ಜೈ ತುಲುನಾಡ್ ಬೆಂಗಳೂರು (ರಿ.) ಮುತಾಲಿಕೆಡ್ ತುಲುನಾಡ ಆಟಿ 2026 ತೇದಿ 09/08/2026 ಐತಾರ ಸುಂದ‌ರ್ ರಾಮ್ ಶೆಟ್ಟಿ ಸಭಾಂಗಣ, ವಿಜಯ ಬ್ಯಾಂಕ್ ಲೇಔಟ್ ಬಿಳೇಕಹಳ್ಳಿ, ಬೆಂಗಳೂರು ದಿ ಒರಿಜಿನಲ್ ಆಭರಣ ಸಹಯೋಗೊಡ್ ಬೊಕ್ಕ ಇಂಚೆಸ್ ಸ್ಟುಡಿಯೋ, ಶಂಕರ್ ಎಲೆಕ್ಟ್ರಿಕಲ್, ಯೂನಿಕ್ ಪ್ರಿ ಮೀಡಿಯಾ ಸೊಲ್ಯೂಷನ್ ಪ್ರೈವೆಟ್ ಲಿಮಿಟೆಡ್, ನಂದಿನಿ ಮೊಕುಲೆನ ಒತ್ತು ಸಹಯೋಗೊಡ್ ತುಲುನಾಡ ತನ್ನಾಲ್ಮೆದ ಹೋರಾಟಗಾರೆ ಕೆದಂಬಾಡಿ ರಾಮಯ್ಯ ಗೌಡ ಚಾವಡಿಡ್ ನಡತ್ಂಡ್.
ಅಯ್ಯಪ್ಪ ದೇವೆರೆಗ್ ಕಡಿರ ಪೂಜೆ ಸಂದಾದ್ ತುಲು ಕೊಡಿನ್ ರಾಪಾವೊಂದ್ ನಲಿಕೆ ಭಜನೆದೊಟ್ಟುಗು ತುಲು ಅಪ್ಪೆನ ದಿಬ್ಬಣಡ್ ಸುರು ಆಯಿನ ಕಜ್ಜನ್ ಬೊಮ್ಮನಹಳ್ಳಿದ ಶಾಸಕೆರ್ ಸತೀಶ್ ರೆಡ್ಡಿ ತುಡರ್ ಅರ್ಲಾದ್ ಉದಿಪನ ಮಲ್ತೆರ್ ಒಟ್ಟುಗು ತಾರಯಿ ಕುಟ್ಟುದು ಶಾಸಕೆರ್ ಸತೀಶ್ ರೆಡ್ಡಿ ಬೊಕ್ಕ ಶಾಸಕೆರ್ ಸುನಿಲ್ ಕುಮಾರ್ ಗೊಬ್ಬುದ ಉದಿಪನ ಮಲ್ತೆರ್.
ಈ ಪೊರ್ತುಡು ಮಾನಾದಿಗೆದ ಬಿನ್ನೆರಾದ್ ಗಣೇಶ್ ರಾವ್, ಮಹೇಶ್ ಕಾಮತ್, ಶಾಂತ ಬಾಬು, ರಾಮಕಾಂತ ಶೆಟ್ಟಿ, ಕರ್ನಲ್ ಭಂಡಾರಿ, ಪ್ರತಾಪ್ ಕುಮಾರ್, ಹರೀಶ್ ಶೆಟ್ಟಿ, ಅಶ್ವಥ್ ತುಳುವೆ, ಡಾ! ದೀಪಕ್ ಶೆಟ್ಟಿ, ಸತೀಶ್ ಬಾಬು, ರಾಕೇಶ್ ಬಂಗೇರ, ಬೇಲೂರು ಸುದರ್ಶನ್, ಕರುಣಾಕರ ಸಾಮಾನಿ , ತೇಜಸ್ ಸುಧಾಕರ್ ಉಪಸ್ಥಿತರಿತ್ತೆರ್ .
ಮಾನಾದಿಗೆದ ಮನೆಟ್ಟ್ ಸಮಾಜ ಸೇವಕೆ ಡಾ|| ನವೀನ್ ಭಂಡಾರಿ, ಕ್ರೀಡಾ ಕ್ಷೇತ್ರೋದ ಶ್ರೀಮತಿ ಮುಕ್ತಾ ಉದಯ್ ರಾಜ್ ಶೆಟ್ಟಿ, ತುಲು ಪೊರ್ಂಬಾಟಗಾರೆರ್ ಶ್ರೀ ನಿಧೀಶ್ ಶೆಟ್ಟಿ ಬೊಕ್ಕ
ರಕ್ತ ಆಪತ್ಭಾಂದವ ಸತೀಶ್ ಸಾಲ್ಯಾನ್ ಮಣಿಪಾಲ್,
ತುಲು ಲಿಪಿ ಕಲ್ಪಾದಿಲು ತುಲು ಬಾಸೆ ಕಲ್ಪಾದಿಲು, ತುಲು ಬರವುದ ಐಸಿರ ಮಸ್ತಿರೆಗು ಬೆನ್ನಿ ಬೆಂತಿನ ಪದುಕೆರೆಗ್, ಬಲೇ ತುಲು ಲಿಪಿಟ್ ಪುದರ್ ಬರೆಕ ಕಜ್ಜೊಡು ಸಾಧನೆ ಮಲ್ತಿನ ಕೂಟೊಗು, ಯತೀಶ್ ಕುಮಾರ್ ಮುಂಡೋಡಿ – ತುಲು ಬರವುದ ಐಸಿರ ಫಾಂಟ್ ಡಿಸೈನರ್, ಪ್ರಶಾಂತ್ ಕುಂಜೂರ್ – ತುಲು ಕಾಲಕೊಂದೆ (ಕ್ಯಾಲೆಂಡರ್) ಡಿಸೈನರ್, ತಮ್ಮನ- ಬಲ್ಮನ, ಅಜೋಲೆ ಪಟ್ಟುನ, ಇನಾಮು ಪಟ್ಟುನ, ಕಜ್ಜ ನಡತ್ಂಡ್.
