ಬೆಂಗ್ಲೂರ್ ಡ್ ನಡುರಾತ್ರೆ IT ಅಧಿಕಾರಿಲು ಕಾರ್ಯಾಚರಣೆ ಸುರು ಮಲ್ದೆರ್.
ಈ ಪೊರ್ತುಡು BBMP ಗುತ್ತಿಗೆದಾರೆರೆನ ಸಂಘದ ಉಪಾಧ್ಯಕ್ಷೆರ್ ಆರ್ ಅಂಬಿಕಾಪತಿ ಬೊಕ್ಕ ಮಾಜಿ ಕಾರ್ಪೊರೇಟರ್ ಅಶ್ವತ್ಥಮ್ಮ ಮೆರೆನ ಸುಲ್ತಾನ್ ಪಾಳ್ಯದ ಇಲ್ಲಲ್ 23 ಬಾಕ್ಸ್ ಡ್ 42 ಕೋಟಿ ರೂ. ಪತ್ತೆ ಆತ್ಂಡ್. ಒಂಜೊಂಜಿ ಬಾಕ್ಸ್ ಡ್ 1 ಕೋಟಿ 65 ಲಕ್ಷ ರೂ. ಇತ್ಂಡ್ ಪಂದ್ ತೆರಿದ್ ಬೈದ್ಂಡ್.
ಸುಳ್ಯ: ಜಯನಗರಡ್ ಫ್ರೆಂಡ್ಸ್ ಕ್ಲಬ್ ದ ಪೊಸ ಪದಾಧಿಕಾರಿಲೆನ ಆಯ್ಕೆ ಇಂಚಿಪ್ಪ ನಡತ್ಂಡ್.
ಪೊಸ ಅಧ್ಯಕ್ಷೆರಾದ್ ಸುರೇಶ್ ಕಾಮತ್ ಜಯನಗರ, ಉಪಾಧ್ಯಕ್ಷೆರಾದ್ ರೋಪಿ ಜಯನಗರ, ಶರೀಫ್ ಜಯನಗರ, ಕಾರ್ಯದರ್ಶಿಯಾದ್ ಜನಾರ್ಧನ ಜಿ ಜಯನಗರ, ಜತೆ ಕಾರ್ಯದರ್ಶಿಯಾದ್ ಸುಂದರ ಕುದ್ಪಾಜೆ, ಖಜಾಂಚಿಯಾದ್ ಪ್ರಸನ್ನ ಕುದ್ಪಾಜೆ, ಸಂಘಟನಾ ಕಾರ್ಯದರ್ಶಿಯಾದ್ ರಮೇಶ್ ಕುದ್ಪಾಜೆ, ಕ್ರೀಡಾ ಕಾರ್ಯದರ್ಶಿಯಾದ್ ಲೋಕೇಶ್ ಕೊಡೆಂಕಿರಿ, ಸಾಂಸ್ಕೃತಿಕ ಕಾರ್ಯದರ್ಶಿಯಾದ್ ಮನೋಜ್ ಜಯನಗರ, ನಿರ್ದೇಶಕೆರಾದ್ ನಿತಿನ್ ಕೊಯಿಂಗೋಡಿ, ಪ್ರಶಾಂತ್ ಜಯನಗರ, ಚೇತನ್ ಜಯನಗರ, ಪ್ರಕಾಶ್ ನಾರಾಜೆ, ಗಣೇಶ್ ಕುದ್ಪಾಜೆ, ಶಶಿಕುಮಾರ್ ಕುದ್ಪಾಜೆ, ಪ್ರವೀಣ್ ಕುದ್ಪಾಜೆ, ಗೌರವ ಸಲಹೆಗಾರೆರಾದ್ ಬಾಲಕೃಷ್ಣ ಭಟ್ ಕೊಡೆಂಕಿರಿ, ರಾಕೇಶ್ ಕುಂಟಿಕಾನ, ರಾಧಾಕೃಷ್ಣ ನಾಯಕ್ ಜಯನಗರ, ಮಂಜುನಾಥ ಬಳ್ಳಾರಿ, ಬಾಬು.ಕೆ.ಪಿ ನಾರಾಜೆ ಆಯ್ಕೆ ಆತೆರ್.
