ಕುಡ್ಲ: ಸಮಾಜ ಸೇವಕರ್ ಬೊಕ್ಕ ಉದ್ಯಮಿ ಲೋಬೋ ಫೌಂಡೇಶನ್‌ ಮುಕೇನ ಸಾಮಾಜಿಕ ಸೇವೆಡ್ ಸಕ್ರಿಯವಾದುಪ್ಪುನ ಜಾನ್ ವಿಲ್ಸನ್ ಲೋಬೊ ಮೆರೆನ ಲೋಬೊ ಪ್ರೊಡಕ್ಷನ್ಸ್ ಮುಕೇನ ಸೋನುಲವಿ ಸಿನೇ ಕ್ರಿಯೇಶನ್ಸ್‌ ಒಟ್ಟು ಸೇರಿಗೆಡ್ ಪೊಸ ತುಳು ಸಿನಿಮಾದ ಟೈಟಲ್ ಅ. 26 ಸೋಮವಾರ ಕುಡ್ಲದ ಬಲ್ಮಠದ ಡಾನ್ ಬಾಸ್ಕೋ ಹಾಲ್‌‌ಡ್ ಬಯ್ಯಡ್ 5-30 ಗಂಟೆಗ್ ಗಣ್ಯೆರ್ ಬಿನ್ನೆರ್‌ನ ಎದುರು ಸಮ್ಮುಖದಲ್ಲಿ ರಿಲೀಸ್ ಆವರೆ ಉಂಡು ಪಂದ್ ನಿರ್ಮಾಣ ನಿರ್ವಹಣೆ ವಿಭಾಗದ ಮುಖ್ಯಸ್ಥೆರ್ ನರೇಂದ್ರ ಕೆರೆಕಾಡು ತೆರಿಪಾಯೆರ್.
ಆರ್ ಕುಡ್ಲದ ಪತ್ರಿಕಾ ಭವನಡ್ ಸುದ್ದಿಗೋಷ್ಠಿಡ್ ಪಾತೆರ್ದ್, ಜಾನ್ ವಿಲ್ಸನ್ ಲೋಬೊ ಮೇರ್ “ವೇಳ್ ಘಡಿ” ಕೊಂಕಣಿ ಸಿನಿಮಾ ಮಲ್ತೊಂದಿತ್ತ್‌ದ್ ಇತ್ತೆ ತನ್ನನೇ ಬ್ಯಾನರ್‌ಡ್ ತುಳು ಭಾಷೆಡ್ ಕಡೀರ್‌ದ ಸಿನಿಮಾ ಮಲ್ಪುನ ಯೋಜನೆ ಪಾಡ್ದ್, ತುಳುನಾಡ್‌ದ ಕಲಾವಿದೆರೆಗ್,ತಂತ್ರಜ್ಞೆರೆಗ್ ಆಸರೆ ಆತೆರ್. ಕಥೆಕ್ಕ್ ತಕ್ಕ ಸಿನಿಮಾಗ್ ಪೂರಕವಾಯಿನ ಸೀಮಿತ ಬಜೆಟ್‌ಡ್ ಪಿಚ್ಚರ್ ನಿರ್ಮಾಣ ಆವರೆ ಇತ್ತ್‌ದ್ 2027ಟ್ ರಿಲೀಸ್ ಆವರೆ ಉಂಡು ಪಂದ್ ಪಂದ್ ತೆರಿಪಾಯೆರ್.
ಗ್ರಾಮೀಣ ಭಾಗದ ತುಳು ರಂಗಭೂಮಿಡ್ ನಡಪುನ ಸಂಗತಿಲೆಗ್ ಕಥೆತ್ತ ರೂಪು ಕೊರ್ದು, ಹಾಸ್ಯ ಲೇಪನ ಬೊಕ್ಕ ಸಂದೇಶಭರಿತ ಸಿನಿಮಾ ಆದ್ ಸಂಪೂರ್ಣವಾದ್ ಕುಟುಂಬ ಸಹಿತ ತೂವೊಡಾಯಿನ ಸಿನಿಮಾ ನಿರ್ಮಾಣ ಮಲ್ತೊಂದುಲ್ಲ ಪಂದ್ ಪಂಡೆರ್.
ಸಿನಿಮಾದ ಸಹ ನಿರ್ದೇಶಕೆರ್ ರೋಶನ್ ನೆಲ್ಲಿಗುಡ್ಡೆ ಪಾತೆರ್ದ್,
ಅ. 26ಕ್ಕ್ ನಡಪುನ ಶೀರ್ಷಿಕೆ ಬಿಡುಗಡೆ ಲೇಸ್‌ನ್ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ಸಚಿವೆರ್, ದಕ್ಷಿಣ ಕನ್ನಡ ಜಿಲ್ಲಾ ಉಸ್ತುವಾರಿ ಸಚಿವೆರ್ ಯು.ಟಿ.ಖಾದರ್ ಅನಾವರಣ ಮಲ್ಪುವೆರ್.
