ಪಂಜುರ್ಲಿ ವೇಷ ಪಾಡ್ದ್ ರೀಲ್ಸ್ ಮಲ್ತಿನ ಮೇಕಪ್ ಆರ್ಟಿಸ್ಟ್‌: ಬೆಚ್ಚ ಆಯಿನ ತುಳುವೆರ್

ಕಾಂತಾರ ಪಿಚ್ಚರ್‌ಡ್ ಬರ್ಪಿನ ಪಂಜುರ್ಲಿ ದೈವದ ಕೋಲದಲೆಕನೆ ವೇಷ ಪಾಡ್ದಿನ ಮೇಕಪ್ ಆರ್ಟಿಸ್ಟ್ ಶ್ವೇತ ರೆಡ್ಡಿ ರೀಲ್ಸ್ ಮಲ್ತ್‌ದೆರ್. ಉಂದೆಕ್ಕ್ ಮಸ್ತ್ ವಿರೋಧ ಬೈದ್ಂಡ್. ಈ ರೀಲ್ಸ್‌ನ್ ತೂದು ತುಳುನಾಡ್‌ದ ಜನಕುಲು ಬೆಚ್ಚ ಆತೆರ್.

ಕುಡ್ಲದ ಪೊಣ್ಣು ಮಲ್ತಿನ ಈ ವಿಡಿಯೋ ಇತ್ತೆ ಮಸ್ತ್ ವೈರಲ್ ಆದಿತ್ತ್‌ದ್, ಭೂತಕೋಲ ಮನ್ಪಿನವ್ ಮೇಕಪ್ ಫ್ಯಾಶನ್ ಅತ್ತ್. ಅವು ಜನಕ್ಲೆನ ನಂಬಿಕೆ. ಸಂಪ್ರದಾಯ ಸಂಸ್ಕೃತಿ, ಆರಾಧನೆ. ಉಂದೆತ್ತ ಮಿತ್ತ್ ತಮಾಷೆ ಮಲ್ಪುನವ್ ಸರಿ ಅತ್ತ್ ಪಂದ್ ತುಳುವೆರ್ ಬೆಚ್ಚ ಆತೆರ್.