್ನೇರಿ ನಾ ಹೊರಟಿರುವೆ ” ಪನ್ಪಿನ ಪಾತೆರದಲಕ ತನ್ನ ಕಸುಬುನು ಬುರ್ದು ಬೇತೆ ಜಾಗೆದ ಅನುಭವ ಪಡೆಯೆರೆ ಪಿದಾಡ್ದೆರ್ ಈ ಜವಣ್ಯೆರ್. ಜಗತ್ತ್ ದ ಮೂಜನೆ ಕಣ್ಣ್ ಕೆಮರಾ, ಕೆಮರಾ ಪತ್ತೆರೆ ಮಾತೆರೆಗ್ಲಾ ಬರ್ಪುಂಡು ಆಂಡ ಅವೆನ್ ಪತ್ತ್ ದ್ ಪೊರ್ಲುದ ಪೋಟೋ ಕ್ಲಿಕ್ ಮಲ್ಪರೆ ಹವ್ಯಾಸಿ ಪೋಟೋಗ್ರಾಪರ್ ಗಾತೆ ಸಾಧ್ಯ . ಈ ಹವ್ಯಾಸ ಮಾತೆರೆಗ್ಲಾ ಬರ್ಪುಜಿ. ಪೊರ್ತು ಸಂದರ್ಭ ಸನ್ನಿವೇಶದ ಶಾಶ್ವತ ನೆಂಪುನು ನೆಂಪು ಮಲ್ಪುನಲ್ಪ ಇಂಚಿನ ಜವಣ್ಯೆರ್ನ ಪಾತ್ರ ಬಾರಿ ಮುಖ್ಯ. ಪೊಲಬು ದಾoತಿ ಜಾಗೆದ ಪೊಲಬುನು ಜನಕ್ಲೆನ ಕಾರ ಮುದೆಲ್ಗ್ ಮುಟ್ಟಾವುನ ಬೇಲೆ ಮಲ್ತೊಂದು ಉಪ್ಪುನ ” No Mad People “ ಕೂಟದ ಜವಣ್ಯೆರ್ನ ಈ ಕಜ್ಜ ಲೊಕೊರ್ಮೆ ಪಸರಡ್ ಪನ್ಪಿನವು ಟೈಮ್ಸ್ ಆಫ್ ಕುಡ್ಲ ಪತ್ರಿಕೆದ ಆಶಯ.

ಇತ್ತೆದ ಯುವ ಸಮುದಾಯ ಎಲ್ಯ ಎಲ್ಯ ಕಾರಣೊಗು ಜೀವ ದೆತ್ತೊನುನ ನಿರ್ಧಾರ ಮಲ್ಪುವೆರ್ ಉಂದೆನ್ ತಪ್ಪಾಯೆರೆ ಜವಣ್ಯೆರ್ ಇಲ್ಲ್ ಬುಡ್ದು ಪಿದಾಯಿ ಬಲೆ , ದೇಶ ಸುತ್ತುದು ಹಳ್ಳಿ ಹಳ್ಳಿಗ್ ಪೋದು ಜನಕ್ಲೆನ ಒಟ್ಟುಗು ಪಾತೆರ್ಲೆ .ಪ್ರಕೃತಿದ ರುಚಿ ಪಡೆದ್ ಮನಸ್ ಬದಲ್ ಮಲ್ಪೊಲಿ ಅಲ್ಪದ ಆಚಾರ ಇಚಾರನ್ ನಾಲ್ ಜನಕ್ ಪಟ್ಟುನ ಕಿನ್ಯ ಪ್ರಯತ್ನ ಈ ಕೂಟದವು ಪಂದ್ ಕೂಟದ ಸದಸ್ಯೆರಾಯಿನ ಶಿಶಿರ್ ಶೆಟ್ಟಿ ಪನ್ಪೆರ್.