ಪೆರ್ಮನ್ನೂರು ಸೈಂಟ್ ಸೆಬಾಸ್ಟಿಯನ್ ಚರ್ಚ್‌ದ ಗುರುಕುಲು ರೆ.ಫಾ. ಆಂಡ್ರೋ ಲಿಯೊ ಡಿಸೋಜ ಆಶೀರ್ವಚನ ಮಲ್ಪುವೆರ್. ಲೋಬೊ ಪ್ರೊಡಕ್ಷನ್ಸ್ ಮಾಲೀಕೆರ್ ಜಾನ್ ವಿಲ್ಸನ್ ಲೋಬೊ ಅಧ್ಯಕ್ಷತೆ ವಹಿಸರೆ ಉಲ್ಲೆರ್. ಕೆಪಿಸಿಸಿ ಪ್ರಧಾನ ಕಾರ್ಯದರ್ಶಿ ಮಿಥುನ್ ರೈ ಮೇರ್ ಶೂಟಿಂಗ್ ಕ್ಲಾಪ್ ಹಸ್ತಾಂತರ ಮಲ್ಪುವೆರ್. ದೈಜಿ ವರ್ಲ್ಡ್ ಮೀಡಿಯಾದ
ಮುಖ್ಯಸ್ಥೆರ್ ವಾಲ್ಟರ್ ನಂದಳಿಕೆ ಕ್ಯಾಮರಾ ಚಾಲನೆ ಕೊರ್ಪೆರ್. ಬಿನ್ನೆರಾದ್ ತುಳು ಅಕಾಡೆಮಿದ ಅಧ್ಯಕ್ಷೆರ್ ತಾರಾನಾಥ ಗಟ್ಟಿ , ಪರಿಸರ ಮತ್ತು ಪ್ರವಾಸೋದ್ಯಮ ಮಂಡಳಿದ ಅಧ್ಯಕ್ಷೆರ್ ಶಾಲೆಟ್ ಪಿಂಟೋ, ತುಳು ನಾಟಕ ಕಲಾವಿದರ ಒಕ್ಕೂಟ (ರಿ.)ದ ಅಧ್ಯಕ್ಷೆರ್ ಕಿಶೋರ್ ಡಿ. ಶೆಟ್ಟಿ, ಕಲಾ ಸಂಗಮದ ವಿಜಯಕುಮಾರ್ ಕೊಡಿಯಾಲ್‌ಬೈಲ್, ಚಾಪರ್ಕ ತಂಡದ ದೇವದಾಸ್ ಕಾಪಿಕಾಡ್,ಪ್ರಿಯದರ್ಶಿನಿ ಕೋ-ಆಪರೇಟಿವ್ ಸೊಸೈಟಿ (ನಿ), ದ
ಅಧ್ಯಕ್ಷೆರ್ ವಸಂತ ಬೆರ್ನಾಡ್,ಡೀನೆಟ್-ಇಂಟರ್ ನೆಟ್ ಸರ್ವಿಸ್, ಪ್ರೈ.ಲಿ.ಶಕ್ತಿನಗರ, ಕುಲಶೇಖರ ಮಾಲಿಕೆರ್ ಫ್ರಾನ್ಸಿಸ್ ಲೋಬೊ, ಯುಗಪುರುಷದ ಕೆ.ಭುವನಾಭಿರಾಮ ಉಡುಪ, ತುಳುನಾಡ ಮಾಣಿಕ್ಯ ಅರವಿಂದ ಬೋಳಾರ್, ಎಕ್ಸ್‌ಪ್ರೆಶನ್ ಆರ್ಟ್ಸ್‌ದ
ಈಶ್ವರ್ ಕೋಡಿಕಲ್ ಪಾಕ್ ಪಡೆವರೆ ಉಲ್ಲೆರ್ ಪಂದ್ ತೆರಿಪಾಯೆರ್.
ನಿರ್ದೇಶಕೆರ್ ದೇವಿಪ್ರಕಾಶ್ ಎಸ್‌ ಪಾತೆರ್ದ್, ಕನ್ನಡ-ತುಳು-ತೆಲುಗು ಸಿನಿಮಾಡ್ ಕಲಾ ನಿರ್ದೇಶಕೆ ಆದ್, ನಟೆ ಆದ್ ಬೇಲೆ ಮಲ್ದಿನ ಯಾನ್, ಸಿನಿಮಾದ ಕಥೆ-ಚಿತ್ರಕಥೆ-ಸಂಭಾಷಣೆ-ನಿರ್ದೇಶನದ ಜವಬ್ದಾರಿ ವಹಿಸೊಂದೆ. ಗೀತಾ ಸಾಹಿತ್ಯನ್ ವಿಜಯಕುಮಾರ್ ಕೊಡಿಯಾಲ್‌ಬೈಲ್ ಬರೆತೆರ್.ಸಹ-ನಿರ್ದೇಶನಡ್ ರೋಶನ್ ನೆಲ್ಲಿಗುಡ್ಡೆ, ಸಂಗೀತ ಗಗನ್ ಸುವರ್ಣ ಮೂಲ್ಕಿ, ಛಾಯಾಗ್ರಹಣ ಗಜೇಂದ್ರ ಕೋಲಾರ, ನಿರ್ಮಾಣ ನಿರ್ವಹಣೆಡ್ ಪತ್ರಕರ್ತ-ರಂಗಭೂಮಿ ಕಲಾವಿದ ನರೇಂದ್ರ ಕೆರೆಕಾಡು ಉಲ್ಲೆರ್.
