ತುಮಕೂರ್ಡು ಕಾರ್ಗ್ ತೂ ಕೊರ್ದು ಬೊಲ್ತೇರ್ ದ ಮೂಜಿ ಜನಕ್ಲೆನ್ ಬರ್ಬರವಾದ್ ಕೆರ್ತಿನ ಕೇಸ್ನ್ ಪೊಲೀಸೆರ್ ನಾಡ್ ಪತ್ ದೆರ್. ಆರೋಪಿಲಾಯಿನ ತುಮಕೂರ್ದ ಸ್ವಾಮಿ ಸೇರ್ದ್ 6 ಜನನ್ ಅರೆಸ್ಟ್ ಮಲ್ತ್ದೆರ್.
ಅಕ್ಲೆನ ಜಾಗೆಡ್ ಬಂಗಾರ್ದ ಹಂಡೆ ತಿಕ್ಕ್ದಿತ್ತ್ದ್ ಅವೆನ್ ಕಮ್ಮಿ ಬಿಲೆಕ್ಕ್ ಸೇಲ್ ಮಲ್ಪುನಾಂದ್ ಪಂದ್ ಬೊಲ್ತೇರ್ದ ಆಟೋ ಡ್ರೈವರ್ ಸಾಹುಲ್ ಹಮೀದ್, ಮದ್ದಡ್ಕದ ಇಸಾಕ್ ಬೊಕ್ಕ ಶಿರ್ಲಾಲುದ ಸಿದ್ದಿಕ್ ಮೊಕುಲೆನ್ ಸ್ವಾಮಿ ಸುಳ್ಳು ಪಂಡ್ದ್ ಲೆತ್ತ್ದಿತ್ತೆರ್. ಬಂಗಾರ್ದ ಆಸೆಗ್ ತುಮಕೂರ್ಗ್ ಪೋದಿತ್ತಿನ ಮೂಜಿ ಜನತ್ತ ಕೈ ಕಾರ್ನ್ ಕಟ್ಟ್ದ್ ಕಾರ್ಗ್ ತೂ ಕೊರ್ದು ಕೆರ್ತೆರ್ ಪಂದ್ ಸದ್ಯಗ್ ತೆರಿಂದ್ ಬೈದ್ಂಡ್.
pallavi shetty