ಬೆಂಗಳೂರುದ ಸುದ್ದಿ

“ತುಳುವೆರೆಂಕುಲು ಬೆಂಗಳೂರು” ವತಿಡ್ದ್ ರಾಜಬೂಡು ಬೆಂಗಳೂರುದ ಪ್ರತಿಷ್ಠಿತ “ಬಲಿಯೇಂದ್ರ ಪುರಸ್ಕಾರ” ಸಮಾರಂಭ

ಬೆಂಗಳೂರುದ ಪ್ರತಿಷ್ಠಿತ ತುಳು ಸಂಘಟನೆ “ತುಳುವೆರೆಂಕುಲು ಬೆಂಗಳೂರು(ರಿ.)” ವರ್ಷಂಪ್ರತಿ ನಡಪಾವುನ “ಬಲಿಯೇಂದ್ರ ಪರ್ಬ ಆಚರಣೆ ಬೊಕ ಬಲಿಯೇಂದ್ರ ಪುರಸ್ಕಾರ” ಸಮಾರಂಭ ಇನಿ(30-11-2025) ಶ್ರೀ ಚಾರ್ಲ್ಸ್ ಗೋಮ್ಸ್ ಮೆರೆನ ಗುರ್ಕಾರ್ಮೆಡ್ ಬೆಂಗಳೂರುದ ವಿಲ್ಸನ್ ಗಾರ್ಡನ್ದ “ಪೂರ್ಣಿಮಾ ರಿಜೆನ್ಸಿ” ಸಭಾಂಗಣೊಡು ಯಶಸ್ವಿಯಾದ್ ನಡತ್ಂಡ್. ತುಳುನಾಡ್ದ ಪುಗಾರ್ತೆದ ವಿದ್ವಾಂಸೆರ್ ಡಾ. ನರೇಂದ್ರ ರೈ ದೇರ್ಲ, ಪುಗಾರ್ತೆದ ಸಂಗೀತ ನಿರ್ದೇಶಕೆ ಶ್ರೀ ವಿ. ಮನೋಹರ್, ಬೊಕ ಬೆಂಗಳೂರು ತುಳುಕೂಟದ ಗುರ್ಕಾರ್ಲು ಶ್ರೀ ದಿನೇಶ್ ಹೆಗ್ಡೆ ಮುಖ್ಯ ಬಿನ್ನೆರಾದ್ ಪಾಲ್ ಪಡೆದಿತ್ತೆರ್. ಉದ್ಯಮಿ ಸಮಾಜ ಸೇವಕೆರಾಯಿನ ಶ್ರೀ ಬಿ. ಗಣೇಶ್ ರಾವ್, ಸಾಹಿತಿ ಶ್ರೀಮತಿ ಶಾಲಿನಿ ಮೂರ್ತಿ, ಬೊಕ ಪುಗಾರ್ತೆದ ಪತ್ರಕರ್ತೆ ಶ್ರೀ ಕೆ. ಸುಬ್ರಹ್ಮಣ್ಯ ಈ ಮೂವೆರ್ ತುಳುವ ಸಾಧಕ ಗಣ್ಯೆರ್ ಈ ವರ್ಷದ ಬಲಿಯೇಂದ್ರ ಪುರಸ್ಕಾರ ಪಡೆಯೆರ್.
ಮಾತಾ ಬಿನ್ನೆರ್ನಕುಲ್ಲಾ ಪಾತೆರ್ದ್ ರಾಜಧಾನಿದ ತುಳುವೆರೆನ ತುಳು ಮೋಕೆನ್ ಕೊಂಡಾಡಿಯೆರ್. ಅಂಚನೇ ತುಳು ಭಾಷೆ ಸಂಸ್ಕೃತಿದ ಬುಲೆಚಿಲ್ ದ ಬಗ್ಗೆಡ್ ಕಾಳಜಿ ವ್ಯಕ್ತಪಡಿಸಾಯಿನ ಗಣ್ಯೆರ್ ಜೋಕುಲು ಜವನೆರ್ ತುಳು ಲೇಸ್ ಲೆಡ್ ನನಾತ್ ಮಲ್ಲ ಮಲ್ಲ ಸಂಖ್ಯೆಡ್ ಪಾಲ್ ಪಡೆವೊಡುಂದು ಲೆಪ್ಪು ಕೊರಿಯೆರ್.
