ಮಹೇಶ್ ಬಸ್ಸ್ ತ್ತ ಡ್ರೈವರ್ ಜಗದೀಶ್ ಶೆಟ್ಟಿ ಆತ್ಮಹತ್ಯೆ!

ಉಳ್ಳಾಲ: ಸೋಮೇಶ್ವರ ಕಡಲ್ ದ ಬರಿಟ್ಟ್ ಇನಿ ಬೊಲ್ಪುಗು ಮಹೇಶ್ ಟ್ರಾವೆಲ್ಸ್ ಬಸ್ ತ್ತ ಡ್ರೈವರ್
ಜಗದೀಶ್ ಶೆಟ್ಟಿ (38) ಮೆರೆನ ಪುನ ಪತ್ತೆ ಆತ್ಂಡ್. ‌ಮೇರ್ ಸೋಮೇಶ್ವರ ರುದ್ರಪಾದೆರ್ದ್ ಲಾಗಿದ್ ಆತ್ಮಹತ್ಯೆ ಮಲ್ತೊಂದೆರ್ ಪಂದ್ ತೆರಿದ್ ಬೈದ್ಂಡ್.

ಕೋಟೆಕಾರು ಪೇಂಟೆದ ಕೊಂಡಾಣದ ವಿದ್ಯಾನಗರ ನಿವಾಸಿ ಜಗದೀಶ್ ಶೆಟ್ರ್ ಕುಡ್ಲ- ತಲಪಾಡಿ ರೂಟ್ ನಂ.43 ಮಹೇಶ್ ಬಸ್ ಡ್ ಡ್ರೈವರಾದಿತ್ತೆರ್. ಮೇರ್ ಸೋಮಾರ ರಾತ್ರೆ ಇಲ್ಲಗ್ ಪೋವಂದೆ ನಾಪತ್ತೆ ಆದಿತ್ತೆರ್.

ರುದ್ರಪಾದೆಡ್ ಮೇರ್ ಪಾಡ್ದ್ ಇತ್ತಿನ ಚಪ್ಪಲ್, ಮೊಬೈಲ್, ಬೈಕ್ ಕೀ ತಿಕ್ ದ್ಂಡ್. ಈ ಘಟನೆದ ಜಾಗೆಗ್ ಉಳ್ಳಾಲ ಪೊಲೀಸೆರ್ ಭೇಟಿ ಕೊರ್ದು ಪುನನ್ ಮರಣೋತ್ತರ ಪರೀಕ್ಷೆಗ್ ಕಡಪಾದೆರ್.

ಆತ್ಮಹತ್ಯೆಗ್ ಕಾರಣ ತೆರಿದ್ ಬೈದಿಜಿ. ಮೆರೆಗ್ ಅಮ್ಮ, ಪೊಪ್ಪ ಬೊಕ್ಕ 2 ಜನ ಅಣ್ಣನಕುಲು ಉಲ್ಲೆರ್.