ಕುಡ್ಲ: ಕುಡ್ಲ ಪೇಂಟೆದ ಅಭಿವೃದ್ಧಿದ ಬೇಲೆಗ್ ಸಂಸದೆರ್ ನಳಿನ್ ಕುಮಾರ್ ಕಟೀಲ್ ಬೊಕ್ಕ ಶಾಸಕೆರ್ ವೇದವ್ಯಾಸ್ ಕಾಮತ್ ಎಲ್ಲೆ (ಅ.18)ಕೆಸರ್ ಕಲ್ಲ್ ಪಾಡಿಯೆರೆ ಉಲ್ಲೆರ್.
ಮೊಕುಲು 10 ಗಂಟೆಗ್ ಪಂಪ್ ವೆಲ್ ಮಹಾವೀರ ವೃತ್ತಗ್, 10:35ಕ್ ಎ.ಬಿ ಶೆಟ್ಟಿ ಸರ್ಕಲ್ ಗ್, 10:55 ಕ್ ಶಿವನಗರ ಕಲ್ವರ್ಟ್ ಗ್,10:15ಕ್ ಎಮ್ಮೆಕೆರೆ ಮಾರ್ಗಗ್, 11:45 ಕ್ ಟಿ.ವಿ ರಮಣ್ ಪೈ ಮಾರ್ಗಗ್ ಕೆಸರ್ ಕಲ್ಲ್ ಪಾಡುವೆರ್.
ಚೆನ್ನೈ: ಎಚ್ಚದ ಕಂಪೆನಿಲೆಡ್ ತುಡರ್ ಪರ್ಬಗ್ ಕಾಸ್ದ ರೂಪಡ್ ಬೋನಸ್ ಕೊರ್ಪೆರ್. ಆಂಡ ಚೆನ್ನೈದ ಚಲಾನಿ ಜ್ಯುವೆಲರ್ಸ್ ಮಾಲೀಕೆರ್ ಸಿಬ್ಬಂದಿನಕ್ಲೆಗ್ ಕಾರ್ ಬೊಕ್ಕ ಬೈಕ್ ಕೊರ್ದು ಸರ್ಪ್ರೈಸ್ ಕೊರ್ತೆರ್. ಉಂದೆಕ್ಕಾದ್ 1.2 ಕೋಟಿ ಖರ್ಚು ಮಲ್ತ್ದೆರ್.
“ಯನ್ನ ಬಂಗಾರ್ದ ಅಂಗಡಿದ ಬೇಲೆದಕುಲು ಯನ್ನ ಕುಟುಂಬ ಇತ್ತಿಲೆಕ್ಕ. ಯನ್ನ ಕಷ್ಟ ಸುಖಟ್ಟ್ ಪಾಲ್ ಪಡೆತೊನ್ವೆರ್. ಇಂಚಾದ್ 10 ಜನಕ್ಕ್ ಕಾರ್ ಬೊಕ್ಕ 20 ಜನಕ್ಕ್ ಬೈಕ್ನ್ ಉಡುಗಿರ ಕೊರ್ತೆ. ಉಂದೆರ್ದ್ ಯಂಕ್ ಕುಷಿ ಉಂಡು” ಪಂದ್ ಮಾಲೀಕೆರ್ ಪಂಡೆರ್.
ಗೋವಾ: ದುಂಬು ಬರ್ಪಿನ ದಿನಟ್ಟ್ ಗುಜರಾತ್ ಬೊಕ್ಕ ಹಿಮಾಚಲ ಪ್ರದೇಶದ ವೋಟುದ ಪ್ರಚಾರಡ್ ಬೇಲೆ ಮಲ್ಪೊಡು ಅಂಚಾದ್ ಕಾಂಗ್ರೆಸ್ ನಾಯಕೆರ್ ರಾಹುಲ್ ಗಾಂಧಿ ಭಾರತ್ ಜೋಡೋ ಯಾತ್ರೆನ್ ಉಂತಾವೊಡ್ ಪಂದ್ ಗೋವಾದ ಮಾಜಿ ಸಿಎಂ ಅಂಚನೆ ಕಾಂಗ್ರೆಸ್ ಸಂಸದೆರ್ ಫ್ರಾನ್ಸಿಸ್ಕೊ ಸರ್ಡಿನಾ ಪಂಡೆರ್.
