ಸಂವಿಧಾನಶಿಲ್ಪಿ ಡಾ.ಅಂಬೇಡ್ಕರ್ ರಾಜ್ಯಡ್ ಭೇಟಿ ಕೊರ್ನ 10 ಜಾಗೆಲೆನ್ ಅಭಿವೃದ್ಧಿ ಮಲ್ಪರೆ ರಾಜ್ಯ ಸರ್ಕಾರ ಚಿಂತನೆ ನಡಪಾದ್ಂಡ್.
ಈ ಬಗೆಟ್ ಉಂದುವೇ ತಿಂಗೊಲ್ ಬೆಳಗಾವಿಡ್ ಸುರುತ ಪ್ರಾಜೆಕ್ಟ್ ಗ್ ಸಿ.ಎಂ ಬೊಮ್ಮಾಯಿ ಕೆಸರ್ ಕಲ್ಲ್ ಪಾಡಿಯರೆ ಉಲ್ಲೆರ್. ನೆಕ್ಕಾದ್ 20 ಕೋಟಿ ರೂಪಾಯಿನ್ ರಾಜ್ಯ ಸರ್ಕಾರ ಮೀಸಲ್ ದಿತ್ಂಡ್ ಪಂದ್ ಸಚಿವೆರ್ ಕೋಟಾ ಶ್ರೀನಿವಾಸ ಪೂಜಾರಿ ಪಂಡೆರ್
ಕಲಬುರಗಿ: ನೀರ್ ಇಜ್ಜಂದಿನ ಓವರ್ ಟಾಂಕಿದ ಉಲಯಿ ಬೂರ್ದ್ 30 ರ್ದ್ಲ ಎಚ್ಚದ ಮಂಗೆಲು ತೀರ್ ಪೋಯಿನ ಘಟನೆ ಚಿತ್ತಾಪುರ ತಾಲೂಕ್ದ ಹಳಕರ್ಟಿ ಗ್ರಾಮಡ್ ನಡತ್ಂಡ್.
ಈ ಟಾಂಕಿಡ್ ನೀರ್ ಇಜ್ಜಿ. ಆಂಡ ಬರ್ಸದ ನೀರ್ ಉಂತುದಿತ್ತ್ಂಡ್. ಇಂಚಾದ್ ನೀರ್ ಪರಿಯರೆ ಪಂದ್ ಟಾಂಕಿದ ಉಲಯಿ ಜಂಪ್ ಮಲ್ತ್ದ್ಂಡ್. ಇಂಚಾದ್ ಪಿರ ಬರಿಯರೆ ಆವಂದಿನ ಕಾರಣ 30 ರ್ದ್ಲ ಎಚ್ಚದ ಮಂಗೆಲು ಎಚ್ಚ ಪೊರ್ತು ಆಯಿತ್ತ ಉಲಯಿ ಇತ್ತ್ದ್ ತೀರ್ ಪೋತುಂಡು.
ಕುಡ್ಲ: ಮಾಜಿ ಸಿಎಂ ಸಿದ್ದರಾಮಯ್ಯ ಮೇರ್ ಇನಿ ಬೊಲ್ತೇರ್ ಕಾರ್ ಡ್ ಪೋಯೆರೆ ಉಲ್ಲೆರ್. ಅಂಚಾದ್ ಇತ್ತೆ ಕುಡ್ಲ ಏರ್ಪೋರ್ಟ್ ಗ್ ಬತ್ತ್ ದ್ ಜತ್ತ್ ದೆರ್.
