December 22, 2022

ಜೈನೆರ್ನ ತೀರ್ಥಕ್ಷೇತ್ರ “ಸಮ್ಮೇದ ಶಿಖರ್ಜಿ” ಒರಿಪಾವರೆಗಾದ್ ಜೈನ ಸಮುದಾಯದ ಪೊರ್ಂಬಾಟ

ಒಡಿಪು: ಜಾರ್ಖಂಡ್ ರಾಜ್ಯದ ಗಿರಡಿ ಜಿಲ್ಲೆಡ್ ಇಪ್ಪುನ ಜೈನ ಧರ್ಮದ ಪರಮೋಚ್ಚ ಪವಿತ್ರ ತೀರ್ಥಕ್ಷೇತ್ರ “ಸಮ್ಮೇದ ಶಿಖರ್ಜಿ”ನ್ ಜಾರ್ಖಂಡ್ ರಾಜ್ಯ ಸರ್ಕಾರ ಪ್ರವಾಸೋದ್ಯಮ ಇಲಾಖೆದ ಮುಖೇನ ವ್ಯಾಪಾರೀ ಉದ್ದೇಶದ ಪ್ರವಾಸಿತಾಣ ಪಂದ್ ಆದೇಶ ಮಲ್ದ್ಂಡ್. ಸರ್ಕಾರದ ಈ ಆದೇಶನ್ ದೆಪ್ಪೊಡು ಪಂದ್ ಒಡಿಪು ಜಿಲ್ಲೆದ ಜೈನ ಸಮುದಾಯರ್ದ್ ಜಿಲ್ಲಾಧಿಕಾರಿ ಕಚೇರಿದ ಚಾವಡಿಡ್ ಪೊರ್ಂಬಾಟ ನಡತ್ಂಡ್.

ಜಿಲ್ಲೆದ ಬೇತೆ ಬೇತೆ ಜೈನ ಬಸದಿಲೆನ ಪ್ರಮುಖೆರ್ ಪಾತೆರ್ದ್, ಜೈನ ಧರ್ಮದ ಅನಾದಿದ ಪರಮ ಪಾವನ ಕ್ಷೇತ್ರವಾಯಿನ ಸಮ್ಮೇದ ಶಿಖರ್ಜಿ 20 ತೀರ್ಥಂಕರೆರ್ ಮುಕ್ತಿ ಪಡೆಯಿನ ಪವಿತ್ರ ಜಾಗೆ ಆದುಂಡು. ಜೈನೆರೆಗ್ ಈ ಕ್ಷೇತ್ರದ ದರ್ಶನ ಮಲ್ತ್ಂಡ ಪೂರ ಪಾಪ ಕರಿದ್ ಪೋಪುಂಡು ಪನ್ಪುನ ನಂಬೊಲಿಗೆ ಉಂಡು. ಈ ಕ್ಷೇತ್ರದ ದರ್ಶನಗಾದ್ ವಿಶ್ವದ ಬೇತೆ ಬೇತೆ ಜಾಗೆರ್ದ್ ಜೈನೆರ್ ಬರ್ಪೆರ್. ವಫೇಲಾ ರಾಜವಂಶದ ವಿರಾಢವಲ ಬೊಕ್ಕ ವಿಶಾಲದೇವೆರೆನ ಆಳ್ವಿಕೆಡ್ ಪ್ರಧಾನಮಂತ್ರಿ ಆದಿತ್ತಿನ ವಾಸ್ತುಪಾಲೆರ್ ಶಿಖರ್ಜಿನ್ ಜೈನೆರೆನ ತೀರ್ಥಕ್ಷೇತ್ರ ಪಂದ್ ಘೋಷಣೆ ಮಲ್ದೆರ್. ಮೊಗಲ್ ದೊರೆ ಅಕ್ಬರ್ ಲ ಇತಿಹಾಸದ ದಾಖಲೆನ್ ಪರಿಶೀಲನೆ ಮಲ್ತ್ ದ್ ಉಂದು ಜೈನೆರೆನ ತೀರ್ಥಕ್ಷೇತ್ರ ಪಂದ್ ಆದೇಶ ಮಲ್ದೆರ್ ಪಂದ್ ಪೊರಂಬಾಟ ಮಲ್ಪುನ ಜೈನ ಸಮುದಾಯ ಪಂತ್ಂಡ್.

ಕ್ಷೇತ್ರಗ್ ಭಾರಿ ಅಭದ್ರತೆ:
ಬ್ರಿಟಿಷೆರ್ ಲ ಸಮ್ಮೇದ ಶಿಖರ್ಜಿ ಜೈನರೆನ ಪುಣ್ಯಕ್ಷೇತ್ರ ಪಂದ್ ಆದೇಶ ಮಲ್ದೆರ್. ಆಂಡ ಸ್ವಾತಂತ್ರ್ಯದ ಬೊಕ್ಕ ಬತ್ತಿನ ಸರಕಾರಲು ಅಲ್ಪಸಂಖ್ಯಾತೆರೆಡ ಅಲ್ಪಸಂಖ್ಯಾತೆರಾಯಿನ ಜೈನೆರೆನ ತೀರ್ಥಕ್ಷೇತ್ರದ ಇಚಾರಡ್ ಅಭದ್ರತೆದ ವಾತಾವರಣ ನಿರ್ಮಾಣ ಮಲ್ಪುನ ಬೇಜಾರ್ ದ ಇಸಯ ಪಂದ್ ಜೈನ ಮುಖಂಡೆರ್ ಪಂಡೆರ್. ಜೈನೆರೆನ ಪ್ರತಿಭಟನೆದ ನಡುಟ್ಟು ಜಾರ್ಖಂಡ್ ರಾಜ್ಯ ಸರಕಾರ ಈ ಪವಿತ್ರ ಜಾಗೆನ್ ಪ್ರವಾಸಿತಾಣ ಪಂದ್ ಘೋಷಣೆ ಮಲ್ಪುನ ಮುಖೇನ ಅವೆನ್ ಅಪವಿತ್ರ ಮಲ್ಪುನ ಕೆಲಸೊಗು ದುಂಬಾತ್ಂಡ್ ಪಂದ್ ಪಂಡೆರ್.

ಕೇಂದ್ರ ಸರ್ಕಾರ ಗೇನ ಕೊರೊಡು:
ಭಾರತದ ಸಂವಿಧಾನದ ಪ್ರಕಾರ ಭಾರತಡ್ ಜೈನೆರ್ ಇಪ್ಪುನ ಮಾತಾ ತೀರ್ಥಕ್ಷೇತ್ರದ ಪಾವಿತ್ರತೆನ್ ರಕ್ಷಣೆ ಮಲ್ಪುನವು ಸರಕಾರದ ಕರ್ತವ್ಯ. ಬೇತೆಕ್ಲೆನ ತೀರ್ಥಕ್ಷೇತ್ರಲೆನ ಬಗೆಟ್ ಸರಕಾರ ಎಂಚ ಗೇನ ಕೊರೊಂದುಂಡ ಅವ್ವೇ ರೀತಿ ಜೈನರೆನ ಸಮ್ಮೇದ ಶಿಖರ್ಜಿದ ಬಗೆಟ್ಟ್ ಭಾರತ ಸರಕಾರ ಜಬದಾರಿ ಒಯಿಸೊನೊಡು ಪಂದ್ ಪನ್ತೆರ್.

