December 4, 2023

ಚೆನ್ನೈಡ್ ಕುಂಭದ್ರೋಣ ಬರ್ಸ: ಗೋಡೆ ಜರಿದ್‌ ರಡ್ಡ್‌ ಜನ ತೀರ್‌ಪೋಯೆರ್

ಚೆನ್ನೈಡ್ ಮಿಚಾಂಗ್‌(Michaung) ಪನ್ಪುನ ಚಂಡಮಾರುತರ್ದ್ ಕುಂಭ ದ್ರೋಣ ಬರ್ಸ ಬತ್ತ್ ದ್ ಜನಕುಲು ಭಾರಿ ಕಷ್ಟೊಡುಲ್ಲೆರ್. ಜನಜೀವನ ಅಸ್ಯವ್ಯಸ್ತ ಆತ್‌ಂಡ್.‌

  ಉಂದುವೇ ಪೊರ್ತುಡು ಇಲ್ಲದ ಗೋಡೆ ಜರಿದ್‌ ರಡ್ಡ್‌ ಜನ ತೀರ್‌ಪೋತೆರ್. ವಿಮಾನ, ರೈಲು ಸೇವೆ ಉಂತುದುಂಡು. ತಮಿಳುನಾಡು ಸರ್ಕಾರ ರಕ್ಷಣಾ ಕಾರ್ಯನ್‌ ಮಲ್ತೊಂದು ಉಂಡು ಪಂದ್‌ ತೆರಿದ್‌ ಬೈದ್‌ಂಡ್.‌ ಭಾರಿ ಬರ್ಸದಾತ್ರ ಜನಕ್ಲೆಗ್ ಅಟಿಲ್ ಮಲ್ಪೆರೆ ಆವಂದೆ ಇಪ್ಪುನ ಕಾರಣ ಸರ್ಕಾರನೆ ಇಲ್ಲದ ಬಾಕಿಲ್‌ಗ್ ತೆನಸ್‌ಲೆನ್ ಚೆನ್ನೈ ಪೇಂಟೆಗ್ ಕಡಪಾವುನ ವ್ಯವಸ್ಥೆ ಮಲ್ತ್‌ದ್‌ಂಡ್.

ಬೆಳ್ಳಾಯರು ಮೂಡುತೋಟ ಜಾರಂದಾಯ ಬಂಟ ದೈವಸ್ಥಾನ ಸಮಿತಿ ರಚನೆ

ಪಡುಪಣಂಬೂರು : ಕಾರ್ಣಿಕ ಕ್ಷೇತ್ರವಾಯಿನ ಮೂಡುತೋಟ ಜಾರಂದಾಯ ಬಂಟ ದೈವಸ್ಥಾನದ ಆಡಳಿತ ಸಮಿತಿದ ಸಭೆ ದೈವಸ್ಥಾನಡ್ ಸಮಿತಿದ ಗುರ್ಕಾರ್ಲು ಕುಮಾರ ಶೆಟ್ಟಿ ಮೇರೆನ ಗುರ್ಕಾರ್ಮೆ ಡ್ ನಡತ್ಂಡ್. ಈ ಸಭೆಟ್ಟ್ ಸುರೇಶ್ ನಾಯ್ಕ್ ಬೊಕ್ಕ ಎಂ. ಎಂ. ಶೆಟ್ಟಿ ಇತ್ತೆರ್.

ಪಿರಾಕ್ ದ ಕಾರ್ಣಿಕ ಕ್ಷೇತ್ರವಾಯಿನ ಈ ದೈವಸ್ಥಾನ ಸಾನಿಧ್ಯನ್ ಜೀರ್ಣೋದ್ಧಾರ ಮಲ್ತ್ ದ್ ಪುನರ್ ನಿರ್ಮಾಣ ಮಲ್ಪೆರೆ ನಿರ್ಧಾರ‌ ಮಲ್ತ್ ದ್, ದೈವದ ನುಡಿತ್ತಂಚ ಊರುದ ಮಾತೆರೆನ್ ಸೇರ್ಸಾದ್ ಜೀರ್ಣೋದ್ಧಾರ ಸಮಿತಿನ್ ರಚನೆ ಮಲ್ತೆರ್.