ತಾರಾಗಣಡ್ ತುಳುನಾಡ ಮಾಣಿಕ್ಯ ಅರವಿಂದ ಬೋಳಾರ್, ಉಮೇಶ್ ಮಿಜಾರ್, ನರೇಂದ್ರ ಕೆರೆಕಾಡು, ರೋಶನ್ ನೆಲ್ಲಿಗುಡ್ಡೆ, ಯುವರಾಜ್, ಸುರೇಶ್ ಶೆಟ್ಟಿಗಾರ್ ಕೆರೆಕಾಡು, ಜೆರೋಂ ಮೋರಸ್, ಸುನಿಲ್ ಡಿಸೋಜ ನೆಲ್ಲಿಗುಡ್ಡೆ, ಲಿಯೋ ರಾಣಿಪುರ, ಶರತ್ ಶೆಟ್ಟಿ ಕಿನ್ನಿಗೋಳಿ, ರಾಧಿಕಾ ಪೂಜಾರಿ, ಲೂಸಿ ಅರಾನ್ಹ, ಹರೀಶ್ ಕೋಟ್ಯಾನ್ ಪಡುಪಣಂಬೂರು, ಲಿಸ್ಟನ್ ಫಲಿಮಾರು, ಕಾವ್ಯ ಕೊಡೆತ್ತೂರು, ಹರಿಪ್ರಸಾದ್ ನಂದಳಿಕೆ, ಭಗವಾನ್ ಸುರತ್ಕಲ್, ಚಿತ್ರಲೇಖ, ಸಂತೋಷ್ ಕಾರ್ಕಳ, ಸ್ಯಾಂಡ್ರಾ ಮಂಗಳೂರು, ಪೂರ್ಣಿಮಾ ಸುರತ್ಕಲ್, ಜಯಕುಮಾರ್ ಕುಬೆವೂರು, ಸಾಕ್ಷಿ ಗುರುಪುರ, ಜೆ.ಪಿ.ಕೊರಿಂಗೆಟ್ಟು, ಉಮೇಶ್ ಬಂಟ್ವಾಳ, ಗಿರೀಶ್ ಪೆರಿಯಡ್ಕ, ಧರ್ಮಾನಂದ ತೋಕೂರು, ಉದಯಕುಮಾರ್ ಆಳ್ವಾ, ಸುರೇಶ್ ಬಿ.ವರ್ಕಾಡಿ, ಸುರೇಶ್ ಸುಂಕದಕಟ್ಟೆ, ಮೇಘ ರಾಣಿ ಕುದ್ರೋಳಿ, ಡಿ.ಕೆ.ಆಚಾರ್ಯ, ಕಿರಣ್ ಕಲಾಂಜಲಿ, ಯಶನ್ ಮಂಗಳೂರು, ಸಂತೋಷ್‌ಕುಮಾರ್ ಮಂಗಲ್ಪಾಡಿ ಸಹಿತ ರಂಗಭೂಮಿದ ಕಲಾವಿದೆರ್ ಅಭಿನಯ ಮಲ್ತೊಂದುಲ್ಲೆರ್.
ಮಂಗಳೂರು, ಮೂಲ್ಕಿ, ಕಿನ್ನಿಗೋಳಿ ಸಹಿತ ಗ್ರಾಮೀಣ ಭಾಗಡ್ ಒಂದೇ ಹಂತದ ಚಿತ್ರೀಕರಣ ನಡಪರೆ ಉಂಡು ಪಂಡೆರ್.
ಪತ್ರಿಕಾಗೋಷ್ಠಿಡ್
ಕಲಾವಿದೆ ಸುನಿಲ್ ಡಿಸೋಜ ನೆಲ್ಲಿಗುಡ್ಡೆ,
ಕಲಾಭಿ ಸಂಸ್ಥೆದ ಅಧ್ಯಕ್ಷೆರ್ ಸುರೇಶ್ ಬಿ. ವರ್ಕಾಡಿ,
ಪಬ್ಲಿಸಿಟಿ ಕೋ-ಆರ್ಡಿನೇಟರ್
ಆರೀಫ್ ಇತ್ತೆರ್.