ಆಳುಪ ವಂಶಸ್ಥೆರ್,ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಮಾಜಿ ಸದಸ್ಯೆರ್ ಡಾ. ಆಕಾಶ್ ರಾಜ್ ಜೈನ್ ಪಾತೆರ್ದ್, ಉಂದು ಅಹಿಂಸಾತ್ಮಕ ಸಾಂಕೇತಿಕ ಪ್ರತಿಭಟನೆ ಆದುಂಡು. ಸರಕಾರ ನೆನ್ ಪುರಸ್ಕಾರ ಮಲ್ಪೊಡು. ಕರ್ನಾಟಕಗ್ ಲ ಸಮ್ಮೇದ ಶಿಖರ್ಜಿ ಗ್ ಲ ಇಪ್ಪುನ ಸಂಬಂಧಗ್ ಸುಮಾರ್ ವರ್ಷದ ಇತಿಹಾಸ ಉಂಡು. ರಾಜ್ಯ ಸರಕಾರಲ ಸಮ್ಮೇದಾಚಲ ಯಾತ್ರಾರ್ಥಿಲೆನ ಅನುಕೂಲಗಾದ್ ಅನುದಾನ, ರೈಲ್ ವ್ಯವಸ್ಥೆದೊಟ್ಟಿಗೆ ಯಾತ್ರಿನಿವಾಸ ನಿರ್ಮಾಣದ ಇಚಾರಡ್ ಅಲ್ಪದ ಸರಕಾರದೊಟ್ಟಿಗೆ ಪಾತೆರಕತೆ ನಡಪಾದ್ ಕ್ರಮ ದೆತೊನೊಡು ಪಂದ್ ಬಿನ್ನಾಪು ಮಲ್ತೆರ್.

ಈ ಪೊರ್ತುಡು ಪೊರ್ಂಬಾಟದ ಜಾಗೆಗ್ ಬತ್ತಿನ ಜಿಲ್ಲಾಧಿಕಾರಿ ಕೂರ್ಮಾರಾವ್ ಎಂ. ಮೇರೆನ ಮುಖೇನ ರಾಷ್ಟ್ರಪತಿ, ಪ್ರಧಾನ ಮಂತ್ರಿ ಬೊಕ್ಕ ಜಾರ್ಖಂಡ್ ರಾಜ್ಯ ಸರಕಾರಲೆನ ಬಗೆಟ್ ಸಮುದಾಯದ ಬೇಡಿಕೆನ್ ಮನ್ನಿಸ್ ದ್ ಸಮ್ಮೇದ ಶಿಖರ್ಜಿನ್ ಪ್ರವಾಸಿತಾಣ ಪಂದ್ ಘೋಷಣೆ ಮಲ್ತ್ ದ್ ಇಪ್ಪುನ ಆದೇಶನ್ ಪಿರ ದೆಪ್ಪೊಡು ಪಂದ್ ಜಾರ್ಖಂಡ್ ಆಡಳಿತಗ್ ಆದೇಶ ಕೊರೊಡು ಬೊಕ್ಕ ಸಮ್ಮೇದ ಶಿಖರ್ಜಿದ ಗೌರವಗ್ ಚ್ಯುತಿ ಬರಂದಿಲೆಕ್ಕ ಎಚ್ಚೆರ್ಗೆ ಒಯಿಸೊನುವ ಪಂದ್ ಬರೆದ್ ಭರವಸೆ ಕೊರೊಡು ಪಂದ್ ಬಿನ್ನಾಪು ಮಲ್ತೆರ್.

ನನ ದುಂಬಗ್ ಜೈನೆರೆನ ತೀರ್ಥಕ್ಷೇತ್ರಗ್ ಒವ್ವೇ ತೊಂದರೆ ಆವಂದೆ ಇಪ್ಪಡ್ ಪನ್ಪುನ ಕಾನೂನುನ್ ಕನವೊಡು ಪಂದ್ ರಾಷ್ಟ್ರಪತಿಲೆಗ್ ಬರೆಯಿನ ಈ ಪತ್ರಡ್ ತೆರಿಪಾದೆರ್. ಇತ್ತೆ ರಾಜ್ಯೊಡು ಇಡೀ ಬೇತೆ ಬೇತೆ ಜಿಲ್ಲೆಲೆಡ್ ಪೊರ್ಂಬಾಟ ನಡತೊಂದು ಉಂಡು.ಅವೇ ಪ್ರಕಾರ ಒಡಿಪುಡ್ ಜಿಲ್ಲಾಧಿಕಾರಿಲೆನ ಮುಖೇನ ಬಿನ್ನಾಪು ಸಂದಾಯೆರ್. ಜೈನ ಸಮುದಾಯದ ಬೇತೆ ಬೇತೆ ಸಂಘಟನೆದ ಪದಾಧಿಕಾರಿಲಾಯಿನ ಪ್ರೇಮ್ ಕುಮಾರ್ ಹೊಸ್ಮಾರ್, ಮಹಾವೀರ ಜೈನ್ ಅಂಡಾರ್, ಭರತ್‌ರಾಜ್ ಜೈನ್, ವಿಜಯಕುಮಾರ್ ಜೈನ್, ಯೋಗರಾಜ್ ಶಾಸ್ತ್ರಿ, ಕಾರ್ಲ ಜೈನ್ ಮಿಲನ್ ಅಧ್ಯಕ್ಷೆರ್ ಮಾಲತಿ ವಸಂತರಾಜ್, ಸುನಿಲ್ ಕುಮಾರ್ ಜೈನ್ ಪಾತೆರಿಯೆರ್.

