ಭೋಪಾಲ್: 55 ಅಡಿತ ಬೋರ್ ವೆಲ್ ಗ್ ಬೂರ್ದು 8 ವರ್ಷದ ಆನ್ ತೀರ್ ಪೋಯಿನ ಘಟನೆ ಮಧ್ಯಪ್ರದೇಶದ ಬೇತುಲ್ ಡ್ ನಡತ್ಂಡ್.
ತನ್ಮಯ್ ಸಾಹು ಪನ್ಪುನ ಆನ್ ಡಿಸೆಂಬರ್ 6ದಾನಿ ಗೊಬ್ಬೊಂದು ಇತ್ತಿನ ಪೊರ್ತುಡು 55 ಅಡಿತ ಬೋರ್ ವೆಲ್ ಗ್ ಬೂರ್ದೆ. ನೆನ್ ತೂಯಿನ ಪೋಷಕೆರ್ ಕೂಡ್ಲೆ ಪೊಲೀಸೆರೆಗ್ ತೆರಿಪಾದೆರ್. ಈ ಘಟನೆದ ಜಾಗೆಗ್ ಬತ್ತಿನ ಪೊಲೀಸೆರ್, ಒಂಜಿ ಗಂಟೆದುಲಯಿ ಸಿಬ್ಬಂದಿನ್ ಲೆಪ್ಪದ್, ರಕ್ಷಣಾ ಕಾರ್ಯಾಚರಣೆ ಸುರು ಮಲ್ದೆರ್. ಎಸ್ ಡಿಆರ್ ಎಫ್, ಗೃಹ ರಕ್ಷಕದಳ ಬೊಕ್ಕ ಕೈತಲ್ ದ ಪೊಲೀಸ್ ಸಿಬ್ಬಂದಿ ನಿರಂತರ 65 ಗಂಟೆ ಕಾರ್ಯಾಚರಣೆ ನಡಪಾದ್, ಆನನ್ ಬೋರ್ ವೆಲ್ ರ್ದ್ ಪಿದಯಿ ದೈದೆರ್. ಆಂಡ ಆ ಪೊರ್ತುಡು ಆನ್ ತೀರ್ ಪೋದು ಇತ್ತೆ ಪಂದ್ ತೆರಿದ್ ಬೈದ್ಂಡ್.
Editorial