ಬಪ್ಪನಾಡ್ ಶ್ರೀ ದುರ್ಗಾಪರಮೇಶ್ವರೀ ದೇವಲ್ಯಡ್ ಲಕ್ಷ ಕುಂಕುಮಾರ್ಚನೆ, ಸಾಮೂಹಿಕ ಕುಂಕುಮಾರ್ಚನೆ, ಲಕ್ಷ ದೀಪ ಬಲಿ ಉಚ್ಚಯ, ಅಷ್ಟಾವಧಾನ ಸೇವೆ ಡಿ.12 ಅಂಗಾರೆ ನಡಪರೆ ಉಂಡು.
ಈ ಲೇಸ್ ಡ್ ಮಾತೆರ್ಲಾ ಪಾಲ್ ಪಡೆದ್, ಪ್ರಸಾದ ದೆತೊಂದು, ಶ್ರೀ ದೇವಿನ ಕೃಪೆಗ್ ಪಾತ್ರರಾವೊಡು ಪಂದ್ ಅನುವಂಶಿಕ ಮೊಕ್ತೇಸರೆರ್ ದುಗ್ಗಣ್ಣ ಸಾವಂತೆರ್, ಅನುವಂಶಿಕ ಆಡಳಿತ ಮೊಕ್ತೇಸರೆರ್ ಎನ್ ಎಸ್ ಮನೋಹರ ಶೆಟ್ಟಿ, ಕಾರ್ಯಾ
ನಿರ್ವಾಹಣಾಧಿಕಾರಿ ಜಯಮ್ಮ ಪಿ, ತಂತ್ರಿಲು, ಅರ್ಚಕೆರ್ ಬೊಕ್ಕ ಸಿಬ್ಬಂದಿ ವರ್ಗ ಲೆಪ್ಪೋಲೆಡ್ ತೆರಿಪಾದೆರ್.
ಮುಲ್ಕಿ: ಪುಗರ್ತೆದ ಮುಲ್ಕಿ ಸೀಮೆ ಅರಸು ಕುಂಬುಲ ಡಿ. 24 ಕ್ಕ್ ನಡಪರೆ ಉಂಡು. ನೆತ್ತ ಲೆಪ್ಪೋಲೆನ್ ಸುರಗಿರಿ ಶ್ರೀ ಮಹಾಲಿಂಗೇಶ್ವರ ದೇವಲ್ಯದ ಆಡಳಿತ ಮೊಕ್ತೇಸರೆರ್ ಸೀತಾರಾಮ ಶೆಟ್ಟಿ ಮೇರ್ ಪಡು ಪಣಂಬೂರು ಅರಮನೆತ್ತ ಧರ್ಮ ಚಾವಡಿಡ್ ಬುಡುಗಡೆ ಮಲ್ತೆರ್.
ಈ ಲೇಸ್ ಮುಲ್ಕಿ ಸೀಮೆ ಅರಸೆರ್ ಎಂ ದುಗ್ಗಣ್ಣ ಸಾವಂತೆರೆನ ಮುತಾಲಿಕೆಡ್, ಸಮಿತಿದ ಗುರ್ಕಾರೆ ಕಿರಣ್ ಕುಮಾರ್ ಶೆಟ್ಟಿ ಗುರ್ಕಾರ್ಮೆಡ್ ನಡತ್ಂಡ್.