ಮಡಿಕೇರಿ: ಕೊಡಗು ಜಿಲ್ಲಾ ವ್ಯಾಪ್ತಿದ ಅಂಚನೆ ಕೈತಲ್ದ ಜಿಲ್ಲೆದ ದೇವಲ್ಯದ ಗಂಟೆನ್ ಕಂಡೊಂದಿತ್ತಿನ ನಾಲ್ ಜನ ಅಂತರ್ರಾಜ್ಯ ಕಲ್ವೆರೆನ್ ಅರೆಸ್ಟ್ ಮಲ್ಪುನೆಟ್ಟ್ ಕೊಡಗು ಜಿಲ್ಲಾ ಪೊಲೀಸೆರ್ ಯಶಸ್ವಿಯಾತೆರ್.
ಮೈಸೂರ್ದ ಆರ್.ಎಸ್.ನಾಯ್ಡು ಪೇಂಟೆದ ಅಮ್ಮದ್ ಅಹಮ್ಮದ್ (37), ಅಜ್ಜು ಲೇಔಟ್ದ ಸಮಿವುಲ್ಲಾ(22), ಹೈದರ್ (36) ಅಂಚನೆ ಕೆಸರೆ ಪೇಂಟೆದ ಜುಲ್ಪಿಕರ್ (36) ಅರೆಸ್ಟ್ ಆಯಿನ ಆರೋಪಿಲು.
ಸುಮಾರ್ 750 ಕೆ.ಜಿ ತೂಕದ ಬೇತೆ ಬೇತೆ ಮಾದರಿದ ತಾಮ್ರದ ಗಂಟೆಲು ಅಂಚನೆ 1 ಕಾರ್ ಸೇರ್ದ್ ಒಟ್ಟು 10 ಲಕ್ಷ ರೂ. ಬಿಲೆತ್ತ ಸೊತ್ತುಲೆನ್ ಕಂಡ್ದೆರ್.
ಬೆಂಗ್ಳೂರು : ತುಳುನಾಡ್, ಮಲೆನಾಡ್ ಸೇರಿನಂಚನೆ ರಾಜ್ಯದ ಮಸ್ತ್ ಜಿಲ್ಲೆಲೆಡ್ ನನ 5 ದಿನ ತೆಡಿಲ್ ದೊಟ್ಟುಗ್ ಭಾರೀ ಬರ್ಸ ಬರ್ಪಿನ ಸಾಧ್ಯತೆ ಉಂಡು ಪಂದ್ ಹವಾಮಾನ ಇಲಾಖೆ ಮುನ್ಸೂಚನೆ ಕೊರ್ತುಂಡು.
ಜೂನ್ 23, 24 ಕ್ಕ್ ತುಳುನಾಡ್ ಬೊಕ್ಕ ದಕ್ಷಿಣ ಒಳನಾಡ್ ದ ಮಸ್ತ್ ಜಿಲ್ಲೆಲೆಡ್ ತೆಡಿಲ್ ದೊಟ್ಟುಗ್ ಭಾರೀ ಬರ್ಸ ಬರ್ಪಿನ ಸಾಧ್ಯತೆ ಉಂಡು. ಉತ್ತರ ಕನ್ನಡ, ಒಡಿಪು, ದಕ್ಷಿಣ ಕನ್ನಡ ಜಿಲ್ಲೆಲೆಡ್ ಇನಿ ಬೊಕ್ಕ ಎಲ್ಲೆ ಮಸ್ತ್ ಬರ್ಸ ಬರ್ರೆ ಇತ್ತ್ ದ್, ಯೆಲ್ಲೋ ಅಲರ್ಟ್ ಘೋಷಣೆ ಮಲ್ತ್ ದೆರ್.
