ಬೆದ್ರ: ಗ್ರಾಮೀಣ ಸಂಸ್ಕೃತಿನ್ ತೂಪಾವುನ ಕಂಬುಲ ಕ್ರೀಡೆ ಮಾತ್ರ ಅತ್ತ್ ಅವು ಗ್ರಾಮೀಣ ಬದ್ ಕ್ ಗ್ ಸಗ್ತಿ ಕೊರ್ಪಿನ ಕಲೆ. ಬಿರ್ಸ್, ತಂಕ ಬೊಕ್ಕ ಗೇನ ಇಪ್ಪುನ ಕಂಬುಲ ತನ್ನನೇ ಆಯಿನ ಶೈಲಿಡ್ ಉಂಡು. ನನ ಒಂಜಿ ದಿನ ಭಾರತದ ಮಾತ ರಾಜ್ಯಲೆಡ್ ಕಂಬುಲ ನಡಪರೆ ಉಂಡು. ವಿದೇಶಡ್ ಲ ಕಂಬುಲ ನಡಪುನ ದಿನ ಬರ್ಪುಂಡು ಪಂದ್ ರಾಜ್ಯದ ಮುಖ್ಯಮಂತ್ರಿ ಬಸವರಾಜ್ ಬೊಮ್ಮಾಯಿ ಪಂಡೆರ್.
ಮೇರ್ ಶಾಸಕೆರ್ ಉಮಾನಾಥ್ ಕೋಟ್ಯಾನ್ ಮೆರೆನ ಮುತಾಲಿಕೆಡ್ ಒಂಟಿಕಟ್ಟೆದ ಕಡಲಕೆರೆ ನಿಸರ್ಗಧಾಮ, ವೀರರಾಣಿ ಅಬ್ಬಕ್ಕರಾಣಿ ಸಂಸ್ಕೃತಿ ಗ್ರಾಮಡ್ ನಡತೊಂದು ಇಪ್ಪುನ 20ನೇ ವರ್ಷದ ಬೆದ್ರದ ಪುಗರ್ತೆದ ಫ್ಲಡ್ ಲೈಟ್ ಕೋಟಿ-ಚೆನ್ನಯ ಕಂಬುಲಡ್ ಐತಾರ ಪಾಲ್ ಪಡೆದ್ ಪಾತೆರಿಯೆರ್.
ಈ ಪೊರ್ತುಡು ಕಂಬುಲ ಸಮಿತಿರ್ದ್ ಮುಖ್ಯಮಂತ್ರಿನ್ ತಮ್ಮನ ಮಲ್ತೆರ್.
ಉಸ್ತುವಾರಿ ಸಚಿವೆರ್ ವಿ. ಸುನಿಲ್ ಕುಮಾರ್, ಸಚಿವೆರಾಯಿನ ಸಿ. ಟಿ ರವಿ, ನಾರಾಯಣ ಗೌಡ, ಶಿಕ್ಷಣ ಸಚಿವೆರ್ ನಾಗೇಶ್, ಜಿಲ್ಲಾಧಿಕಾರಿ ರವಿ ಕುಮಾರ್, ಪುರಸಭಾ ಅಧ್ಯಕ್ಷೆರ್ ಪ್ರಸಾದ್ ಕುಮಾರ್ ಸ್ಥಾಯಿ ಸಮಿತಿ ಅಧ್ಯಕ್ಷೆರ್ ನಾಗರಾಜ್ ಪೂಜಾರಿ, ಸಹಾಯಕೆರ್ ಅರಣ್ಯ ಸಂರಕ್ಷಣಾಧಿಕಾರಿ ಸತೀಶ್ ಕೆ., ವಲಯಾರಣ್ಯಧಿಕಾರಿ ಹೇಮಗಿರಿ ಅಂಗಡಿ, ಪೊಲೀಸ್ ವರಿಷ್ಠಾಧಿಕಾರಿ, ಕಂಬುಲ ಸಮಿತಿದ ಪ್ರಧಾನ ಕಾರ್ಯದರ್ಶಿ ಗುಣಪಾಲ್ ಕಡಂಬ, ಭಾಸ್ಕರ್ ಎಸ್. ಕೋಟ್ಯಾನ್ ಇತ್ತೆರ್. ಶಾಸಕೆರ್ ಉಮಾನಾಥ್ ಕೋಟ್ಯಾನ್ ಎದ್ಕೊನಿಯೆರ್.
✍️ಜಗದೀಶ್ ಪೂಜಾರಿ
ಬೆದ್ರ
pallavi shetty