ಮಣಿಪಾಲ: ರೇಡಿಯೋ ಮಣಿಪಾಲ್ 90.4 mhz, ಡ್ ಗ್ರಾಮೀಣ ಪರ್ಪಿನ ನೀರ್ ಬೊಕ್ಕ ನೈರ್ಮಲ್ಯ ಇಲಾಖೆ ಬೆಂಗ್ಲೂರ್ ನೆತ್ತ ಮುತಾಲಿಕೆಡ್ ಶುದ್ಧ ಜಲ, ಸ್ವಚ್ಛ ನೆಲ ಆರೋಗ್ಯವಾಗಿರಲಿ ಜೀವಸಂಕುಲ ಸರಣಿ ಲೇಸ್ ಡಿ.29 ಗುರುವಾರ ಬಯ್ಯಗ್ 6 ಗಂಟೆಗ್ ಜಲ್ ಜೀವನ್ ಮಿಷನ್ ಯೋಜನೆಡ್ ಗ್ರಾಮ ಪಂಚಾಯತ್ ಅಧ್ಯಕ್ಷೆರೆನ ಪಾತ್ರದ ಬಗೆಟ್ ಪ್ರಸಾರ ಆಪುಂಡು.
ಈ ಲೇಸ್ ಡ್ ಇನ್ನಾ ಗ್ರಾಮ ಪಂಚಾಯತ್ ದ ಅಧ್ಯಕ್ಷೆರ್ ಕುಶ ಆರ್. ಮೂಲ್ಯ ಪಾಲ್ ಪಡೆಯೆರೆ ಉಲ್ಲೆರ್. ಡಿ.30ಕ್ ಮಧ್ಯಾಹ್ನ 2 ಕ್ ಮರುಪ್ರಸಾರ ಆಪುಂಡು.
ಎನ್ಐಎ ಇನಿ ಕೇರಳದ ಸುಮಾರ್ ಕಡೆಟ್ ದಾಳಿ ಮಲ್ತ್ ದ್ ಪಾಪ್ಯುಲರ್ ಫ್ರಂಟ್ ಸಂಘಟನೆದ ಒರಿ ಕಾರ್ಯಕರ್ತನ್ ಅರೆಸ್ಟ್ ಮಲ್ದ್ಂಡ್.
ಎರ್ನಾಕುಲಂದ ಎಡವನಕ್ಕಾಡ್ ಮೂಲದ ಮುಬಾರಕ್ ನ್ ಕಸ್ಟಡಿಗ್ ದೆತೊಂದುಂಡು. ಅತ್ತಂದೆ ಇನಿ ರಾಜ್ಯದ 56 ಜಾಗೆಲೆಗ್ ದಾಳಿ ಮಲ್ತ್ ದ್ ಮೊಬೈಲ್ ಫೋನ್, ಸಿಮ್ ಕಾರ್ಡ್ ಬೊಕ್ಕ ಪಿಎಫ್ಐ ಸಮವಸ್ತ್ರನ್ ವಶಕ್ಕ್ ಪಡೆತ್ಂಡ್ ಪಂದ್ ಎನ್ಐಎ ತೆರಿಪಾದ್ಂಡ್.
ಶಾಲೆದ 3 ಜೋಕ್ಲೆನ ಮೆಯಿಕ್ಕ್ ಬೆಚ್ಚ ಸಾಂಬಾರ್ ಬೂರ್ದು ಮಸ್ತ್ ಗಾಯ ಆತಿನ ಘಟನೆ ಯಾದಗಿರಿ ಜಿಲ್ಲೆದ ಸುರಪುರ ತಾಲೂಕ್ದ ಎಮ್. ಬೊಮ್ಮನಹಳ್ಳಿ ಗ್ರಾಮಡ್ ನಡತ್ಂಡ್.
ಬೊಮ್ಮನ ಹಳ್ಳಿ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಡ್ ಮಧ್ಯಾಹ್ನ ವನಸ್ ಮಲ್ಪುನ ಪೊರ್ತುಡು ಮೂಜಿ ಜೋಕ್ಲೆನ ಮಿತ್ತ್ ಬೆಚ್ಚ ಸಾಂಬಾರ್ ಬೂರ್ದುಂಡು. ಗಾಯ ಆತಿನ ಜೋಕ್ಲೆನ್ ವಿಜಯಪುರ ಆಸ್ಪತ್ರೆಗ್ ದಾಖಲ್ ಮಲ್ತ್ದೆರ್.