ಬೆಂಗ್ಳೂರು ಗ್ರಾಮಾಂತರ, ಚಾಮರಾಜನಗರ, ಚಿಕ್ಕಬಳ್ಳಾಪುರ, ಚಿಕ್ಕಮಗಳೂರು, ಹಾಸನ, ಕೊಡಗು, ಮಂಡ್ಯ, ಮೈಸೂರ್, ಶಿವಮೊಗ್ಗ, ರಾಮನಗರ, ವಿಜಯಪುರ, ಬೀದರ್, ಬೆಳಗಾವಿ ಜಿಲ್ಲೆಲೆಡ್ ಭಾರೀ ಬರ್ಸ ಬರ್ಪಿನ ಸಾಧ್ಯತೆ ಇತ್ತ್ ದ್ ಯೆಲ್ಲೋ ಅಲರ್ಟ್ ಘೋಷಿಣೆ ಮಲ್ತ್ ದೆರ್.
Heavy rains in the state in the next five days
Bangalore: The coastal districts,Malnad area and in many other parts of the state heavy rains are expected in the next five days.
An alert has been announced by the meteorological department
Heavy rains accompanied by thunder is forcast for the coastal districts of dakshina Kannada , Udupi on the 23 and 24th. Yellow alert has been declared in DK,UK and Udupi districts.
Heavy rains are expected in Bangalore rural, Chickmanglore , Mysore, Hassan Vijaypur, Bidar, Shimoga, Belgaum and Ramnagar.
ಚಕ್ಕ ಹಿಜ್ರಾ ಕೋಜ ಶಿಖಂಡಿ ಪನ್ಪಾ
ದಾಯೆಗ್ ಬಾಯಿಡ್ ಆತೊಂಜಿ ಕನಪೆ
ನನೊರಿಯನ್ ಎಲ್ಯ ಮಲ್ಪರೆಗಾದ್
ನಡುಟು ಅಕಲೆನ್ ದಾಯೆಗ್ ಕನಪ
ಉಂಡತ್ತ ಮಾತೆಟ್ಲಾ ಆನ್ ಪೊನ್ನನ ಅಂಶ
ವಿಧಿನ ಗೊಬ್ಬುಗು ಅಕ್ಲೆಗ್ ದಾಯೆಗ್ ಶಿಕ್ಷೆ ಪನ್ಲಾ
ವ್ಯಯಾರದ ತನುಟು ಸರ ಉಂಡು ದಡಿತ