ಮಾರಿ ಗಿಡವುನ ಆಟಿ ಕಲೆಂಜೆ,ಬೀರೆರ್ ಕೋಟಿ ಚೆನ್ನಯೆರ್ನ ಆಟ, ತೆಲಿಕೆ ಗೊoಚಿಲ್ಡ್ ಪ್ರಸಂಸ ಕಾಪು,ತುಲು ಮಿನದನ,ಆಟಿದ ಇಸೆಸ ಒನಸ್ ಮಲ್ಲಕ್ಲೆಗ್-ಎಲ್ಯಕ್ಲೆಗ್ ಅಬ್ಬರದ ಗೊಬ್ಬುಲು ನಡತ್ಂಡ್
ಲೇಸ್ ದ ಗುರ್ಕಾರ್ಮೆನ್ ಜೈ ಬೆಂಗಳೂರು (ರಿ.)ಗುರ್ಕಾರ್ಲು ವಿನಯ್ ಮಣಿಯಾನ ವೈಸೊಂದಿತ್ತೆರ್.
ಮುಗಿತಲ ಲೇಸ್ ಡ್ ಮಾನಾದಿಗೆದ ಬಿನ್ನೆರಾದ್ ಯು. ಟಿ. ಖಾದರ್,
ಅರವಿಂದ ಲಿಂಬಾವಳಿ, ಶಬಿ. ಗುಣರಂಜನ್ ಶೆಟ್ಟಿ ,ಕುಮಾರಿ ಭಾಗೀರಥಿ ಮುರುಳ್ಯ,
ಕಿರಣ್ ಚಂದ್ರ ಡಿ ಪುಷ್ಪಗಿರಿ,
ಸೌಂದರ್ಯ ಪಿ ಮಂಜಪ್ಪ,, ಅಶೋಕ್ ಶೆಟ್ಟಿ, ಅಮರನಾಥ್ ಶೆಟ್ಟಿ, ಉಮಾನಾಥ್ ಕೋಟ್ಯಾನ್ , ಲೇಸ್ ಡ್ ಪಾಲ್ ಪಡೆದಿತ್ತೆರ್ .
ಪ್ರಸಾದ್ ರಾಜ್ ಕಾಂಚನ್ ಒಡಿಪು, ಕಿರಣ್ ಚಂದ್ರ ಪುಷ್ಪಗಿರಿ ಇಂಚ ಮಸ್ತ್ ಜನ ಬಿನ್ನೆರ್ ಪಣವುದ ಬೆರಿತಾoಗ್ ಕೊರಿಯೆರ್ .
ಕಾರ್ಯoತೆರ್ ಅಕ್ಷಯ್ ಆಚಾರ್ಯ ಬೊಕ್ಕ ಒತ್ತು ಕಾರ್ಯಾತೆರ್ ಪ್ರದೀಪ್ ಶೆಟ್ಟಿ ಪ್ರಸ್ತಾವಿಕ ಭಾಷಣ ಮಲ್ತೆರ್.
ಪಣವುದ ಪಾಲವೆರ್ ರಂಜನ್ ಎಸ್ ವೈ ಸೊಲ್ಮೆ ಸಂದೈತ ಮಲ್ತೆರ್.
ನಿತೇಶ್ ಶೆಟ್ಟಿ ಎಕ್ಕಾರ್, ಶ್ರೀಮತಿ ರೇಣುಕಾ ಕಣಿಯೂರ್, ಸತೀಶ್ ಹೊಸ್ಮಾರ್ ಲೇಸ್ ಸುದಾರಿಕೆ ಮಲ್ತೆರ್.
ಬತ್ತಿನ ತುಲುವೆರ್ ಅಕುಲೆನ ಪುದರ್ನ್ ತುಲು ಲಿಪಿಟ್ ಬರೆದ್ ಇನಾಮು ಗೆಂದಿಯೆರ್. ಕೆಲವು ಬಿನ್ನೆರ್ಲ ಅಕುಲೆನ ಪುದರ್ನ್ ತುಲು ಲಿಪಿಟ್ ಬರೆಯೆರ್.
ತುಲು ಬಾಸೆ ,ತುಲು ಲಿಪಿನ್ ಪರಡುನ ದಿಟ್ಟಿಡ್ ತುಲುನಾಡ ಆಟಿ 2026 ಪನ್ಪಿನ ಮಾಮಲ್ಲ ಕಜ್ಜ ರಾಜಬೂಡುಡು ನಡತ್ಂಡ್.
ತುಲು ಸಂವಾದೊಡು “ತುಲು ಬಾಸೆ ಮಾನದಿಗೆ ಓಡೆ ಎತ್ತ್oಡ್ ಪನ್ಪಿ ವಿಷಯಡ್ ಜಿ.ವಿ. ಎಸ್ ಉಳ್ಳಾಲ, ಅಡ್ವೋಕೇಟ್ ವಿನೋದ್ ಕುಮಾರ್, ಶಶಿವಾನಂದ ಸಾಲಿಯಾನ್, ಶರತ್ ಕೊಡವೂರ್ , ಜಿತೇಶ್ ಕುಲಾಲ್ ಪಾಲ್ ಪಡೆಯೆರ್ .
ತುಲುನಾಡ ಆಟಿ 2026 ಪೊರ್ಲ ಲೇಸ್ ಸುಮಾರ್ 25ಸಾವಿರ ಜನ ಕೂಡುದು ಬೈದೆರ್.