ಕೋಲಾರ: ಪೆರಿಯ ಪತ್ರಕರ್ತೆ ಅಂಚನೆ ಸಾಹಿತಿ ಎಂ.ಎಸ್ ಪ್ರಭಾಕರ್(೮೭) ಹುಷಾರ್ದಾಂತೆ ತೀರ್ ಪೋಯೆರ್.
ಎಂ.ಎಸ್ ಪ್ರಭಾಕರ್ ಮೇರ್ ವಯೋಸಹಜ ಸೀಕ್ರ್ದ್ ನರಲೊಂದು ಇತ್ತೆರ್. ಮೇರ್ ಪತ್ರಕರ್ತೆರ್, ಸಾಹಿತಿ ಆದ್ ಇತ್ತೆರ್.
ಒಡಿಪು ಪೇಂಟೆದ ಕಮಲಾಕ್ಷಿ ವಿವಿಧೋದ್ದೇಶ ಸಹಕಾರಿ ಸಂಘದ ಠೇಣಿದಾರೆರೆಗ್ ನೂದೆರ್ದ್ ಲ ಎಚ್ಚ ಕೋಟಿ ರೂ. ವಂಚನೆ ಮಲ್ತಿನ ಆರೋಪದ ಮಿತ್ತ್ ಸಂಘದ ಅಧ್ಯಕ್ಷೆರ್ ಬಿ.ವಿ. ಲಕ್ಷ್ಮೀ ನಾರಾಯಣ ಉಪಾಧ್ಯಾಯ ಮೆರೆನ್ ಒಡಿಪು ಸೆನ್ ಅಪರಾಧ ಪೊಲೀಸೆರ್ ಅರೆಸ್ಟ್ ಮಲ್ದೆರ್.
ಮೇರ್ ಠೇಣಿದಾರೆರೆಗ್ ಎಚ್ಚದ ಬಡ್ಡಿದ ಆಮಿಷ ಕೊರ್ದು ಕೋಟ್ಯಾಂತರ ರೂ. ದೆತೊಂದು, ಆವೆನ್ ಪಿರ ಕೊರಂದೆ ವಂಚನೆ ಮಲ್ದೆರ್ ಪಂದ್ ತೆರಿದ್ ಬೈದ್ಂಡ್.
ಕಾಪು: ಮಾರ್ಗದ ಬರಿಟ್ಟ್ ಉಂತುದು ಇತ್ತಿನ ಪೊರ್ತುಡು ಕಾರೊಂಜಿ ಗುದ್ದುದು ಖಾಸಗಿ ಬಸ್ ತ ಮಾಲಕೆರ್ ತೀರ್ ಪೋಯಿನ ಘಟನೆ ಕಾಪು ರಾಷ್ಟ್ರೀಯ ಹೆದ್ದಾರಿ 66ಟ್ ಅಂಗಾರೆ ರಾತ್ರೆ ನಡತ್ಂಡ್.
ಕಾಪು ಮಹಾವೀರ್ ಬಸ್ತ ಮಾಲಕೆರ್, ಜೈನ ಬಸದಿ ಇಲ್ಲದ ಮಹೇಂದ್ರ ಕುಮಾರ್ ಇಂದ್ರ (60) ತೀರ್ ಪೋಯಿನಾರ್. ಮೇರ್ ಕರಿನ ಸುಮಾರ್ ನಾಲ್ ವರ್ಷೊದಿಂಚ ಬಸ್ ಮಾಲಕೆರಾದ್ ಸೇವೆ ಸಂದಾದೆರ್. ಈ ಬಗೆಟ್ ಕಾಪು ಠಾಣೆಡ್ ಕೇಸ್ ದಾಖಲ್ ಆತ್ಂಡ್. ನೆಕ್ ಕಾರಣ ಆಯಿನ ಡ್ರೈವರ್ ನ್ ಪೊಲೀಸೆರ್ ವಶಕ್ ದೆತೊಂದೆರ್.