ಈ ಪೊರ್ತುಡು ಮಾಜಿ ಸಿಎಂ ಸಿದ್ದರಾಮಯ್ಯ ಪಾತೆರ್ದ್, ಕುಕ್ಕರ್ ಬ್ಲಾಸ್ಟ್ ರಾಜಕೀಯಗ್ ಗಲಸುವೆರ್ ಪಂದ್ ಕೆಪಿಸಿಸಿ ಅಧ್ಯಕ್ಷೆರ್ ಪಂತೆರ್ ಅತೆ. ಆರ್ ಟೆರರಿಸಂ ಸಪೋರ್ಟ್ ಮಲ್ಪುನ ಪಂದ್ ಪಂತೆರಾ? ಬಿಜೆಪಿದಕುಲು ತಿರ್ಗದ್ ಜನಕ್ ತಪ್ಪು ಮಾಹಿತಿ ಕೊರೊಂದು ಉಲ್ಲೆರ್ ಪಂದ್ ಪಂಡೆರ್. ಮೆರೆನ್ ಕಾಂಗ್ರೆಸ್ ಜಿಲ್ಲಾಧ್ಯೆಕ್ಷೆರಾಯಿನ ಹರೀಶ್ ಕುಮಾರ್, ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ ರಕ್ಷಿತ್ ಶಿವರಾಂ, ರಮಾನಾಥ್ ರೈ, ಯು ಟಿ ಖಾದರ್, ಐವನ್ ಡಿಸೋಜಾ ಎದ್ಕೊನಿಯೆರ್.
ಬೆಂಗ್ಲೂರು: ಬಿರ್ಸ್ಡ್ ಬತ್ತಿನ ಆಟೋ ಕೈ ತತ್ತ್ದ್ ಪಲ್ಟಿಯಾಯಿನ ಘಟನೆ ಸುಮ್ಮನಹಳ್ಳಿ ಕೈತಲ್ ನಡುರಾತ್ರೆ ನಡತ್ಂಡ್.
ಘಟನೆದ ಪೊರ್ತುಡು ಒವ್ವೇ ರೀತಿದ ತೊಂದರೆ ಆತಿಜಿ. ಗಾಡಿ ಪಲ್ಟಿಯಾತಿನೆಡ್ದಾವರ ಅಲ್ಪದ ಜನಕುಲು ಪೊಲೀಸೆರೆಗ್ ಮಾಹಿತಿ ಕೊರ್ತೆರ್. ಆಂಡ ರಿಕ್ಷಾ ಡ್ರೈವರ್, ಪೋಡಿದ್ ಪೊಲೀಸೆರ್ ಬರ್ಪಿನೆಡ್ದ್ ದುಂಬು ನಕ್ಕೆ ಆಯಿನ ರಿಕ್ಷಾನ್ ಪತೊಂದು ಪದ್ರಾಡ್ ಪಾರ್ದೆರ್.
ತೆಲಂಗಾಣ: ನಡುರಾತ್ರೆ ಇಲ್ಲಗ್ ತೂ ಬೂರ್ದ್ ಒಂಜೇ ಕುಟುಮದ 6 ಜನ ತೀರ್ ಪೋಯಿನ ಘಟನೆ ಮಂಚರ್ಯಾಲಿ ಜಿಲ್ಲೆದ ಮಂದಮರೆ ನಗರದ ವೆಂಕಟಪುರ ಗ್ರಾಮಡ್ ನಡತ್ಂಡ್.
ವೆಂಕಟಪುರದ ಶಿವಯ್ಯ (50), ಬೊಡೆದಿ ಪದ್ಮಾ (45), ಪದ್ಮಾ ಮೆರೆನ ಮೆಗ್ದಿನ ಮಗಲ್ ಮೌನಿಕಾ(23) ಅಂಚನೆ ಶಿವಯ್ಯ ಮೆರೆನ ರಡ್ಡ್ ಜೋಕುಲು ತೀರ್ ಪೋತೆರ್. ತೂ ಪತ್ತರೆ ಕಾರಣ ದಾದ ಪಂದ್ ತೆರಿದ್ ಬೈದಿಜಿ.