ಬರವು : ಶ್ರೀನಿಧಿ ಶೆಟ್ಟಿ

Religious & Cultural News ಮಾತ ಧರ್ಮದ ಸುದ್ದಿ ಜೋಕುಲೆ ಚಾವಡಿ | Children's Corner ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಒರಿಯಗೊರಿ ಆಕೋನುನನೇ ಮುಲ್ಪದ ಇಸೇಸತೆ : ಉಂದು ಉಳ್ಳಾಕುಲು ದೈವದ ನೇಮೋಚ್ಚಯದ ಇಸೇಸತೆ

May 1, 2022

ಒರಿಯಗೊರಿ ಆಕೋನುನನೇ ಮುಲ್ಪದ ಇಸೇಸತೆ : ಉಂದು ಉಳ್ಳಾಕುಲು ದೈವದ ನೇಮೋಚ್ಚಯದ ಇಸೇಸತೆ

ಕುಡ್ಲದ ಸುಳ್ಯ ತಾಲೂಕುದ ಮಂಡೆಗೋಲು ಗ್ರಾಮದ ಜನಕುಲು ಪಿರಾಕ್ ರ್ದೇ ಮಂಡೆಗೋಲು ಮಹಾ ವಿಷ್ಣುಮೂರ್ತಿ ದೇವಸ್ಥಾನಡ್ ಉಳ್ಳಾಕುಲು ದೈವದ ನೇಮೋಚ್ಚಯನ್ ನಡಪಾವೊಂದು ಬೈದೆರ್. ಒರಿಯಗೊರಿ ಆಕೊನುನ ಮುಲ್ಪದ ಆರಾಧನಾ ಕ್ರಮ.

ಉಂದು ದಕ್ಷಿಣ ಕನ್ನಡ ಜಿಲ್ಲೆದ ಸುಳ್ಯ ತಾಲೂಕುದ ಮಂಡೆಗೋಲು ಪರಿಸರದ ಜನ ಆಚರಣೆ ಮಲ್ತೊಂದು ಬೈದಿನ ಒಂಜಿ ವಿಶಿಷ್ಟ ರೀತಿದ ಕ್ರಮ . ಅಂಚನೆ ಈ ಆಚರಣೆ ರಕ್ತಪಾತಗೋಸ್ಕರ ಅತ್ತ್ . ನಾಡ್ ಡ್ ಸಂಘರ್ಷನ್ ಉಂತಾವುನವು
ಈ ಆರಾಧನೆದ ಮುಖ್ಯ ಉದ್ದೇಶ.

ಉಳ್ಳಾಕುಲು ದೈವದ ನೇಮೋಚ್ಚಯದ ಬಗ್ಗೆ ಗ್ರಾಮಸ್ಥೆರ್ ಪಂಡಿನ ಪ್ರಕಾರ
ಒರಿಯಗೊರಿ ಪೆಟ್ಟ್ ಮಲ್ಪುನೆನ್ ತೂನಗ ಅಕ್ಲೆನ ನಡುಟು ಬಾರಿ ಕೋಪ ತೊಡಗಿಕೊಂಡಿರುವುದನ್ನು ಉಂಡು ಪನ್ಪಿನ ರೀತಿಡ್ ಲಡಾಯಿ ಮಲ್ಪುವೆರ್ ನೆಕ್ಕ್ ಅಡ್ಡಣಪೆಟ್ಟು ಪನ್ಪಿನ ವಿಶಿಷ್ಟ ಆಚರಣೆನ್ ಸುರುತ ಸಲ ತೂಪಿನಕುಲು ಎನ್ನುವೆರ್ ಆಂಡ , ಈ ಆಚರಣೆ ವೈಷಮ್ಯನ್ ಮೀರ್ದ್ ಶಾಂತಿ ಕಾಪುನ ನೆಲೆತ್ತು ಮಲ್ಪುನ ಒಂಜಿ ರೀತಿದ ವಿಶಿಷ್ಟ ಪೆಟ್ಟ್ .

