ಅ.26-30 : ಹೆಬ್ರಿ ಕೈತಲ್ದ್ ಶಿವಪುರ, ಮುಳ್ಳುಗುಡ್ಡೆ ಶ್ರೀ ಕೊರಗಜ್ಜ ಕ್ಷೇತ್ರೊಡು ಧಾರ್ಮಿಕ ಕೋಲ, ಮಂತ್ರದೇವತೆ ಪ್ರತಿಷ್ಠಾಪನೆ ಲೇಸ್
ತುಳುನಾಡ ಮಣ್ಣ್ ಡ್ ದೈವಾರಾಧನೆ ಏಪಲಾ ಅಲ್ಪ ಅಲ್ಪ ನಡೊತೊಂದೇ ಉಪ್ಪುಂಡು. ತುಳುನಾಡ್ ದ ಸಂಸ್ಕೃತಿ ಆಚಾರ ವಿಚಾರನೇ ಅಂಚೆನೆ. ದೈವೊಲು ನಂಬುನಕ್ಲೆಗ್ ಇಂಬು ಕೊರ್ದು ಕಾಪುವ. ಹೆಬ್ರಿ ಕೈತಲ್ದ್ ಶಿವಪುರ, ಮುಳ್ಳುಗುಡ್ಡೆ ಶ್ರೀ ಕೊರಗಜ್ಜ ಕ್ಷೇತ್ರೊಡು ತಾರೀಖು ಅ.26 ಬುಧಾರ ಹೊರೆಕಾಣಿಕೆ ಮೆರವಣಿಗೆ ಬಯ್ಯ 4 ಗಂಟೆಡ್ದ್ ಹೆಬ್ರಿ ಪೇಂಟೆಡ್ದ್ ಪಿದಡ್ದ್ ಶಿವಪುರ, ಮುಳ್ಳುಗುಡ್ಡೆ ಕೊರಗಜ್ಜ ಕ್ಷೇತ್ರಗು ಪೋವರೆ ಉಂಡು.
ಅ.28ನೇ ಸುಕ್ರಾರ ಮಂತ್ರದೇವತೆ ಪ್ರತಿಷ್ಠಾಪನೆ, ಅನ್ನಸಂತರ್ಪಣೆ, ಭಜನೆ ಕಾರ್ಯಕ್ರಮ,ರಾತ್ರೆ 8ಗಂಟೆಡ್ದ್ ಕೊರಗಜ್ಜ ದೈವದ ಕೋಲ ಸೇವೆ, ಗಂಧ ಪ್ರಸಾದ ವಿತರಣೆ ನಡಪರೆ ಉಂಡು.
ಅ.29 ಸನಿಯಾರ ಅನ್ನ ಸಂತರ್ಪಣೆ,ಭಜನೆ ಕಾರ್ಯಕ್ರಮ,ರಾತ್ರೆ 8 ಗಂಟೆಡ್ದ್ ಮಂತ್ರದೇವತೆ ದೈವದ ಕೋಲ ಸೇವೆ, ಚೌಂಡಿ ,ಗುಳಿಗ ದೈವದ ಕೋಲ ಸೇವೆ, ನಡಪರೆ ಉಂಡು.
ಸಭಾ ಕಾರ್ಯಕ್ರಮದ ಮಲ್ಲ ಬಿನ್ನೆರಾದ್ ಕನ್ನಡ ಸಂಸ್ಕೃತಿ ಇಲಾಖೆ ಬೊಕ್ಕ ಇಂಧನ ಸಚಿವೆರಾಯಿನ ವಿ.ಸುನೀಲ್ ಕುಮಾರ್ ಅಂಚೆನೇ ಗಣ್ಯೆರೆನಕುಲೆನ ಉಪಸ್ಥಿತಿಡ್, ಧಾರ್ಮಿಕ ಉಪನ್ಯಾಸ ,
ಪರಿವಾರ ದೈವಲೆಗ್ ಮಹಾಪೂಜೆ,ಗಂಧ ಪ್ರಸಾದ ವಿತರಣೆ ನಡಪರೆಉಂಡು. ಅ. 26ರ್ದ್ ಅ.30 ನೇ ತಾರೀಕ್ ಮುಟ್ಟ ಶ್ರೀ ಕ್ಷೇತ್ರೊಡು ನಡಪುನ ಮಾತಾ ಧಾರ್ಮಿಕ ಲೇಸ್ ಲೆಗ್ ಮಾತಾ ಭಕ್ತರ್ ಬತ್ತ್ ದ್ ದೈವದ ಸಿರಿಮುಡಿ ಗಂಧಪ್ರಸಾದ ಪಡೆದ್ ಶ್ರೀ ಕ್ಷೇತ್ರದ ಕೊರಗಜ್ಜ ದೈವದ ಅನುಗ್ರಹ ಪಡೆಯೊಡು ಪಂದ್ ಕ್ಷೇತ್ರದ ಧರ್ಮದರ್ಶಿ ಪುನೀತ್ ಮೇರ್ ಟೈಮ್ಸ್ ಆಫ್ ಕುಡ್ಲ ಗ್ ತರಿಪಾದೆರ್.
-ಯಾದವ ಎಸ್ ಕಲ್ಲಾಪು
