ಮ್ಯಾಂಡಸ್ ಚಂಡಮಾರುತದ ಗಾಳಿ ಬರ್ಸಗ್ ನಾಲ್ ಜನ ತೀರ್ ಪೋಯೆರ್

ಚೆನ್ನೈ: ಮ್ಯಾಂಡಸ್ ಚಂಡಮಾರುತರ್ದ್ ಬತ್ತಿನ ಭಾರೀ ಬರ್ಸಗ್ ನಾಲ್ ಜನ ತೀರ್ ಪೋಯಿನ ಘಟನೆ ತಮಿಳುನಾಡ್ ಡ್ ಶನಿಯಾರ (ಇನಿ) ನಡತ್ಂಡ್.

ಮ್ಯಾಂಡಸ್ ಚಂಡಮಾರುತದ ಕಾಸಿಮೆಡು ಪ್ರದೇಶಗ್ ಮುಖ್ಯಮಂತ್ರಿ ಎಂ.ಕೆ. ಸ್ಟಾಲಿನ್ ಇನಿ ಭೇಟಿ ಕೊರ್ದು, ಸಂತ್ರಸ್ತೆರೆಗ್ ತೆನಸ್ ದ ಸೊತ್ತುಲೆನ್ ಕೊರ್ದು ಬೊಕ್ಕ ಸುದ್ದಿಗಾರೆರೆನೊಟ್ಟಿಗೆ ಪಾತೆರಿಯೆರ್. ತಮಿಳುನಾಡ್ ಡ್ ಮ್ಯಾಂಡಸ್ ಚಂಡಮಾರುತರ್ದ್ ಸುಮಾರ್ ರೀತಿಡ್ ನಷ್ಟ ಆತ್ಂಡ್. ಪ್ರಾಣಹಾನಿಲ ಆತ್ಂಡ್. ನೆರ್ದ್ ನಾಲ್ ಜನ ತೀರ್ ಪೋತೆರ್. 98 ಕೈಕಂಜಿಲು ಸೈದ್ಂಡ್. 151 ಇಲ್ಲ್ ಲು ಹಾಳಾತ್ಂಡ್. ಚೆನ್ನೈ ನಗರದ 400 ಮರಕುಲು ಬೂರ್ದುಂಡು. ಚೆನ್ನೈ ಬೊಕ್ಕ ಚೆಂಗಲಪಟ್ಟು ಜಿಲ್ಲೆದ ಸುಮಾರ್ ಪ್ರದೇಶದ ಮಾರ್ಗಡ್ ನೀರ್ ದಿಂಜೀದ್ ಗಾಡಿಲು ಪೋಯೆರೆ ಅವೊಂದು ಇಜ್ಜಿ. ಬೊಕ್ಕ ಮಲ್ಲ ಮರವೊಂಜಿ ಪೆಟ್ರೋಲ್ ಬಂಕ್‌ ದ ಮಿತ್ತ್ ಬೂರ್ದುಂಡು. ಅತ್ತಂದೆ ಚೆನ್ನೈ ಟಿ ನಗರಡ್ ಗೋಡೆ ಬೂರ್ದು ಪಾರ್ಕ್ ಮಲ್ತಿನ ಮೂಜಿ ಕಾರ್ ಲಗಾಡಿ ಪೋತೊಂಡು ಪಂದ್ ಪಂಡೆರ್.