December 23, 2022

ಐಪಿಎಲ್ ವಾರ್ ಡ್ ಸ್ಯಾಮ್ ಕರನ್ ನ್ 18.50 ಕೋಟಿ ರೂಪಾಯಿಗ್ ದೆತೊನ್ನ ಪಂಜಾಬ್ ಕಿಂಗ್ಸ್

ಐಪಿಎಲ್ ವಾರ್ ಲೆಪ್ಪುನೆಟ್ಟ್ ಇಂಗ್ಲೆಂಡ್ ದ ಆಲ್ ರೌಂಡರ್ ಸ್ಯಾಮ್ ಕರನ್ ನ್ 18.50 ಕೋಟಿ ರೂ. ಗ್ ಪಂಜಾಬ್ ಕಿಂಗ್ಸ್ ದೆತೊಂದುಂಡು.

ಮೆರೆನ್ ಬೊಂಬೈ ಇಂಡಿಯನ್ಸ್, ಆರ್ ಸಿಬಿ, ರಾಜಸ್ಥಾನ್ ರಾಯಲ್ಸ್, ಚೆನ್ನೈ ಸೂಪರ್ ಕಿಂಗ್ಸ್ ತಂಡಲು ದೆತೊನಿಯೆರೆ ತೂಯೆರ್. ಆಂಡ ಮೇರ್ ಪಂಜಾಬ್ ಕಿಂಗ್ಸ್ ದ ಪಾಲಾಯೆರ್. ಅವ್ವತ್ತಂದೆ ಮೇರ್ ಐಪಿಎಲ್ ಇತಿಹಾಸಡೇ ಮಸ್ತ್ ಹೆಚ್ಚ ಬಿಲೆಕ್ ಬಿಡ್ ಆಯಿನ ಆಟಗಾರೆ ಪನ್ಪುನ ಪುಗರ್ತೆ ಪಡೆದೆರ್.

Punjab Kings buys England’s all rounder Sam Curran for 18.50 crores

At the IPL auction at Cochin All rounder Sam Curran was bought for 18.50 crore by Punjab Kings.

He was bid by Mumbai Indians, RCB, Rajasthan Royals, Chennai Super Kings team also .But he was finally auctioned off to Punjab Kings.He is the highest bid player to date in the history of IPL auctions.

ಬಡಪತ್ತ್ ದ ಮೂಜಿ ಕುಟುಂಬದ ಚಿಕಿತ್ಸೆಗ್ ಪಣವುದ ಸಕಾಯ

ಬಡಪತ್ತ್ ದ ಮೂಜಿ ಕುಟುಂಬದ ಚಿಕಿತ್ಸೆಗ್ ಡಿ.31 ಶನಿಯಾರದಾನಿ ನಡಪುನ ಉಪ್ಪಳ ಅಯ್ಯಪ್ಪ ದೀಪ ಉಚ್ಚಯದ ಪೊರ್ತುಡು ತತ್ವಮಸಿ ಸೇವಾಚಕ್ರ ಪನ್ಪುನ ಇಸೇಸ ವೇಷದೊಟ್ಟಿಗೆ, ಬೇತೆ ಬೇತೆ ಸಂಘ ಸಂಸ್ಥೆಲೆನ ಸಹಕಾರಡ್ ಪಣವುದ ಸಕಾಯನ್ ಕೇನೊಂದು ಸಾಯಂಜನಿ ಯುವ ಬಳಗ ನಿಕುಲೆನ ಎದುರು ಬರೊಂದು ಉಲ್ಲೆರ್. ಅಂಚನೆ ನಿಕುಲೆಡ ಆಪುನಾತ್ ಪಣವುದ ಸಕಾಯನ್ ಕೇನೊಂದೆರ್.

