ಸುಬ್ರಹ್ಮಣ್ಯ: ಇತ್ತೆ ಕಂಡ ಬೇಸಾಯ ಮಾದೆ ಅವೊಂದು ಇಪ್ಪುರ್ನೆದಾವೆರ ಜೋಕ್ಲೆಗ್ ಬೇಸಾಯದ ಬಗೆಟ್ಟ್ ತೆರಿಪಾವುನವು ಬೊಕ್ಕ ಕೆಸರ್ ಕಂಡ ಗೊಬ್ಬುದ ಮಹತ್ವನ್ ತೆರಿಪಾವುನೇ ಮಸ್ತ್ ಅಗತ್ಯ ಆತ್ಂಡ್. ಆ ಮುಕೇನ ಕಂಡ ಬೇಸಾಯ, ನೇಜಿ ನಡ್ಪುನೆ, ಕೆಸರ್ ದ ಗೊಬ್ಬು ಮಾತ ಜೋಕ್ಲೆಗ್ ಕಂಡಗ್ ಜಪ್ಪದ್ ತೂಪಾವುನೇ ಎಡ್ಡೆ ಪಂದ್ ಪಂಜ ರೈತ ಉತ್ಪಾದಕೆರೆನ ಕಂಪನಿ ಗುರ್ಕಾರೆ ತೀರ್ಥಾನಂದ ಕೊಡಿಂಕೇರಿ ಮೇರ್ ಪಂಡೆರ್.
ಮೇರ್ ಡಿ.28 ಗುರುವಾರ ಪಂಜ ಶ್ರೀ ಪರಿವಾರ ಪಂಚಲಿಂಗೇಶ್ವರ ದೇವಲ್ಯದ ಕಂಡಡ್ ಪಂಜ ಸರಕಾರಿ ಮಾದರಿ ಹಿರಿಯ ಪ್ರಾಥಮಿಕ ಶಾಲೆದ ಜೋಕ್ಲೆನ “ಬೇಸಾಯದ ಪಾಠ, ಕೆಸರಿನ ಆಟ” ಲೇಸ್ ನ್ ಉದಿಪನ ಮಲ್ತ್ ದ್ ಪಾತೆರಿಯೆರ್.
ಸಭಾಧ್ಯಕ್ಷತೆನ್ ಶಾಲಾ ಅಭಿವೃದ್ಧಿ ಬೊಕ್ಕ ಮೇಲುಸ್ತುವಾರಿ ಸಮಿತಿದ ಗುರ್ಕಾರೆ ಸೋಮಶೇಖರ ನೇರಳ ಒಯಿಸ್ ದಿತ್ತೆರ್.
ಮಲ್ಲ ಬಿನ್ನೆರಾದ್ ಪಂಜ ಗ್ರಾಮ ಪಂಚಾಯತ್ ಗುರ್ಕಾರ್ದಿ ವಿಜಯಲಕ್ಷ್ಮಿ ಜಳಕದ ಹೊಳೆ, ಪಂಜ ಪಂಚಶ್ರೀ ಜೇಸಿ ರಜತ ವರ್ಷದ ಗುರ್ಕಾರೆ ಶಿವಪ್ರಸಾದ್ ಹಾಲೆಮಜಲು, ಪಂಚ ಶ್ರೀ ಜೇಸಿ ಸ್ಥಾಪಕಾಧ್ಯಕ್ಷೆರ್ ದೇವಿ ಪ್ರಸಾದ್ ಜಾಕೆ ಚಾವಡಿಡ್ ಇತ್ತೆರ್.
ಶಾಲೆದ ಮುಖ್ಯ ಶಿಕ್ಷಕಿ ಲೀಲಾ ಕುಮಾರಿ ಟಿ. ಎದ್ಕೊನಿಯೆರ್. ಸಹ ಶಿಕ್ಷಕೆರ್ ಹರೀಶಕುಮಾರ್ ಲೇಸ್ ಸುಧಾರಿಕೆ ಮಲ್ತೆರ್. ದೈಹಿಕ ಶಿಕ್ಷಣ ಶಿಕ್ಷಕಿ ಭುವನೇಶ್ವರಿ ಕಂಬಳ ಸೊಲ್ಮೆ ಸಂದಾಯೆರ್. ಶಾಲೆದ ಮಾತ ಜೋಕುಲು ಕಂಡಡ್ ಬೇತೆ ಬೇತೆ ಗೊಬ್ಬುನ್ ಗೊಬ್ಬುದು ಕುಸಿ ಪಡೆಯೆರ್. ಶಾಲೆದ ಶಿಕ್ಷಕೆರ್ ಸಹಕಾರ ಕೊರಿಯೆರ್. ಈ ಪೊರ್ತುಡು ಪೋಷಕೆರ್, ವಿದ್ಯಾಭಿಮಾನಿಲು ಪಾಲ್ ಪಡೆದಿತ್ತೆರ್.
pallavi shetty