December 16, 2023

ಕುಕ್ಕೆ ಸುಬ್ರಹ್ಮಣ್ಯ ದೇವಸ್ಥಾನಡ್ ಷಷ್ಠಿದ ಲೆಕ್ಕಡ್ ರಥಕ್ಕ್ ಬೊಕ್ಕ ಪಂಚಮಿ ರಥಕ್ಕ್ ಶಿಖರ ಪೂಜೆ

ಕುಕ್ಕೆ ಸುಬ್ರಹ್ಮಣ್ಯ ದೇವಸ್ಥಾನಡ್ ಚಂಪಾಷಷ್ಠಿ ಮಹೋತ್ಸವದ ಲೆಕ್ಕಡ್ ಬ್ರಹ್ಮ ರಥ ಬೊಕ್ಕ ಪಂಚಮಿ ರಥಕ್ಕ್ ಶಿಖರ ಪೂಜೆ ಡಿ.16 ತಾನಿ ನಡತ್ಂಡ್.

ಈ ಪೊರ್ತುಡು ಶ್ರೀ ದೇವಳದ ಕಾರ್ಯನಿರ್ವಣಾಧಿಕಾರಿ ಡಾ.ನಿಂಗಯ್ಯ, ವ್ಯವಸ್ಥಾಪನ ಸಮಿತಿದ ಗುರ್ಕಾರ್ಲು ಮೋಹನ್ ರಾಮ್ ಸುಳ್ಳಿ ಬೊಕ್ಕ ವ್ಯವಸ್ಥಾಪನ ಸಮಿತಿ ಸದಸ್ಯೆರ್ ಮಾಸ್ಟರ್ ಪ್ಲಾನ್ ಮೇಲ್ವಿಚಾರಣಾ ಸಮಿತಿ ಸದಸ್ಯೆರ್ ಇತ್ತೆರ್.

ಕುಕ್ಕೆ ಸುಬ್ರಹ್ಮಣ್ಯ ಷಷ್ಠಿ ಜಾತ್ರೆದ ಲೆಕ್ಕಡ್ ಸ್ವಚ್ಛತಾ ಕಾರ್ಯಕ್ರಮ

ಕುಕ್ಕೆ ಸುಬ್ರಹ್ಮಣ್ಯ ಷಷ್ಠಿ ಜಾತ್ರೆದ ಸಂಭ್ರಮಡ್ ಭಕ್ತೆರ್ ಪಂಡಿನ ಬೀದಿ ಮಡೆ ಸ್ನಾನ, ಕುಮಾರಧಾರರ್ದ್ ಸುಬ್ರಹ್ಮಣ್ಯ ದೇವಸ್ಥಾನ ಮುಟ್ಟ ಸುಮಾರು 2 ಕಿ.ಮೀ ಬೀದಿ ಮಡೆ ಸ್ನಾನ ಪರಕೆನ್ ಸಲ್ಲಿಸಾವೊಂದು ಉಲ್ಲೆರ್.

ಬೀದಿ ಮಡೆಸ್ನಾನ ಸೇವೆ ಮಲ್ಪುನಕ್ಲೆಗ್ ತೊಂದರೆ ಆವೆರೆ ಬಲ್ಲಿ, ಅಂಚನೆ ಷಷ್ಠಿ ಜಾತ್ರೆಗ್ ಸ್ವಚ್ಛವಾದ್ ಇಪ್ಪೊಡು ಪನ್ಪುನ ಉದ್ದೇಶಡ್ ಶ್ರೀ ಸುಬ್ರಹ್ಮಣ್ಯ ಮಠದ ಆಡಳಿತಧಿಕಾರಿ ಸುದರ್ಶನ ಜೋಯಿಸ್ ಅರೆನ ನೇತೃತ್ವಡ್ ದೇವಸ್ಥಾನರ್ದ್ ಕುಮಾರಧಾರ ಮುಟ್ಟ ಶ್ರೀ ಸುಬ್ರಹ್ಮಣ್ಯ ಮಠದ ವತಿರ್ದ್ ರೋಡ್ ಮದ್ಯೆ ಇತ್ತಿನ ಕಜವು,ಗೆಲ್ಲ್ ಲೆನ್ ದೆತ್ತ್ ದ್ ನೀರ್ ಪಾರ್ದ್ ದೆಕ್ಕ್ ದ್ ಸ್ವಚ್ಚ ಮಲ್ತೆರ್.

ಈ ಪೊರ್ತುಡು ಶ್ರೀ ಮಠಡ್ ಬೆನ್ಪುನ ಸಿಬ್ಬಂದಿಲು ಸ್ವಚ್ಛತೆ ಮಲ್ಪುನ ಮುಖೆನ ಶ್ರೀ ಸುಬ್ರಹ್ಮಣ್ಯ ದೇವೆರ್ನ ಸೇವೆ ಮಲ್ತೆರ್.