ಈ ಪೊರ್ತುಡು ಒಡಿಪು ಜೈನ್ ಮಿಲನ್ ಅಧ್ಯಕ್ಷೆರ್ ದೀಪಾ ರಾಜೇಶ್, ಬೇತೆ ಬೇತೆ ಪ್ರದೇಶಲೆನ ಜೈನ್ ಮಿಲನ್, ಅಧ್ಯಕ್ಷೆರಾಯಿನ ನೀತು ಜೈನ್, ಪುಷ್ಪರಾಜ್ ಜೈನ್, ಜೈನ ಪುರೋಹಿತ ಸಂಘದ ಸುರೇಂದ್ರ ಇಂದ್ರ, ಸಿಂಹಸೇನ ಇಂದ್ರ, ಸನ್ಮಿತ್ರ ಸಂಘದ ಶೀತಲ್ ಜೈನ್, ದ.ಕ ಜೈನ ಯುವ ಸಂಘದ ಪಾರ್ಶ್ವನಾಥ ಜೈನ್, ನಾರಾವಿ ಅಜಿತ್ ಕುಮಾರ್ ಜೈನ್, ರೆಂಜಾಳ ಸತೀಶ್ ಕುಮಾರ, ಶಾಂತಿರಾಜ್, ಪ್ರಸನ್ನ ಕುಮಾರ, ಸುಕೀರ್ತಿ, ಯಶೋಧಾ ಅತ್ತಂದೆ ಕಾರ್ಲ, ಬಜಗೋಳಿ, ಹೊಸ್ಮಾರ್, ಶಿರ್ಲಾಲು, ರೆಂಜಾಳ, ಇರ್ವತ್ತೂರ್, ಅಳಿಯೂರು, ನಾರಾವಿ, ಅಜೆಕಾರು, ವರಂಗ, ಹಟ್ಟಿಯಂಗಡಿ, ಬೋಳ, ಮಾಳ, ಮೂಡಾರು, ನಲ್ಲೂರು ಪ್ರದೇಶಲೆರ್ದ್ ಜೈನ ಸಮಾಜದಕುಲು, ಬಸದಿಲೆನ ಪ್ರಮುಖೆರ್, ಶ್ರಾವಕೆರ್ ಇತ್ತೆರ್.

ಡಿ.23-25: ವಿರಾರ್ ಶ್ರೀ ಮುತ್ತಪ್ಪನ್ ಸೇವಾ ಸಮಿತಿದ 20ನೇ ವರ್ಷದ ಶ್ರೀ ಮುತ್ತಪ್ಪನ್ ತಿರುವಪ್ಪನ್ ಉಚ್ಚಯ

ಮಹಾರಾಷ್ಟ್ರ ದ ವಿರಾರ್ ಡ್ ಉಪ್ಪುನ ಶ್ರೀ ಮುತ್ತಪ್ಪನ್ ಸೇವಾ ಸಮಿತಿದ 20ನೇ ವರ್ಷದ ಶ್ರೀ ಮುತ್ತಪ್ಪನ್ ತಿರುವಪ್ಪನ್ ಉಚ್ಚಯ ಡಿ. 23, 24 ಬೊಕ್ಕ 25 ಕ್ ನಡಪರೆ ಉಂಡು.

ಡಿ.23 ಶುಕ್ರಾರದಾನಿ ಗಣಪತಿ ಹೋಮ, ಧ್ವಜಾರೋಹಣ ಬೊಕ್ಕ ಕಳವರ ನೀರಕ್ಕಲ್, ಆದ್ ಪ್ರಸಾದ ಕೊರಿಯೆರೆ, ದೀಪಾರಾಧನೆ, ನಡಪುಂಡು.
ಡಿ.24 ಶನಿಯಾರ ಶ್ರೀ ಮುತ್ತಪ್ಪನ್ ಮಲೈರಕ್ಕಲ್ ಬೊಕ್ಕ ತಾಯಂಬಕ, ಪ್ರಸಾದ ಕೊರಿಯೆರೆ. ಬೊಕ್ಕ ಶ್ರೀ ಮುತ್ತಪ್ಪನ್ ವೆಲ್ಲಾಟಂ ಆದ್, ಮಾತ ಭಕ್ತರೆಗ್ ದರ್ಶನ, ತಾಳಪ್ಪೋಲಿದೊಟ್ಟಿಗೆ ಕಾಜ್ಛಾ ವರ (ಮೆರವಣಿಗೆ) ದಾಯಾ ಮಂದಿರಗ್ ವೀರಾರ್ ಗ್, ಬೊಕ್ಕ ದೀಪಾರಾಧನೆ, ಪ್ರಸಾದ ಕೊರಿಯೆರೆ, ಬೊಕ್ಕ ಅಗ್ನಿ ಕಾರ್ಯಲು ಕಲಿಕ್ಕಪಟ್ಟ್, ಕಲಶಂ ವರ ನಡಪರೆ ಉಂಡು.

ಡಿ.25 ಐತಾರ ಮಾತ ಭಕ್ತೆರೆಗ್ ತಾಯಂಬಕ, ತಿರುವಪ್ಪನ, ಬೊಕ್ಕ ದರ್ಶನ ಪಲ್ಲಿವೇಟ, ಪ್ರಸಾದ ಕೊರಿಯೆರೆ, ಬೊಕ್ಕ ಕೊಡಿ ಜಾಪಿನ ಲೇಸ್ ನಡಪುಂಡು.

20th annual celebration organised by Sri Muttappan Seva Samiti from December 23rd to 25th

Muttappan Seva Samiti,Virar , Mumbai, Maharashtra will be celebrating the Sri Muttappan Tiruappan festival from December 23-25.

The three day festival will have rituals, customs followed by mahaprasad.

ಪರಿಸರಸ್ನೇಹಿಯಾದ್ ಮದಿಮೆದ ದಿನ ಆಚರಣೆ ಮಲ್ತಿನ ಕಂಡನಿ ಬುಡೆದಿ

ಮೊಂಟೆಪದವು ಶಾಲೆಡ್ ದಿನೇಶ್ ಬೊಕ್ಕ ಗೋಪಿಕಾ ಮುಕ್ಲೆನ ಮದಿಮೆದ ಕಡೀರ ವರ್ಸದ ದಿನನ್ ಪರಿಸರ ಸ್ನೇಹಿಯಾದ್ ಆಚರಣೆ ಮಲ್ದೆರ್.