ದೈವ ಸೃಷ್ಟಿನ್ ಪ್ರಶ್ನೆ ಮಲ್ಪರೆ ಈ ಏರ್ ಪನ್ಲಾ
ಪುರಾನೊಡ್ ಋಷಿಕುಲೇ ಅಕ್ಲೆನ್ ಮಾನಾದೆರ್
ಅರ್ಧನಾರೀಶ್ವರ ಪಂದು ಭಕ್ತಿಡ್ ಸುಗಿತ್ದೆರ್
ನರಮಾನಿ ಕಾಯೊಡ್ ಒತ್ತೊನರೆ ದಾದ ಬಂಗ
ನಿನ್ನಪ್ಪೆ ಎನ್ನಪ್ಪೆ ಕೊರ್ತಿಲೆಕನೆ ಅಕಲ್ನ ಜನ್ಮ
ಗುರುನ ಪಾತೆರ ಕೇನುನ ಎಡ್ಡೆ ಗುಣ ಉಂಡು
ಅಪ್ಪೆನ ಮಟ್ಟೆಲಾಪಿನ ಪೊರ್ಲ ಉಡಲುಂಡು
ಮೆಗ್ಯ ಪಲಯಲೆಕ ಬೆರಿತಾಂಗ್ ಕೊರ್ಪೆರ್
ಮೆಗ್ದಿ ಪಲಿ ಆದ್ ಕನನೀರ್ ಒಚ್ಚುವೆರ್
ಬಂಜಿದ ಪಡಿತ್ತ ಎಸೋನು ಮಾತ್ರ ತೂವಡ
ಬದುಕು ಕಟ್ಟುನ ನೀತಿನೊರ ತೂಲ
ಅಕ್ಲೆನ ಸಾಧನೆಗ್ ಕಣ್ಣಾದ್ ತೆರಿಲಾ
ತೂಪಿನ ಕಣ್ಣ್ ಡ್ ಕಳಂಕ್ ದೀವೊಣಡ
ನಮಲೆಕನೇ ಅಕುಲುಲ ಈ ಸತ್ಯೊನು ತೆರಿಲಾ
ಉಡಲ್ದ ದೇವೆರೆಗ್ ಮಾನಾದಿಗೆ ಕೊರ್ಲಾ
ಎಡ್ಡೆಪ್ಪು ಬಯಕಿಯೆರ್ಡ ಕುಸಿಟ್ ದೆತೊನ್ಲಾ
ಸೃಷ್ಟಿದ ನೇಮಗ್ ಬೊಟ್ಟು ಮಲ್ಪಂದೆ ನಡಪುಲಾ
✍️ಗೀತಾ ಲಕ್ಷ್ಮೀಶ್
ಕುಡ್ಲ, ಜುಲೈ 2: :ಕರಿನ ವಾರ ಕುಡ್ಲಡ್ ದ.ಕ ಕಟ್ಟುನಿಟ್ಟಾದ್ ಜಾರಿಡ್ ಇತ್ತಿನ ವಾರಾಂತ್ಯ ಕರ್ಫ್ಯೂ ಇತ್ತೇ ಸಡಿಲ ಆತುಂಡು . ವೀಕೆಂಡ್ ಡ್ ಒಂತೆ ರಿಲೀಫ್ ಕೊರ್ತೆರ್ , ರಾತ್ರಿ ಕರ್ಫ್ಯೂ ಕಟ್ಟುನಿಟ್ಟಾದ್ ಜಾರಿ ಮಲ್ಪರೆ ಜಿಲ್ಲಾಡಳಿತ ತೀರ್ಮಾನ ದೈದುಂಡು .
ವಾರಾಂತ್ಯಡ್ ಒವು ಮಾತಾ ಚಟುವಟಿಕೆಗ್ ಅವಕಾಶ?
ಜಿಲ್ಲಾಡಳಿತದ ಮಾರ್ಗಸೂಚಿ ದಾದ ?
ಉಳ್ಳಾಲ :, ಜೂನ್ 29: ಆಸ್ಪತ್ರೆಗ್ ತಪಾಸಣೆಗ್ ಪಂದ್ ಪೋಯಿನ ಜವನ್ಯೆ ಬೂರ್ದು ತೀರ್ ಪೋಯಿನ ಘಟನೆ ಕೆ.ಎಂ.ಸಿ ಆಸ್ಪತ್ರೆಡ್ ನಡತುಂಡು .
