ಬಂಟ್ವಾಳ: ತಾಲೂಕುದ ಗ್ರಾಮಸ್ಥೆರ್‌ನ ತುರ್ತು ಆರೋಗ್ಯ ಅಗತ್ಯಗಾದ್ ಆಟೋರಿಕ್ಷಾ ಚಾಲಕೆರ್ ಸೇರ್ದ್ ದುಡ್ಡು ಒಟ್ಟು ಮಲ್ತ್‌ದ್ ಉಚಿತ ಆಂಬ್ಯುಲೆನ್ಸ್ ಸೇವೆ ಮಲ್ತ್ ಕೊರ್ತೆರ್.
ಪೊಳಲಿ ಕೈತಲ್ದ ಕರಿಯಂಗಳ ಗ್ರಾಮದ ಬಡಕಬೈಲ್ ನವೋದಯ ಆಟೋರಿಕ್ಷಾ ಚಾಲಕೆರ್ ಬೊಕ್ಕ ಮಾಲೀಕೆರ್ನ ಸಂಘದ ವತಿರ್ದ್ ಈ ಆಂಬ್ಯುಲೆನ್ಸ್ ಸೇವೆಗ್ ಚಾಲನೆ ಕೊರ್ತೆರ್.
ಬಡಕಬೈಲ್‌ಡ್ 26 ಆಟೋರಿಕ್ಷಾ ಉಂಡು. ಆಟೋರಿಕ್ಷಾ ನಿಲ್ದಾಣದ ಕೈತಲ್ಡೆ ಆಂಬ್ಯುಲೆನ್ಸ್ ನಿಲುಗಡೆಗೆ ವ್ಯವಸ್ಥೆ ಮಲ್ದೆರ್. ರಿಕ್ಷಾದಕುಲೇ ಆಂಬ್ಯುಲೆನ್ಸ್ ಚಾಲಕೆರಾದ್ ಸೇವೆ ಮಲ್ಪುವೆರ್. ಕರಿಯಂಗಳ ಬೊಕ್ಕ ಅಮ್ಮುಂಜೆ ನಿವಾಸಿಲೆಗ್ ಈ ಸೇವೆದ ಪ್ರಯೋಜನ ತಿಕ್ಕುಂಡು.
ಸುಮಾರ್ 10 ಲಕ್ಷ ರೂ.ಡ್ ಈ ಗಾಡಿ ಖರೀದಿ ಮಲ್ತ್‌ದ್ ಮೈಸೂರುಡು 2 ಲಕ್ಷ ರೂ. ಹೆಚ್ಚುವರಿ ಕರ್ಚಿ ಮಲ್ತ್‌ದ್ ವೈದ್ಯಕೀಯ ಮೆಷಿನ್ ಲೆನ್ ಪಾಡ್ದೆರ್.