ಸಜ್ಜನ ಪ್ರತಿಷ್ಠಾನ ಬೀಜದಕಟ್ಟೆ ಉಂದೆತ್ತ ಮುತಾಲಿಕೆಡ್ ಸಜ್ಜನೋಚ್ಚಯ ಸಾಹಿತ್ಯ ಸಮ್ಮೇಳನ ಡಿ.31 ತಾರೀಕ್ಗ್ ಸಜ್ಜನ ಸಭಾಂಗಣಡ್ ನಡಪರೆ ಉಂಡು.
ಈ ಲೇಸ್ಡ್ ಪ್ರತಿವರ್ಷ ಕೊರ್ಪುನಂಚಿನ ಕರ್ನಾಟಕ ರಾಜ್ಯ ಮಟ್ಟದ ಸಜ್ಜನ ಸಿರಿ ರಾಜ್ಯ ಪ್ರಶಸ್ತಿನ್ ಸುಳ್ಯ ತಾಲೂಕ್ಡ್ ತಹಶೀಲ್ದಾರ್ ಆದ್ ಸೇವೆ ಮಲ್ತಿನ ಇತ್ತೆ ಮಂಡ್ಯ ತಹಶೀಲ್ದಾರ್ ಆದ್ ಇಪ್ಪುನ ಕುಂಇ ಅಹ್ಮದ್ ಕೆ ಎ ಎಸ್ ಅಂಚನೆ ಜಿಲ್ಲಾ ಅತ್ಯುತ್ತಮ ಶಿಕ್ಷಕ ಪ್ರಶಸ್ತಿ ಪಡೆಯಿನ ದಾಮೋದರ್ ಮಾಸ್ಟರ್ ಮೊಕುಲೆಗ್ ಸಜ್ಜನ ಸಿರಿ ಪುರಸ್ಕಾರ ಪ್ರಧಾನ ಮಲ್ಪರೆ ಉಂಡು. ಅಂಚನೆ ಸಜ್ಜನೋಚ್ಚಯ ಸಾಹಿತ್ಯ ಸಮ್ಮೇಳನದ ಯಶಸ್ಸ್ದ ರೂವಾರಿಲೆಗ್ ಮಾನಾದಿಗೆ ನಡಪರೆ ಉಂಡು.
ಸಭಾ ಕಾರ್ಯಕ್ರಮರ್ದ್ ಬೊಕ್ಕ ರಂಗಪಯಣ ಬೆಂಗ್ಲೂರು ರಾಜ್ ಗುರು ನಿರ್ದೇಶನದ ‘ಏಕತಾರಿ ಹಿಡಿದು ಏಕತೆ ಸಾರಿದಾತ’ ನಾಟಕ ಪ್ರದರ್ಶನ ಆಯರೆ ಉಂಡು ಪಂದ್ ಸಜ್ಜನ ಪ್ರತಿಷ್ಠಾನದ ಅಧ್ಯಕ್ಷೆರ್ ಡಾ. ಉಮ್ಮರ್ ಬೀಜದಕಟ್ಟೆ ತೆರಿಪಾದೆರ್.
ದಿಲ್ಲಿಡ್ ನಡಪರೆ ಇಪ್ಪುನ ೨೦೨೩ನೇ ಸಾಲ್ದ ಗಣರಾಜ್ಯೋತ್ಸವದ ಪೆರೇಡ್ಡ್ ಪಾಲ್ ಪಡೆಯರೆ ಪುತ್ತೂರ್ದ ಡಾ. ವಜೀದಾ ಬಾನು ಆಯ್ಕೆಯಾತೆರ್.
ಎನ್ಎಸ್ಎಸ್ ಮುತಾಲಿಕೆಡ್ ನಡತಿನ ದಕ್ಷಿಣ ಪ್ರಾಂತೀಯ ಪ್ರೀ ಆರ್ ಡಿ ತರಬೇತಿ ಶಿಬಿರಡ್ ಕರ್ನಾಟಕರ್ದ್ ಆಯ್ಕೆಯಾಯಿನ ಏಳ್ ಜನಟ್ಟ್ ಡಾ. ವಜೀದಾ ಬಾನು ಒರ್ತಿಯಾದುಲ್ಲೆರ್. ಮೇರ್ ಪುತ್ತೂರ್ದ ಮೊಟ್ಟೆತ್ತಡ್ಕ ಇಸ್ಮಾಯಿಲ್ ಬೊಕ್ಕ ಸುಫಿಯಾ ಬಾನು ದಂಪತಿಲೆನ ಮಗಲ್. ಎ.ಜೆ ದಂತ ವೈದ್ಯಕೀಯ ಕಾಲೇಜಿಡ್ ಪದವಿ ಪಡೆತ್ತೆರ್.