ಬೆಳುವಾಯಿ ಗ್ರಾಮ ಪಂಚಾಯತ್ ವ್ಯಾಪ್ತಿದ ಕಾನರ್ದ್ ಕಡಲಕೆರೆ ಬೈಪಾಸ್ ಜಂಕ್ಷನ್ ಮುಟ್ಟ 1 ಕೋಟಿ ರೂಪಾಯಿ ಕರ್ಚಿಡ್ ನಿರ್ಮಾಣ ಆಯರೆ ಇಪ್ಪುನ ಮಾರ್ಗದ ಅಭಿವೃದ್ಧಿ ಕಾಮಗಾರಿಗ್ ಶಾಸಕೆರ್ ಉಮಾನಾಥ್ ಕೋಟ್ಯಾನ್ ಕೆಸರ್ ಕಲ್ಲ್ ಪಡಿಯೆರ್.
ಈ ಪೊರ್ತುಡು ಸ್ಥಾಯಿ ಸಮಿತಿದ ಅಧ್ಯಕ್ಷೆರ್ ನಾಗರಾಜ್ ಪೂಜಾರಿ, ಸೌಮ್ಯ ಸಂದೀಪ್ ಶೆಟ್ಟಿ, ಪ್ರಭಾಕರ್ ಕುಲಾಲ್, ಶಶಿಧರ್ ಅಂಚನ್, ಭರತ್ ಶೆಟ್ಟಿ, ಬೆಳುವಾಯಿ ಗ್ರಾಮ ಪಂಚಾಯತ್ ಸದಸ್ಯೆರ್, ರಾಜೇಶ್ ಮಲ್ಯ, ಪುರಸಭೆ ನಾಮ ನಿರ್ದೇಶಿತ ಸದಸ್ಯೆರ್ ಬೊಕ್ಕ ಕೈತಲ್ ದ ಜಯರಾಮ್ ರಾವ್ ಇತ್ತೆರ್.
✍️ಜಗದೀಶ್ ಪೂಜಾರಿ
ಬೆದ್ರ
ಕರೆಂಟ್ ಉತ್ಪಾದನೆಗಾದ್ ಕಡಲ್ ದ ಮಿತ್ತ್ ಸೋಲಾರ್ ಪಾರ್ಕ್ ನಿರ್ಮಾಣ ಮಲ್ಪುನ ಯೋಜನೆನ್ ಆಯಿನಾತ್ ಬೇಗಡೇ ಉದಿಪನ ಮಲ್ಪೆರೆ ಉಂಡು ಪಂದ್ ಕೇಂದ್ರ ಇಂಧನ ಖಾತೆದ ರಾಜ್ಯ ಸಚಿವೆರ್ ಕೃಷ್ಣನ್ ಪಾಲ್ ಗುರ್ಜಾಲ್ ಪಂಡೆರ್.
ತುಮಕೂರುಡ್ ನಿರ್ಮಾಣ ಆತಿನ ಸೌರಪಾರ್ಕ್ ರ್ದ್ ಕರೆಂಟ್ ತಿಕುನೆತೊಟ್ಟಿಗೆ ರೈತೆರೆಗ್ ಮಸ್ತ್ ಆದಾಯಲ ತಿಕೊಂದು ಉಂಡು. ಇಂಧನ ವ್ಯವಸ್ಥೆನ್ ಗಟ್ಟಿ ಮಲ್ಪುನ ದಿಟ್ಟಿಡ್ ಕೇಂದ್ರ ಸರ್ಕಾರ ಸುಮಾರ್ ಯೋಜನೆಲೆನ್ ರಚನೆ ಮಲ್ತೊಂದುಂಡು ಪಂದ್ ಪಂಡೆರ್.
Solar park to come up on the sea to generate electricity !!
A floating solar park is being proposed on the sea ; which will come up shortly said central power minister for state Krishnan Pal Gurjal.
The solar plant set up at Tumkur is generating electricity which has helped farmers and is also bringing them an additional income.The centre has come up with many schemes to ease out and develop the power situation.
