ಬಂಟ್ವಾಳ: ಶಂಭೂರು ಶ್ರೀ ಷಣ್ಮುಖ ಸುಬ್ರಹ್ಮಣ್ಯ ದೇವಸ್ಥಾನದ ಕೈತಲ್ ಮಾ. 18 ಬಯ್ಯಗ್ ನೇತ್ರಾವತಿ ತುದೆತ್ತ ನೀರ್ಗ್ ಬೂರ್ದು ಬೊಲ್ತೇರ್ ಮೂಲದ ಜವನ್ಯೆ ಒರಿ ತೀರ್ ಪೋಯಿನ ಘಟನೆ ನಡತ್ಂಡ್. ಈ ಘಟನೆದ ಬಗೆಟ್ ಮಸ್ತ್ ಸಂಶಯಲು ಬತ್ತ್ದಿತ್ತ್ದ್ ಸಂಬಂಧಿಕೆರ್ ಕೊರಿನ ದೂರ್ದ ಆಧಾರದ ಮಿತ್ತ್ ಪೊಲೀಸೆರ್ ತನಿಖೆ ಮಲ್ತೊಂದುಲ್ಲೆರ್.
ನಡ ಗ್ರಾಮದ ಮಂಜೊಟ್ಟಿ ನಿವಾಸಿ ಲೋಹಿತಾಶ್ವ(30) ಮೇರ್ ಕಾರ್ಡ್ ನಾಲ್ ದೋಸ್ತಿನಕ್ಲೆನ ಒಟ್ಟಿಗೆ ಶಂಭೂರ್ದ ನೇತ್ರಾವತಿ ತುದೆತ್ತ ಕೈತಲ್ ಬತ್ತ್ದಿತ್ತೆರ್. ಲೋಹಿತಾಶ್ವ ಮೆರೆನ ಪುನ ನೀರ್ಡ್ ತಿಕ್ಕ್ದಿತ್ತ್ದ್, ಅರೆನ ಜೂವಡ್ ಕುಂಟು, ಕೈಟ್ ವಾಚ್ ಇತ್ತಿನ ಕಾರಣ ಆರ್ ಮೀಯರೆ ಪಂದ್ ಜತ್ತಿಜೆರ್. ಅಪಂಡ ಆರ್ ಎಂಚ ತೀರ್ ಪೋಯೆರ್ ಪನ್ಪಿನ ಸಂಶಯಲು ಪುಟ್ಟೊದುಂಡು.
ಘಟನೆದ ಬಗೆಟ್ ಲೋಹಿತಾಶ್ವ ಮೆರೆನ ಬೊಡೆದಿ ಬೊಕ್ಕ ಕಳಿಯ ಗ್ರಾಮ ನಿವಾಸಿ ಸಂದೀಪ್ ಪೊಲೀಸೆರೆಗ್ ದೂರ್ ಕೊರ್ತೆರ್. ಪೊಲೀಸೆರ್ ಕೇಸ್ ದಾಖಲ್ ಮಲ್ತ್ದ್ ನಿಜವಾಯಿನ ಕಾರಣ ದಾದ ಪಂದ್ ತನಿಖೆ ಮಲ್ತೊಂದು ಉಲ್ಲೆರ್.
pallavi shetty