ಮುಂಡ್ಕೂರು ಮುಲ್ಲಡ್ಕದ ನಾನಿಲ್ತಾರು ಕುಲಾಲ ಸಂಘ (ರಿ.)ದ ಸದಸ್ಯೆರ್ ಡಿ.17 ಕ್ಕ್ ದೇವಸ್ಥಾನೊಲೆಗ್ ಪ್ರವಾಸ ಪೋದಿತ್ತೆರ್.
ಆನೆಗುಡ್ಡೆ ವಿನಾಯಕ ದೇವಲ್ಯ ಕುಂಭಾಶಿ, ಚಂಡಿಕಾ ದುರ್ಗಾಪರಮೇಶ್ವರಿ ದೇವಲ್ಯ ಕುಂಭಾಶಿ, ಕಮಲಶಿಲೆ ದೇವಲ್ಯ ಬೊಕ್ಕ ಅಲ್ಪ ಇಪ್ಪುನ ಸುಪಾರ್ಶ್ವ ಗುಹೆದ ದರ್ಶನ ಪಡೆಯೆರ್. ಈ ಗುಹೆ ಸ್ವಾಭಾವಿಕವಾದ್ ನಿರ್ಮಾಣ ಆತ್ಂಡ್.
ಸಾರರ್ದ್ ಎಚ್ಚ ವರ್ಷದ ಪಿರವು ಸುಪಾರ್ಶ್ವ ಪನ್ಪುನ ಋಷಿ ಈ ಗುಹೆಟ್ಟ್ ತಪಸ್ಸ್ ಮಲ್ದೆರ್ ಪಂದ್ ಈ ಗುಹೆಗ್ ಸುಪಾರ್ಶ್ವ ಗುಹೆ ಪಂದ್ ಪುದರ್ ಬೈದ್ಂಡ್. ಈ ಆದಿ ಗುಹಾಲಯ ಕಮಲ ಶಿಲೆ ದೇವಿನ ಮೂಲಸ್ಥಳ ಆತ್ಂಡ್.
ಅವೆರ್ದ್ ಬೊಕ್ಕ ಮರವಂತೆ ಬೀಚ್, ಅಲ್ಪರ್ದ್ ಮುರುಡೇಶ್ವರ ದೇವಲ್ಯದ ದೇವೆರೆನ ದರ್ಶನ ಪಡೆದ್ ಪಿರ ತಿರ್ಗಿಯೆರ್.
ಈ ಪ್ರವಾಸದ ಗುರ್ಕಾರ್ಮೆನ್ ಸಂಘದ ಗುರ್ಕಾರೆ ಜಯರಾಮ್ ಕುಲಾಲ್ ಅಗರಟ್ಟ ಒಯಿಸ್ ದಿತ್ತೆರ್. ಪ್ರವಾಸದ ಉಸ್ತುವಾರಿನ್ ಕು. ಅರುಣ ಕುಲಾಲ್ ಬೊಕ್ಕ ಸಂತೋಷ್ ಕುಲಾಲ್ ಅಗ್ಗರಟ್ಟ ಒಯಿಸ್ ದಿತ್ತೆರ್. ಮೊಕುಲು ಕೆ.ಎಸ್ಆರ್ ಟಿ ಸಿ ಬಸ್ ಟ್ಟ್ ಪ್ರಯಾಣ ಮಲ್ತೆರ್. ಸುಮಾರ್ 57 ಸದಸ್ಯೆರ್ ಈ ಲೇಸ್ ಡ್ ಪಾಲ್ ಪಡೆದಿತ್ತೆರ್.
ಸಂಘದ ಪ್ರಧಾನ ಕಾರ್ಯದರ್ಶಿ ದಿನೇಶ್ ಕುಲಾಲ್, ಸಂಘದ ನಿಕಟಪೂರ್ವ ಗುರ್ಕಾರೆ ಕುಶ ಆರ್. ಮೂಲ್ಯ, ಶಿಕ್ಷಕೆರ್ ಶ್ರೀಕಾಂತ್ ಸಹಕಾರ ಕೊರಿಯೆರ್.
Editorial