ಏಪದಲೆಕ ಕೇಕ್ ಕಟ್ ಮಲ್ಪುನೆತ್ತ ಬದಲ್ ಗ್ ಮುಂಗೆ ಬೈದಿನ ಪದೆಂಗಿ, ದಾಳಿಂಬೆ, ಬಾದಾಮಿ, ನುಂಗುದಿನ ಖರ್ಜೂರ, ದ್ರಾಕ್ಷೆ ಉಂದೆಟ್ ಮಾತಾ ದಂಪತಿಲೆನ ಪುದರ್ ಬರೆದ್ ಅವೆನ್ ಒಟ್ಟು ಮಲ್ಪುನ ಮುಖೇನ ಮದಿಮೆದ ವರ್ಸೊನು ಭಾರಿ ಇಸೇಸ ರೀತಿಡ್ ಆಚರಿಣೆ ಮಲ್ತೆರ್. ತೆನಸ್ ಲೆನ್ ಇಸೇಸ ಸಿಂಗಾರ ಮಲ್ತಿನ ತಿಪ್ಪಿಡ್ ಜೋಕುಲೆಗ್ ಪಟ್ಟಿಯೆರ್. ಅಂಚೆನೆ ನುರ್ಗೆ ಬೆಂಡೆ ಬೊಕ್ಕ ಲತ್ತನೆ ಬಿತ್ತ್ ಲೆನ್ ಜೋಕುಲೆಗ್ ಪಟ್ಟಿಯೆರ್‌. ಪೇಪರ್ ಡ್ ಪೆನ್ ಮಲ್ಪುನೆನ್ ಕಲ್ಪಾಯೆರ್. ಬೊಕ್ಕ ಕುಸೆಲ್ದ ಲೆಕ್ಕ, ರಸಪ್ರಶ್ನೆದ ಗೊಬ್ಬುಲು ಮಾತ ಇತ್ತ್ಂಡ್. ಉಂದು ಒಟ್ಟು ಲೇಸ್ ಪರಿಸರ ಸ್ನೇಹಿ ಆದಿತ್ತ್ಂಡ್. ಈ ಲೇಸ್ ಶಾಲೆದ ಒತ್ತು ಪ್ರಾಂಶುಪಾಲೆರ್ ಸಂತೋಷ್ ಕುಮಾರ್ ಮುತಾಲಿಕೆಡ್ ನಡತ್ಂಡ್. ಪಂಚಾಯತ್ ದ ಒತ್ತು ಅಧ್ಯಕ್ಷೆರ್, sdmc ಅಧ್ಯಕ್ಷೆರ್ ನಾಗರಾಜ್ ಪದವಿನಂಗಡಿ, ನವೀನ ಅಡ್ಕಾರ್, ಜಯಪ್ರಕಾಶ್ ಎಕ್ಕೂರು ಬೊಕ್ಕ ಮಾತಾ ಕಲ್ಪಾದಿನಕ್ಲೆನ ಪಾಲ್ವಿಕೆಡ್ ಈ ಇಸೇಸ ಲೇಸ್ ನಡತ್ಂಡ್.

ವರದಿ: ಜಯಪ್ರಕಾಶ್ ಎಕ್ಕೂರು

ರೇಡಿಯೋ ಮಣಿಪಾಲ್ ಡ್ ಶುದ್ಧ ಜಲ, ಸ್ವಚ್ಛ ನೆಲ ಆರೋಗ್ಯವಾಗಿರಲಿ ಜೀವಸಂಕುಲ ಸರಣಿ ಲೇಸ್

ಮಣಿಪಾಲ: ರೇಡಿಯೋ ಮಣಿಪಾಲ್ 90.4 mhz, ಡ್ ಗ್ರಾಮೀಣ ಪರ್ಪಿನ ನೀರ್ ಬೊಕ್ಕ ನೈರ್ಮಲ್ಯ ಇಲಾಖೆ ಬೆಂಗ್ಲೂರ್ ನೆತ್ತ ಮುತಾಲಿಕೆಡ್ ಶುದ್ಧ ಜಲ, ಸ್ವಚ್ಛ ನೆಲ ಆರೋಗ್ಯವಾಗಿರಲಿ ಜೀವಸಂಕುಲ ಸರಣಿ ಲೇಸ್ ಡಿ.22 ಗುರುವಾರದಾನಿ ಬಯ್ಯಗ್ 6 ಗಂಟೆಗ್ ದ್ರವತ್ಯಾಜ್ಯ ನಿರ್ವಹಣಾ ಘಟಕದ ಬಗೆಟ್ ಪ್ರಸಾರ ಆಪುಂಡು.

ಈ ಲೇಸ್ ಡ್ ಬಡಗುಬೆಟ್ಟು ಗ್ರಾಮ ಪಂಚಾಯತ್ ದ ಪಂಚಾಯತ್ ಅಭಿವೃದ್ಧಿ ಅಧಿಕಾರಿ ಅಶೋಕ್ ಪಾಲ್ ಪಡೆಯೆರೆ ಉಲ್ಲೆರ್. ನನ ಡಿ.23 ಕ್ ಮಧ್ಯಾಹ್ನ 2 ಗಂಟೆಗ್ ಮರುಪ್ರಸಾರ ಆಪುಂಡು.

ಒಡಿಪುದ ಮುಕುಂದ ಕೃಪಾ ಇಂಗ್ಲೀಷ್ ಮೀಡಿಯಂ ನರ್ಸರಿ ಬೊಕ್ಕ ಹಿರಿಯ ಪ್ರಾಥಮಿಕ ಶಾಲೆದ ಸುವರ್ಣ ಸಂಭ್ರಮ

ಒಡಿಪುದ ಮುಕುಂದ ಕೃಪಾ ಇಂಗ್ಲೀಷ್ ಮೀಡಿಯಂ ನರ್ಸರಿ ಬೊಕ್ಕ ಹಿರಿಯ ಪ್ರಾಥಮಿಕ ಶಾಲೆದ ಸುವರ್ಣ ಸಂಭ್ರಮ ಆಚರಣೆ, ವಾರ್ಷಿಕ ಉಚ್ಚಯ, ಪೇರೆಂಟ್-ಟೀಚರ್ಸ್ ಡೇ ಬೊಕ್ಕ ಹಳೇವಿದ್ಯಾರ್ಥಿಲೆನ ದಿನಾಚರಣೆ ಡಿ.22 ರ್ದ್ ಡಿ.26 ಮುಟ್ಟ ನಡಪರೆ ಉಂಡು ಪಂದ್ ಶಾಲೆದ ಮುಖ್ಯೋಪಾದ್ಯಾಯಿನಿ ಸುಜಾತಾ ಶಾಂತಾರಾಮ್ ಶೆಟ್ಟಿ ತೆರಿಪಾದೆರ್.