ದುಗ್ಗಣ್ಣ ಸಾವಂತೆರ್ ಪಾತೆರ್ದ್, ಡಿ.24 ಕ್ಕ್ ಮುಲ್ಕಿ ಸೀಮೆದ ಅರಸು ಕಂಬುಲ ನಡಪರೆ ಉಂಡು. ಅವ್ವೆ ದಿನ ಬೊಲ್ಪುಗು ಪುಗರ್ತೆದ ಮುಲ್ಕಿ ಅರಮನೆಗ್ ಮೈಸೂರ್ ಸಂಸ್ಥಾನದ ಮಹಾರಾಜೆರ್ ಯದುವೀರ್ ಕೃಷ್ಣರಾಜ ಒಡೆಯರ್ ಕಂಬುಲಡ್ ಪಾಲ್ ಪಡೆಯೆರೆ ಉಲ್ಲೆರ್. ಅತ್ತಂದೆ ಲಕ್ಷರ್ದ್ ಎಚ್ಚ ಜನ ಕಂಬುಲಗ್ ಬರ್ಪುನ ನಿರೀಕ್ಷೆ ಉಂಡು. ಅಂಚೆನೆ ಲೇಸ್ ನ್ ಮುಲ್ಕಿ ಸೀಮೆದ ನಾಗರಿಕೆರ್ ಪೊರ್ಲು ಮಲ್ತ್ ದ್ ಕೊರೊಡು ಪಂದ್ ಪಂಡೆರ್.
ಈ ಪೊರ್ತುಡು ರಾಮ ಭಟ್, ಬಂಕಿ ನಾಯಕೆರ್, ಸೂರ್ಯ ಕುಮಾರ್ ಹಳೆಯಂಗಡಿ, ಪಡು ಪಣಂಬೂರು ಗ್ರಾಪಂ ಅಭಿವೃದ್ಧಿ ಅಧಿಕಾರಿ ಸುಧೀರ್, ಗೌತಮ್ ಜೈನ್ ಮುಲ್ಕಿ ಅರಮನೆ, ಕಂಬುಲ ಸಮಿತಿದ ಪದುಕೆರ್ ವಕೀಲೆರ್ ಚಂದ್ರಶೇಖರ್, ಶ್ಯಾಮ್ ಪ್ರಸಾದ್, ನವೀನ್ ಬಾಂಧಕೆರೆ, ಶಶೀಂದ್ರ ಸಾಲ್ಯಾನ್, ವಸಂತ್ ಬೆರ್ನಾಡ್, ಮಹಿಮ್ ಹೆಗ್ಡೆ, ಹಳೆಯಂಗಡಿ ಗ್ರಾಪಂ ಸದಸ್ಯೆರ್ ಅಬ್ದುಲ್ ಖಾದರ್, ಪಿ. ಸಿ. ಕೋಟ್ಯಾನ್, ಮನ್ಸೂರ್ ಹಳೆಯಂಗಡಿ ಯುವ ಕಾಂಗ್ರೆಸ್ ಗುರ್ಕಾರೆ ಅಶೋಕ್ ಪೂಜಾರಿ, ದಿನೇಶ್ ಹೊಸಲಕ್ಕೆ ದಾಮೋದರ್ ಸಾಲ್ಯಾನ್, ಚಂದ್ರಹಾಸ ಪಡು ತೋಟ ಇತ್ತೆರ್.
ಕಾಪು: ಜೀರ್ಣೋದ್ಧಾರ ಆವೊಂದಿಪ್ಪುನ ಕಾಪು ಶ್ರೀ ಪೊಸ ಮಾರಿಗುಡಿ ದೇವಲ್ಯಡ್ ಪಾದೂರು ಗ್ರಾಮದ ಬೇತೆ ಬೇತೆ ಸಂಘ ಸಂಸ್ಥೆದ ಸದಸ್ಯೆರ್, ಇನ್ನಂಜೆ ಗ್ರಾಮಸ್ಥೆರ್ ಬೊಕ್ಕ ಇನ್ನಂಜೆ ಬಿಲ್ಲವ ಸೇವಾ ಸಂಘದ ಸದಸ್ಯೆರ್ ಐತಾರ ಕರಸೇವೆ ಮಲ್ತೆರ್.