ಕೊಣಾಜೆಡ್ ಸ್ವಾಂಡಲೋಸಿಸ್ ರೋಗರ್ದ್ ನರಲೊಂದು ಇಪ್ಪುನ ಅಪ್ಪೆನ ಚಿಕಿತ್ಸೆಗ್ ಕಾಸ್ ಇಜ್ಜಂದೆ, ಪರದಾಡುನ ಮೂಜಿ ಪೊಣ್ಣು ಜೋಕುಲು ದಾನಿಲೆನ ನೆರವುದ ನಿರೀಕ್ಷೆಡ್ ಉಂಡು ಈ ಕುಟುಂಬ.
ಕಾಸ್ರೋಡು ಜಿಲ್ಲೆದ ಬದಿಯಡ್ಕ ಗ್ರಾಮ ಪಂಚಾಯತಿ ವ್ಯಾಪ್ತಿಡ್ ಇಪ್ಪುನ ಏತಡ್ಕ ವಲಕುಂಜಡ್ ಇಪ್ಪುನ ಜನಾರ್ದನ ಪನ್ಪುನರೆನ ರಡ್ಡ್ ಜೋಕುಲು ನೂದೆರ್ದ್ ಹೆಚ್ಚ ಕನನ್ ಕಟ್ಟೊಂದು ತನ್ನ ಭವಿಷ್ಯನ್ ಕಟ್ಟೊನ್ನ ಪ್ರಾಯಡೇ ತನ್ನ ರಡ್ಡ್ ಕಿಡ್ನಿದ ತೊಂದರೆಗ್ ಗುರಿಯಾಯಿನ ಮೊಕ್ಲೆನ ಖರ್ಚ್ ಗ್ ಒವ್ವೇ ತಾದಿ ಇಜ್ಜಂದೆ, ಚಿಕಿತ್ಸೆಗ್ ದಾನಿಲೆನ ಸಕಾಯನ್ ಕೇನೊಂದುಂಡು ಕುಟುಂಬ.‌
ಕಾಸ್ರೋಡು ಜಿಲ್ಲೆದ ಉಪ್ಪಳ ಬಾಯಾರ್ ನಿವಾಸಿ ಆಯಿನ ಗುಲಾಬಿ ಪನ್ಪುನರ್ ಲಿವರ್ ಸಮಸ್ಯೆರ್ದ್ ನರಲೊಂದು ಉಲ್ಲೆರ್. ಮೆರೆನ್ ಮಹೇಶ್ ಆಸ್ಪತ್ರೆಡ್ ಐ.ಸಿ.ಯು ಗ್ ಸೇರ್ಸಾದೆರ್. ಚಿಕಿತ್ಸೆಗ್ ಅಂದಾಜ್ 3 ಲಕ್ಷ ಖರ್ಚ್ ಆಪುಂಡು. ‌ಮೇರ್ ಮಸ್ತ್ ಬಡಪತ್ತ್ ಡ್ ಉಲ್ಲೆರ್‌. ಆಸ್ಪತ್ರೆದ ಕಾಸ್ ಕಟ್ಟೆರೆ ಸಾಧ್ಯ ಆವಂದಿನ ಕಾರಣ ನಿಕಲೆನ ಮಾತ ಸಕಾಯ ಕೇನೊಂದೆರ್.

ಅಮಲ್ ಸೊತ್ತುಲೆನ್ ಕಲ್ವ ತಾದಿಡ್ ಕೊನೊಂದು ಇತ್ತಿನ ರಡ್ಡ್ ಜನ ಆರೋಪಿಲು ಅರೆಸ್ಟ್

ಬಂಟ್ವಾಳ: ರಿಕ್ಷಾಡ್ ಅಮಲ್ ಸೊತ್ತುಲೆನ್ ಕಲ್ವ ತಾದಿಡ್ ಕೊನೊಂದು ಇತ್ತಿನ ರಡ್ಡ್ ಆರೋಪಿಲೆನ್ ಗುರುವಾರ ಗೂಡಿನಬಳಿ ಕೈತಲ್ ರಿಕ್ಷಾದೊಟ್ಟಿಗೆ ವಶಕ್ ಪಡೆತೆರ್.

ಬಂಟ್ವಾಳ ಬಾರೆಕಾಡು ನಿವಾಸಿ ಇರ್ಷಾದ್‌ (23) ಬೊಕ್ಕ ಮಂಜೇಶ್ವರ ಉದ್ಯಾವರಗುತ್ತು ನಿವಾಸಿ ದೀಕ್ಷಿತ್‌ (19) ಅರೆಸ್ಟ್ ಆಯಿನ ಆರೋಪಿಲು. ಮೊಕ್ಲೆರ್ದ್ ಸುಮಾರ್ 20 ಸಾರ ರೂ. ಬಿಲೆತ ಅಮಲ್ ಸೊತ್ತುಲೆನ್ ಬೊಕ್ಕ 75 ಸಾರ ರೂ. ಬಿಲೆತ ರಿಕ್ಷಾನ್ ಬಂಟ್ವಾಳ ನಗರ ಠಾಣೆದ ಎಸ್‌ಐ ಅವಿನಾಶ್‌ ಗೌಡ ಬೊಕ್ಕ ಸಿಬಂದಿ ವಶಕ್ ಪಡೆತೆರ್. ಈ ಬಗೆಟ್ ಬಂಟ್ವಾಳ ನಗರ ಪೊಲೀಸ್‌ ಠಾಣೆಡ್ ಕೇಸ್ ದಾಖಲ್ ಆತ್ಂಡ್.

