ಕುಡ್ಲ ವಿಶ್ವವಿದ್ಯಾನಿಲಯ, ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ತುಳುಪೀಠ, ಕಪ್ಪಂದಕರ್ಯ ಕುಪ್ಪಣ್ಣ-ತುಂಬೆಕ್ಕ ಪ್ರತಿಷ್ಠಾನ ಮೂಡುಬೆಳ್ಳೆ, ತುಳು ಸ್ನಾತಕೋತ್ತರ ಅಧ್ಯಯನ ವಿಭಾಗ, ಕುಡ್ಲ ವಿಶ್ವವಿದ್ಯಾನಿಲಯ ಸಂಧ್ಯಾ ಕಾಲೇಜ್ ದ ಒಟ್ಟುಸೇರಿಗೆಡ್ ಇನಿ (ಡಿ.8) ಬಯ್ಯಗ್ ಕುಡ್ಲ ಶಿವರಾಮ ಕಾರಂತ ಸಭಾಭವನಡ್ ಪೂ-ಪನ್ನೀರ್ ಸುರುತ್ತ ವರ್ಸದ ಜೋಕುಲೆನ್ ಎದ್ಕೊನುನ ಬೊಕ್ಕ ತುಳುಲಿಪಿ ತರಬೇತಿದ ಮುಗಿತಲದ ಲೇಸ್ ನಡಪರೆ ಉಂಡು.
ಈ ಲೇಸ್ ಡ್ ಕಾರ್ಲ ಶ್ರೀ ಭುವನೇಂದ್ರ ಕಾಲೇಜ್ ಕನ್ನಡ ವಿಭಾಗೊದ ಸಹಪ್ರಾಧ್ಯಾಪಕೆರ್ ಡಾ.ಅರುಣಕುಮಾರ ಎಸ್ ಆರ್ ಮೇರ್ ತುಳು ಸಂಸ್ಕೃತಿಡ್ ಸಿರಿ ಆರಾಧನೆತ್ತ ಪೊಲಬುನ್ ಕೊರಿಯೆರೆ ಉಲ್ಲೆರ್. ಬೊಕ್ಕ ತುಳು ಸ್ನಾತಕೋತ್ತರ ಪದವಿಡ್ ರ್ಯಾಂಕ್ ಪಡೆತಿನ ಜೋಕುಲೆಗ್ ಸನ್ಮಾನ ನಡಪರೆ ಉಂಡು.
ಈ ಲೇಸ್ ನ್ ಕುಡ್ಲ ಮಹಾನಗರ ಪಾಲಿಕೆದ ಮಹಾಪೌರೆರ್ ಸುಧೀರ್ ಶೆಟ್ಟಿ ಕಣ್ಣೂರು ಉದಿಪನ ಮಲ್ಪುವೆರ್. ಕುಡ್ಲ ವಿ.ವಿ ಕುಲಪತಿ ಪ್ರೊ.ಜಯರಾಜ್ ಅಮೀನ್ ಗುರ್ಕಾರ್ಮೆನ್ ಒಯಿಸೊನ್ವೆರ್. ಮಲ್ಲ ಬಿನ್ನೆರಾದ್ ಸಾಹಿತಿಲು ಮುದ್ದು ಮೂಡುಬೆಳ್ಳೆ ಬರಿಯೆರೆ ಉಲ್ಲೆರ್. ಮಾನಾದಿಗೆದ ಬಿನ್ನೆರಾದ್ ಕುಡ್ಲ ವಿಶ್ವವಿದ್ಯಾನಿಲಯ ಸಂಧ್ಯಾ ಕಾಲೇಜ್ ದ ಪ್ರಾಂಶುಪಾಲೆರ್ ಡಾ. ಲಕ್ಷ್ಮೀದೇವಿ ಎಲ್, ಸಂಯೋಜಕೆರ್ ಡಾ. ಯತೀಶ್ ಕುಮಾರ್, ತುಳು ಲಿಪಿ ಶಿಕ್ಷಕೆರ್ ಗೀತಾ ಲಕ್ಷ್ಮೀಶ್ ಪಾಲ್ ಪಡೆಯೆರೆ ಉಲ್ಲೆರ್ ಪಂದ್ ಲೆಪ್ಪೋಲೆಡ್ ತೆರಿಪಾದೆರ್.
pallavi shetty