ಹಳೆಯಂಗಡಿ : ಯೇಸು ಕ್ರಿಸ್ತೆರ್ ಶಾಂತಿದ ದೂತೆರಾದ್ ಈ ಲೋಕಗ್ ಬತ್ತೆರ್. ಅರೆನ ಜೀವಿತಾವಧಿಡ್ ಕ್ಷಮೆತ್ತ ಮಲ್ಲ ಗುಣತ್ತ ಒಟ್ಟಿಗೆ ಶಾಂತಿದೂತೆರಾದಿತ್ತೆರ್. ಮೆರೆನ ಆದರ್ಶನ್ ನಮ ಪಾಲನೆ ಮಲ್ಪುಗ ಪಂದ್ ಹಳೆಯಂಗಡಿ ಸಿಎಸ್ಐ ಅಮ್ಮನ್ ಮೆಮೋರಿಯಲ್ ಚರ್ಚ್ ದ ಸಭಾ ಪಾಲಕೆರ್ ರೆ. ಅಮೃತ್ ರಾಜ್ ಖೋಡೆ ಪಂಡೆರ್.
ಮೇರ್ ಹಳೆಯಂಗಡಿ ಸಿಎಸ್ಐ ಅಮ್ಮನ್ ಮೆಮೋರಿಯಲ್ ಚರ್ಚ್ ಡ್ ನಡತಿನ ಕ್ರಿಸ್ಮಸ್ ಇಸೇಸ ಲೇಸ್ ಡ್ ಪಾತೆರಿಯೆರ್.
ಮಣಿಪಾಲದ ಸಿಎಸ್ಐ ಇಂಗ್ಲಿಷ್ ಚರ್ಚ್ ದ ಸಭಾ ಪಾಲಕೆರ್ ರೆ.ಜಾನ್ ಬೆನಾಡಿಕ್ಟ್ ಪ್ರಾರ್ತನೆ ಮಲ್ತೆರ್. ಶಾಲೆದ ಕಲ್ಪಾರ್ಥಿಲೆರ್ದ್ ಸಾಂಸ್ಕೃತಿಕ ಲೇಸ್ ನಡತ್ಂಡ್. ಸಭಾ ಪಾಲನ ಸಮಿತಿದ ಕಾರ್ಯದರ್ಶಿ ಲಾವಣ್ಯ ಕೋಟ್ಯಾನ್ ಎದ್ಕೊನಿಯೆರ್. ಕೋಶಾಧಿಕಾರಿ ಶರ್ಲಿ ಬಂಗೇರ ಸೊಲ್ಮೆ ಸಂದಾಯೆರ್. ಈ ಪೊರ್ತುಡು ಸಭಾ ಪರಿಪಾಲನಾ ಸಮಿತಿದ ಸದಸ್ಯೆರ್ ಆಸ್ಟಿನ್ ಕರ್ಕಡ, ವಸಂತ ಬರ್ನಾಡ್, ಜೇಮ್ಸ್ ಕರ್ಕಡ, ಸಿಡ್ನಿ ಕರ್ಕಡ ಚಾವಡಿಡ್ ಇತ್ತೆರ್.
pallavi shetty