ಸೌದಿ ಅರೇಬಿಯಾದ ಪೊಸ ಭಾರತೀಯ ರಾಯಭಾರಿಯಾದ್ ಸುಹೇಲ್ ಎಜಾಸ್ ಖಾನ್ ನೇಮಕ

ಜೆದ್ದಾ: ಸೌದಿ ಅರೇಬಿಯಾದ ಪೊಸ ಭಾರತೀಯ ರಾಯಭಾರಿಯಾದ್ ಸುಹೇಲ್ ಎಜಾಸ್ ಖಾನ್ ಮೆರೆನ್ ಭಾರತದ ವಿದೇಶಾಂಗ ವ್ಯವಹಾರಲೆನ ಸಚಿವಾಲಯ ನೇಮಕ ಮಲ್ದ್ಂಡ್.

ಇತ್ತೆ ಲೆಬನಾನ್‌ಗ್ ಭಾರತೀಯ ರಾಯಭಾರಿ ಆದಿಪ್ಪುನ ಮೇರ್ ಕೆಲವೇ ದಿನಟ್ ಅಧಿಕಾರ ಒಯಿಸೊನಿಯೆರೆ ಉಲ್ಲೆರ್ ಪಂದ್ ವಿದೇಶಾಂಗ ವ್ಯವಹಾರಲೆನ ಸಚಿವಾಲಯ ಪತ್ರಿಕಾ ಪ್ರಕಟಣೆಡ್ ತೆರಿಪಾದೆರ್. ಮೇರ್ ಜೆಡ್ಡಾಡ್ ಕಾನ್ಸುಲ್ ಜನರಲ್ ಆದ್ ಬೊಕ್ಕ ರಿಯಾದ್‌ಡ್ ಡೆಪ್ಯೂಟಿ ಚೀಫ್ ಆಫ್ ಮಿಷನ್ ಆದ್ ಬೇಲೆ ಮಲ್ಪೆರೆ ಉಲ್ಲೆರ್.

ಫೈಟರ್ ಪೈಲಟ್ ಆಯಿನ ಭಾರತದ ಸುರುತ ಮುಸ್ಲಿಂ ಪೊಂಜೊವ್

ಮಿರ್ಜಾಪುರದ ಸಾನಿಯಾ ಮಿರ್ಜಾ ಎನ್‌ಡಿಎ ಪರೀಕ್ಷೆಡ್ 149 ನೇ ರ್ Rank ಪಡೆಯಿನ ಬೊಕ್ಕ ಭಾರತದ ಸುರುತ ಮುಸ್ಲಿಂ ಪೊಂಜೋವ್ ಫೈಟರ್ ಪೈಲಟ್ ಆದ್ ನೇಮಕ ಆತೆರ್.

ಮೇರ್ ಫ್ಲೈಟ್ ಲೆಫ್ಟಿನೆಂಟ್ ಅವನಿ ಚತುರ್ವೇದಿ ಮೆರೆರ್ದ್ ಸ್ಫೂರ್ತಿ ಪಡೆದ್ ಬೊಕ್ಕ ಅರೆನ್ ತೂದು ಎನ್‌ಡಿಎ ಸೇರಿಯೆರೆ ನಿರ್ಧಾರ ಮಲ್ತೆ ಪಂದ್ ಪಂಡೆರ್. ಅತ್ತಂದೆ ಯುವ ಪೀಳಿಗೆ ಎನ್ನೆರ್ದ್ ಸ್ಫೂರ್ತಿ ಪಡೆಪುಂಡು ಪಂದ್ ಯಾನ್ ಎನ್ನಿವೆ ಪಂದ್ ಪಂಡೆರ್.