ಈ ಬಗೆಟ್ ಇನಿ ಪತ್ರಿಕಾಗೋಷ್ಠಿ ನಡಪಾದ್ ಮಾಹಿತಿ ಕೊರ್ನ ಮೇರ್, ಡಿ.22 ರ್ದ್ ಬೊಲ್ಪುಗು 9 ಗಂಟೆರ್ದ್ ಮಧ್ಯಾಹ್ನ 1 ಗಂಟೆ ಮುಟ್ಟ ಶಾಲೆದ ಚಾವಡಿಡ್ 50 ನೇ ವರ್ಷದ ವಾರ್ಷಿಕ ಇನಾಮು ಕೊರ್ಪುನ ದಿನ, ಬೊಕ್ಕ ಡಿ.24 ದಾನಿ ಬೊಲ್ಪುಗು 9.30 ರ್ದ್ 10.30 ಮುಟ್ಟ ಲೇಸ್ ಬೊಕ್ಕ ಮಧ್ಯಾಹ್ನ 3.30 ರ್ದ್ ರಾತ್ರೆ 9 ಗಂಟೆ ಮುಟ್ಟ ಶ್ರೀ ಕೃಷ್ಣ ಮಠದ ರಾಜಾಂಗಣಡ್ ವಾರ್ಷಿಕ ಉಚ್ಚಯ ದಿನಾಚರಣೆ ಲೇಸ್ ನಡಪುಂಡು. ಡಿ.25 ದಾನಿ ಬೊಲ್ಪುಗು 9.30 ರ್ದ್ ಮಧ್ಯಾಹ್ನ 1 ಗಂಟೆ ಮುಟ್ಟ ಶ್ರೀ ಕೃಷ್ಣ ಮಠದ ರಾಜಾಂಗಣಡ್ ಹಳೇ ವಿದ್ಯಾರ್ಥಿಲು ದಿನ, ಮಧ್ಯಾಹ್ನ 2.30 ರ್ದ್ ರಾತ್ರೆ 8.30 ಮುಟ್ಟ ಅವ್ವೇ ವೇದಿಕೆಡ್ ಪೋಷಕೆರ್ ಬೊಕ್ಕ ಶಿಕ್ಷಕರ ದಿನತ ಲೇಸ್ ನಡಪರೆ ಉಂಡು ಪಂದ್ ಪಂಡೆರ್. ಬೊಕ್ಕ ಶಾಲೆದ 50 ನೇ ವರ್ಷದ ಸುವರ್ಣ ಸಂಭ್ರಮದ ದಿನ ಡಿ.26 ಕ್ ಒಡಿಪು ಶ್ರೀಕೃಷ್ಣ ಮಠತ ರಾಜಾಂಗಣಡ್ ನಡಪುಂಡು. ಆನಿ ಬೊಲ್ಪುಗು ಶಾಲೆದ ಮೈದಾನಡ್ ನಡಪುನ ಲೇಸ್ ಡ್ ಮಲ್ಲ ಬಿನ್ನೆರಾದ್ ನಿವೃತ್ತ ಮುಖ್ಯೋಪಾದ್ಯಾಯಿನಿ ಕಮಲಿನಿ ಆರ್ ಭಟ್ ಪಾಲ್ ಪಡೆಯೆರೆ ಉಲ್ಲೆರ್. ಬೊಕ್ಕ ಮಧ್ಯಾಹ್ನ 2.30 ರ್ದ್ ರಾಜಾಂಗಣಡ್ ನಡಪುನ ಲೇಸ್ ಡ್ ಮಲ್ಲ ಬಿನ್ನೆರಾದ್ ಶಾಸಕೆರ್ ರಘುಪತಿ ಭಟ್, ಜಿಲ್ಲಾಧಿಕಾರಿ ಕೂರ್ಮಾ ರಾವ್, ಒಡಿಪು ಡಿಡಿಪಿಐ ಎನ್. ಶಿವರಾಜ್, ನಗರ ಸಭಾ ಅಧ್ಯಕ್ಷೆರ್ ಸುಮಿತ್ರಾ ಆರ್ ನಾಯಕ್, ಒಡಿಪು ಬಿಇಒ ಚಂದ್ರೇ ಗೌಡ ಡಿಎಚ್, ಮಣಿಪಾಲದ ಡಾ. ಟಿಎಂಎ ಪೈ ಫೌಂಡೇಶನ್ ದ ಕಾರ್ಯದರ್ಶಿ ಟಿ. ಅಶೋಕ್ ಪೈ, ಡಯಟ್ ಒಡಿಪು ನೆತ್ತ ಉಪ ಪ್ರಾಂಶುಪಾಲೆರ್ ಅಶೋಕ್ ಕಾಮತ್, ಮಾಜಿ ಸಚಿವೆರ್ ಪ್ರಮೋದ್ ಮಧ್ವರಾಜ್, ಹಿರಿಯ ವಕೀಲೆರ್ ಮಟ್ಟಾರ್ ರತ್ನಾಕರ ಹೆಗ್ಡೆ, ಉದ್ಯಮಿ ಗುರ್ಮೆ ಸುರೇಶ್ ಶೆಟ್ಟಿ, ನಿವೃತ್ತ ಪ್ರಾಂಶುಪಾಲೆರ್ ಗಣನಾಥ ಎಕ್ಕಾರು, ಎಜಿಇ ಮಣಿಪಾಲ ನೆತ್ತ ಎಜುಕೇಷನ್ ಆಫೀಸರ್ ನಾಗೇಶ್ ಶಾನ್ ಭಾಗ್, ಮುಕುಂದ ಕೃಪಾ ಶಾಲೆದ ನಿವೃತ್ತ ಪ್ರಾಂಶುಪಾಲೆರ್ ಪ್ರಭಾವತಿ ಎಸ್ ಅಡಿಗ ಪಾಲ್ ಪಡೆಯೆರೆ ಉಲ್ಲೆರ್.

ಜ.8: ನಾಲಾಸೋಪಾರ ಶ್ರೀ ಅಯ್ಯಪ್ಪ ಭಕ್ತ ವೃಂದ ದ ವಾರ್ಷಿಕ ಪೂಜೆ, ಇರುಮುಡಿ, ಶಬರಿಮಲೆ ಯಾತ್ರೆ

ನಾಲಾಸೋಪಾರ ಶ್ರೀ ಅಯ್ಯಪ್ಪ ಭಕ್ತ ವೃಂದ (ರಿ.) ನೆತ್ತ ವಾರ್ಷಿಕ ಪೂಜೆ, ಇರುಮುಡಿ ಕಟ್ಟುನ ಕಜ್ಜ ಬೊಕ್ಕ ಶಬರಿಮಲೆ ಯಾತ್ರೆ ಜ.8 ಐತಾರದಾನಿ ಪೂರ್ವದ ಮಜೀಟಿದ ನಾಕ ದ್ವಾರಕ ಹೋಟೆಲ್ ದ ಎದುರು ಮೈದಾನಡ್ ನಡಪರೆ ಉಂಡು.

ಬೊಲ್ಪುಗು ಗಣಹೋಮ, ಶರಣು ಲೆಪ್ಪುನು, ಭಜನೆ ಬೊಕ್ಕ ಮಹಾ ಆರತಿ, ಸಾರ್ವಜನಿಕ ಅನ್ನಸಂತರ್ಪಣೆ ನಡಪುಂಡು. ಈ ಪುಣದಯ ಕಜ್ಜೊಡು ನಿಕುಲು ಮಾತ ಪಾಲ್ ಪಡೆದ್ ಅಯ್ಯಪ್ಪ ಸ್ವಾಮಿನ ಕೃಪೆಗ್ ಪಾತ್ರರಾವೊಡು ಪಂದ್ ನಾಲಾಸೋಪಾರದ ಶ್ರೀ ಅಯ್ಯಪ್ಪ ಭಕ್ತವೃಂದ ಸಾಮಾಜಿಕ ಸಂಸ್ಥೆ (ರಿ.) ನೆತ್ತ ಗೌರವಾಧ್ಯಕ್ಷೆರ್ ಜಗನ್ನಾಥ ಎನ್ ರೈ, ಅಧ್ಯಕ್ಷೆರ್ ಬೊಕ್ಕ ಗುರುಸ್ವಾಮಿ ಸದಾಶಿವ ಎ. ಕರ್ಕೇರ, ಗುರುಸ್ವಾಮಿ ಪದ್ಮನಾಭ ಪೂಜಾರಿ, ಗೌರವ ಕಾರ್ಯದರ್ಶಿ ಸುದರ್ಶನ ರಾಮ ಸಾಲ್ಯಾನ್, ಗೌರವ ಕೋಶಾಧಿಕಾರಿ ಹರೀಶ್ ಪೂಜಾರಿ ಜೊತೆ ಕಾರ್ಯದರ್ಶಿ ಪ್ರಸನ್ನ ಶೆಟ್ಟಿ ‌ಲೆಪ್ಪೋಲೆಡ್ ತೆರಿಪಾದೆರ್.

