ಬೆಜ್ಜ ಶ್ರೀ ಜುಮಾದಿ ಬಂಟ ದೈವಲೆನ ಕ್ಷೇತ್ರಡ್ ಪ್ರತಿ ವರ್ಷದಲೆಕ್ಕನೇ ಮಾಗಂದಡಿಡ್ ಪುದ್ವರ್ ದ ಮೆಚ್ಚಿ ನೇಮಗ್ ಇನಿ ಕೈಲ್ ಕಡ್ಪುನ ಕಜ್ಜ ನಡತ್ಂಡ್.
ಈ ಉಚ್ಚಯ ಡಿಸೆಂಬರ್ 13ರ್ದ್ 15 ತಾರೀಕ್ ಮುಟ್ಟ ನಡಪರೆ ಉಂಡು. ಡಿ.15 ತಾರೀಕ್ ಗ್ ಮಾಗಂದಡಿಡ್ ನೇಮೋಚ್ಚಯ ನಡಪುಂಡು.
ವಿಶಾಖಪಟ್ಟಣ: ಶಶಿಕಲಾ ಪನ್ಪುನ ಎಂಸಿಎ ಕಲ್ಪಾರ್ಥಿ ಒರ್ತಿ ರೈಲ್ ರ್ದ್ ಜಪ್ಪುನಗ ಅಕಸ್ಮಾತ್ ಆದ್ ಪ್ಲಾಟ್ಫಾರ್ಮ್ ಬೊಕ್ಕ ರೈಲ್ ದ ನಡುಟ್ ಜಾರ್ದ್ ಬೂರ್ದು ಪಿದಯಿ ಬರಿಯೆರೆ ಭಂಗ ಬತ್ತಿನ ಘಟನೆ ವಿಶಾಖಪಟ್ಟಣಡ್ ನಡತ್ಂಡ್.
ಬೊಕ್ಕ ಅಲ್ಪ ಇತ್ತಿನ ಪ್ರಯಾಣಿಕೆರ್ ಕಲ್ಪಾರ್ಥಿನ್ ಕಾಪಾಡಿಯೆರೆ ಭಾರಿ ಸಾಹಸ ಮಲ್ತ್ಂಡಲ ಕಾಪಾಡಿಯೆರೆ ಆತಿಜಿ. ಬೊಕ್ಕ ಈ ಇಸಯ ತೆರಿದ್ ರೈಲ್ವೇ ರಕ್ಷಣಾ ತಂಡ ಕೂಡ್ಲೆ ಜಾಗೆಗ್ ಬತ್ ದ್ ಕಲ್ಪಾರ್ಥಿ ತಿಕೊಂದಿನ ಫ್ಲಾಟ್ಫಾರ್ಮ್ನ್ ಪುಡತ್ ದೆರ್. ನೆತ್ತ ವೀಡಿಯೋ ವೈರಲ್ ಆತ್ಂಡ್.
ಮಲ್ಪೆ: ಬಿಲ್ಲವ ಸಮಾಜ ಸೇವಾ ಸಂಘ (ರಿ.)ದ ಶತಮಾನ ಉಚ್ಚಯ ಬೊಕ್ಕ ಬೊಳ್ಳಿ ಪರ್ಬದ ನಿಲೆಟ್ಟ್ ತುಳು ಲಿಪಿ ಬೊಕ್ಕ ಕನ್ನಡ ಪಲವೆ ಪಾಡುನ ಲೇಸ್ ನಡತ್ಂಡ್.
ಈ ಲೇಸ್ ದ ಅಂಗವಾದ್ ಶ್ರೀ ವಿಠೋಭ ಭಜನಾ ಮಂದಿರ ಮಲ್ಪೆ, ಶ್ರೀ ನಾರಾಯಣ ಗುರು ಸಮುದಾಯ ಭವನ ಮಲ್ಪೆ, ಅನ್ನ ಪೂರ್ಣ ಸಭಾಗೃಹ ಬೊಕ್ಕ ಬಿಲ್ಲವ ಸಮಾಜ ಸೇವಾ ಸಂಘ (ರಿ.) ಮಲ್ಪೆ ನೆತ್ತ ಪೊಸ ನಾಮ ಪಲವೆನ್ ಕನ್ನಡ ಬೊಕ್ಕ ನಮ್ಮ ಮಾತೃ ಭಾಷೆಯಾಯಿನ ತುಳು ಲಿಪಿಟ್ ಮುಖ್ಯ ದ್ವಾರ, ಮಂದಿರ ಬೊಕ್ಕ ಸಮುದಾಯ ಭವನಡ್ ಶತಮಾನೋಚ್ಚಯದ ಲಾಂಛನದೊಟ್ಟಿಗೆ ಪಾಡಿಯೆರ್
ರಾಜಸ್ಥಾನ: ಇನಿ ಬೊಲ್ಪುಗು ಜಾಲಾವರ ಮಾರ್ಗಡ್ ಇಪ್ಪುನ ಅನಂತಪುರ ಸ್ವಾಗತ ದ್ವಾರರ್ದ್ ರಾಹುಲ್ ಗಾಂಧಿ ಮುತಾಲಿಕೆಡ್ ಭಾರತ್ ಜೋಡೋ ಯಾತ್ರೆ ಸುರು ಆತ್ಂಡ್.
