ಒಡಿಪು: ಶಿರ್ವ ಗ್ರಾಮದ ಮಾಣಿಬೆಟ್ಟು ಶ್ರೀ ಬ್ರಹ್ಮಬೈರ್ದೆಲೆನ ಗರಡಿಡ್ ಕಾಲಾವಧಿ ಜಾತ್ರೆ ನ.25-28 ಮುಟ್ಟ ನಡಪರೆ ಉಂಡು.
ನ.25 ಬುದಾರ ರಾತ್ರೆ ಗರಡಿ ಪ್ರವೇಶ ಆಯೆರೆ ಉಂಡು.
ನ.26 ಗುರುವಾರ ಬೊಲ್ಪುಗು ಶ್ರೀ ನಾಗದೇವೆರೆನ ಸನ್ನಿಧಿಡ್ ತನು ತಂಬಿಲ ಸೇವೆ, ನವಕಲಶ ಪ್ರಧಾನಯಾಗ, ರಾತ್ರೆ ಅನ್ನ ನೈವೇದ್ಯ ಅಗೇಲ್, ಶ್ರೀ ಬ್ರಹ್ಮಬೈರ್ದೆಲೆನ ದರ್ಶನ, ಪ್ರಸಾದ ಪಟ್ಟಿಯೆರೆ ಉಂಡು.
ನ.27 ಸುಕ್ರಾರ ಮಧ್ಯಾಹ್ನ ಮಹಾಅನ್ನಸಂತರ್ಪಣೆ, ಬಯ್ಯಗ್ ಶ್ರೀ ಬ್ರಹ್ಮಬೈರ್ದೆಲೆನ ಕಾಲಾವಧಿ ಜಾತ್ರೆ ನಡಪರೆ ಉಂಡು.
ನ.28 ಸನಿಯಾರ ಮಧ್ಯಾಹ್ನ ಮಾಯದಾಲ ದೇವಿನ ನೇಮ, ಪಿಲಿಚಾಮುಂಡಿ ಬೊಕ್ಕ ಪರಿವಾರ ದೈವೊಲೆನ ನೇಮ ನಡಪರೆ ಉಂಡು.
ಈ ಲೇಸ್ ಡ್ ಊರು- ಪರವೂರುದ ಭಕ್ತೆರ್ ಮಾತೆರ್ಲಾ ಪಾಲ್ ಪಡೆದ್, ಸಿರಿಮುಡಿ ಗಂಧ ಪ್ರಸಾದ ದೆತೊಂದು, ಶ್ರೀ ಬ್ರಹ್ಮಬೈರ್ದೆಲೆನ ಅನುಗ್ರಹಗ್ ಪಾತ್ರರಾವೊಡು ಪಂದ್ ಮಾಣಿಬೆಟ್ಟು ಅರಂತಡೆ ಎಂ. ಮೋಹನದಾಸ್ ಹೆಗ್ಡೆ, ಮಾಣಿಬೆಟ್ಟು ಗರಡಿಮನೆ ಆನಂದ ಪೂಜಾರಿ, ಜೀರ್ಣೋದ್ಧಾರ ಸಮಿತಿದ ಅಧ್ಯಕ್ಷೆರ್ ಬೊಕ್ಕ ಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.