ಉಂದು ತುಳುನಾಡ್ ದ ಭೂತಾರಾಧನೆಡ್ ಬರ್ಪಿನ ಒಂಜಿ ವಿಶಿಷ್ಟ ಆಚರಣೆ. ದಕ್ಷಿಣ ಕನ್ನಡ ಜಿಲ್ಲೆದ ಸುಳ್ಯ ತಾಲೂಕುದ ಮಂಡೆಗೋಲು ಮಹಾ ವಿಷ್ಣುಮೂರ್ತಿ ದೇವಸ್ಥಾನಡ್ ನಡಪುನ ಉಳ್ಳಾಕುಲು ದೈವದ ನೇಮೋಚ್ಚಯಡ್ ತೋಜಿದ್ ಬರ್ಪಿನ ಒಂಜಿ ರೋಮಾಂಚಕ ದೃಶ್ಯ ಉಂದು . ಪಿರಾಕ್ ಡ್ ಈ ಜಾಗೆನ್ ಬಳ್ಳಾಲೆರ್ ಆಳೊಂದು ಇತ್ತಿನ ಪೊರ್ತುಡು ಮುಲ್ಪದ ಮೆಗ್ಗೆ ಪಲಯೆಡ ಜಾಗದ ವಿಷಯಗ್ ಸಂಬಂಧಿ ಲಡಾಯಿ ಆಯಿನ ಒಂಜಿ ಇಚಾರ ಒಂಜಿ ಘಟಗ್ ಬತ್ತ್ ದ್ ಉಳ್ಳಾಲೆರ್ ದೇವೆರೆನ್ ಸಾಕ್ಷಿಯಾದ್ ದೀಯೊಂದು , ನ್ಯಾಯ ಧರ್ಮಗೋಸ್ಕರ ಅಣ್ಣ ಮೆಗ್ಗೆ ನಕ್ಲೆನ ನಡುಟು ಪಂಥಗೋಸ್ಕರ ಯುದ್ದ ಮಲ್ಪುವೆರ್ .

ಯುದ್ದ ಎಲ್ಲೆ ಮೀರ್ದ್ ರಕ್ತಪಾತ ಆಪಿನ ಪೊರ್ತುಡು ಸ್ವತಃ ದೈವನೇ ಬತ್ತ್ ದ್ ಅಣ್ಣ ಮೆಗ್ಗೆ ನಕ್ಲೆನ ನಡುಟು ಲಡಾಯಿ ಉಂತಾವೆರ್ ನಾಡ್ ಡ್ ಸಂಘರ್ಷ ಆಪಿನೆನ್ ಉಂತಾವುನ ನೆಲೆಟ್ಟ್ ಉಂದು ಆರಾಧನಾ ಪದ್ಧತಿಯಾದ್ ಪಿರಾಕ್ರ್ದ್ ಆಚರಣೆ ಮಲ್ತೊಂದು ಬೈದೆರ್ , ಅಡ್ಡನ ಪೆಟ್ಟ್ ಪನ್ಪಿನ ಮುಖೇನ ಪುದರ್ ಪಡೆತುಂಡು.

ಅಡ್ಡನ ಪೆಟ್ಟ್ ಡ್ ಮುಲ್ಪದ ನಾಲ್ ಊರುನು ಪ್ರತಿನಿಧಿಸಾವುನ ನಾಲ್ ಜನ ಪೆಟ್ಟ್ ಮಲ್ಪುನವು ನೆತ್ತ ಸಂಪ್ರದಾಯ.

ಜೋಕುಲೆ ಚಾವಡಿ | Children's Corner ತುಳು ಸುದ್ದಿ ದೇಶಡ್ ನಡಪಿನ ಸುದ್ದಿ | National News ಪರ ಪೋಕುದ ಕತೆಕುಲು Literature Stories ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News ರಪಕ್ಕ ಸುದ್ದಿ Flash News