ಹೊನ್ನಕಟ್ಟೆ ಫ್ರೆಂಡ್ಸ್ ಸರ್ಕಲ್ ಕುಳಾಯಿ ಉಂದೆತ್ತ ೩೬ನೇ ವರ್ಷದ ಸಾರ್ವಜನಿಕ ಶ್ರೀ ಸತ್ಯನಾರಾಯಣ ಪೂಜೆ ಕಾರ್ಯಕ್ರಮದ ಲೆಪ್ಪೋಲೆ ಬುಡುಗಡೆ ಲೇಸ್ ಮೈರ್ಪಾಡಿ ಶ್ರೀ ಮಲರಾಯ ದೈವದ ಚಾವಡಿಡ್ ನಡತ್ಂಡ್.
ಶ್ರೀ ನಾಗೇಶ್ ಯಮ್ ಮೇರ್ ಆಶೀರ್ವಚನ ಮಲ್ತೆರ್. ಮಲ್ಲ ಬಿನ್ನೆರಾದ್ ಬತ್ತಿನ ಅಗರಿ ಸಮೂಹ ಸಂಸ್ಥೆದ ಮಾಲಕೆರ್ ಅಗರಿ ರಾಘವೇಂದ್ರ ರಾವ್ ಪಾತೆರ್ದ್, ಪರಶುರಾಮ ಸೃಷ್ಟಿದ ತುಳುನಾಡ್ಡ್ ಹೊನ್ನಕಟ್ಟೆ ಫ್ರೆಂಡ್ಸ್ ಸರ್ಕಲ್ ಮಲ್ಲ ಸಮಾಜ ಸೇವೆದ ಸಂಘವಾದ್ ಬುಳೆದಿತ್ತ್ದ್, ಉಂದೆಕ್ಕ್ ಪ್ರಮುಖ ಕಾರಣ ಸಂಘದ ಪದಾಧಿಕಾರಿಲು ಬೊಕ್ಕ ಸದಸ್ಯೆರ್ನ ನಿಸ್ವಾರ್ಥ ಸೇವೆ ಪಂದ್ ಪಂಡೆರ್.
ಹಿಂದು ವಿದ್ಯಾದಾಯಿನೀ ಸಂಘದ ನಿಕಟ ಪೂರ್ವ ಕಾರ್ಯದರ್ಶಿ ಯಮ್ ವೆಂಕಟ್ರಾವ್ ಪಾತೆರ್ದ್, ಸಂಘದ ಸಾಮಾಜಿಕ ಚಟುವಟಿಕೆದ ಬಗೆಟ್ಟ್ ಎಡ್ಡೆಪ್ಪುನು ಬಯಕ್ಯೆರ್.
ಶ್ರೀಮಾತಾ ಮಹಿಳಾ ಭಜನಾ ಮಂಡಳಿ ಕುಳಾಯಿ ಹೊಸಬೆಟ್ಟು ಉಂದೆತ್ತ ಅಧ್ಯಕ್ಷೆರ್ ರಮಾ ವೆಂಕಟ್ರಾವ್, ವಸಂತಿ ದಾಸಪ್ಪಯ್ಯ ಯಮ್, ಸುಕನ್ಯಾ ನಾಗೇಶ್ ಯಮ್, ಸಂಘದ ಅಧ್ಯಕ್ಷೆರ್ ವಾಸುದೇವ ದೇವಾಡಿಗ, ಕಾರ್ಯದರ್ಶಿ ಶ್ರೀಹರಿ ಯಮ್, ಕೋಶಾಧಿಕಾರಿ ಪ್ರಸನ್ನ ಮೈರ್ಪಾಡಿ ಲೇಸ್ಡ್ ಪಾಲ್ ಪಡೆದ್ ಇತ್ತೆರ್. ಸಾರ್ವಜನಿಕ ಅಭಿನಂದನಾ ಸಮಿತಿ ಸುರತ್ಕಲ್ ಉಂದೆತ್ತ ಅಧ್ಯಕ್ಷೆರ್ ಪ್ರಕಾಶ್ ಯಮ್ ಬಿನ್ನೆರೆಗ್ ಸೊಲ್ಮೆ ಸಂದೈತ ಮಲ್ತೆರ್.