ಪೊಸ ಮಾರಿಗುಡಿ ಜೀರ್ಣೋದ್ಧಾರ ಸಮಿತಿದ ಗುರ್ಕಾರೆ ಕೆ. ವಾಸುದೇವ ಶೆಟ್ಟಿ, ವ್ಯವಸ್ಥಾಪನ ಸಮಿತಿದ ಗುರ್ಕಾರೆ ರಮೇಶ್ ಹೆಗ್ಡೆ ಕಲ್ಯಾ, ಗ್ರಾಮ ಸಮಿತಿದ ಪ್ರಧಾನ ಸಂಚಾಲಕೆರ್ ಅರುಣ್ ಶೆಟ್ಟಿ ಪಾದೂರು, ಜಯಲಕ್ಷ್ಮೀ ಆಳ್ವ, ಪ್ರಸಾದ್ ಪಾದೂರು, ಮನೋಜ್ ಶೆಟ್ಟಿ ಮಾರ್ಗದರ್ಶನ ಕೊರಿಯೆರ್.
ಈ ಪೊರ್ತುಡು ಪಾದೂರು ಶ್ರೀ ರಾಮ ಭಜನಾ ಮಂದಿರ, ಪಾದೂರು ಶ್ರೀಬ್ರಹ್ಮಲಿಂಗೇಶ್ವರ ಮಹಿಳಾ ಭಜನಾ ಮಂಡಳಿ, ಪಾದೂರು ರೋಟರಿ ಸಮುದಾಯ ದಳ, ಇನ್ನಂಜೆ ಗ್ರಾಮಸ್ಥೆರ್, ಇನ್ನಂಜೆ ಬಿಲ್ಲವ ಸೇವಾ ಸಂಘದ ಪದುಕೆರ್ ಬೊಕ್ಕ ಮಹಿಳಾ ಸದಸ್ಯೆರ್ ಕರಸೇವೆಡ್ ಪಾಲ್ ಪಡೆದಿತ್ತೆರ್.
ಯುವವಾಹಿನಿ ಮಾಣಿ ಘಟಕದ ತಾನಿ ತಂದಾನ ಸಾಂಸ್ಕೃತಿಕ ಲೇಸ್ ಬೊಕ್ಕ 2023-24 ನೇ ಸಾಲ್ ದ ಪೊಸ ಪದುಕೆರೆನ ಪದಗ್ರಹಣ ಲೇಸ್ ಡಿ.17 ಐತಾರ ಮಾಣಿ ಬಾಲವಿಕಾಸ ಆಂಗ್ಲ ಮಾಧ್ಯಮ ಶಾಲೆಡ್ ನಡಪರೆ ಉಂಡು.
ಅಂಚೆನೆ ಸಾಧಕೆರೆಗ್ ಸನ್ಮಾನ, ಮಾಣಿಕ್ಯ ಸಂಚಿಕೆ ಬುಡುಗಡೆ ಬೊಕ್ಕ ವಿದ್ಯಾನಿಧಿ ಪಟ್ಟುನ ಲೇಸ್ ನಡಪರೆ ಉಂಡು ಪಂದ್ ಯುವವಾಹಿನಿ (ರಿ.) ಮಾಣಿ ಘಟಕದ ಗುರ್ಕಾರೆ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.
ಬೋಲ್ತೆರ್: ಶ್ರೀ ರಾಜರಾಜೇಶ್ವರಿ ಭಜನಾ ಮಂಡಳಿ ಪೆರ್ಲ-ಶಿಬಾಜೆ ಮೊಕ್ಲೆನ ಮುತಾಲಿಕೆಡ್ ಭಜನೋಚ್ಚಯ ಕಾರ್ಯಕ್ರಮ ಡಿ.31 ತಾನಿ ನಡಪೆರೆ ಉಂಡು. ಕಾಂಡೆ ಗಣಹೋಮ, ಭಜನೋಚ್ಚಯದ ಉದಿಪನ, ಮದ್ಯಾಹ್ನ ಭೋಜನ ಪ್ರಸಾದ, ಬಯ್ಯಗ್ 50 ರ್ದ್ ಎಚ್ಚ ಭಜನಾ ತಂಡೊಲೆರ್ದ್ ಕುಣಿತ ಭಜನೆ ನಡಪರೆ ಉಂಡು.