ಆಸ್ಟ್ರೇಲಿಯಾದ ಆಲ್ ರೌಂಡರ್ ಕ್ಯಾಮರೂನ್ ಗ್ರೀನ್ ₹17.5 ಕೋಟಿಗ್ ಸೇಲ್

ಆಸ್ಟ್ರೇಲಿಯಾದ 23 ವರ್ಷದ ಆಲ್ ರೌಂಡರ್ ಕ್ಯಾಮರೂನ್ ಗ್ರೀನ್ ಮೆರೆನ್ ₹17.5 ಕೊರ್ದು ಮುಂಬೈ ಇಂಡಿಯನ್ಸ್ ದೆತೊಂದುಂಡು.

ಬ್ಯಾಟಿಂಗ್ ದೊಟ್ಟಿಗೆ ಮಸ್ತ್ ಬೇಗ ಬೌಲಿಂಗ್‌ ಮಲ್ಪುನ ಸಾಮರ್ಥ್ಯ ಮೆರೆಗ್ ಉಂಡು. ಮೆರೆನ ಟಿ 20 ದಾಖಲೆ ಆಕರ್ಷಕ ಆದುಂಡು.

ಶಬರಿಮಲೆಕ್ ಪಿದಾಡ್ದಿನ ಮಿನಿ ಬಸ್ ಬ್ರೇಕ್ ಫೇಲ್: ಕೆಲವೆರೆಗ್ ಪೆಟ್ಟ್

ಬೊಲ್ತೇರ್: ಬಳ್ಳಾರಿರ್ದ್ ಶಬರಿಮಲೆಕ್ಕ್ ಪೋವೊಂದು ಇತ್ತಿನ ಮಿನಿ ಬಸ್ ಮುಂಡಾಜೆದ ಉಳ್ಳಾಲ್ತಿ ಕಟ್ಟೆದಲ್ಪ ಬ್ರೇಕ್ ಫೇಲ್ ಆದ್ ಮಾರ್ಗದ ಬರಿತ ಕಾಡ್ ಗ್ ಪೊಗ್ಗುದು ಸುಮಾರ್ ಜನಕ್ ಪೆಟ್ಟಾಯಿನ ಘಟನೆ ಡಿ.23 ಕ್ ಬೊಲ್ಪುಗು ನಡತ್ಂಡ್.

ಈ ಘಟನೆಡ್ ಕೂಡ್ಲಗಿ ತಾಲೂಕ್ ದ ಚಿಕ್ಕಜೋಗೆ ಹಳ್ಳಿದ ಶಶಿ, ಜಲಧರ, ರಘು, ಬಸವರಾಜ್, ಲೋಕ ಪನ್ಪುನಕ್ಲೆಗ್ ಪೆಟ್ಟಾತ್ಂಡ್. ನೆಟ್ ರಡ್ಡ್ ಜನಕ್ ಮಸ್ತ್ ಪೆಟ್ಟಾತ್ಂಡ್ ಪಂದ್ ತೆರಿದ್ ಬೈದ್ಂಡ್.
ಗಾಡಿ ಪೊಗ್ಗಿನ ಜಾಗೆಡ್ ಕನಿ ಬೊಕ್ಕ ಕರೆಂಟ್ ದ ಕಂಬ ಇತ್ತ್ಂಡ್. ಡ್ರೈವರ್ ನ ಸಮಯ ಪ್ರಜ್ಞೆರ್ದ್ ಮಲ್ಲ ಅನಾಹುತ ತತ್ತ್ಂಡ್. ಈ ಘಟನೆದ ಜಾಗೆಗ್ ಬೊಲ್ತೇರ್ ಸಂಚಾರಿ ಠಾಣೆ ಪೊಲೀಸೆರ್ ಬತ್ ದ್, ಪೆಟ್ಟಾಯಿನಕ್ಲೆನ್ ಆಸ್ಪತ್ರೆಗ್ ದಾಖಲ್ ಮಲ್ದೆರ್ ಪಂದ್ ತೆರಿದ್ ಬೈದ್ಂಡ್.

ಪೂಜೆ ಮಲ್ತೊಂದಿಪ್ಪುನಗನೇ ದೇವೆರೆ ಪಾದೊ ಸೇರಿಯೆರ್ ರೇಣುಕಾಚಾರ್ಯ ಶಿವಾಚಾರ್ಯ ಸ್ವಾಮೀಜಿ

ಕರ್ನಾಟಕ ಮಹಾರಾಷ್ಟ್ರ ಗಡಿಭಾಗಡ್ ಪುದರ್ ಪಡೆಯಿನ ಮಂದ್ರೂಪ ಪಟ್ಟಣದ ರೇಣುಕಾಚಾರ್ಯ ಶಿವಾಚಾರ್ಯ ಸ್ವಾಮೀಜಿ (65) ತಿಗಲೆ ಬೇನೆಡ್ ತೀರ್ ಪೋಯೆರ್.