ಕುಂಪಲ ಆಶ್ರಯ ಕಾಲೊನಿ ನಿವಾಸಿ ರಿಕ್ಷಾ ಚಾಲಕ ರಾಜೇಶ್ ರಾವ್ (31) ತೀರ್ ಪೋಯಿನಾರ್ .ಹೃದಯ ಸಂಬಂಧಿತ ಸಮಸ್ಯೆಗಾದ್ ವಾರದ ಪಿರವು ದೇರಳಕಟ್ಟೆ ಖಾಸಗಿ ಆಸ್ಪತ್ರೆಡ್ ಪರೀಕ್ಷೆ ಮಲ್ತಿತ್ತೆರ್ . ಅಲ್ಪ ಜಾಸ್ತಿ ಬಿಪಿ ಇತ್ತಿನೆನ್ ವೈದ್ಯೆರ್ ಪಂದ್ ಇತ್ತೆರ್ ತಿಗಲೆ ಬೇನೆ ಕಮ್ಮಿ ಆವಂದಿನ ಕಾರಣ ಕುಡ್ಲದ ಆಸ್ಪತ್ರೆಗ್ ಆರ್ನ ದೋಸ್ತಿಲು ಲೆತೊಂದು ಬತ್ತಿತ್ತೆರ್.ಆಸ್ಪತ್ರೆಡ್ ವೈದ್ಯೆರ್ ಬಿಪಿ ಚೆಕ್ ಮಲ್ಪರೆ ಬತ್ತಿಲಕನೇ ರಾಜೇಶ್ ರಾವ್ ಜಾಗೆಡೆ ಬೂರ್ದು ತೀರ್ ಪೋಯೆರ್.
ಒಡಿಪು , ಮೇ 17: ಚಂಡಮಾರುತದ ಪ್ರಭಾವ ಜಿಲ್ಲೆಡ್ ಮಸ್ತ್ ಪರಿಣಾಮ ಬೂರ್ದುಂಡು . ನೇರ್ದಾವರ ಸಾರ್ವಜನಿಕ ಬೊಕ್ಕ ಖಾಸಗಿ ಆಸ್ತಿಪಾಸ್ತಿಲೆಗ್ ಬಾರಿ ನಷ್ಟ ಆತುಂಡು . ಜಿಲ್ಲೆಡ್ ಇತ್ತೇ ಮುಟ ಒಟ್ಟು 36 ಇಲ್ಲಗ್ ಹಾನಿಯಾತುಂಡು ಪಂದ್ ಒಡಿಪು ಜಿಲ್ಲಾಧಿಕಾರಿ ಜಿ.ಜಗದೀಶ್ ತೆರಿಪಾದೆರ್ .
ತೌಕ್ತೆ ಚಂಡಮಾರುತರ್ದ್ ಹಾನಿಯಾತಿನ ಮಲ್ಪೆ ಪಡುಕೆರೆ ಪ್ರದೇಶಗ್ ಐತಾರ ಭೇಟಿ ಕೊರ್ದು ಪರಿಶೀಲನೆ ನಡಪಾಯಿನ ಬೊಕ್ಕ ಆರ್ ಮಾಧ್ಯಮದಕ್ಲೇನೊಟ್ಟಿಗೆ ಪಾತೆರಿಯೆರ್ .
ಸುಮಾರ್ 60 ಜನನ್ ಸುರಕ್ಷಿತ ಜಾಗೆಗ್ ಕಡಪಾದೆರ್ ಐತ ಪ್ರಕಾರ, ಮಾತೆರ್ಲ ಅಕ್ಲೆನ ಇಲ್ಲಗ್ ಪೋಯೆರೆ ಸೂಚನೆ ಕೊರ್ತೆರ್ .
ಕುಡ್ಲ, ಮೇ 17: ಕೊರೊನಾ ಪಾಸಿಟಿವ್ ಬತ್ದ್ ಇಲ್ಲಡ್ ಮರ್ದ್ (ಹೋಮ್ ಐಸೊಲೇಶನ್) ದೆತೊನೊಂದು ಉಪ್ಪುನಕ್ಲೆನ್ ನನ ಸರಕಾರಿ ಐಸೋಲೇಶನ್ ಸೆಂಟರ್ಡೇ ದಾಖಲ್ ಮಲ್ಪರೆ ರಾಜ್ಯ ಸರಕಾರ ತೀರ್ಮಾನ ಮಲ್ದುಂಡು.