ಸುದ್ದಿಗಾರೆರ್ನೊಟ್ಟುಗು ಸೋಮಾರ ಪಾತೆರ್ದಿನ ಆರ್ ಬಿಜೆಪಿನ್ ಸೋಪಾಯರೆ ಕಾಂಗ್ರೆಸ್ರ್ದ್ ಮಾತ್ರ ಸಾಧ್ಯ. ಇಂಚಾದ್ ಹಿಮಾಚಲ ಪ್ರದೇಶ ಬೊಕ್ಕ ಗುಜರಾತ್ಡ್ ವೋಟುದ ಪ್ರಚಾರ ಅಗತ್ಯ ಉಂಡು. ಭಾರತ್ ಜೋಡೋ ಯಾತ್ರೆ ಉಂತಾದ್ ಈ 2 ರಾಜ್ಯಲೆಗ್ ಪೋದು ರಾಹುಲ್ ಗಾಂಧಿ ವೋಟುದ ಪ್ರಚಾರ ಮಲ್ಪೊಡು ಪಂದ್ ಪಂಡೆರ್.
ಬೆಂಗ್ಲೂರ್: ತುಡರ್ ಪರ್ಬಗ್ ನನ ಕೆಲ ದಿನ ಮಾತ್ರ ಇತ್ತಿನೆಡ್ದಾವರ ಮಾಲಿನ್ಯ ಎಚ್ಚ ಆವಂದಿಲೆಕ್ಕ ಪರಿಸರ ಮಾಲಿನ್ಯ ಮಂಡಳಿರ್ದ್ ಅಗತ್ಯ ಕ್ರಮ ದೆತೊನ್ಯರೆ ದುಂಬು ಬತ್ತ್ದೆರ್.
ಈ ವರ್ಷ ಗ್ರೀನ್ ಪಟಾಕಿ ಮಾತ್ರ ಪುಡಪೊಡು ಅವೆನ್ ಬುಡ್ದ್ ಬೇತೆ ಪಟಾಕಿನ್ ಪುಡಾಂಡ ಪೊಲೀಸ್ ಇಲಾಖೆ, ಅಗ್ನಿ ಶಾಮಕ ಇಲಾಖೆ, ಶಿಕ್ಷಣ ಇಲಾಖೆಗ್ ಸರಿಯಾಯಿನ ಕ್ರಮ ದೆತೊನ್ಯರೆ ಸೂಚಿಸಾದೆರ್. ಕತ್ತಲೆಗ್ 8-10 ಗಂಟೆ ಮುಟ್ಟ ಮಾತ್ರ ಪಟಾಕಿನ್ ಪುಡಪೊಲಿ.
Only environment friendly crackers and fireworks allowed in Karnataka- Pollution control board
Bangalore: With the diwali festival fast approaching steps are afoot to minimise pollution. The pollution control department has announced that only green crackers and fireworks will be allowed and the police department, education department and the fire safety department have been given given notice in this regard.
Fireworks can be burst in the evening time only.
ಪ್ರಧಾನಿ ನರೇಂದ್ರ ಮೋದಿ ಮೇರ್ ಇನಿ ದೇಶದ ಕೋಟ್ಯಾಂತರ ಬೆನ್ಪಿ ಬೆನ್ಪುನಕ್ಲೆನ ಬ್ಯಾಂಕ್ ಖಾತೆಗ್ ಪಿಎಂ ಕಿಸಾನ್ ಸಮ್ಮಾನ್ ನಿಧಿತ್ತ 12ನೇ ಕಂತ್ದ 2000 ರೂ.ನ್ ಪಾಡ್ದೆರ್.
