ಅನಂತಪುರಟ್ಟ್ ತುಳುವರ್ಲ್ಡ್-ಪುವೆಂಪು ನೆಂಪು ಲೇಸ್‌ಡ್ ಡಾ| ರಮೇಶ್ವಂದ್ರೆರೆಗ್ ಪುವೆಂಪು ಸಮ್ಮಾನ್

ಅನಂತಪುರಟ್ಟ್ ತುಳುವರ್ಲ್ಡ್-ಪುವೆಂಪು ನೆಂಪು ಲೇಸ್‌ಡ್ ಡಾ| ರಮೇಶ್ವಂದ್ರೆರೆಗ್ ಪುವೆಂಪು ಸಮ್ಮಾನ್

ಡಾ| ಪುಣಿಂಚಿತ್ತಾಯೆರ್ ತುಳುನಾಡ್‌ದ ಮಾಮಲ್ಕ ಅಸ್ತಿ; ಸರ್ವೋತ್ತಮ ಶೆಟ್ಟಿ

ಅನಂತಪುರ (ಕಾಸ್ರೋಡು): ತುಳು ಬಾಸೆದ ಲಿಪಿ ಸಂಶೋಧಕೆರ್ ಸಾಹಿತಿ, ತುಳುರತ್ನ ಡಾ| ವೆಂಕಟರಾಜ ಪುಣಿಂಚತ್ತಾಯ(ಪುವೆಂಪು) ಮೇರ್ ಕನ್ನಡಗ್ ಮಾಸ್ತಿ ಇತ್ತಿಲೆಕ್ಕ ತುಳುತ್ತ ಅಸ್ತಿ. ಅನಂತಪುರಡ್ ಸುರುತ್ತ ಲಿಪಿ ಶಾಸನ ತಿಕ್ಕಿದಿನೆಡ್ದಾವರ ಮುಲ್ಪನೆ ಅರೆನ ಪುಟ್ಟಿನ ಪರ್ಬದ ಆಚರಣೆ ಮಲ್ಪುನವ್ ಸರಿ. ಆರ್ ತುಳುವೆರ್‍ನ ಉಡಲ್ ಡ್ ಸದಾ ಇಪ್ಪುವೆರ್ ಪಂದ್ ಸರ್ವೋತ್ತಮ ಶೆಟ್ಟಿ ಅಬುದಾಭಿ ಪಂಡೆರ್.

ಡಾ| ಪುಣಿಂಚಿತ್ತಾಯ ಮೆರೆನ ಪುಟ್ಟು ಪರ್ಬದ ಲೆಕ್ಕೊಡು ತುಳುವರ್ಲ್ಡ್ ಕುಡ್ಲ ಬೊಕ್ಕ ಪುವೆಂಪು ನೆಂಪು ಸಮಿತಿ ಕರಿನ ಐತಾರ ಕಾಸ್ರೋಡ್‌ದ ಅನಂತಪುರಟ್ಟ್ ಅಟ್ಟನೆ ಮಲ್ತಿನ ತುಳು ಲಿಪಿ ದಿನ ಬೊಕ್ಕ ಪುವೆಂಪು ನೆಂಪು 2022 ಸಮ್ಮೇಳನದ ಅಧ್ಯಕ್ಷತೆ ವಹಿಸೊಂದು ಪಾತೆರಿಯೆರ್. ಈ ಪೊರ್ತುಡು ಪುವೆಂಪು ನೆಂಪುಡ್ 101 ತುಳು ಪದ್ಯಲೆಗ್ ರಾಗ ಸಂಯೋಜನೆ ಮಲ್ತಿನ ಪ್ರಯತ್ನಗ್ ಬೊಕ್ಕ ಅರೆನ ಪುದರ್‌ಡ್ ಬೂಕು ಬುಡುಗಡೆ ಮಲ್ತಿನ ಡಾ| ರಮೇಶ್ಚಂದ್ರ ಮೆರೆಗ್ “ಪುವೆಂಪು ಸಮ್ಮಾನ್” ಮಲ್ತ್‌ದ್ ಈ ಪ್ರಶಸ್ತಿಗ್ ಆಯ್ಕೆ ಮಲ್ತಿನವ್ ಎಡ್ಡೆತ್ತಿನ ವಿಷಯ ಆತ್ಂಡ್ ಪಂಡೆರ್.

ಸಮಿತಿದ ಗೌರವಾಧ್ಯಕ್ಷೆರ್, ಸಾಹಿತಿ ಕೃಷ್ಣಯ್ಯ ಅನಂತಪುರ ಪಾತೆರ್ದ್, ಡಾ| ಪುಣಿಂಚಿತ್ತಾಯೆರ್ ಬೇತೆ ಬೇತೆ ಬಾಸೆಡ್ ಸಾಹಿತ್ಯಲೆನ್ ಬರೆತೆರ್. ಅರೆನ್ ನೆಂಪು ಮಲ್ಪುನವ್ ನಮ್ಮ ಕರ್ತವ್ಯ ಪಂದ್ ಪಂಡೆರ್. ಕುಡ್ಲ ವಿಶ್ವವಿದ್ಯಾನಿಲಯದ ಉಪಕುಲಪತಿ ಡಾ| ಪಿ. ಸುಬ್ರಮಣ್ಯ ಯಡಪಡಿತ್ತಾಯ ಪಾತೆರ್ದ್ ತುಳುನಾಡ್‌ಡ್ ಮಸ್ತ್ ಮುತ್ತು ರತ್ನಲು ಉಲ್ಲೆರ್. ತುಳು ಬಾಸೆಗ್ ಬೇಲೆ ಮಲ್ಪುನಕ್ಲೆನ್ ದುಂಬುದ ದಿನಟ್ಟ್ ಕುಡ್ಲ ವಿಶ್ವವಿದ್ಯಾಲಯ ಅಕಲೆನ್ ಗುರ್ತಿಸಾವುನ ಬೇಲೆ ಮಲ್ಪರೆ ಉಂಡು ಪಂದ್ ಪಂಡೆರ್.

ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಅಧ್ಯಕ್ಷೆರ್ ದಯಾನಂದ ಜಿ. ಕತ್ತಲ್‌ಸಾರ್ ಪಾತೆರ್ದ್ ಯಂಕ್ ತುಳುಟ್ಟ್ ಸಹಿ ಪಾಡುನೆನ್ ಕಲ್ಪಾದ್ ಕೊರ್ತಿನಾರೇ ಡಾ| ಪುಣಿಂಚಿತ್ತಾಯೆರ್. ಅರೆನ ಪುದರ್‌ಡ್ ನಡಪುನ ತುಳು ಲಿಪಿ ದಿನ ನಿರಂತರವಾದ್ ನಡಪರೆ ಉಂಡು ಪಂದ್ ಪಂಡೆರ್.

ಈ ಪೊರ್ತುಡು ಕನ್ನಡ ಸಾಹಿತ್ಯ ಪರಿಷತ್ತ್‌ದ ದ.ಕ ಜಿಲ್ಲಾಧ್ಯಕ್ಷೆರ್, ಕೇರಳ ತುಳು ಅಕಾಡೆಮಿ ಅಧ್ಯಕ್ಷೆರ್ ಜಯಾನಂದ, ತುಳುವರ್ಲ್ಡ್ ಅಧ್ಯಕ್ಷೆರ್ ಡಾ| ರಾಜೇಶ್ ಆಳ್ವ, ಪ್ರೊ| ಎಂ.ಪಿ ಶ್ರೀನಾಥ್, ನಿಟ್ಟೆ ವಿಶ್ವವಿದ್ಯಾಲಯದ ಡಾ| ಸಾಯಿಗೀತ, ಫ್ಲೋರಿಡಾ ತುಳು ಕೂಟದ ಶ್ರೀವಲ್ಲಿ ರೈ ಮಾರ್ಟೆಲ್, ಭಾಸ್ಕರ್ ಕಾಸ್ರೋಡ್, ಮಾಧವ ಭಂಡಾರಿ, ನ್ಯಾಯವಾದಿ ಉದಯ ಗಟ್ಟಿ, ನ್ಯಾಯವಾದಿ ಥಾಮಸ್ ಡಿಸೋಜಾ, ಅರವಿಂದ ಅಲೆವೂರಾಯ, ಬಿ.ಪಿ ಶೇಣಿ, ಪ್ರಭಾವತಿ ಕೆದಿಲಾಯ, ವಿಜಯರಾಜ ಪುಣಿಂಚಿತ್ತಾಯ, ಐಲೇಸಾದ ಗೋಪಾಲ್ ಪಟ್ಟೆ ಲೇಸ್‌ಡ್ ಇತ್ತೆರ್.

ಅನಂತಪುರ ದೇವಲ್ಯದ ದೇವೆರ್ನ ಮುದಲೆ ಬಬಿಯಾ ತೀರ್ ಪೋಯಿನೆಕ್ಕ್ ಶ್ರದ್ಧಾಂಜಲಿ ಮಲ್ತೆರ್. ಜಯ ಮಣಿಯಂಪಾರೆ ಲೇಸ್ ಸುದಾರಿಕೆ ಮಲ್ತೆರ್. ರವಿ ನಾಯ್ಕಾಪು ಬತ್ತಿನ ಬಿನ್ನೆರೆನ್ ಎದ್ಕೊನಿಯೆರ್.

Anantpura: ‘ Remembering Puvempu’ – Dr Rameshchandra gets Puvempu award

Dr Punichetaya ( Puvempu) is an asset of Tulunadu- Sarvottam Shetty

Anantpura ( Kasaragod)Tulu script researcher, litterateur Dr Venkataraju Punichitaya is an asset of the Tuluvas.As the first Tulu inscription was found in this place ,it was felt apt to celebrate his birth anniversary here.He will always be fondly remembered by all tuluvas said Sarvottam Shetty, Abudhabi.

Tuluworld Kudla and “Puvempu Nempu ” Samiti had organised his birth anniversary as Tulu Lipi day at Anathpur last Sunday.Puvempu Nempu 2022 Sammelan was organised and the program was presided by Sarvottam Shetty.

Dr Ramesh Chandra who has rendered music to 101 songs in memory of Punichitaya was honoured with the ” Puvempu Samman”.

Litterateur Krishniah the honorary president of the Samithi said that Punichitaya has authored in many languages including Tulu. It is our duty to remember this great writer .
Dr Udipaditaya the vice chancellor of Manglore University said that the university will try to identify and honour Tulu litterateures soon.
Dayanand Kattalsar president of the Tulu Sahitya Akademy remembered Punichyas the person who taught him to sign in Tulu script and wished that Tulu Lipi day will always be celebrated on his birth anniversary .

Tuluworld president Dr Rajesh Alva, Prof M P Srinath, Dr Sai Geetha from Bitte university Sri valli Rai Martel Bhaskar Kasaragod, Madhava Bhandari, from Florida Tulu Kootha , Uday Gatti, Prabhavathi Kedilaya, Vijaya Raj Punichitaya and a host of dignitaries were present. A condolence was rendered on the passing away of the divine crocodile Babiya of the Ananthpur temple.