ಬಂಟ್ವಾಳ: ಕೆದಿಲ ಶ್ರೀ ಉಳ್ಳಾಕ್ಲು ಧೂಮಾವತಿ ಮಲರಾಯ ದೈವೊಲ್ಯಡ್ ಮಾ.11-15 ಮುಟ್ಟ ನಡಪರೆ ಇಪ್ಪುನ ಬ್ರಹ್ಮಕಲಶ ಬೊಕ್ಕ ಜಾತ್ರೆದ ಲೆಕ್ಕೊಡು ಮಾ.4 ಸೋಮಾರ ಬೊಲ್ಪುಗು ಕೈಲ್ ಮೂರ್ತ ನಡತ್ಂಡ್.
ದೈವೊಲ್ಯದ ಆಡಳಿತ ಮಂಡಳಿ ಗುರ್ಕಾರೆ ಜೆ.ಕೃಷ್ಣ ಭಟ್, ಕೇಶವ ಕೃಪಾ ಮೀರಾವನ ಮೇರ್ ದೈವೊದ ನಡೆಟ್ಟ್ ಇಸೇಸ ಪ್ರಾರ್ತನೆ ಸಂದಾಯೆರ್.
ಅರ್ಚಕೆರ್ ಈಶ್ವರ ಪ್ರಕಾಶ್ ಪಂಜಿಬಲ್ಲೆ ಈ ಲೇಸ್ ದ ವೈದಿಕ ವಿಧಿ ವಿಧಾನನ್ ಮಲ್ತೆರ್.
ಈ ಪೊರ್ತುಡು ಬ್ರಹ್ಮಕಲಶ ಸಮಿತಿದ ಗುರ್ಕಾರೆ ನಿವೃತ್ತ ಸೈನಿಕೆ ಜನಾರ್ದನ ಕುಲಾಲ್ ಗಾಣದ ಕೊಟ್ಯ, ಪ್ರಮುಖೆರ್ ಬಾಳಪ್ಪ ಗೌಡ ಕುದುಂಬ್ಲಾಡಿ ಗುತ್ತು, ಮುರಳೀಧರ ಶೆಟ್ಟಿ ಕಲ್ಲಾಜೆಗುತ್ತು, ದೈವೊದ ಪಾತ್ರಿ ಬಾಬು ಗೌಡ ಇಳಂತಿಲ ಸೇರಿನಂಚೆನೆ ಬೇತೆ ಬೇತೆ ಸಮಿತಿದ ಪದುಕೆರ್ ಬೊಕ್ಕ ಗ್ರಾಮಸ್ಥೆರ್ ಪಾಲ್ ಪಡೆದಿತ್ತೆರ್.
Editorial