ಪಿಎಂ ಕಿಸಾನ್ ಸಮ್ಮಾನ್ ಸಮ್ಮೇಳನಡ್ ಬರೋಬ್ಬರಿ 16 ಸಾರ ಕೋಟಿ ರೂ.ನ್ ರೈತೆರ್ನ ಖಾತೆಗ್ ಪಾಡ್ದೆರ್. ಪಿಎಂ ಕಿಸಾನ್ ಯೋಜನೆದಡಿಟ್ಟ್ ವಾರ್ಷಿಕ 6 ಸಾರ ರೂ.ನ್ ತಲಾ 2 ಸಾರ ಲೆಕ್ಕ 3 ಕಂತ್ದ್ ಪಾಡ್ದೆರ್. ಕುಡ್ಲಗ್ 28 ಕೋ.ರೂ. ಬೊಕ್ಕ ಒಡಿಪು ಜಿಲ್ಲೆಗ್ 28.12 ಕೋ.ರೂ. ಪಾಡ್ದೆರ್.
ಕುಕ್ಕೆ ಸುಬ್ರಹ್ಮಣ್ಯ: ಅ.25ದಾನಿ ಸೂರ್ಯ ಗ್ರಾಣದ ಕಾರಣ ನಾಗಕ್ಷೇತ್ರ ಕುಕ್ಕೆ ಸುಬ್ರಹ್ಮಣ್ಯ ದೇವಲ್ಯಡ್ ಒವ್ವೇ ರೀತಿದ ಸೇವೆ ಉಪ್ಪುಜಿ.
ಅನ್ನಪ್ರಸಾದ, ತೀರ್ಥ ಪ್ರಸಾದದ ವ್ಯವಸ್ಥೆಲ ಇಜ್ಜಿ ಪಂದ್ ದೇವಲ್ಯದ ಪ್ರಕಟಣೆಡ್ ತೆರಿಪಾದೆರ್.
ಅ.26 ಬುಧಾರದಾನಿ ದೇವೆರೆನ ನಿತ್ಯದ ಪೂಜೆ ಸಮಯಡ್ ವ್ಯತ್ಯಾಸ ಆಪುನೆರ್ದಾವರ ಭಕ್ತಾದಿಲೆಗ್ ಬೊಲ್ಪುಗು 9 ಗಂಟೆರ್ದ್ ದೇವೆರೆನ ದರ್ಶನಗ್ ಅನುವು ಮಲ್ತ್ ಕೊರ್ತೆರ್.
(ವರದಿ: ಗೋಪಿಚಂದನ ಕೆ.ಎಸ್.)
Notice:
On account of Surya grahan on October 25th; all the sevas in Kukke Subramanya Kshetra stands cancelled.There will be no sevas at all.There will also be no ” Prasad food” ; informed temple sources.
On the 26 th of October there will be alight change in temple darshan timings. Devotees can come for dharshan from 9 a.m onwards.
ನೈಜೀರಿಯಾಡ್ ಬತ್ತಿನ ಭಾರೀ ಬೊಲ್ಲಗ್ ಮುಲ್ಪುದ ಹಳ್ಳಿಲು ಅಂಚನೆ ಮೂಲು ಇತ್ತಿನ ಕಟ್ವಾನೊಲು ನೆಲಸಮ ಆದ್, 600 ದೆರ್ದ್ ಎಚ್ಚದ ಜನ ಇನಿ ತೀರ್ ಪೋತೆರ್.
ಸರ್ಕಾರ ಸುಮಾರ್ 13 ಲಕ್ಷ ಜನಕ್ಲೆನ್ ಅಕ್ಲೆನ ಇಲ್ಲರ್ದ್ ಬೇತೆ ಸೇಫ್ ಜಾಗೆಗ್ ಕಡಪಾದೆರ್. ಸುಮಾರ್ 2.72 ಲಕ್ಷ ಎಕರೆ ಬೆನ್ನಿದ ಭೂಮಿ ಲಗಾಡಿ ಆತ್ಂಡ್ ಪಂದ್ ತೆರಿದ್ ಬೈದ್ಂಡ್. ಇಂಚನೇ ಈ ಬೊಲ್ಲಡ್ ಮಾತೆನ್ಲಾ ಕಳೆಯಿನಕುಲು ಸರಕಾರದ ಸಕಾಯಗಾದ್ ಕಾತೊಂದುಲ್ಲೆರ್.
