ಬೊಲ್ತೇರ್ : ಬೈಕ್ ಬೊಕ್ಕ ಸ್ಕೂಟರ್‌ಗ್ ಗೂಡ್ಸ್ ಟೆಂಪೊ ಗುದ್ದುದು 2 ಜವನೆರ್‌ನ ಮರಣ

ಬೊಲ್ತೇರ್ : ಚರ್ಚ್ ರೋಡ್‌‌ಡ್ ಗೂಡ್ಸ್ ಟೆಂಪೋ ಬೊಕ್ಕ 2 ದ್ವಿಚಕ್ರ ವಾಹನದ ನಡುಟ್ಟು ನಡತಿನ ಸರಣಿ ಅಪಘಾತಡ್ ರಡ್ಡ್ ಜನ ಜವನೆರ್ ತೀರ್ ಪೋಯೆರ್. ಸ್ಕೂಟರ್ ಸವಾರೆ, ನಾವೂರುದ ಸಂತೋಷ್ (32) ಬೊಕ್ಕ ಬೈಕ್ ಸವಾರೆ ಕಣಿಯೂರು ಗ್ರಾಮದ ಪಿಲಿಗೂಡು ನಿವಾಸಿ ಮೋಹನ್ (33) ತೀರ್ ಪೋಯಿನಕುಲು ಪಂದ್ ತೆರಿದ್ ಬೈದ್ಂಡ್.
ಕುಡ್ಲರ್ದ್ ಚಿಕ್ಕಮಗಳೂರುದಂಚಿ ಪೋವೊಂದಿತ್ತಿನ ಟಾಟಾ ಗೂಡ್ಸ್ ಗಾಡಿ, ಗುರುವಾಯನಕೆರೆದಂಚಿ ಪೋವೊಂದಿತ್ತಿನ ಸ್ಕೂಟರ್ ಬೊಕ್ಕ ಬೈಕ್‌ಗ್ ಗುದ್ದುದು ಅಪಘಾತ ನಡದ್ಂಡ್. ಗೂಡ್ಸ್ ಗಾಡಿದ ಡ್ರೈವರ್ ನಿದ್ರೆ ಕಣ್ಣ್‌ಡ್ ಇತ್ತೆ ಪಂಡ್‌ದ್ ತೆರಿದ್ ಬೈದ್ಂಡ್. ಆ ಜಾಗೆಡೇ ತೀರ್ ಪೋಯಿನ ಸಂತೋಷ್ ಪ್ರಿಂಟಿಂಗ್ ಪ್ರೆಸ್‌ಡ್ ಬೇಲೆ ಮಲ್ತೊಂದಿತ್ತೆರ್. ಮೋಹನ್ ಆಸ್ಪತ್ರೆಗ್ ಕೊನೊನಗ ತೀರ್ ಪೋತೆರ್ ಪಂಡ್‌ದ್ ತೆರಿದ್ ಬೈದ್ಂಡ್. ಬೆಳ್ತಂಗಡಿ ಸಂಚಾರಿ ಠಾಣೆ ಪೊಲೀಸೆರ್ ಜಾಗೆಗ್ ಬತ್ತ್‌ದ್ ಪರಿಶೀಲನೆ ಮಲ್ದೆರ್.