ಈ ಪೊರ್ತುಡು ಜವನೆ ಒರಿ ರಾಹುಲ್ ಬರ್ಪುನೆನ್ ತೂದು ಬೆಚ್ಚ ಆತೆ. ಆತೆ ಅತ್ತಂದೆ ರಾಜೀವ್ ಗಾಂಧಿ ಪ್ರತಿಮೆಗ್ ಲ್ಯಾಪ್ಟಾಪ್ ಸಹಾಯರ್ದ್ ಮಾಲಾರ್ಪಣೆ ಮಲ್ಪೆರೆ ಪೋವೊಂದು ಇತ್ತಿನ ಕಾಂಗ್ರೆಸ್ ನಾಯಕೆರ್ ರಾಹುಲ್ ಗಾಂಧಿನ್ ಯಾನ್ ವಿರೋಧ ಮಲ್ಪುವೆ ಪಂದ್ ಮೈತ ಮಿತ್ತ್ ತೂ ಪೊತ್ತಾದ್ ಆತ್ಮಹತ್ಯೆಗ್ ಪಯತ್ನ ಮಲ್ದೆ. ಈ ಪೊರ್ತುಡು ಕೈತಲ್ ಇತ್ತಿನಕುಲು ಕೂಡ್ಲೆ ತೂ ತೆಕ್ಕಾದ್, ಆಂಬುಲೆನ್ಸ್ ಮುಖೇನ ಖಾಸಗಿ ಆಸ್ಪತ್ರೆಗ್ ದಾಖಲ್ ಮಲ್ದೆರ್. ಪೊಲೀಸೆರ್ ಬೊಕ್ಕ ಸಿಐಡಿ ಗುಪ್ತಚರ ದಳದಕುಲು ಆಸ್ಪತ್ರೆಗ್ ಬತ್ ದ್, ಜವನನ್ ವಶಕ್ ಪಡೆತೆರ್.
ಅಹಮದಾಬಾದ್: ವಿಧಾನಸಭಾ ಚುನಾವಣೆಡ್ ಪಕ್ಷ ಸೋತಿನೆಕ್ಕ್ ಗುಜರಾತ್ ಕಾಂಗ್ರೆಸ್ ಉಸ್ತುವಾರಿ ರಘು ಶರ್ಮಾ ಗುರುವಾರ ರಾಜೀನಾಮೆ ಕೊರ್ತೆರ್.
ಗುಜರಾತ್ ಚುನಾವಣೆಡ್ ಭಾರೀ ಪಿರ ಒರಿನ ಕಾಂಗ್ರೆಸ್ 19 ಸ್ಥಾನಡ್ ದುಂಬು ಉಂಡು.
ಡೆಲ್ಲಿ: ಹಿಮಾಚಲ ಪ್ರದೇಶಡ್ ಕಾಂಗ್ರೆಸ್ ಪೊಸ ಸರ್ಕಾರ ರಚನೆ ಮಲ್ಪುಂಡು ಪಂದ್ ಹರಿಯಾಣದ ಮಾಜಿ ಮುಖ್ಯಮಂತ್ರಿ ಭೂಪಿಂದರ್ ಹೂಡಾ ಗುರುವಾರ ಪಂಡೆರ್.
ಚುನಾವಣಾ ಆಯೋಗದ ವೆಬ್ಸೈಟ್ಡ್ ಅಂಕಿಅಂಶಲೆನ ಪ್ರಕಾರ, ವೋಟ್ ದ ಲೆಕ್ಕ ಪ್ರಗತಿಡ್ ಉಂಡು. ಗುಡ್ಡಗಾಡು ರಾಜ್ಯವಾಯಿನ ಹಿಮಾಚಲಡ್ ಕಾಂಗ್ರೆಸ್ 38 ಸ್ಥಾನಡ್ ದುಂಬು ಬರ್ಪುನ ಮುಖೇನ ಗೆಂದುನಡೆಗ್ ಬರೊಂದು ಉಂಡು ಪಂದ್ ಪಂಡೆರ್.