January 8th: Nalasopara Sri Ayappa Bhaktha Vrinda social association (R), Annual pooja, Irumudhi, Sabarimala yatra

The annual pooja, Irumudhi rituals and Sabarimala yatra under the auspices of Nalasopara Sri Ayappa Bhaktha Vrinda (R) will be held on the 8th of January.

The program includes Bajans, holy rituals followed by lunch(prasada) . Welcome to all.
Nalasopara Sri Ayappa Bhaktha Vrinda:
Honorary President – Jagannath N Rai.
President and Guruswami- Sadashiv A Karkera
Guruswami-Padmanabha Poojary
Secretary – Sudarshan Ram Salian, treasurer Harish Poojary, joint Secretary Prassanna Shetty.

ಡಿ.25: ತೀಯಾ ಸಮಾಜ ಬೊಂಬೈ(ರಿ.) ಮಹಿಳಾ ವಿಭಾಗದ ಮುತಾಲಿಕೆಡ್ ಸಾಂಸ್ಕೃತಿಕ ವೈಭವ 2022 ಲೇಸ್

ತೀಯಾ ಸಮಾಜ ಬೊಂಬೈ (ರಿ.) ನೆತ್ತ ಮಹಿಳಾ ವಿಭಾಗ ಸಂಸ್ಥೆದ ಮುತಾಲಿಕೆಡ್ ಸಾಂಸ್ಕೃತಿಕ ವೈಭವ 2022 ಲೇಸ್ ಡಿ.25 ಐತಾರದಾನಿ ಮಧ್ಯಾಹ್ನ 2 ಗಂಟೆರ್ದ್ ರಾತ್ರೆ 8:30 ಮುಟ್ಟ ಬೊಂಬೈದ ಮೇಯರ್ ಸಭಾಂಗಣಡ್ ನಡಪರೆ ಉಂಡು.

ಈ ಸಾಂಸ್ಕೃತಿಕ ಲೇಸ್ ಡ್ ಪೊಂಜೋವ್ ನಕುಲು, ಜೋಕುಲು ಬೊಕ್ಕ ಸದಸ್ಯೆರ್ ಬೇತೆ ಬೇತೆ ಪ್ರದರ್ಶನಲೆನ್ ಕೊರ್ದು, ಮೆಚ್ಚುಗೆ ಪ್ರಶಸ್ತಿಲೆನ್ ದೆತೊಂದು ಲೇಸ್ ಪೊರ್ಲು ಮಲ್ತ್ ದ್ ಕೊರೊಡು ಪಂದ್ ತೀಯಾ ಸಮಾಜದ ಅಧ್ಯಕ್ಷೆರ್ ಕೃಷ್ಣ ಎನ್ ಉಚ್ಚಿಲ, ಉಪಾಧ್ಯಕ್ಷೆರ್ ರಾಜೇಂದ್ರ ಕುಮಾರ್, ಗೌರವಾನ್ವಿತ ಪ್ರಧಾನ ಕಾರ್ಯದರ್ಶಿ ಬಾಬು ಬೆಳ್ಚಡ, ಗೌರವ ಕೋಶಾಧಿಕಾರಿ ಅಶ್ವಿನ್ ಬಂಗೇರ ಬೊಕ್ಕ ತೀಯಾ ಸಮಾಜದ ಮಹಿಳಾ ವಿಭಾಗದ ಅಧ್ಯಕ್ಷೆರ್ ಶಶಿಪ್ರಭಾ ಎಸ್. ಬಂಗೇರ, ಉಪಾಧ್ಯಕ್ಷೆರ್ ಆಶಾಲತಾ ಕೆ ಉಳ್ಳಾಲ, ಕಾರ್ಯದರ್ಶಿ ಶುಭಾ ಎ. ಗುಜರನ್, ಜತೆ ಕಾರ್ಯದರ್ಶಿ ರಾಜಶ್ರೀ ಸಿ. ಬೆಲ್ಚಡ, ಕೋಶಾಧಿಕಾರಿ ಸುಜಾತಾ ಕೆ ಸುವರ್ಣ, ಜತೆ ಕೋಶಾಧಿಕಾರಿ ಪ್ರೀತಿ ಎಚ್ ಮಂಜೇಶ್ವರ, ಬೊಕ್ಕ ಸದಸ್ಯೆರ್ ಕವಿತಾ ಎ ಬೆಳ್ಚಡ, ಯಶೋಧಾ ಎಸ್. ಕೋಟ್ಯಾನ್, ವೈಶಾಲಿ ಆರ್ ಬಂಗೇರ, ಸುನೀತಾ ಪಿ. ಸಾಲಿಯಾನ್, ಪ್ರಮೀಳಾ ಎ ಸುವರ್ಣ, ರಜನಿ ಜೆ ಸಾಲಿಯಾನ್, ಪದ್ಮಿನಿ ಕೆ ಕೋಟೆಕಾರ್ ಲೆಪ್ಪೋಲೆಡ್ ತೆರಿಪಾದೆರ್.

December 25th: Tiya Samaj (R), Mumbai — Women’s wing to organise ” Samskritika Vaibhava 2022

The Tiya Samaj ( R) Mumbai – The women’s wing of this association will organise a program ” Samskritika Vaibhava -2022″ on Sunday the 25 th of December at Mayor Hall , Mumbai.The function will start from 2 p.m onwards.

The members and their families will put up an arrey of shows including cultural activities, games and entertainment.
A hearty welcome to all from – President – Krishna N Uchila, Vice President – Rajandra Kumar, honorary chief secretary – Babu Bellchad, Ashwin Bangera Women’s wing President Sashiprabha S Bangera, Vice President – Ashalatha Ullal, secretary – Shuba A Gujran, joint Secretary – Rajashree Bellchad, Treasurer – Sujatha K Suvarna, Preethi H Manjeshwara, Members – Kavita A Bellchad, Yashoda S Kotian, Vyshali R Bangera, Sunitha P Salian, Pramila A Suvarna, Rajani Salian, Padmini Kotekar.