More than 600 feared dead in devastating floods in Nigeria
Devastating floods in Nigeria has wrecked havoc destroying buildings, crops and villages with with more than 600 people feared dead.
More than 13 lakh people have been evacuated to safer places.More than 2.72 lakh hectares of crops have been destroyed.Refugees are waiting for help from the government.
ಕುಡ್ಲ : ಬ್ರಹ್ಮಶ್ರೀ ನಾರಾಯಣ ಗುರುಕ್ಲೆನ 168ನೇ ಜನ್ಮದಿನದ ಸವಿನೆಂಪುಗಾದ್ ಗುರುಬೆಳದಿಂಗಲು ಫೌಂಡೇಶನ್ ಕುದ್ರೋಳಿ ವತಿರ್ದ್ ಬೆಂಜನಪದವು ರಾಮನಗರದ ನಿವಾಸಿ ಭವಾನಿ ರವೀಂದ್ರ ಮೇರ್ನ ಕುಟುಂಬಗ್ ಪೊಸತ್ತಾದ್ ಕಟ್ಟಿನ ಇಲ್ಲ್ ನ್ ಕೊರ್ಪಿನ ಲೇಸ್ ಐತಾರ ನಡತ್ಂಡ್.
ಈ ಲೇಸ್ ಡ್ ಸಾಮಾಜಿಕ ಕಾರ್ಯಕರ್ತೆರ್ ಉಷಾ ಮರೋಳಿ, ಒಡಿಪು ಜಿಲ್ಲೆದ ಬಿಲ್ಲವ ಯುವ ವೇದಿಕೆದ ಅಧ್ಯಕ್ಷೆರ್ ಪ್ರವೀಣ್ ಪೂಜಾರಿ, ಕುದ್ರೋಳಿ ಶ್ರೀ ಗೋಕರ್ಣನಾಥ ಕ್ಷೇತ್ರದ ಅಭಿವೃದ್ಧಿ ಸಮಿತಿದ ಅಧ್ಯಕ್ಷೆರ್ ದೇವೇಂದ್ರ ಪೂಜಾರಿ, ಗುರುಬೆಳದಿಂಗಲು ಫೌಂಡೇಶನ್ ದ ಅಧ್ಯಕ್ಷೆರ್ ಪದ್ಮರಾಜ್ ಆರ್, ಉದ್ಯಮಿ ಕಿಶೋರ್ ದಂಡೆಕೇರಿ, ಶ್ರೀನಿವಾಸ ಕೂಳೂರ್ ,ವಿಷ್ಣುದಾಸ್, ಸಾಮಾಜಿಕ ಕಾರ್ಯಕರ್ತೆರ್ ಸತೀಶ್ ಪೂಜಾರಿ ಸಜಿಪ, ಗೆಜ್ಜೆಗಿರಿ ಕ್ಷೇತ್ರದ ಉಪಾಧ್ಯಕ್ಷೆರ್ ರವಿ ಚಿಲಿಂಬಿ, ವಕ್ತಾರೆರ್ ರಾಜೇಂದ್ರ ಚಿಲಿಂಬಿ, ಗುರುಬೆಳದಿಂಗಲು ಫೌಂಡೇಶನ್ ಉಪಾಧ್ಯಕ್ಷೆರ್ ರಘುನಾಥ ಮಾಬಿಯಾನ್, ಕಾರ್ಯದರ್ಶಿ ರಾಜೇಶ್ ಸುವರ್ಣ ಬಂಟ್ವಾಳ, ಮುನ್ನಾ ಲೋಹಿತ್, ರವಿರಾಜ್ ದಂಬೇಲ್, ಪುಷ್ಪರಾಜ್ ದಂಬೇಲ್ ಬೊಕ್ಕ ಅನುಸೂಯ ಇತ್ತೆರ್.
