December 3, 2022

ಬಿ.ಸಿ.ರೋಡು : ಡಿ.4 ಕ್ಕ್ ಕಾರ್ಯನಿರತ ಪತ್ರಕರ್ತರ ಸಂಘ, ತಾಲೂಕು ಪ್ರೆಸ್ ಕ್ಲಬ್ (ರಿ) ಉಂದೆತ್ತ ಪೊಸ ಕಟ್ವಾನ ಉದಿಪನ ಲೇಸ್

ಬಂಟ್ವಾಳ : ಕಾರ್ಯನಿರತ ಪತ್ರಕರ್ತರ ಸಂಘ ಬಂಟ್ವಾಳ ತಾಲೂಕು, ಪ್ರೆಸ್ ಕ್ಲಬ್ (ರಿ) ಬಿ.ಸಿ.ರೋಡು ಉಂದೆತ್ತ ಮುತಾಲಿಕೆಡ್ ದ.ಕ. ಸಂಸದೆರ್ ನಳಿನ್ ಕುಮಾರ್ ಕಟೀಲು ಅಂಚನೆ ಬಂಟ್ವಾಳ ಶಾಸಕೆರ್ ರಾಜೇಶ್ ನಾಯ್ಕ್ ಉಳಿಪ್ಪಾಡಿ ಮೆರೆನ ವಿಶೇಷ ಅನುದಾನಡ್ ನಿರ್ಮಾಣ ಆಯಿನ ಬಂಟ್ವಾಳ ತಾಲೂಕು ಕಾರ್ಯನಿರತ ಪತ್ರಕರ್ತೆರ್ನ ಸಂಘದ ಪೊಸ ಕಟ್ವಾನ ಉದಿಪನ ಲೇಸ್ ಡಿ.4 ತಾರೀಕ್ ಐತಾರ ಬಿ.ಸಿ.ರೋಡ್‌ದ ಪುರಸಭಾ ವಾಣಿಜ್ಯ ಸಂಕೀರ್ಣಡ್ ನಡಪರೆ ಉಂಡು.

ಮಧ್ಯಾಹ್ನ 2 ಗಂಟೆಗ್ ಜಿ ವಿ ರಾಕ್ರ್ಸ್ ಡ್ಯಾನ್ ಮೊಕುಲೆರ್ದ್ ನೃತ್ಯ ವೈವಿಧ್ಯ ಬಯ್ಯ 4 ಗಂಟೆರ್ದ್ ಪತ್ರಕರ್ತೆರ್ ಬೊಕ್ಕ ಹವ್ಯಾಸಿ ಕಲಾವಿದೆರೆರ್ದ್ ಸುದರ್ಶನ ವಿಜಯ ಯಕ್ಷಗಾನ ಬಯಲಾಟ, ಬಯ್ಯ 6.30 ಗಂಟೆಗ್ ತಾಂಬೂಲ ಕಲಾವಿದೆರ್ ಪುಂಜಾಲಕಟ್ಟೆ- ಕುಡ್ಲ ಮೊಕುಲೆರ್ದ್ ಪರಿಮಳ ಕಾಲನಿ ಪನ್ಪಿನ ತುಳು ನಾಟಕ ನಡಪರೆ ಉಂಡು ಪಂದ್ ಸಮಿತಿದಕುಲು ಪ್ರಕಟಣೆಡ್ ತೆರಿಪಾದೆರ್.