ಕುಡ್ಲ : ಡಾ. ಎಂ.ಎನ್. ರಾಜೇಂದ್ರ ಕುಮಾರ್ ಮೆರೆನ ಸಮರ್ಥ ಬೊಕ್ಕ ದಕ್ಷ ಮಾರ್ಗದರ್ಶನಡ್ ಯಶಸ್ವಿಯಾದ್ ನಡತೊಂದು ಇಪ್ಪುನ ದಕ್ಷಿಣ ಕನ್ನಡ ಜಿಲ್ಲಾ ಕೇಂದ್ರ ಸಹಕಾರಿ ನೌಕರೆರೆನ ಸಹಕಾರ ಸಂಘ ಇತ್ತೆ ಅತ್ಯುನ್ನತ ರಾಜ್ಯಮಟ್ಟದ ಪ್ರಶಸ್ತಿನ್ ಪಡೆದ್ ಕೀರ್ತಿ ಕನದ್ಂಡ್.
ಸುಮಾರ್ 95 ವರ್ಷೊಲೆನ ಪೆರ್ಮೆದ ಇತಿಹಾಸ ಇಪ್ಪುನ ಈ ಸಂಘ, ಇತ್ತೆನೆ ದಕ್ಷಿಣ ಕನ್ನಡ ಜಿಲ್ಲಾ ಕೇಂದ್ರ ಸಹಕಾರಿ ಬ್ಯಾಂಕ್ ರ್ದ್ ನಿರಂತರವಾದ್ ಒರ್ಂಬ ಸರ್ತಿ ಪ್ರಶಸ್ತಿನ್ ಪಡೆಪುನ ಮುಕೇನ ತನ್ನ ವಿಶಿಷ್ಟ ಸೇವೆನ್ ತೂಪಾದ್ಂಡ್.
ಸಹಕಾರ ಬೊಕ್ಕ ಸಮಾಜ ಸೇವಾ ಕ್ಷೇತ್ರಡ್ ನೌಕರೆರೆನ ಸಂಘ ತೂಪಾಯಿನ ಈ ವಿಶಿಷ್ಟ ಸೇವೆಗ್ ರಾಜ್ಯ ಮಟ್ಟದ ಪುಗರ್ತೆದ ಪ್ರಶಸ್ತಿ ತಿಕಿನವು ಸಂಘದ ಮಾತ ಪದುಕೆರ್ ಬೊಕ್ಕ ಸದಸ್ಯೆರೆಗ್ ಮಾಸ್ತ್ ಕುಸಿ ಕೊರ್ತುಂಡು ಪಂದ್ ಸಂಘದ ಅಧ್ಯಕ್ಷೆರ್ ಜಗದೀಶ್ ಅಂಚನ್ ಪಂಡೆರ್.
ಈ ಐತಿಹಾಸಿಕ ಸಾಧನೆಗ್ ಕಾರಣ ಆಯಿನ ಜಿಲ್ಲಾ ಆಡಳಿತ ಜಿಲ್ಲಾ ಉಸ್ತುವಾರಿ ಸಚಿವೆರ್ ಬೊಕ್ಕ ಸರ್ಕಾರದ ಮಾತ ಪ್ರತಿನಿಧಿಲೆಗ್ ಸಂಘದ ಮುತಾಲಿಕೆಡ್ ಉಡಲ್ ದಿಂಜಿನ ಬೊಕ್ಕ ಇಸೇಸ ಕೃತಜ್ಞತೆನ್ ಸಂದಾದೆರ್.