ವಿಧಾನಸಭೆ: ಸಾಲ ವಸೂಲಿಗಾದ್ ಸಾಲಗಾರೆರೆಗ್ ಉಪದ್ರ ಕೊರ್ಪಿನ, ಪೋಡಿಗೆ ಪುಟ್ಟಾವುನಕ್ಲೆಗ್ ಆಜಿ ತಿಂಗೊಲ್ದ ಜೈಲ್ ಶಿಕ್ಷೆನ್ ಒಂಜಿ ವರ್ಷಗ್ ಎಚ್ಚ ಮಲ್ಪುನ ಅಂಚನೆ 5 ಸಾರ ರೂ. ದಂಡನ್ 50 ಸಾರ ರೂ. ಮುಟ್ಟ ಎಚ್ಚ ಮಲ್ಪುನ ಬಗೆಟ್ ಕರ್ನಾಟಕ ಲೇವಾದೇವಿದಾರೆರ್‍ನ ವಿಧೇಯಕ ಸೇರ್ದ್ ಮೂಜಿ ವಿಧೇಯಕ ಮಂಡನೆ ಮಲ್ದೆರ್.
ಕರ್ನಾಟಕ ಲೇವಾದೇವಿದಾರೆರ್‍ನ ವಿಧೇಯಕ 2021, ಕರ್ನಾಟಕ ಸೂಸೈಟಿದ ನೋಂದಣಿ ವಿಧೇಯಕ 2021 ಬೊಕ್ಕ ಕರ್ನಾಟಕ ಪುರಸಭೆತ್ತ ವಿಧೇಯಕ 2021 ನ್ ಮಂಡನೆ ಮಲ್ತ್‌ದೆರ್.
ಕರ್ನಾಟಕ ಲೇವಾದೇವಿದಾರೆರ್‍ನ ವಿಧೇಯಕ 2021ನ್ ಸಹಕಾರ ಸಚಿವೆರ್ ಎಸ್.ಟಿ.ಸೋಮಶೇಖರ್ ಮಂಡಿಸಾಯೆರ್. ಕಾನೂನ್‌ದ ಪ್ರಕಾರ ಸಾಲಗಾರೆರೆರ್ದ್ ಸಾಲ ವಸೂಲಿ ಮಲ್ಪೊಡು. ಅವೆನ್ ಬುಡ್ದ್ ಅಕುಲೆಗ್ ಉಪದ್ರ ಕೊರ್ಪಿನವ್, ಪೋಡಿಗೆ ಪುಟ್ಟಾವುನವ್ ಮಲ್ಪುಲೆಕ್ಕ ಇಜ್ಜಿ. ಒಂಜಿ ವೇಳೆ ಈ ಬೇಲೆನ್ ಮಲ್ತ್ಂಡ ಶಿಕ್ಷೆ ಅಂಚನೆ ದಂಡ ಪಾಡುನ ತಿದ್ದುಪಡಿನ್ ಮಲ್ತ್‌ದೆರ್.
Editorial