ದಕ್ಷಿಣ ಕನ್ನಡ ಜಿಲ್ಲೆಡ್ ಪ್ರಸ್ತುತ ಇಲ್ಲಡ್ ಮರ್ದ್ ದೆತೊನೊಂದು ಉಪ್ಪುನ ಕೋವಿಡ್ ಪಾಸಿಟಿವ್ ಬತ್ತಿನ ಸೋಂಕುಪೀಡಿತೆರೆನ್ ಕೋವಿಡ್ ಕೇರ್ ಸೆಂಟರ್ಗ್ ಸ್ಥಳಾಂತರ ಮಲ್ಪುನ ಪ್ರಕ್ರಿಯೆ ಸುರು ಆತುಂಡು. ಜಿಲ್ಲೆಡ್ ಪ್ರಸ್ತುತ ಸುಮಾರ್ 12 ಸಾವಿರ ಜನ (ಒಟ್ಟು ಸೋಂಕುಪೀಡಿತೆರೆಡ್ ಶೇ.87) ಜನ ಇಲ್ಲಡ್ ಮರ್ದ್ ದೆತೊನೊಂದು ಉಲ್ಲೆರ್, 1,100 ಜನ ಆಸ್ಪತ್ರೆಡ್ ಚಿಕಿತ್ಸೆ ದೆತೊನೊಂದು ಉಲ್ಲೆರ್ .
ಉಳ್ಳಾಲ, ಮೇ 17: ವಾಯುಭಾರ ಕುಸಿತಗ್ ಪೋಡಿನ ಸೋಮೇಶ್ವರದ ಹಿಂದು ರುದ್ರಭೂಮಿ, ಸೋಮೇಶ್ವರ ಮೋಹನ್ ಬೊಕ್ಕ ಹೇಮಚಂದ್ರ ಮೆರ್ನ ಇಲ್ಲ್ , ಉಚ್ಚಿಲದ ರೋಹಿತ್ ಮಾಸ್ಟರ್, ನಾಗೇಶ್ ಉಚ್ಚಿಲ್, ರೂಪೇಶ್ ಉಚ್ವಿಲ್ ಬೊಕ್ಕ ಕಡಪ್ಪರ ಫ್ರೆಂಡ್ಸ್ ಕ್ಲಬ್ ಅಂಚನೆ ಬೆಟ್ಟಂಪಾಡಿ ಎಂಡ್ ಪಾಯಿಂಟ್ ದ ಕೈತಲ್ ಶನಿವಾರ ಪೋಯಿನ ಸಚಿವ ಅಂಗರ ಮೇರ್ ಸ್ಥಳೀಯೆರ್ , ಪಕ್ಷದ ಮುಖಂಡೆರ್ ಅಧಿಕಾರಿಲೆನ , ಸಂತ್ರಸ್ತೆರ್ನ ಒಟ್ಟುಗು ಪಾತೆರ್ದ್ ಪರಿಹಾರ ಕೊರ್ಪೆ ಪಂದ್ ಭರವಸೆ ಕೊರಿಯೆರ್.
ಐತ ಪ್ರಕಾರ ತುರ್ತು ಅಗತ್ಯ ಉಪ್ಪುನ ಸೋಮೇಶ್ವರದ ಹೇಮಚಂದ್ರ ಬೊಕ್ಕ ಮೋಹನ್ ಮೆರ್ನ ಇಲ್ಲದ ಕೈತಲ್, ಉಚ್ಚಿಲ ರೋಹಿತ್ ಮಾಸ್ಟರ್ ಬೊಕ್ಕ ರೂಪೇಶ್ ಉಚ್ಚಿಲ್, ನಾಗೇಶ್ ಉಚ್ವಿಲ್ ಮೆರ್ನ ಇಲ್ಲದ ಕೈತಲ್ ಸದ್ಯಗ್ ಇಲ್ಲ್ ರಕ್ಷಿಸಾಯರೇ ಕಾಮಗಾರಿ ನಡಪಾವುಲಕ ಸೂಚನೆ ಕೊರಿಯೆರ್ .