ಕುಡ್ಲ: ಯಕ್ಷಧ್ರುವ ಪಟ್ಲ ಫೌಂಡೇಶನ್ ಟ್ರಸ್ಟ್ದ ಆಜನೇ ವರ್ಷದ ಯಕ್ಷಧ್ರುವ ಪಟ್ಲ ಸಂಭ್ರಮ 2023 ಲೇಸ್ ಮೇ 28 ಗ್ ಅಡ್ಯಾರ್ ಗಾರ್ಡನ್ಡ್ ನಡಪರೆ ಉಂಡು.
2023 ಸಾಲ್ದ ಪಟ್ಲ ಪ್ರಶಸ್ತಿನ್ ಯಕ್ಷಗಾನ ಕಲಾವಿದೆರ್, ತಾಳ ಮದ್ದಳೆ ಅರ್ಥಧಾರಿ ತೆಂಕು-ಬಡಗುದ ಕಲಾವಿದೆ ಎಂ.ಎಲ್. ಸಾಮಗ ಮೆರೆಗ್ ಕೊರಿಯರೆ ಉಂಡು ಪಂದ್ ಪಟ್ಲ ಫೌಂಡೇಶನ್ ಟ್ರಸ್ಟ್ದ ಸ್ಥಾಪಕಾಧ್ಯಕ್ಷೆರ್ ಪಟ್ಲ ಸತೀಶ್ ಶೆಟ್ಟಿ ತೆರಿಪಾಯೆರ್.
ಕುಡ್ಲದ ಜನತಾ ಡಿಲಕ್ಸ್ ಹೋಟೆಲ್ಡ್ ನಡತಿನ ಪತ್ರಿಕಾಗೋಷ್ಠಿಡ್ ಪಾತೆರಿನ ಆರ್, ಪಟ್ಲ ಸಂಭ್ರಮದ ಅಧ್ಯಕ್ಷತೆನ್ ಟ್ರಸ್ಟ್ದ ಗೌರವಾಧ್ಯಕ್ಷೆರ್ ಕನ್ಯಾನ ಸದಾಶಿವ ಶೆಟ್ಟಿ ವಹಿಸೊನ್ಯರೆ ಉಲ್ಲೆರ್. ಈ ಲೇಸ್ಡ್ ಕಲಾವಿದೆರೆಗ್ ಸಕಾಯ, ಅಪಘಾತ ವಿಮಾ ಯೋಜನೆ, ಕಲಾವಿದೆರೆನ ಜೋಕುಲೆಗ್ ಪ್ರತಿಭಾ ಪುರಸ್ಕಾರ, ವಿದ್ಯಾರ್ಥಿ ವೇತನ, ನೆತ್ತೆರ್ ಉಂಬೊಲಿ ಶಿಬಿರ ಅಂಚನೆ ಯಕ್ಷಗಾನ ಮನೊರಂಜನೆದ ಮುಕೇನ ಲೇಸ್ ನಡಪರೆ ಉಂಡು ಪಂದ್ ಆರ್ ಪಂಡೆರ್.
ಪಟ್ಲ ಫೌಂಡೇಶನ್ ಟ್ರಸ್ಟ್ದ ಗೌರವಾಧ್ಯಕ್ಷೆರ್ ಕನ್ಯಾನ ಸದಾಶಿವ ಶೆಟ್ಟಿ ಪಾತೆರ್ದ್, ಈ ಟ್ರಸ್ಟ್ ಕಲಾವಿದೆರೆನ ಪಾಲ್ಗ್ ಬೊಲ್ಪಾದ್ ಬೇಲೆ ಮಲ್ತೊಂದುಂಡು. ಕಲಾವಿದೆರೆನ ಕಷ್ಟಲೆಗ್ ಸ್ಪಂದನೆ ಕೊರ್ಪಿನ ಪಟ್ಲ ಟ್ರಸ್ಟ್ಗ್ ಮಾತೆರೆನ್ಲಾ ಸಕಾಯ ಅಗತ್ಯ ಪಂದ್ ಪಂಡೆರ್.