ಶ್ರೀ ಮಟ್ಟಿ ರಾಮಚಂದ್ರ ರಾವ್ ಬಲಿಯೇಂದ್ರ ಪರ್ಬ ಆಚರಣೆನ್ ವಿಧಿವತ್ತಾದ್ ನಡಪಾದ್ ಕೊರಿಯೆರ್.
ಈ ಶುಭ ಸಮಾರಂಭೋಡು ಜಾಗತಿಕ ಕೊಂಕಣಿ ಕ್ರಿಶ್ಚಿಯನ್ ಒಕ್ಕೂಟದ ಅಧ್ಯಕ್ಷೆರ್ ತುಳುವೆರಾಯಿನ ಶ್ರೀ ಆಂಟನಿ ಗೊನ್ಸಲೀಸ್ ತುಳು ಬುಳೆಚಿಲ್ಗ್ ಎಡ್ಡೆಪ್ಪುಲೆನ್ ಹಾರೈಕೆ ಮಲ್ತೆರ್.
ತುಳುವೆರೆಂಕುಲು ಮಾಜಿ ಗುರ್ಕಾರ್ನಕುಲಾಯಿನ ಡಾ.ಕೆ.ಪಿ. ಪುತ್ತೂರಾಯ, ಶ್ರೀ ರಮಾನಾಥ ಭಟ್, ಡಾ. ಕೆ. ಎನ್. ಅಡಿಗ, ಶ್ರೀ ಮಾಧವ ಕುಲಾಲ್, ಶ್ರೀ ವೈ. ಜಯಂತ್ ರಾವ್,
ತುಳುವೆರೆಂಕುಲು ಮುಖ್ಯ ಕಾರ್ಯಂತೆ ಶ್ರೀ ಬಿ. ಉಮೇಶ್ ಕರ್ಕೇರ, ನಿಕಟಪೂರ್ವ ಗುರ್ಕಾರ್ಲು ಶ್ರೀಮತಿ ಜಲಜಾ ಶೇಖರ್ ಪಾಲ್ ಪಡೆ ದಿತ್ತೆರ್. ಪಣವುದ ಗುರ್ಕಾರ್ಲು ಶ್ರೀ ಗೋಪಾಲ್ ಪೂಜಾರಿ ಪಟ್ಟೆ, ಶ್ರೀ ಚಂದ್ರಹಾಸ್ ಶೆಟ್ಟಿಗಾರ್, ಡಾ. ಶ್ರೀಲತಾ, ಶ್ರೀ ಸತೀಶ್ ಅಗ್ಪಲ, CA ಗೋಪಾಲ್ ಕೃಷ್ಣ. ಕೆ, ಶ್ರೀ ಶೇಖರ್ ಎಸ್, ಶ್ರೀ ಎಸ್. ಹರಿದಾಸ್ ಉಪಾಧ್ಯಾಯ, ಶ್ರೀಮತಿ ರೇವತಿ ಎಸ್, ಶ್ರೀ ನಿಧಿಶ್ ಶೆಟ್ಟಿ, ಶ್ರೀ ಸುರೇಶ್ ಚಿತ್ರಾಪು ಲೇಸ್ ದ ಗೆಲ್ಮೆಗ್ ಸಾಕಾಯ ಮಲ್ತೆರ್. ಬೊಕ ವಿವಿಧ ಸಂಘಟನೆದ ಪ್ರಮುಖೆರ್ನಕುಲು, ರಾಜಬೂಡುದ ತುಳು ಬಂಧುಲು ಮಲ್ಲ ಸಂಖ್ಯೆಡ್ ಪಾಲ್ ಪಡೆದಿತ್ತೆರ್. ಪಳ್ಳಿ ವಿಶ್ವನಾಥ ಶೆಟ್ಟಿ ಲೇಸ್ ಸುಧಾರ್ಮೆ ಮಲ್ತೆರ್.