ಬಯ್ಯಗ್ ಧಾರ್ಮಿಕ ಸಭಾ ಕಾರ್ಯಕ್ರಮ, ರಾತ್ರೆ 9.30 ರ್ದ್ ಉಜಿರೆ ಸಂಗಮ ಕಲಾವಿದೆರೆರ್ದ್ ನನ ಮರ್ಲ್ ಕಟ್ಟೊರ್ಚಿ ತುಳು ಹಾಸ್ಯಮಯ ನಾಟಕ ನಡಪೆರೆ ಉಂಡು. ಈ ಮಾತ ಕಾರ್ಯಕ್ರಮಡ್ ಮಾತೆರ್ಲ ಎಚ್ಚಿನ ಸಂಖ್ಯೆಡ್ ಪಾಲ್ ಪಡೆದ್ ಲೇಸ್ನ್ ಯಶಸ್ವಿ ಮಲ್ತ್ ಕೊರೊಡು ಪಂದ್ ಲೆಪ್ಪೋಲೆಡ್ ತೆರಿಪಾದೆರ್.
ಬೋಲ್ತೆರ್: ಹಿರಿಯೆರ್ ಆಯಿನ ರುಕ್ಮಯ್ಯ ಸಾಲಿಯಾನ್ ನ.೩೦ ತಾನಿ ದೇವೆರೆ ಪಾದೋ ಸೇರಿಯೆರ್. ಮೇರ್ ಬೇತೆ ಬೇತೆ ಸಂಘ ಸಂಸ್ಥೆಲೆಡ್ ಸಕ್ರೀಯ ಸದಸ್ಯೆರಾದ್ ಅಂಚನೆ ಬ್ರಹ್ಮಶ್ರೀ ನಾರಾಯಣಗುರು ಸೇವಾ ಸಂಘದ ಸ್ಥಾಪಕ ಸದಸ್ಯೆರಾದ್ ಸೇವೆನ್ ಮಲ್ತ್ದೆರ್.
ಮೇರೆಗ್ ಬುಡೆದಿ, ಮೂಜಿ ಅಂಜೊಕುಲು, ಮರ್ಮಲ್ ಬೊಕ್ಕ ಪುಳ್ಳಿಯರ್ಲು ಉಲ್ಲೆರ್. ಮೇರೆನ ಉತ್ತರ ಕ್ರಿಯೆ ಡಿ.12 ತಾನಿ ಪಂಜಿಕಲ್ಲು ದರ್ಖಾಸ್ ಇಲ್ಲಲ್ ನಡಪೆರೆ ಉಂಡು.
ಮಣಿಪಾಲ: ರೇಡಿಯೊ ಮಣಿಪಾಲ್ 90.4 Mhz ಡ್ ಯೋಗ ಸುಯೋಗ ಸರಣಿ ಲೇಸ್ ದ 37 ನೇ ಸಂಚಿಕೆ ಡಿ.11 ಸೋಮಾರ ಬಯ್ಯಗ್ 4.15 ಕ್ಕ್ ಪ್ರಸಾರ ಆಪುಂಡು.
