ಪಣಂಬೂರು ಕಡಲ್ ಡ್ ನೀರ್ ಪಾಲಾಯಿನ ರಡ್ಡ್ ಜನತ್ತ ಪುನ ಪತ್ತೆ

ಪಣಂಬೂರು: ಪಣಂಬೂರು ಕಡಲ್ ಡ್ ಮಿಂದೊಂದು ಇಪ್ಪುನಗ ನೀರ್ ಪಾಲಾಯಿನ ಮೂಜಿ ಜನಟ್ಟ್ ನಾಗರಾಜ್‌ (24) ಬೊಕ್ಕ ಮಿಲನ್‌ (20) ಮೊಕ್ಲೆನ ಪುನ ಸೋಮಾರ ಬೊಲ್ಪುಗು ಪತ್ತೆ ಆತ್ಂಡ್.

ಕುಡೊರಿ ಜವನೆ ಲಿಖಿತ್‌ (18) ನ್ ನಡೊಂದು ಉಲ್ಲೆರ್ ಪಂದ್ ತೆರಿದ್ ಬೈದ್ಂಡ್.

ಈ ಘಟನೆದ ಜಾಗೆಗ್ ತಹಶೀಲ್ದಾರ್‌, ಪಣಂಬೂರು ಪೊಲೀಸೆರ್ ಭೇಟಿ ಕೊರ್ದು ನಾಪತ್ತೆ ಆಯಿನಕ್ಲೆನ ಪತ್ತೆಗ್ ಕ್ರಮ ದೆತೊಂದಿತ್ತೆರ್.

ಈ ಘಟನೆದ ಬಗೆಟ್ಟ್ ಜೀವ ರಕ್ಷಕ ಕೂಟದಕುಲು ಪಾತೆರ್ದ್, ಎಂಕ್ಲೆನ ಪಾತೆರ ಕೇನಂದೆ ಕೆಲವೆರ್ ಕಡಲ್ ಜತ್ತ್ ದ್ ಮಿಂದ್ ದ್ ತೊಂದರೆ ತಿಕೊಂದು ಉಲ್ಲೆರ್. ಗಡಿ ಗಡೀ ಎಚ್ಚರಿಕೆ ಕೊರ್ಂಡಲ ಜವನೆರ್ ಅವೆನ್ ಪಾಲಿಸಂದೆ ಇಂಚಿನ ಘಟನೆ ನಡತೊಂದು ಉಂಡು ಪಂದ್ ತೆರಿಪಾದೆರ್.