ಬೆಂಗ್ಲೂರು: ಬಗೆ ಬಗೆತ್ತ ತಿಂಡಿನ್ ಆರ್ಡರ್ ಮಲ್ತಿನ ತೆನಸ್ದ ಬಗೆಟ್ “ಬಿರಿಯಾನಿ” ಈ ವರ್ಷ ಟಾಪ್ ತಾನೊ ಪಡೆತ್ಂಡ್.
ಡೆಲಿವೆರಿ ಪ್ಲಾಟ್ಫಾರಂ ಆತಿನ ಸ್ವಿಗ್ಗಿ ತನ್ನ ವಾರ್ಷಿಕ ವರದಿನ್ ಪ್ರಕಟ ಮಲ್ತ್ದ್ಂಡ್. ಉಂದೆಟ್ 2022 ಟ್ ಭಾರತೀಯೆರ್ ಪ್ರತಿ ಸೆಕೆಂಡ್ಗ್ 2 ಬಿರಿಯಾನಿನ್ ಆರ್ಡರ್ ಮಲ್ತ್ದೆರ್ ಪಂದ್ ತೆರಿಪಾದ್ಂಡ್.
ದಿಲ್ಲಿ: 2024 ನೇ ಇಸ್ವಿದ ಕಡೆಕ್ಕ್ ಭಾರತದ ಮಾರ್ಗ ಪೂರ ಅಮೇರಿಕಾ ಮಾರ್ಗದ ಗುಣಮಟ್ಟಗ್ ಸಮ ಆದಿಪ್ಪುಂಡು ಪಂದ್ ಕೇಂದ್ರ ರಸ್ತೆ ಸಾರಿಗೆ ಬೊಕ್ಕ ಹೆದ್ದಾರಿ ಸಚಿವೆರ್ ನಿತಿನ್ ಗಡ್ಕರಿ ತೆರಿಪಾದೆರ್.
ಈ ಬಗೆಟ್ ಪಾತೆರಿನ ಆರ್ ನಮ್ಮ ದೇಶಡ್ ವರ್ಲ್ಡ್ ಸ್ಟ್ಯಾಂಡರ್ಡ್ ರೋಡ್ ಎಡ್ಡೆರೀತಿದ ಮಾರ್ಗದ ಸೌಕರ್ಯನ್ ಮಲ್ತೊಂದುಲ್ಲ. ಈ ನಿರ್ಮಾಣಗ್ ಸಿಮೆಂಟ್ ಬೊಕ್ಕ ಕರ್ಬ ಪ್ರಮುಖವಾದ್ ಬೋಡಾಪುಂಡು ಪಂದ್ ಪಂಡೆರ್.
ಯುವವಾಹಿನಿ (ರಿ.) ಕೇಂದ್ರ ಸಮಿತಿ ಕುಡ್ಲ, ಮುಲ್ಕಿ ಘಟಕದ ಮುತಾಲಿಕೆಡ್ 35 ನೇ ವಾರ್ಷಿಕ ಸಮಾವೇಶ ಬೊಕ್ಕ ಪದಗ್ರಹಣ ಲೇಸ್-2022 ಡಿ.25 ಐತಾರ ಮುಲ್ಕಿ ವಿಜಯಾ ಕಾಲೇಜ್ ದ ಅರ್ಪಣಾ ಸಭಾಂಗಣಡ್ ಬೊಲ್ಪುಗು 9:30 ರ್ದ್ ಮಧ್ಯಾಹ್ನ 2 ಮುಟ್ಟ ನಡಪರೆ ಉಂಡು.
ಅಂಚೆನೆ ಬೊಕ್ಕ ಸಭಾ ಲೇಸ್, ಸಾಧನಶ್ರೀ ಪ್ರಶಸ್ತಿ ಪುರಸ್ಕಾರ, ಯುವ ಸಾಧನಾ ಪುರಸ್ಕಾರ, ಗೌರವ ಅಭಿನಂದನೆ ನಡಪುಂಡು ಪಂದ್ ಯುವವಾಹಿನಿ (ರಿ.) ಮುಲ್ಕಿ ಘಟಕ ತೆರಿಪಾದ್ಂಡ್.