ಗಜೇಂದ್ರ ಪೂಜಾರಿ ಪ್ರಾಸ್ತಾವಿಕ ಪಾತೆರ ಪಂಡೆರ್. ಕುಸುಮಾಕರ್ ಈ ಲೇಸ್ ನ್ ಸುಧಾರಿಕೆ ಮಲ್ತೆರ್. ಬಾಲಚಂದ್ರ ಸೊಲ್ಮೆ ಸಂದಾದೆರ್.
ಈ ಪೊರ್ತುಡು ಕ್ಯಾಂಡಲ್ ತಯಾರ್ ಮಲ್ಪುನ ಬಗೆಟ್ ವನಿತಾ ಎಸ್, ದೀಪದ ಬತ್ತಿ ತಯಾರ್ ಮಲ್ಪುನ ಬಗೆಟ್ ಅನಿಲ್ ಕುಮಾರ್ ಕದ್ರಿ ಮೊಕುಲು ಉದ್ಯೋಗ ಕಾರ್ಯಾಗಾರ ನಡಪಾದ್ ಕೊರ್ಯೆರ್.
ಉಂದುವೇ ಪೊರ್ತುಡು ಶೃತಿ ಸಂಜೀವ ಶೆಟ್ಟಿ, ಮನೋಹರ್ ಆನಂದ, ಸುರೇಖಾ, ಸವಿತಾ ನಾರಾಯಣ, ಪವಿತ್ರಾ ನಾರಾಯಣ ಕುಟುಂಬಲೆಗ್ ಟೈಲರಿಂಗ್ ಮಿಸನ್ ಬೊಕ್ಕ ಮೋಟಾರ್ ಪಟ್ಟಿಯೆರ್.
ಉಚ್ಚಿಲ : ಹೆಲ್ಪ್ ಲೈನ್ ಸೇವಾ ತಂಡ ಬೊಕ್ಕ ಅರ್ಪಣಾ ಸೇವಾ ಸಮಿತಿದ ಮುತಾಲಿಕೆಡ್ “ಭವತಿ ಭಿಕ್ಷಾಂದೇಹಿ ” ಪಂದ್ ವಿಚಿತ್ರ ಏಸ ಪಾಡ್ದ್ ಒಟ್ಟು ಮಲ್ತಿನ ಪಣವುದ ಸಕಾಯನ್ ಅ.9 ಐತಾರದಾನಿ ಬೊಲ್ಪುಗು 10 ಗಂಟೆಗ್ ಉಚ್ಚಿಲ ದೇವಲ್ಯಡ್ ಆರೋಗ್ಯ ಚಿಕಿತ್ಸೆಗಾದ್ ಮಾಸ್ಟರ್ ಗೌರವ್ ಗ್ 70,686 ರೂ., ಕುಮಾರಿ ಶ್ರುತಿಗ್ 60,000 ರೂ.,ಚಂದ್ರಾವತಿ ಮೆರೆಗ್ 50,000 ರೂ., ಪನವುದ ಸಕಾಯೊನು ಪಟ್ಟಿಯೆರ್.