ಜ.8 : ಪುನರೂರು ಪ್ರತಿಷ್ಠಾನ (ರಿ.) ದ ಮುತಾಲಿಕೆಡ್ ಪುನರೂರು ಸಂಭ್ರಮ

ಪುನರೂರು ಪ್ರತಿಷ್ಠಾನ (ರಿ.) ದ ವಾರ್ಷಿಕ ಉಚ್ಚಯ “ಪುನರೂರು ಸಂಭ್ರಮ ” ಜ.8 ಐತಾರ ಬಯ್ಯಗ್ 4 ಗಂಟೆಗ್ ಪುನರೂರು ಶ್ರೀ ವಿಶ್ವನಾಥ ದೇವಲ್ಯದ ಚಾವಡಿಡ್ ನಡಪರೆ ಉಂಡು.

ಲೇಸ್ ದ ಅಧ್ಯಕ್ಷತೆನ್ ಪುನರೂರು ಪ್ರತಿಷ್ಠಾನ (ರಿ.) ದ ಗೌರವಾಧ್ಯಕ್ಷೆರ್ ಧರ್ಮದರ್ಶಿ ಡಾ| ಹರಿಕೃಷ್ಣ ಪುನರೂರು ಒಯಿಸೊನ್ವೆರ್. ಕುಡ್ಲ ಸ್ವಸ್ತಿಕ ನ್ಯಾಷನಲ್ ಶಾಲೆದ ಅಧ್ಯಕ್ಷೆರ್ ಡಾ| ರಾಘವೇಂದ್ರ ಹೊಳ್ಳ ಈ ಲೇಸ್ ನ್ ಉದಿಪನ ಮಲ್ಪೆರೆ ಉಲ್ಲೆರ್. ಕಟೀಲ್ ಶ್ರೀ ದುರ್ಗಾಪರಮೇಶ್ವರೀ ದೇವಲ್ಯದ ಅನುವಂಶಿಕ ಅರ್ಚಕೆರ್ ವೇದಮೂರ್ತಿ ಲಕ್ಷ್ಮೀನಾರಾಯಣ ಅಸ್ರಣ್ಣ ಶುಭಸಂಶನೆ ಮಲ್ಪರೆ ಉಲ್ಲೆರ್. ಮಲ್ಲ ಬಿನ್ನೆರಾದ್ ಕುಡ್ಲದ ದಕ್ಷಿಣ ಕನ್ನಡ ಸಹಕಾರಿ ಹಾಲು ಉತ್ಪಾದಕರ ಒಕ್ಕೂಟ ನಿಯಮಿತದ ಅಧ್ಯಕ್ಷೆರ್ ಕೆ.ಪಿ ಸುಚರಿತ ಶೆಟ್ಟಿ ಬೊಕ್ಕ ಧಾರ್ಮಿಕ ಪರಿಷತ್ ದ ಸದಸ್ಯೆರ್ ಕೊಡೆತ್ತೂರು ಭುವನಾಭಿರಾಮ ಉಡುಪ ಮೊಕುಲು ಬರಿಯೆರೆ ಉಲ್ಲೆರ್.ಗೌರವ ಉಪಸ್ಥಿತಿಡ್ ಪುನರೂರು ಶ್ರೀ ವಿಶ್ವನಾಥ ದೇವಲ್ಯದ ಆಡಳಿತ ಮೊಕ್ತೇಸೆರ್ ಪಟೇಲ್ ವಾಸುದೇವ ರಾವ್ ಬೊಕ್ಕ ಪುನರೂರು ಪ್ರತಿಷ್ಠಾನ (ರಿ.) ದ ಗೌರವಾಧ್ಯಕ್ಷೆರ್ ಎಚ್.ಕೆ ಉಷಾರಾಣಿ ಉಲ್ಲೆರ್. ಈ ಲೇಸ್ ಪುನರೂರು ಪ್ರತಿಷ್ಠಾನ (ರಿ.) ಪ್ರಧಾನ ಕಾರ್ಯದರ್ಶಿ ಶ್ರೇಯಾ ಪುನರೂರು, ಉಪಾಧ್ಯೆಕ್ಷೆರ್ ರಾಧಿಕಾ ಸುಧೀರ್ ಬೊಕ್ಕ ಮಲ್ಲಿಕಾ ಅರವಿಂದ್, ಕೋಶಾಧಿಕಾರಿ ಚಂದ್ರಿಕಾ ಸುಧೀರ್ ಬೊಕ್ಕ ಮುಲ್ಕಿ ಜನವಿಕಾಸ ಸಮಿತಿದ ಅಧ್ಯಕ್ಷೆರ್ ದಾಮೋದರ್ ಶೆಟ್ಟಿ ಕೊಡೆತ್ತೂರು ಮೊಕ್ಲೆನ ಪಾಲ್ವಿಕೆಡ್ ನಡಪುಂಡು ಪಂದ್ ಪುನರೂರು ಪ್ರತಿಷ್ಠಾನ (ರಿ.)ದ ಅಧ್ಯಕ್ಷೆರ್ ದೇವಪ್ರಸಾದ್ ಪುನರೂರು ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

ಡಿ.25: ಕೊಡೆತ್ತೂರು ಶ್ರೀ ಅರಸು ಕುಂಜರಾಯ ದೈವೊಲ್ಯಡ್ ಚೌತಿ ಪರ್ಬ, ಗೆಂಡ ಸೇವೆ

ಕಿನ್ನಿಗೋಳಿ : ಕೊಡೆತ್ತೂರು ಶ್ರೀ ಅರಸು ಕುಂಜರಾಯ ದೈವೊಲ್ಯಡ್ ಡಿ.25 ಐತಾರದಾನಿ ಚೌತಿ ಪರ್ಬ ಬೊಕ್ಕ ಸಾರ್ವಜನಿಕ ಗೆಂಡ ಸೇವೆ ನಡಪರೆ ಉಂಡು.

ಶ್ರೀ ಅರಸುಕುಂಜರಾಯ ದೈವೊಲೆನ ಭಂಡಾರ, ಭಂಡಾರದ ಇಲ್ಲಲ್ ರ್ದ್ ಬರಿಯೆರೆ ಉಂಡು. ಬೊಕ್ಕ ಚೌತಿ ಪರ್ಬ ಬೊಕ್ಕ ಪಾಲಕಿ ಸೇವೆ, ಸುಮಂಗಲಿಯೆರೆನ ಎಡೆಪೂಜೆ, ಪ್ರಸಾದ ಕೊರಿಯೆರೆ. ಬೊಕ್ಕ ಅನ್ನಸಂತರ್ಪಣೆ ಆದ್ ಬಲೀಂದ್ರ ಪೂಜೆ, ಗೆಂಡ ಸೇವೆ ಆಯಿ ಬೊಕ್ಕ ಭಂಡಾರ ಪಿದಾಡುಂಡು. ಈ ಲೇಸ್ ಗ್ ನಿಕುಲು ಮಾತ ಬತ್ ದ್, ಶ್ರೀಮುಡಿ ಗಂಧ-ಪ್ರಸಾದ ದೆತೊಂದು ಶ್ರೀ ದೈವೊದ ಕೃಪೆಗ್ ಪಾತ್ರರಾವೊಡು ಪಂದ್ ಕೊಡೆತ್ತೂರು ಶ್ರೀ ಅರಸು ಕುಂಜರಾಯ ದೈವೊಲ್ಯದ ಅಧ್ಯಕ್ಷೆರ್ ಬೊಕ್ಕ ಆಡಳಿತ ಮಂಡಳಿದ ಸರ್ವಸದಸ್ಯೆರ್, ಬೊಂಬೈ ಸಮಿತಿ ಬೊಕ್ಕ ಊರುದ ಪತ್ತ್ ಸಮಸ್ತೆರ್ ಲೆಪ್ಪೋಲೆಡ್ ತೆರಿಪಾದೆರ್.

