October 13, 2022

1ನೇ ಕ್ಲಾಸ್ ಗ್ ಸೇರ್ರೆ 6 ವರ್ಸ ಕಡ್ಡಾಯ: ಶಿಕ್ಷಣ ಸಚಿವೆರ್ ಬಿ. ಸಿ ನಾಗೇಶ್

1ನೇ ಕ್ಲಾಸ್ ಗ್ ಸೇರಿಯರೆ ಬಾಲೆಗ್ 6 ವರ್ಷ ಬರ್ತಿ ಆವೊಡು ಪನ್ಪಿನ ನಿಯಮನ್ 2025-26ನೇ ಸಾಲ್ ರ್ದ್ ಜಾರಿ ಮಲ್ಪುನ ಚಿಂತನೇ ಉಂಡು ಪಂದ್ ಶಿಕ್ಷಣ ಸಚಿವೆರ್ ಬಿ.ಸಿ. ನಾಗೇಶ್ ಪಂಡೆರ್.

ರಾಷ್ಟ್ರೀಯ ಶಿಕ್ಷಣ ನೀತಿದ ಪ್ರಕಾರ ಶಾಲೆದ ಶಿಕ್ಷಣಗ್ ಪೋಯರೆ 6 ವರ್ಷ ಪೂರ್ತಿ ಆವೊಡು ಪನ್ಪಿನವ್ ಕಡ್ಡಾಯ. ರಾಜ್ಯಡ್ ಬಾಲೆ ದುಂಬುದ ವರ್ಷ ಪೂರ್ವ ಪ್ರಾರ್ಥಮಿಕ ಶಿಕ್ಷಣಗ್ ದಾಖಲ್ ಆಂಡ, ರಡ್ಡ್ ವರ್ಷ ರ್ದ್ ಬೊಕ್ಕ 1 ನೇ ಕ್ಲಾಸ್ ಗ್ ಪೋಯೆರೆ 6 ವರ್ಷ ಬರ್ತಿ ಆವೊಡು.

ಭಾರತ್ ಜೋಡೋ ಯಾತ್ರೆ ಆಯಿಬೊಕ್ಕ ಡಿಸೆಂಬರ್ ಡ್ ನನೊಂಜಿ ಯಾತ್ರೆ ಸುರು..!

ಚಿತ್ರದುರ್ಗ: ರಾಹುಲ್ ಗಾಂಧಿ ಮುತಾಲಿಕೆಡ್ ಭಾರತ್ ಜೋಡೋ ಯಾತ್ರೆದ ಸಕ್ತಿನ್ 2023 ತ್ತ ವಿದಾನಸಭಾ ವೋಟು ಮುಟ್ಟ ಒರಿಪಾಯರೆ, ಡಿಸೆಂಬರ್ ದ ಸುರುತ್ತ ವಾರರ್ದ್ ಮಾತ 224 ವಿಧಾನಸಭಾ ಕ್ಷೇತ್ರಡ್ ನನೊಂಜಿ ಯಾತ್ರೆನ್ ಸುರು ಮಲ್ಪರೆ ಕಾಂಗ್ರೆಸ್ ಶಾಸಕಾಂಗ ಪಕ್ಷದ ನಾಯಕೆರ್ ಸಿದ್ದರಾಮಯ್ಯ ಬೊಕ್ಕ ಕೆಪಿಸಿಸಿ ಅಧ್ಯಕ್ಷೆರ್ ಡಿ.ಕೆ ಶಿವಕುಮಾರ್ ಅಟ್ಟಣೆ ಮಲ್ದೆರ್.