ಜಾಗತಿಕ ಬಂಟರ ಸಂಘದ ಒಕ್ಕೂಟದ ಅಧ್ಯಕ್ಷೆರ್ ಐಕಳ ಹರೀಶ್ ಶೆಟ್ಟಿ ಪಾತೆರ್ದ್, ಪಟ್ಲ ಫೌಂಡೇಶನ್ ಟ್ರಸ್ಟ್ ಕಲಾವಿದೆರೆನ ಮಿತ್ತ್ ದೀತಿನ ಕಾಳಜಿ ಬೊಕ್ಕ ಕಷ್ಟಡ್ ಇಪ್ಪುನ ಕಲಾವಿದೆರೆನ್ ಗುರ್ತಿಸಾದ್ ಅಕ್ಲೆಗ್ ಸಕಾಯ ಮಲ್ಪುನ ಬೇಲೆ ನಿಜಕ್ಕ್ಲ ಎಡ್ಡೆ ಬೇಲೆ. ಅವು ಏಪಲ ನಡತೊಂದು ಇಪ್ಪಡ್ ಪಂದ್ ಪಂಡೆರ್.
ಈ ಪೊರ್ತುಡು ಬೆಟ್ಟಂಪಾಡಿ ಬಾಳಪ್ಪ ಶೆಟ್ಟಿ, ಸುಂದರ ಶೆಟ್ಟಿ, ಪುರುಷೋತ್ತಮ ಭಂಡಾರಿ, ಕೋಶಾಧಿಕಾರಿ ಸಿ. ಎ. ಸುದೇಶ್ ಕುಮಾರ್ ರೈ, ಡಾ. ಗಣೇಶ್ ಎಚ್. ಕೆ, ಗಿರೀಶ್ ಎಂ. ಶೆಟ್ಟಿ ಕಟೀಲ್, ಸುಧಾಕರ ಪೂಂಜ, ಸವಣೂರು ಸೀತಾರಾಮ ರೈ, ಪಟ್ಲ ಮಹಾಬಲ ಶೆಟ್ಟಿ, ಪ್ರಸಾದ್ ಶೆಟ್ಟಿ, ಜಯರಾಮ ಶೇಖ, ಜಗನ್ನಾಥ ಶೆಟ್ಟಿ ಬಾಳ, ಚಿಕ್ಕಪ್ಪ ನಾಯ್ಕ್, ಕರುಣಾಕರ ರೈ, ಸಂತೋಷ್ ಶೆಟ್ಟಿ, ವಿಜಯ ಶೆಟ್ಟಿ, ಜಯಶೀಲ ಅಡ್ಯಂತಾಯ, ದಾಮೋದರ ರೈ, ಪೂರ್ಣಿಮಾ ಶೆಟ್ಟಿ, ಆರತಿ ಆಳ್ವ, ಅನಿತಾ ಪಿಂಟೋ, ಪ್ರದೀಪ್ ಆಳ್ವ, ರವಿ ಶೆಟ್ಟಿ ಅಶೋಕನಗರ ಇತ್ತೆರ್.
Yakshagana senior artiste M L Samaga gets the Patla award-2023
Awards ceremony on May 28th at Adyar Garden, ” Patla Sambrama “
Mangalore: The sixth annual program Yakshadruma Patla Sambrama 2023 organised by the Patla foundation will be held on May 28th.
The 2923 Patla award will be given to Yakshagana artist, Talamaddala translater Sri M L Samaga said founder president of Patla foundation Satish Shetty.
Speaking at a press conference he said that the Patla Sambrama 2023 will be presided by the honorary President of the trust Kanyana Sadashiv Shetty. The program will include rendering aid to Yakshagana artists, insurance schemes, scholarship to merited children of artists, blood donation camps and such other social service schemes.
Kanyana Sadashiv Shetty said that the foundation was a guiding force to artists and a helping hand to them in times of need
Ikala Harish Shetty president of the global Bunts association appreciated the work done by Patla foundation and wished for its all time service for the well being of the artistes.
Many dignitaries associated with the foundation were present at the press meet.
