ಮುಲ್ಕಿ ಸೀಮೆದ ಒರ್ಂಬ ಮಾಗಣೆದ ಬಪ್ಪನಾಡು ಶ್ರೀ ದುರ್ಗಾಪರಮೇಶ್ವರೀ ದೇವಸ್ಥಾನದ ಜಾತ್ರೆದ ನಿಲೆಟ್ಟ್ ಸನಿಯಾರ ಶ್ರೀ ದೇವೆರೆನ ಪಗೆಲ್ ತೇರ್ ಉಚ್ಚಯ, ಅನ್ನ ಪ್ರಸಾದ ಸೇವೆ ಗೌಜಿಡ್ ನಡತ್ಂಡ್.
ಧಾರ್ಮಿಕ ಲೇಸ್ ದ ಲೆಕ್ಕೊಡು ಕ್ಷೇತ್ರದ ತಂತ್ರಿಲಾಯಿನ ಶಿಬರೂರು ಗೋಪಾಲಕೃಷ್ಣ ತಂತ್ರಿಲು, ಅರ್ಚಕೆರ್ ಶ್ರೀಪತಿ ಉಪಾಧ್ಯಾಯ, ನರಸಿಂಹ ಭಟ್ರೆನ ಮುತಾಲಿಕೆಡ್ ಇಸೇಸ ಪ್ರಾರ್ತನೆ ನಡತ್ ದ್ ಶ್ರೀ ದೇವೆರೆನ ಬಲಿ ಉಚ್ಚಯ, ಪಗೆಲ್ ತೇರ್ ಉಚ್ಚಯ, ಪ್ರಸಾದ ವಿತರಣೆ, ಪಲ್ಲಪೂಜೆ, ಅನ್ನ ಪ್ರಸಾದ ಸೇವೆ ನಡತ್ಂಡ್.
ಈ ಪೊರ್ತುಡು ಮಾಜಿ ಸಚಿವೆರ್ ಅಭಯಚಂದ್ರ ಜೈನ್, ಕೆಪಿಸಿಸಿ ಪ್ರಧಾನ ಕಾರ್ಯದರ್ಶಿ ಮಿಥುನ್ ರೈ, ಧರ್ಮದರ್ಶಿಲು ಡಾ. ಹರಿಕೃಷ್ಣ ಪುನರೂರು, ಕ್ಷೇತ್ರದ ಅನುವಂಶಿಕ ಮೊಕ್ತೇಸರೆರ್ ದುಗ್ಗಣ್ಣ ಸಾವಂತ ಅರಸೆರ್, ಆಡಳಿತ ಮೊಕ್ತೇಸರೆರ್ ಮನೋಹರ ಶೆಟ್ಟಿ, ಕಾರ್ಯನಿರ್ವಹಣಾಧಿಕಾರಿ ಜಯಮ್ಮ, ಶಿವಶಂಕರ್, ವೆಂಕಟೇಶ್ ಹೆಬ್ಬಾರ್, ಮುಲ್ಕಿ ಶ್ರೀ ವೆಂಕಟರಮಣ ದೇವಸ್ಥಾನದ ಮೊಕ್ತೇಸರೆರ್ ಅತುಲ್ ಕುಡ್ವ, ದೇವಪ್ರಸಾದ್ ಪುನರೂರು, ಸುಭಾಷ್ ಶೆಟ್ಟಿ, ಸತೀಶ್ ಅಂಚನ್, ಸುನಿಲ್ ಆಳ್ವ, ಮೋಹನ್ ಕೋಟ್ಯಾನ್, ಗೋಪಾಲಕೃಷ್ಣ ಭಟ್, ವಿದ್ವಾನ್ ನಾಗೇಶ್ ಬಪ್ಪನಾಡು ಪಾಲ್ ಪಡೆದಿತ್ತೆರ್.
ಕ್ಷೇತ್ರಡ್ ರಾತ್ರೆ ಮಲ್ಲಿಗೆ ಪ್ರಿಯೆ ಶ್ರೀದೇವಿನ ಶಯನೋಚ್ಚಯ, ಮಾ.31 ಕ್ಕ್ ಮಲ್ಲ ತೇರ್ ಉಚ್ಚಯ ನಡಪರೆ ಉಂಡು.
pallavi shetty