ಸಂಭಾಲ್: ಮದಿಮಾಯನ ಮೂಂಕು ಚಟ್ಟೆ ಆಯಿನೆನ್ ತೂಯಿನ ಮದಿಮಲ್ ಒರ್ತಿ ಮದಿಮೆನೇ ಉಂತಾಯಿನ ಘಟನೆ ಉತ್ತರಪ್ರದೇಶದ ಸಂಭಾಲ್ಡ್ ನಡತ್ಂಡ್.
ಡಿ. 7 ದಾನಿ ನಡತಿನ ಮದಿಮೆದ ಮೆರವಣಿಗೆಡ್ ಆಣನ್ ಲೆತೊಂದು ಬೈದೆರ್. ಈ ಪೊರ್ತುಡು ಅಲ್ಪ ಇತ್ತಿನ ಪೊಂಜೋವ್ ಒರ್ತಿ ಆಣನ ಮೂಂಕು ಚಟ್ಟೆ ಪಂದ್ ಪಂತೆರ್. ಬೊಕ್ಕ ಪೊಣ್ಣನ ಕಡೆತಕುಲುಲ ಆಣನ ಮೂಂಕುದ ಬಗೆಟ್ ಪಾತೊರೊಂದಿತ್ತೆರ್. ನೆರ್ದ್ ಬೆಚ್ಚ ಆಯಿನ ಪೊಣ್ಣು ಮದಿಮೆನ್ ಉಂತಾದಲ್.
ಅಹ್ಮದಾಬಾದ್: ಗುಜರಾತ್ ವಿಧಾನಸಭೆ ಚುನಾವಣೆಡ್ ಹೆಚ್ಚ ವೋಟ್ ಪಡೆಯಿನ ಬಿಜೆಪಿ ಡಿ.12ಕ್ ಸೋಮಾರ ಪೊಸ ಸರ್ಕಾರ ರಚನೆ ಮಲ್ಪೆರೆ ಉಂಡು. ರಡ್ಡ್ ನೇ ಸರ್ತಿ ಮುಖ್ಯಮಂತ್ರಿಯಾದ್ ಭೂಪೇಂದ್ರ ಪಟೇಲ್ ಅಧಿಕಾರ ಒಯಿಸೊನ್ವೆರ್.
ಪ್ರಮಾಣ ವಚನ ಲೇಸ್ ಡಿ.12ಕ್ ಬುಹುತೇಕ ರಾಜಭವನ ಇಜ್ಜಿಂಡ ಮೋದಿ ಕ್ರೀಡಾಂಗಣಡ್ ನಡಪರೆ ಉಂಡು. ಈ ಲೇಸ್ ಡ್ ಪ್ರಧಾನಿ ನರೇಂದ್ರ ಮೋದಿ ಬೊಕ್ಕ ಬಿಜೆಪಿದ ಸುಮಾರ್ ಗಣ್ಯೆರ್ ಪಾಲ್ ಪಡೆಯೆರೆ ಉಲ್ಲೆರ್.
ಅಹ್ಮದ್ ಬಾದ್: ಗುಜರಾತ್ ವಿಧಾನಸಭೆ ಚುನಾವಣೆಡ್ ಬಿಜೆಪಿ ಅಭ್ಯರ್ಥಿ ಆದಿತ್ತಿನ ಖ್ಯಾತ ಕ್ರಿಕೆಟಿಗೆ ರವೀಂದ್ರ ಜಡೇಜಾ ಬೊಡೆದಿ ರಿವಾಬ ಜಡೇಜಾ ಗೆಂದ್ ದೆರ್.
ಜಾಮ್ ನಗರ ಉತ್ತರ ವಿಧಾನಸಭಾ ಕ್ಷೇತ್ರರ್ದ್ ವೋಟ್ ಗ್ ಉಂತಿನ ಮೇರ್ ತನ್ನ ಪ್ರತಿಸ್ಪರ್ಧಿನ್ 30,000ರ್ದ್ ಹೆಚ್ಚ ವೋಟ್ ದ ಅಂತರಡ್ ಸೋಪಾದೆರ್ ಪಂದ್ ವರದಿ ಆತ್ಂಡ್.
ಕಟೀಲ್ ಶ್ರೀ ದುರ್ಗಾಪರಮೇಶ್ವರಿ ದೇವಲ್ಯಗ್ ಇನಿ ರಿಷಭ್ ಶೆಟ್ಟಿ ದಂಪತಿ ಭೇಟಿ ಕೊರ್ದು ದೇವೆರ್ನ ದರ್ಶನ ಪಡೆಯೆರ್. ಕೆಪಿಸಿಸಿ ಕಾರ್ಯದರ್ಶಿ ಮಿಥುನ್ ರೈ ಅಂಚೆನೆ ಹರಿನಾರಾಯಣ ಅಸ್ರಣ್ಣೆರ್ ಇತ್ತೆರ್.