ಪ್ಲಾಸ್ಟಿಕ್ ಸರ್ಜರಿಡ್ ಪ್ಲಾಸ್ಟಿಕ್ ಏ ಇಜ್ಜಿ ಆಂಡಲಾ ಆ ಪುದರ್ ದಾಯೆ ಬತ್ತ್oಡ್ ತೆರಿಯೊನುಗ ಬಲೆ

Apr 16, 2022

ಪ್ಲಾಸ್ಟಿಕ್ ಸರ್ಜರಿ ಪನ್ಪಿನ ಪುದರ್ ನಂಕ್ ಮಾತಾ ತೆರಿನವು . ಆಂಡ ಸರ್ಜರಿ ಮಲ್ಪುನಗ ಪ್ಲಾಸ್ಟಿಕ್ ಗಲಸುಜೆರ್ ಆಂಡಲಾ ದಾಯೆ ಇಂಚ ಪನ್ಪೆರ್ ಪಂದ್ ಏಪ ಆಂಡಲಾ ಯೋಚನೆ ಮಲ್ದರಾ? ಈ ಬಗ್ಗೆ ಮಾಹಿತಿ ಮೂಲು ಉಂಡು ಉಂದು ಸ್ತನದ ಇಂಪ್ಲಾಂಟ್‌ದೊಟ್ಟುಗು ಸಂಪರ್ಕ ಪಡೆತುಂಡು . ‘ಪ್ಲಾಸ್ಟಿಕ್ ಸರ್ಜರಿ’ ಪನ್ಪಿನ ಪದನ್ ಸುರುಟು 1837 ಟ್ಟ್ ವೈದ್ಯಕೀಯ ಜರ್ನಲ್ ದಿ ಲ್ಯಾನ್ಸೆಟ್‌ಡ್ ಗಲಸಿಯೆರ್ . ಈ ಸರ್ಜರಿಡ್ ಪ್ಲಾಸ್ಟಿಕ್ ಪನ್ಪಿನ ಪದನ್ ಸೇರಯೆರೆ ಕಾರಣ ದಾದ ಪಂಡ ಮಿರೆ ತ ಇಂಪ್ಲಾಂಟ್‌ಲೆನ್ ಸಿಲಿಕೋನ್ ಶೆಲ್‌ರ್ದ್ ತಯಾರ್ ಮಲ್ಪುವೆರ್ . ಉಂದು ಸಿಲಿಕೋನ್ ಜೆಲ್‌ರ್ದ್ ಉಪ್ಪುಂಡು ಪಂದ್ ಡಾ. ಬ್ರಿಯಾನ್ ಡೋರ್ನರ್ ಪಂಡೆರ್ . ಆಶ್ಚರ್ಯಕರವಾದ್ , ಸಿಲಿಕೋನ್ ಲಾ ಒಂಜಿ ರೀತಿದ ಪ್ಲಾಸ್ಟಿಕ್ ಆದ್ ಉಂಡು . ರಬ್ಬರ್ ಬೊಕ್ಕ ಪ್ಲಾಸ್ಟಿಕ್ ಮಿಶ್ರಣರ್ದ್ ಅವೆನ್ ತಯಾರ್ ಮಲ್ಪುವೆರ್.

ಪ್ಲಾಸ್ಟಿಕ್ ಪನ್ಪಿನವು ಲ್ಯಾಟಿನ್ ಪದ. ಪ್ಲಾಸ್ಟಿಕ್ ಕಜವುರ್ದು ಬೈದುಂಡು ಪಂದ್ ವರದಿ ಪನ್ಪುಂಡು . ಓವೆನ್ ಆಂಡಲಾ ಸರಿ ಆಪಿಲಕ ಗಾತ್ರ ಬದಲ್ ಮಲ್ಪುನು ಪಂಡ ಪ್ಲಾಸ್ಟಿಕ್ ಪಂದ್ ಅರ್ಥ . ಬೇತೆ ಬೇತೆ ರೂಪೋಡು ಮಲ್ಪೊಲಿ . 17 ನೇ ಶತಮಾನಡ್ , ಈ ಪದನ್ ಜಾಸ್ತಿ ಗಲಸೆರೆ ಸುರು ಮಲ್ತೆರ್.

ಈ ರೀತಿಯಾದ್ ನರಮಾನಿ ಜೀವದ ಒವ್ವೆ ಭಾಗಗ್ ಶಸ್ತ್ರಚಿಕಿತ್ಸೆರ್ದ್ ಆಪುಂಡು , ಅಂಚಾದ್ ಅವೆನ್ ಪ್ಲಾಸ್ಟಿಕ್ ಸರ್ಜರಿ ಪಂದ್ ಪನ್ಪೆರ್ . ಪ್ರಸ್ತುತ ಜೀವಗ್ ಎಡ್ಡೆ ಬೊಕ್ಕ ಸರಿಯಾಯಿನ ಆಕಾರನ್ ಕೊರಿಯೆರೆ ಪ್ಲಾಸ್ಟಿಕ್ ಸರ್ಜರಿ ಮಲ್ಪುನಕ್ಲೆನ ಸಂಖ್ಯೆ ಲೋಕಡ್ ಜಾಸ್ತಿ ಉಂಡು .