ಈ ಪೊರ್ತುಡು ಸಮಾಜ ಸೇವಕೆರಾಯಿನ ರವಿ ಕಟಪಾಡಿ ಬೊಕ್ಕ ಉಚ್ಚಿಲ ದೇವಲ್ಯದ ಆಡಳಿತ ಸಮಿತಿದ ಅಧ್ಯಕ್ಷೆರಾಯಿನ ಜಯ ಬಿ. ಕೋಟ್ಯಾನ್, ಬೊಕ್ಕ ಹೆಲ್ಪ್ ಲೈನ್ ಸೇವಾ ತಂಡ ಬೊಕ್ಕ
ಅರ್ಪಣಾ ಸೇವಾ ಸಮಿತಿದ ಸದಸ್ಯೆರಾಯಿನ ಧನು ಅಂಚನ್ ಪಕ್ಷಿಕೆರೆ, ಗಿರೀಶ್ ಮುಲ್ಕಿ,ಪವನ್ ಪಡುಬಿದ್ರೆ, ಗೋಪಾಲಕೃಷ್ಣ ಪುನರೂರ್,
ಮಹೇಶ್ ಅಮೀನ್, ಪೂರ್ಣಪ್ರಕಾಶ್, ನಿಶಾನ್ ಅಂಚನ್, ಸಿದ್ದು, ಜಯಂತ್ ಕೊಳಂಬೆ, ಪ್ರದೀಪ್, ಅರುಣ್ ಕಿನ್ನಿಗೋಳಿ, ಅಕ್ಷಯ್ ಪಕ್ಷಿಕೆರೆ, ಅಕ್ಷಯ್ ಕುಮಾರ್ ಪಕ್ಷಿಕೆರೆ,ಅಭಿ ಪುತ್ತೂರ್, ದರ್ಶನ್, ಸ್ವಸ್ತಿಕ್, ರಾಧಾ, ಉದಯ್, ಮುನ್ನ, ರಮ್ಯಾ, ಕೀರ್ತಿ, ದೀಪ, ಕಾವ್ಯ ಇತ್ತೆರ್.
ಅಂಚೆನೆ ಈ ಪುಣ್ಯ ಕಜ್ಜೊಡು ಪಾಲ್ ಪಡೆಯಿನ ಮಾತೆರೆಗ್ಲ ಆ ದೈವ -ದೇವೆರ್ ಆಯುರಾರೋಗ್ಯ ಕೊರಡ್
ಪಂದ್ ಕೂಟದಕುಲು ಸುಗಿತೊಂದೆರ್.
ಯುವವಾಹಿನಿ(ರಿ) ಬೆಂಗ್ಲೂರ್ ಕೂಟದ ತಿಂಗೊಲ್ದ ಸಭೆ ಅ.16 ಐತಾರ ಘಟಕದ ಪ್ರಚಾರ ನಿರ್ದೇಶಕೆರ್ ಸುದರ್ಶನ್ ಮೆರೆನ ಟಿ.ದಾಸರಹಳ್ಳಿದ ಸರಸ್ವತಿ ನಿವಾಸಡ್ ನಡತ್ಂಡ್.
ಮಧ್ಯಾಹ್ನ 3 ಗಂಟೆಗ್ ಗುರು ಭಜನೆ ಸುರುವಾದ್ ಬಯ್ಯಗ್ 4.30 ಕ್ ಮಂಗಳಾರತಿದ ಒಟ್ಟಿಗೆ ಮುಗಿತಲ ಆಂಡ್.
ಬೊಕ್ಕ 4.45ಕ್ಕ್ ಘಟಕದ ತಿಂಗೊಲ್ದ ಸಭೆತ ಉದಿಪನ ಮಲ್ತೆರ್.
ವಿಜಯಾ ಪ್ರಮೋದ್ ಬಿನ್ನೆರೆನ್ ಎದ್ಕೊಂಡೆರ್. ಅಕ್ಷತಾ ಸುಧೀರ್ ಗುರುದೇವೆರೆನ ಪ್ರಾರ್ಥನೆ ಪಂಡೆರ್.
ಬೊಕ್ಕ ವಿಜಯಾ ಪ್ರಮೋದ್ ಕರಿನ ತಿಂಗೊಲ್ದ ವರದಿನ್ ಸಭೆಟ್ ದೀಯೆರ್. ಕೋಶಾಧಿಕಾರಿ ಅಕ್ಷತಾ ಸುಧೀರ್ ಕೂಟದ ಲೆಕ್ಕಪತ್ರ ಓದುಪಂಡೆರ್.