ಶಾಸಕೆರ್ ಉಮಾನಾಥ್ ಕೋಟ್ಯಾನ್, ಮಾಜಿ ಮಂತ್ರಿಲಾಯಿನ ಅಭಯಚಂದ್ರ ಜೈನ್, ಮುಲ್ಕಿ ಅರಮನೆತ ಅರಸುಲು ದುಗ್ಗಣ್ಣ ಸಾವಂತೆರ್ ಬೊಕ್ಕ ಎಂ. ಎಂ. ಶೆಟ್ಟಿ ಗೌರವಾಧ್ಯಕ್ಷೆರಾದ್, ಅಧ್ಯಕ್ಷೆರಾದ್ ಸುರೇಶ್ ನಾಯ್ಕ್ ಕೊಲ್ನಾಡ್ ಬಾಳಿಕೆ ,ಉಪಾಧ್ಯಕ್ಷೆರಾದ್ ವಿಜಯ ಶೆಟ್ಟಿ ಕೊಲ್ನಾಡು, ಶಂಕರ್ ಶೆಟ್ಟಿಗಾರ್ ಬೆಳ್ಳಾಯರು, ಕಿರಣ್ ಶೆಟ್ಟಿ ಕೊಲ್ನಾಡುಗುತ್ತು, ನಾಗೇಶ್ ಸಾಲಿಯಾನ್ ಬೆಳ್ಳಾಯರು, ರೋಹಿಣಿ ಬಿ. ಶೆಟ್ಟಿ , ಗೌರವ ಪ್ರಧಾನ ಕಾರ್ಯದರ್ಶಿಯಾದ್ ಜನಾರ್ಧನ ಪಡುಪಣಂಬೂರು ಜೊತೆ ಕಾರ್ಯದರ್ಶಿಯಾದ್ ವಿನೀಶ್ ಶೆಟ್ಟಿ ಬಾಳಿಕೆ, ಮಾಧವ ಎಂ. ಶೆಟ್ಟಿ ಬೆಳ್ಳಾಯರು, ಮನೋಹರ್ ಜಿ ಕುಂದರ್ ಕೆರೆಕಾಡ್, ಜಯಕೃಷ್ಣ ಕಲ್ಲಿಮಾರ್,, ದಿನೇಶ್ ಶೆಟ್ಟಿ ವಂಡಾಡಿ, ಬಾಳಿಕೆ, ಅಶೋಕ್ ಶೆಟ್ಟಿಗಾರ್, ಅನೀಲ್, ಕೋಶಾಧಿಕಾರಿಯಾದ್ ನಂದ ಕಿಶೋರ್ ಜೊತೆ ಕೋಶಾಧಿಕಾರಿಯಾದ್ ಗಂಗಾಧರ್ ಹೆಚ್, ಕು. ರಮ್ಯಾ ಕು. ನಮಿತಾ ಬೊಕ್ಕ ಸಮಿತಿದ ಸದಸ್ಯರೆನ್ ಆಯ್ಕೆ ಮಲ್ತೆರ್. ಊರುದ ಪ್ರಮುಖೆರೆನ್ ಪ್ರಧಾನ ಸಲಹೆಗಾರೆರ್ ನೇಮಕ ಮಲ್ತೆರ್. ಕಾರ್ಯದರ್ಶಿ ಜನಾರ್ಧನ ಪಡುಪಣಂಬೂರು ಬಿನ್ನೆರೆನ್ ಎದ್ಕೊಂಡೆರ್. ಸಮಿತಿದ ಪ್ರಧಾನ ಸಲಹೆಗಾರೆರ್ ರಾಮಚಂದ್ರ ನಾಯ್ಕ್ ಕೊಲ್ನಾಡುಗುತ್ತು ಸಲಹೆನ್ ಕೊರಿಯೆರ್. ಆಡಳಿತ ಸಮಿತಿ ಗುರ್ಕಾರ್ಲು ಕುಮಾರ ಶೆಟ್ಟಿ ಸೊಲ್ಮೆ ಸಂದಾಯ ಮಲ್ತೆರ್.