How Plastic surgery got its name:

Plastic is a Latin word.It has a connection to breast implants.The term plastic surgery was first used in a medical journal ‘ The Lancet ‘ in the year 1837.
The breast implants were made using silicone shells which is got from silicone jell.Silicone jell is a type of plastic got from mixing rubber and plastic.
Plastic surgery is done to recharge a part of a human body that has been damaged or to beautify or to give a right structure to some part of the body

ಗೌಜಿ ಗಮ್ಮತ್ ದ ಸುದ್ದಿ | Events & Functions ಜೋಕುಲೆ ಚಾವಡಿ | Children's Corner ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಸರಿಗಮಪ ಚಾಂಪಿಯನ್ ಶಿಪ್’ ಗ್ರಾಂಡ್ ಫಿನಾಲೆ ಗಾಯಕಿ ನಂದಿತಾ ಕೂಟ ವಿನ್ನರ್

Feb 27, 2022

ಬೆಂಗ್ಳೂರು : ಜೀ ಕನ್ನಡ ವಾಹಿನಿದ ರಿಯಾಲಿಟಿ ಶೋ ‘ಸರಿಗಮಪ ಚಾಂಪಿಯನ್ ಶಿಪ್’ ಸ್ವರಸಮರ ಗ್ರಾಂಡ್ ಫಿನಾಲೆಡ್ ಗಾಯಕಿ ನಂದಿತಾ ಕೂಟ ವಿನ್ನರ್ ಆತೆರ್ .ಸುರುತ ತಾನೋ ಪಡೆಯಿನ ನಂದಿತಾ ಕೂಟಡ್ ಪೃಥ್ವಿ ಭಟ್, ರಜತ್ ಹೆಗಡೆ, ಸುಪ್ರಿಯಾ ಜೋಶಿ, ಕೀರ್ತನ್ ಹೊಳ್ಳ, ಚನ್ನಪ್ಪ, ಸುಹಾನಾ ಸೈಯದ್ ಇತ್ತೆರ್ .

ಅನುರಾಧ ಭಟ್ ಮೆರೆನ ಕೂಟ ಸುರುತ ರನ್ನರ್ ಅಪ್ ಆದ್ , ಇಂದೂ ನಾಗರಾಜ್ ಕೂಟ ರಡ್ಡನೇ ರನ್ನರ್ ಅಪ್ ಆತೆರ್ .ಹೇಮಂತ್ ಕೂಟದ ಕಂಬದ ರಂಗಯ್ಯ ಎಂಟರ್ ಟೈನರ್ ಆಫ್ ದಿ ಸೀಸನ್ ಆತೆರ್ . ಅನುರಾಧ ಭಟ್ ಕೂಟದ ಶ್ರೀಹರ್ಷ ಬೆಸ್ಟ್ ಪರ್ ಫಾರ್ಮರ್ ಆಘ್ ದಿ ಸೀಸನ್ ಆತೆರ್ .ತೀರ್ಪುಗಾರೆರಾಯಿನ ಹಂಸಲೇಖ, ಅರ್ಜುನ್ ಜನ್ಯ, ವಿಜಯಪ್ರಕಾಶ್ ಮೆಕುಲು ಗೆಂದಿ ನಕ್ಲೆಗ್ ಟ್ರೋಫಿ ಕೊರ್ತೆರ್ .

Nandita’s team is the winner of Sa ri ga ma pa championship

Bangalore: Zee Kannada reality show Sa ri ga ma pa championship grand finale winning team is playback singer Nandita’s team.

Prithvi Bhat, Rajath Hegde, Supriya Joshi, Keertan Holla, Chenappa,Suhana Syed were part of the team Anuradha Bhat’s team were first runner-up and Indu Nagaraj’s team is second runner up.Kambada Rangaiah is entertainer of the season and Sri Harsha is best performer of the season.
The judges were Hamsalekha, Arjun Janya and Vijay Prakash.