ಕುಕ್ಕೆ ಸುಬ್ರಮಣ್ಯ: ಕುಕ್ಕೆ ಸುಬ್ರಮಣ್ಯದ ಆದಿ ಸುಬ್ರಮಣ್ಯಡ್ 4 ಮಾರ್ಗ ಸೇರುನ ಸರ್ಕಲ್ ದಲ್ಪ ಮಾ.5 ಕ್ಕ್ 2 ಕಾರ್ ಆಕ್ಸಿಡೆಂಟ್ ಆತ್ಂಡ್. ಈ ಆಕ್ಸಿಡೆಂಟ್ ನಡಪರೆ ಮುಖ್ಯ ಕಾರಣ ಮುಲ್ಪ ಒವ್ವೇ ಹಂಪ್ಸ್ ನಿರ್ಮಾಣ ಮಲ್ಪಂದಿನವು ಪಂದ್ ತೆರಿದ್ ಬೈದ್ಂಡ್. ಅತ್ತಂದೆ ಮುಲ್ಪ ಒವ್ವೇ ಸರ್ಕಲ್ ನಿರ್ಮಾಣ ಮಲ್ದಿಜೆರ್.
ದಿನ ದಿನೊಲ ಸುಮಾರ್ ಜನ ಪಾದಚರಿಲು ಪೋಪುನ ಜಾಗೆ ಆತ್ಂಡ್. ಅತ್ತಂದೆ ಶಾಲೆದ ಜೋಕುಲು ಬೊಲ್ಪುಗು ಈ ಮಾರ್ಗಡ್ ಪೋಪೆರ್. ಮುಲ್ಪ ನನೊರ ಇಂಚಿನ ಆಕ್ಸಿಡೆಂಟ್ ಆವಂದಿಲೆಕ್ಕ ಸಂಬಂಧಪಟ್ಟಿನ ಇಲಾಖೆ ಕೂಡ್ಲೆ ಹಂಪ್ಸ್ ನಿರ್ಮಾಣ ಮಲ್ಪಾವೊಡು ಪಂದ್ ಕೈತಲ್ದ ಜನಕುಲು ಈ ಬಗೆಟ್ಟ್ ಒತ್ತಾಯ ಮಲ್ದೆರ್.
pallavi shetty