ಬೈಂದೂರು: ಬೈಂದೂರು ತಾಲೂಕ್ ರೈತ ಸಂಘ, ಸಾಂಪ್ರದಾಯಿಕ ಕಂಬುಲ ಸಮಿತಿ ಬೊಕ್ಕ ಊರುದ ಗ್ರಾಮಸ್ಥೆರೆರ್ದ್ ಜ.7 ಕ್ಕ್ ಬೈಂದೂರುದ ಗಂಗನಾಡು ಕೈತಲ್ ದ ಕ್ಯಾರ್ತೂರು ಕಂಬುಲ ಕಂಡಡ್ ಕಂಬುಲ ನಡಪರೆ ಉಂಡು.
ಈ ಕಂಬುಲದ ಲೆಪ್ಪೋಲೆನ್ ಬೈಂದೂರು ಪ್ರವಾಸಿ ಮಂದಿರಡ್ ಬೈಂದೂರು ಶಾಸಕೆರ್ ಗುರುರಾಜ ಗಂಟಿಹೊಳೆ ಬುಡುಗಡೆ ಮಲ್ತೆರ್. ಅವೆರ್ದ್ ಬೊಕ್ಕ ಪಾತೆರಿನ ಆರ್ ಕಂಬುಲಲು ತುಳುನಾಡ್ ದ ಸಾಂಸ್ಕೃತಿಕ ಸಿರಿವಂತಿಕೆನ್ ಎಚ್ಚ ಮಲ್ದ್ಂಡ್. ಅತ್ಯಾಧುನಿಕ ವ್ಯವಸ್ಥೆನ್ ಗಲಸುನೆರ್ದ್ ಬದಲಾವಣೆದ ಮುಕೇನ ಕಂಬುಲಲು ಯುವ ಸಮುದಾಯನ್ ಒಯಿತೊಂದು ಉಂಡು. ಬೈಂದೂರು ಕಂಬುಲ ಗ್ರಾಮೀಣ ಭಾಗದ ರೈತೆರೆನ ಸಮಾಗಮ ಅವಡ್ ಬೊಕ್ಕ ಕೃಷಿಕೆರೆನ ಸಾಂಸ್ಕೃತಿಕ ಹಿರಿಮೆನ್ ಎಚ್ಚ ಮಲ್ಪಡ್ ಪಂದ್ ಪಂಡೆರ್.
ಬೈಂದೂರು ರೈತ ಸಂಘದ ಗುರ್ಕಾರೆ ದೀಪಕ್ ಕುಮಾರ್ ಶೆಟ್ಟಿ ಪಾತೆರ್ದ್, ಸುರುತ್ತ ಸರ್ತಿ ಬೈಂದೂರುಡು ಗೌಜಿದ ರಾಜ್ಯಮಟ್ಟದ ಕಂಬುಲ ನಡಪರೆ ಉಂಡು. ಇತ್ತೆನೇ ಕಂಬುಲದ ತಯಾರಿ ನಡತೊಂದು ಉಂಡು. ರಾಜ್ಯಮಟ್ಟದ ಸುಮಾರ್ ನಾಯಕೆರ್ ಬರೊಂದು ಉಲ್ಲೆರ್ ಪಂದ್ ಪಂಡೆರ್.
ಈ ಪೊರ್ತುಡು ಕಂಬುಲದ ಸಂಚಾಲಕೆರ್ ಗಣಪ ಮರಾಠಿ ಪಾಲ್ ಪಡೆದಿತ್ತೆರ್.
pallavi shetty