ಸುರತ್ಕಲ್ ಗೋವಿಂದ ದಾಸ ಕಾಲೇಜ್ ಡ್ ಗುಲಾಬಿ ಆಂದೋಲನ ಅಭಿಯಾನ

ಸುರತ್ಕಲ್ : ಗೋವಿಂದ ದಾಸ ಕಾಲೇಜ್ ದ ಸುರತ್ಕಲ್ ಬೊಕ್ಕ ರಾಷ್ಟ್ರೀಯ ಸೇವಾ ಯೋಜನೆ, ದ.ಕ. ಜಿಲ್ಲಾಡಳಿತ & ಜಿಲ್ಲಾ ಪಂಚಾಯತ್, ಜಿಲ್ಲಾ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣ ಇಲಾಖೆ, ತಾಲೂಕ್ ಆರೋಗ್ಯಾಧಿಕಾರಿ ಕಚೇರಿ ಕುಡ್ಲ ಬೊಕ್ಕ ಜಿಲ್ಲಾ ತಂಬಾಕು ನಿಯಂತ್ರಣ ಕೋಶ ನೆತ್ತ ಒಟ್ಟುಸೇರಿಗೆಡ್ ತಂಬಾಕು ಚಟ ನಿರ್ಮೂಲ ಮಲ್ಪುನ “ಗುಲಾಬಿ ಆಂದೋಲನ ಅಭಿಯಾನ” ಡಿ.20 ಅಂಗಾರೆದಾನಿ ಗೋವಿಂದ ದಾಸ ಕಾಲೇಜ್ ಸುರತ್ಕಲ್ ಡ್ ನಡತ್ಂಡ್.

ಈ ಲೇಸ್ ದ ಮಲ್ಲ ಬಿನ್ನೆರಾಯಿನ ಗೋವಿಂದ ದಾಸ ಕಾಲೇಜ್ ದ ಆಡಳಿತಾತ್ಮಕ ನಿರ್ದೇಶಕೆರ್ ಪ್ರೊ.ರಮೇಶ್ ಕುಳಾಯಿ ಲೇಸ್ ಗ್ ಎಡ್ಡೆಪ್ಪು ಬಯಕಿಯೆರ್. ತಾಲೂಕ್ ಆರೋಗ್ಯಾಧಿಕಾರಿ ಶ್ರೀ. ಪುಂಡಲೀಕ ಲಕಾಟಿ ಮೇರ್ ಪಾತೆರ್ದ್, ಆರೋಗ್ಯಪೂರ್ಣ ಜವನೆರ್ದ್ ಸದೃಢ ಭಾರತದ ನಿರ್ಮಾಣ ಸಾಧ್ಯ, ಅಯಿಕ್ಕಾದ್ ನಮ್ಮ ಭಾರತ ವ್ಯಸನಮುಕ್ತ ಆ ವೊಡು. ಈ ನಿಟ್ಟ್ ಡ್ ಶಾಲಾ ಕಾಲೇಜ್ ಪರಿಸರಡ್ ತಂಬಾಕು ಕಡ್ಡಾಯವಾದ್ ನಿಷೇಧ ಮಲ್ಪುನ ಅನಿವಾರ್ಯ ಆತ್ಂಡ್. ಈ ಬಗೆಟ್ ಕಲ್ಪಾರ್ಥಿಲೇ ಜನ ಜಾಗೃತಿ ಪುಟ್ಟಾವೊಡು ಪಂದ್ ಪಂಡೆರ್.

ಈ ಪೊರ್ತುಡು ಜಿಲ್ಲಾ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣ ಅಧಿಕಾರಿ ಡಾ. ಕಿಶೋರ್ ಕುಮಾರ್, ಜಿಲ್ಲಾ ಸರ್ವೇಕ್ಷಣಾ ಅಧಿಕಾರಿ ಡಾ. ಜಗದೀಶ್, ತಾಲೂಕ್ ಆರೋಗ್ಯ ಅಧಿಕಾರಿ ಡಾ. ಸುಜಯ್ ಭಂಡಾರಿ, ಬೊಕ್ಕ ಪ್ರಾಂಶುಪಾಲೆರ್ ಪ್ರೊ. ಕೃಷ್ಣಮೂರ್ತಿ, ಉಪ ಪ್ರಾಂಶುಪಾಲೆರ್ ಪ್ರೊ. ರಮೇಶ್ ಭಟ್ ಎಸ್.ಜಿ, ರಾ‌.ಸೇ ಯೋಜನಾಧಿಕಾರಿ ಅಕ್ಷತಾ ವಿ. ಇತ್ತೆರ್. ಎನ್.ಎಸ್.ಎಸ್. ಸ್ವಯಂ ಸೇವಕೆರ್ ಸುಮಾರ್ 40 ರ್ದ್ ಹೆಚ್ಚ ಅಂಗಡಿಲೆಗ್ ಭೇಟಿ ಕೊರ್ದು ತಂಬಾಕುರ್ದ್ ಆಪುನ ದುಷ್ಪರಿಣಾಮಲೆನ್ ತೆರಿಪಾದ್, ಅಕ್ಲೆಗ್ ಗುಲಾಬಿ ಪೂ ಕೊರ್ದು ಮನವೊಲಿಸುನ ಲೇಸ್ ಯಶಸ್ವಿಯಾದ್ ನಡತ್ಂಡ್. ಹಿರಿಯ ಆರೋಗ್ಯ ನಿರೀಕ್ಷಣಾಧಿಕಾರಿ, ತಾಲೂಕ್ ಆರೋಗ್ಯಾಧಿಕಾರಿ ಕಚೇರಿದ ಸಿ. ಆರ್. ಪ್ರದೀಪ್ ಕುಮಾರ್ ಮೇರ್ ಎದ್ಕೊನಿಯೆರ್. ಎನ್.ಎಸ್.ಎಸ್. ಯೋಜನಾಧಿಕಾರಿ ಅಕ್ಷತಾ ವಿ. ಸೊಲ್ಮೆ ಸಂದಾಯೆರ್. NSS ಕಲ್ಪಾರ್ಥಿ ಆಯಿನ ಮಾನಸ ಲೇಸ್ ಸುಧಾರಿಕೆ ಮಲ್ತೆರ್.