ಈ ಲೇಸ್ ಡ್ ಒಡಿಪು ಚಿಟ್ಪಾಡಿದ ಶ್ರೀ ಗುರುಕೃಪಾ ಯೋಗ ವಿದ್ಯಾ ಪ್ರತಿಷ್ಠಾನದ ಯೋಗ ಶಿಕ್ಷಕೆರ್ ಆರ್ ಶಿವಕುಮಾರ್ ಪಾಲ್ ಪಡೆಯೆರೆ ಉಲ್ಲೆರ್. ಡಿ.12 ಕ್ಕ್ ಮಧ್ಯಾಹ್ನ 12.15 ಕ್ಕ್ ಕುಡೊರ ಪ್ರಸಾರ ಆಪುಂಡು. ಈ ಲೇಸ್ ನ್ ರೇಡಿಯೊ ಮಾತ್ರ ಅತ್ತಂದೆ ಆಂಡ್ರಾಯ್ಡ್ ಫೋನ್ ಬೊಕ್ಕ ಐಫೋನ್ ಡ್ ರೇಡಿಯೋ ಮಣಿಪಾಲ್ ಆಫ್ ಡೌನ್ಲೋಡ್ ಮಲ್ತ್ ದ್ ಕೇನೊಲಿ ಪಂದ್ ರೇಡಿಯೊ ಮಣಿಪಾಲ್ ಸಮುದಾಯ ಬಾನುಲಿ ಕೇಂದ್ರದ ಪ್ರಕಟಣೆ ತೆರಿಪಾದ್ಂಡ್.
ವಸಾಯಿ ಶ್ರೀ ಮಣಿಕಂಠ ಸೇವಾ ಸಮಿತಿದ 22ನೇ ವರ್ಷದ ಲೆಕ್ಕೊಡು ಶ್ರೀ ಅಯ್ಯಪ್ಪ ಮಹಾಪೂಜೆ ಡಿ.13 ಬುಧಾರ ವಸಾಯಿ ಆರ್ಣ ಸ್ವರ್ಣ ಬ್ಯಾಂಕ್ವೆಟ್ ಹಾಲ್ ಡ್ ನಡಪರೆ ಉಂಡು.
ಈ ಲೇಸ್ ಜಯಶೀಲ ಗುರುಸ್ವಾಮಿ ಮೆರೆರ್ದ್ ನಡಪುಂಡು. ಬೊಲ್ಲುಗು ಶ್ರೀಕೃಷ್ಣ ಭಟ್ ಮೆರೆರ್ದ್ ಗಣಹೋಮ, ಭಜನೆ, ಮಹಾಪೂಜೆ, ಮಂಗಳಾರತಿ ಬೊಕ್ಕ ತೀರ್ಥ ಪ್ರಸಾದ ಪಟ್ಟಿಯೆರೆ ಉಂಡು. ಮಧ್ಯಾಹ್ನ ನುಪ್ಪು ಪ್ರಸಾದ ಸೇವೆ ನಡಪರೆ ಉಂಡು ಪಂದ್ ಮಾನಾದಿಗೆದ ಗುರ್ಕಾರೆ ಕರ್ನೂರು ಶಂಕರ ಆಳ್ವ, ಗುರ್ಕಾರೆ ಯಶೋಧರ್ ವಿ ಕೋಟ್ಯಾನ್ ಬೊಕ್ಕ ವಸಾಯಿ ಶ್ರೀ ಮಣಿಕಂಠ ಸೇವಾ ಸಮಿತಿದ ಸ್ವಾಮಿಲು, ಪದುಕೆರ್ ಲೆಪ್ಪೋಲೆಡ್ ತೆರಿಪಾದೆರ್.