ಕಲೆ ಬೊಕ್ಕ ಸಾಹಿತ್ಯ ನಿರ್ದೇಶಕೆರ್ ಆಯಿನ ನವನೀತ್, ನನ ಬರ್ಪುನ ಯುವ ವೈಭವದ ಬಗೆಟ್ ಸಭೆಕ್ಕ್ ತೆರಿಪಾಯೆರ್. ಬೊಕ್ಕ ಪೊಸತಾದ್ ಕೂಟಗ್ ಬತ್ತಿನ ಸಂದೀಪ್, ಪುನೀತ್, ಚೇತನ್ ಕುಮಾರ್, ಪವಿತ್ರ ಚೇತನ್ ಬೊಕ್ಕ ಚೇತನ್ ಮೊಕುಲು ಪೊಲಬು ಪಂಡೆರ್.
ಕೇಂದ್ರ ಸಮಿತಿದ ಸಂಘಟನಾ ಕಾರ್ಯದರ್ಶಿ ಕಿಶನ್ ಪೂಜಾರಿ ಮೇರ್ ಪಾತೆರ್ದ್, ನಮ್ಮ ಸಂಘಟನೆ ನನಲ ಮಲ್ಲ ಮಟ್ಟ್ ಗ್ ಪೋವಡ್ ಪಂದ್ ಪಂಡೆರ್.
ಕೂಟದ ಸಲಹೆಗಾರೆರ್ ರಘು ಮಟ್ಟು ಮೇರ್, ಪ್ರತಿ ಸದಸ್ಯೆರೆನ ಜಬದಾರಿನ್ ತೆರಿಪಾಯೆರ್.
ಸ್ಥಾಪಕ ಅಧ್ಯಕ್ಷೆರ್ ಸುಧೀರ್ ಪೂಜಾರಿ, ನನ ಬರ್ಪುನ ಪರ್ಬಗ್ ಪಣವುದ ನೆರವು ಆಪುನ ಯೋಜನೆದ ಬಗೆಟ್ ಪಾತೆರ್ಯೆರ್.
ಕೂಟದ ಅಧ್ಯಕ್ಷೆರ್ ಶ್ರೀಧರ್ ಡಿ ಪೂಜಾರಿ ಪಾತೆರ್ದ್, ನಮ್ಮ ಕೂಟಗ್ ಪೊಸ ಸದಸ್ಯೆರೆನ್ ಸೇರ್ಸವುನೆಟ್ಟ್ ನಮ ರಡ್ಡನೇ ಸ್ಥಾನಡ್ ಉಲ್ಲ ಪನ್ಪಿನ ಕುಸಿನ್ ಪಟ್ಟಿಯೆರ್. ಬೊಕ್ಕ ಕುದ್ರೋಳಿ ಕ್ಷೇತ್ರಗ್ ವನಸ್ ದ ಸಕಾಯನ್ ಮಲ್ತಿನ ಮಾತ ಸದಸ್ಯೆರೆಗ್ ಸೊಲ್ಮೆ ಸಂದಾಯೆರ್. ವೇಣೂರುಡ್ ನಡತಿನ ಕೆಸರ್ಡೊಂಜಿ ದಿನ ಕೂಟೊಡು ಪಾಲ್ ಪಡೆಯಿನ ಮಾತ ಸದಸ್ಯೆರೆಗ್ ಅಭಿನಂದನೆ ಸಂದಾಯೆರ್.
ನನ ಬರ್ಪುನ ಯುವ ವೈಭವಗ್ ಅಟ್ಟಣೆ ನಡಪಾವುನ ಆಯಾ ತಂಡದ ಲೀಡರ್ ನಕ್ಲೆಗ್ ಎಡ್ಡೆ ಆವಡ್ ಪಂಡೆರ್. ಅಶ್ವಿನಿ ಅಮೀನ್ ಮೇರ್ನ ಸೊಲ್ಮೆ ಸಂದೈತದೊಟ್ಟಿಗೆ ಸಭೆ ಮುಗಿತಲ ಆಂಡ್.
