ಕಾಸ್ರೋಡು : ನಟೆ, ನಿರ್ದೇಶಕೆರ್, ಸಂಘಟಕೆರ್, ಕೇರಳ ತುಳು ಸಾಹಿತ್ಯ ಅಕಾಡೆಮಿದ ಮಾಜಿ ಅಧ್ಯಕ್ಷೆರ್ ಉಮೇಶ್ ಎಂ. ಸಾಲಿಯಾನ್ ಮೆರೆಗ್ ಚಿತ್ರದುರ್ಗ ಸಾಣೆಹಳ್ಳಿ ದ ರಂಗ ಸುಹಾಸ ಟ್ರಸ್ಟ್ ದಕುಲು ಮಾನಾದಿಗೆ ಮಲ್ತೆರ್.
ಕಾಸ್ರೋಡುದ ರಂಗ ಕುಟೀರಡ್ ನಡತಿನ ಲೇಸ್ ಡ್ ಯಕ್ಷಗಾನ ಕಲಾವಿದೆರ್ ನರಸಿಂಹ ಬಲ್ಲಾಳ ಅಧ್ಯಕ್ಷತೆ ಒಯಿಸ್ ದಿತ್ತೆರ್. ಹಿರಿಯ ಯಕ್ಷಗಾನ ಕಲಾವಿದೆರಾಯಿನ ಅಪ್ಪುಕುಂಞ ಮೇರ್ ಲೇಸ್ ಉದಿಪನ ಮಲ್ತೆರ್. ಕರ್ನಾಟಕ ನಾಟಕ ಆಕಾಡೆಮಿ ಸದಸ್ಯೆರೆನ ರಾಗಿಕಲೆ, ಸಾಹಿತ್ಯ, ಸಂಘಟನೆ ಮುಖೇನ ಕರ್ನಾಟಕಡ್ ಇಡೀ ಪುದರ್ ನ್ ಗಲಸಿನ ಕಲಾವಿದೆರೆನ್ ಒಟ್ಟು ಮಲ್ತ್ ದ್ ಸವಾಕ್ ಸಂಘಟನೆದ ರಾಜ್ಯ ಕೋಶಾಧಿಕಾರಿಯಾದ್, ಕೇರಳ ತುಳು ಅಕಾಡೆಮಿದ ಮಾಜಿ ಅಧ್ಯಕ್ಷೆರಾದ್, ಇತ್ತೆ ತಾನೇ ಕೇರಳ ಸರ್ಕಾರ ರಾಷ್ಟ್ರಕವಿ ಎಂ. ಗೋವಿಂದ ಪೈ ಸ್ಮಾರಕ ಸಮಿತಿ ಕಾರ್ಯದರ್ಶಿಯಾದ್ ನೇಮಕ ಆಯಿನ ಉಮೇಶ ಸಾಲಿಯಾನ್ ಮೆರೆನ್ ಮಾನಾದಿಗೆ ಮಲ್ತ್ ದ್, ಅಭಿನಂದನಾ ಪತ್ರ ಕೊರೊಂದು ಉಲ್ಲೆರ್ ಪಂದ್ ರಂಗ ಸುಹಾಸ ಟ್ರಸ್ಟ್ ದ ಕಾರ್ಯದರ್ಶಿ ಕೆ.ಮಲ್ಲಯ್ಯ ಶ್ರೀಮಠ ಪಂಡೆರ್. ಬೊಕ್ಕ ಸಂಚಾಲಕೆರ್ ಕೆ.ಬಿ.ಮೂರ್ತಿ ಕಬ್ಬಿನಕೆರೆ, ಸವಾಕ್ ಜಿಲ್ಲಾಧ್ಯೆಕ್ಷೆರ್ ಕೆ.ಭಾರತಿ ಬಾಬು, ಕಾರ್ಯದರ್ಶಿಲಾಯಿನ ನರೇಂದ್ರ, ಹರಿಕಾಂತ ಸಾಲಿಯಾನ್ ಪಾತೆರಿಯೆರ್. ರಂಗ ಕುಟೀರದ ಕಾರ್ಯದರ್ಶಿ ನಿಶ್ಮಿತ ಕಮಲೇಶ್ ಎದ್ಕೊನಿಯೆರ್. ಸವಾಕ್ ಕಾಸ್ರೋಡು ವಲಯದ ಅಧ್ಯಕ್ಷೆರ್ ದಯಾಪ್ರಸಾದ್ ಸೊಲ್ಮೆ ಸಂದಾಯೆರ್.
pallavi shetty