ಬಂಟ್ವಾಳ: ಸಾಮಾಜಿಕ ಚಟುವಟಿಕೆದ ಒಟ್ಟಿಗೆ ಧಾರ್ಮಿಕ ಸೇವಾ ಕಾರ್ಯಡ್ ಪಾಲ್ ಪಡೆಂಡ ದೇವೆರ್ನ ಆಶೀರ್ವಾದ ತಿಕ್ಕೆರೆ ಸಾಧ್ಯ. ಡಿಸೆಂಬರ್ 17 ಕಾಂಡೆ 7ರ್ದ್ ಬಯ್ಯ ಮುಟ್ಟ ವಿಶ್ವ ಗಾಣಿಗರ ಚಾವಡಿ (ರಿ.) ಟ್ರಸ್ಟ್ ತಂಡದ ಸದಸ್ಯೆರ್ ಉಳಿಯ ಶ್ರೀ ಉಳ್ಳಾಲ್ತಿ ಧರ್ಮರಸರ ಕ್ಷೇತ್ರಡ್ ಕರಸೇವೆ ಮಲ್ಪೆರೆ ನಿರ್ಧಾರ ಮಲ್ತ್ದ್ಂಡ್. ಒಟ್ಟಿಗೆ ಬ್ರಹ್ಮಕಲಶೋತ್ಸವ ಅಂಗವಾದ್ ಟ್ರಸ್ಟ್ ವತಿರ್ದ್ 50,000 ರೂ. ಭಕ್ತಿದ ತುಡರ್ ಚೆಕ್ ಸೇವಾ ರೂಪಡ್ ದೇವು ಮೂಲ್ಯಣ್ಣರೆಗ್ ಹಸ್ತಾಂತರ ಮಲ್ಪೆರೆ ಉಂಡು.ಈ ಸೇವಾ ಕಾರ್ಯಡ್ ಗಾಣಿಗ ಸಮಾಜದ ಮಾತ ಬಂಧುಲು ಪಾಲ್ ಪಡೆಯೆರೆ ವಿಶ್ವ ಗಾಣಿಗರ ಚಾವಡಿ (ರಿ.) ಟ್ರಸ್ಟ್ ಗುರ್ಕಾರ್ಲು ಹರಿಪ್ರಸಾದ್ ಶಕ್ತಿನಗರ ತೆರಿಪಾಯೆರ್.
ಆರ್ ಐತಾರ ಬಂಟ್ವಾಳ ತಾಲೂಕು ತುಂಬೆಡ್ ನಡತ್ತಿನ ವಿಜಿಸಿ(ರಿ.) ಟ್ರಸ್ಟ್ ವಾರ್ಷಿಕ ಮಹಾಸಭೆಟ್ ಸಭಾಧ್ಯಕ್ಷತೆ ವಹಿಸಾದ್ ಪಾತೆರಿಯೆರ್. ದಾನಿಲು ವಿಜಿಸಿ(ರಿ.) ಟ್ರಸ್ಟ್ ಪನ್ಪುನ ಕಾಮಧೇನುಗ್ ಮಾಸಿಕ 100 ರೂ. ದೇಣಿಗೆ ಅತ್ತ್ಂಡ ವಾರ್ಷಿಕ ದೇಣಿಗೆ 1200 ರೂ. ಕೊರ್ದು ಪೋಷಣೆ ಮಲ್ಪುನಗ ಅವೆರ್ದ್ ಸಮಾಜಗ್ ಶುಭಮಸ್ತು, ಆರೋಗ್ಯ ಸಂಜೀವಿನಿ, ಗೇನದ ತುಡರ್, ಭಕ್ತಿದ ತುಡರ್, ಚಾವಡಿದ ತುಡರ್ ಪನ್ಪುನ ಒಟ್ಟು ಐನ್ ಸೇವಾಯೋಜನೆಲು ಬೊಕ್ಕ ನೆತ್ತ ಒಟ್ಟಿಗೆ ರಕ್ತದಾನ, ನೇತ್ರದಾನ, ಶ್ರಮದಾನ ಮೂಲಕ ತನುಮನಧನ ಸೇವಾಕೈಂಕರ್ಯನ್ ನಿರಂತರವಾದ್ ಮಲ್ತೊಂದು ಬರಿಯೆರೆ ಸಾಧ್ಯ ಪಂದ್ ಟ್ರಸ್ಟ್ದ ಪ್ರಧಾನ ಕಾರ್ಯದರ್ಶಿ ದೇವಿಪ್ರಸಾದ್ ಎಂ ತೆರಿಪಾಯೆರ್. ಶೈಕ್ಷಣಿಕ ತರಬೇತಿ: ತಂಡದ ದಶಮಾನೋತ್ಸವ ಪ್ರಯುಕ್ತ ಗೇನದ ತುಡರ್ ಯೋಜನೆಯಡಿ 2024-25ನೇ ಸಾಲ್ದ ಎಸ್ಸೆಸ್ಸೆಲ್ಸಿ ವಿದ್ಯಾರ್ಥಿಲೆಗ್ ಶೈಕ್ಷಣಿಕ ತರಬೇತಿ ಶಿಬಿರ ನಡಪಾಯೆರೆ ನಿರ್ಧಾರ ಮಲ್ತೆರ್.