ಪೂಜೆ ಮಲ್ತೊಂದು ಇಪ್ಪುನಗ ಬೂರ್ನ ಮೆರೆನ್ ಕೈತಲ್ ದ ಆಸ್ಪತ್ರೆಗ್ ದಾಖಲ್ ಮಲ್ದೆರ್. ಆಂಡ ಚಿಕಿತ್ಸೆ ಫಲಿಸಂದೆ ತೀರ್ ಪೋಯೆರ್. ಎಲ್ಲೆ ಮಧ್ಯಾಹ್ನ 3 ಗಂಟೆಗ್ ಮಹಾರಾಷ್ಟ್ರದ ಸೊಲ್ಲಾಪುರ ಜಿಲ್ಲೆದ ಮಂದ್ರೂಪಡ್ ಇಪ್ಪುನ ಮಠತ ಚಾವಡಿಡ್ ಅಕೇರಿದ ಕ್ರಿಯೆ ನಡಪರೆ ಉಂಡು.

ಚೀನಾಡ್ ಪ್ರತಿ ದಿನ 10 ಲಕ್ಷ ಕೊರೊನಾ ಕೇಸ್!

ಬೀಜಿಂಗ್‌: ಚೀನಾಡ್ ಕೊರೋನಾರ್ದಾವರ ಪರಿಸ್ಥಿತಿ ದಿನರ್ದ್ ದಿನಕ್ ಹಾಳಾವೊಂದು ಉಂಡು. ಪ್ರತಿ ದಿನ 10 ಲಕ್ಷರ್ದ್ ಹೆಚ್ಚ ಜನ ಕೊರೊನಾ ಸೀಕ್ ಗ್ ಬಲಿ ಆವೊಂದು ಉಲ್ಲೆರ್. 5 ಸಾರರ್ದ್ ಹೆಚ್ಚ ಜನ ಕೊರೋನಾರ್ದ್ ಪ್ರತಿದಿನ ಚೀನಾಡ್ ಸೈಯೊಂದು ಉಲ್ಲೆರ್ ಪಂದ್ ಲಂಡನ್ ಮೂಲದ ಅನಾಲಿಟಿಕ್ಸ್ ಸಂಸ್ಥೆ ಪಂತ್ಂಡ್.

ಏರ್‌ಫಿನಿಟಿಲಿ ಸಂಸ್ಥೆದ ವರದಿ ಚೀನಾಡ್ ಪ್ರತಿದಿನ 10 ಲಕ್ಷ ಜನಕ್ ಸೋಂಕು ಪತ್ತೆ ಆವೊಂದು ಉಂಡು ಪಂದ್ ಸೂಚನೆ ಕೊರ್ತುಂಡು. ಜನವರಿಡ್ ಉಂದು 37 ಲಕ್ಷಗ್ ಏರುನ ಸಾಧ್ಯತೆ ಉಂಡು ಪಂದ್ ಎಚ್ಚರಿಕೆ ಕೊರ್ತುಂಡು. ಮಾರ್ಚ್ ದ ಪೊರ್ತುಡು ಪ್ರತಿದಿನ 42 ಲಕ್ಷಗ್ ಏರುನ ಸೂಚನೆ ಕೊರ್ತುಂಡು. ಚೀನಾದ ಪ್ರಮುಖ ನಗರ ಶಾಂಘೈಡ್ ಒಟ್ಟು 54 ಲಕ್ಷ ಜನಕ್ ಕೊರೊನಾ ಸೋಂಕು ಪತ್ತೆ ಆತ್ಂಡ್ ಪಂದ್ ತೆರಿದ್ ಬೈದ್ಂಡ್.

Ten lakh cases of corona per day in China.

Bejing : Corona cases are increasing at an alarming rate in China.More than ten lakh cases are being recorded per day with more than 5000 cases of death in a day reports Analytics top data firm from London.

Reports say there are chances of the numbers to increase to 37 lakhs by January and to 42 lakhs by March.In the city of Shanghai in China more than 54 lakh people are affected by corona virus.