ವಾರ್ಷಿಕ ಕ್ರೀಡಾಕೂಟ: ಫೆಬ್ರವರಿ ತಿಂಗೊಲುಡು ತಂಡದ ವಾರ್ಷಿಕ ಕ್ರೀಡಾಕೂಟ ನಡಪಾಯೆರೆ ನಿರ್ಧಾರ ಮಲ್ತೆರ್, ಆಂಜೊಕ್ಲೆಗ್ ಕ್ರಿಕೆಟ್ ಬೊಕ್ಕ ಸಾರ್ವಜನಿಕ ವಿಭಾಗಡ್ ಬೇತೆ ಬೇತೆ ಕ್ರೀಡಾಕೂಟ ನಡಪಾಯೆರೆ ತೀರ್ಮಾನ ಮಲ್ತೆರ್. ಕೋಶಾಧಿಕಾರಿ ಹೇಮಲತಾ ಮೆಂಡನ್ ವಾರ್ಷಿಕ ಲೆಕ್ಕಪತ್ರ ಮಂಡಣೆ ಮಲ್ತೆರ್. ಈ ಪೊರ್ತುಡು ವಿಜಿಸಿ(ರಿ.) ಟ್ರಸ್ಟ್ ಸದಸ್ಯೆರೆಗ್ ಉಳಿಯ ಬ್ರಹ್ಮಕಲಶೋತ್ಸವ ಸಮಿತಿ ವತಿರ್ದ್ ಬ್ರಹ್ಮಕಲಶೋತ್ಸವ ಲೆಪ್ಪೋಲೆನ್ ಕೊರಿಯೆರ್.
ಬ್ರಹ್ಮಕಲಶೋತ್ಸವ ಸಮಿತಿದ ಪದಾಧಿಕಾರಿಲಾಯಿನ ಅಜಿತ್ ಕುಮಾರ್ ಶೆಟ್ಟಿ ಸೋಮೇಶ್ವರ, ರಾಮ್ ದಾಸ್ ಸೋಮೇಶ್ವರ, ಗಣೇಶ್ ಕಣೀರ್ ತೋಟ, ಶೇಖರ್ ಸೋಮೇಶ್ವರ, ವಿಜಿಸಿ(ರಿ.) ಟ್ರಸ್ಟ್ ಉಪಾಧ್ಯಕ್ಷೆರ್ ಗಣೇಶ್ ಡಿ. ಶಂಭೂರು, ಕಾರ್ಯದರ್ಶಿ ಸಂದೀಪ್ ಎಸ್ ಮೆಂಡನ್, ಅನಂತ ವಿಜಯ ಕೆ ತುಂಬೆ, ರಕ್ಷಿತ್ ಉಳ್ಳಾಲ, ಪವನ್ ದೊಂಡೋಲೆ, ದೀಕ್ಷಿತ್ ಮಂಜೇಶ್ವರ, ಲತೀಶ್ ಕುಂಪಲ, ಸುಶ್ಮಿತಾ ಸುನೀಲ್ ಉಬಾರ್, ವಿನಯ ಅನಂತ ವಿಜಯ, ಭವ್ಯ ಮಂಜೇಶ್ವರ, ವನಿತಾ ಕರಿಂಗಾನ, ಸುಮಿತ್ರಾ ನೂಯಿ, ಹೇಮಾಂಬಿಕಾ ಎಸ್ ಮೆಂಡನ್, ವೀಕ್ಷಿತಾ ನರೇಶ್ ಬಾರಾಡಿ, ಮಿಥುನ್ ಸುವರ್ಣ ಕುಂಪಲ, ಹರಿಶ್ಚಂದ್ರ ಶಕ್ತಿನಗರ, ಕಿಶೋರ್ ನರಿಕೊಂಬು, ಮಾಯಾಕ್ಷಿ ಲತೀಶ್ ಕುಂಪಲ, ಶ್ರುತಿ ವಿಕಾಸ್ ತಲಪಾಡಿ, ಚಿತ್ರಾಕ್ಷಿ ಕೆಲಿಂಜ, ಅಕ್ಷಿತಾ ಮಿಥುನ್ ಕುಂಪಲ, ದೇವರಾಜ್ ಎಡಪದವು, ಯುವರಾಜ್ ಬೋಳಂಗಡಿ, ಉಷಾ ಯುವರಾಜ್, ಶ್ವೇತಾ ಎಸ್ ಬ್ರಹ್ಮರಕೂಟ್ಲು, ರಾಜೀವಿ ದೇವಂದಬೆಟ್ಟು, ಶರ್ಮಿಳಾ ಅಳಪೆ, ದೀಕ್ಷಿತಾ ಕುರ್ನಾಡು, ದೀಪಿಕಾ ಮಂಜೇಶ್ವರ, ಗೌತಮಿ ಮಂಜೇಶ್ವರ, ಲೋಹಿತ್ ಪೆರಾಜೆ, ಶೈಲೇಶ್ ಮಾಣಿ, ಸುಕೇಶ್ ಮಾಣಿ, ಪುರುಷೋತ್ತಮ ಮಾಣಿ, ಜಯಲಕ್ಷ್ಮೀ, ಮನ್ವಿತಾ ಇತ್ತೆರ್.
ಶಿರ್ಡಿ ನಗರದ ಭಾಯಂದರ್ ಶ್ರೀ ಅಯ್ಯಪ್ಪ ಭಕ್ತ ವೃಂದ (ರಿ.) ದ 30ನೇ ವರ್ಷದ ಮಹಾಪೂಜೆ ಬೊಕ್ಕ ಕೋರ್ದಬ್ಬು ಬಾರಗ ಆಟ ಡಿ.16 ಸನಿಯಾರ ನಡಪರೆ ಉಂಡು.
ಬೊಲ್ಪುಗು ಗಣಹೋಮ, ಭಜನೆ, ಮಹಾಪೂಜೆ, ಮಧ್ಯಾಹ್ನ ನುಪ್ಪು ಪ್ರಸಾದ ಸೇವೆ, ಬಯ್ಯಗ್ ಶ್ರೀ ಗೀತಾಂಬಿಕ ಕೃಪಾಪೋಷಿತ ಯಕ್ಷಗಾನ ಮಂಡಳಿ ಘಾಟ್ಕೋಪರ್ ಬೊಂಬೈ ಮೊಕ್ಲೆರ್ದ್ ಕೋರ್ದಬ್ಬು ಬಾರಗ ತುಳು ಆಟ ನಡಪರೆ ಉಂಡು. ಈ ಆಟನ್ ತಿಮ್ಮಪ್ಪ ಪೂಜಾರಿ ಬೊಕ್ಕ ಪರಿವಾರ ಭಾಯಂದರ್ ಮೊಕುಲು ಗೊಬ್ಬವೆರ್.
ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್, ತೀರ್ಥ ಪ್ರಸಾದ ದೆತೊಂದು, ಶ್ರೀ ಅಯ್ಯಪ್ಪ ಸ್ವಾಮಿನ ಕೃಪೆಗ್ ಪಾತ್ರರಾವೊಡು ಪಂದ್ ಭಾಯಂದರ್ ಶ್ರೀ ಅಯ್ಯಪ್ಪ ಭಕ್ತ ವೃಂದದ ಗುರುಸ್ವಾಮಿ, ಸ್ವಾಮಿಲು, ಪದುಕೆರ್ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.
