ಭಾರತೀಯ ಕುಸ್ತಿ ಸಂಘ (ರಿ.) ದ ಜತೆ ಕಾರ್ಯದರ್ಶಿಯಾದ್ ಕರ್ನಾಟಕ ರಾಜ್ಯ ಕುಸ್ತಿ ಸಂಘದ ಗುರ್ಕಾರೆ ಬಿ.ಗುಣರಂಜನ್ ಶೆಟ್ಟಿ ಆಯ್ಕೆ ಆತೆರ್.
ಮೇರ್ ಡೆಲ್ಲಿಡ್ ನಡತಿನ ಭಾರತೀಯ ಕುಸ್ತಿ ಸಂಘದ ವೋಟುಡು ಇತಿಹಾಸಡೇ ಸುರುತ್ತ ಸರ್ತಿ ಕರ್ನಾಟಕರ್ದ್ ಆಯ್ಕೆ ಆತೆರ್.
ನೆತ್ತ ವೋಟುಗು ಗುರ್ಕಾರೆಯಾದ್ ಸಂಜಯ್ ಕುಮಾರ್ ಸಿಂಗ್, ಹಿರಿಯ ಒತ್ತು ಗುರ್ಕಾರೆ ದೇವೇಂದರ್, ಒತ್ತು ಗುರ್ಕಾರೆ ಅಸಿತ್ ಕುಮಾರ್ ಸಹ, ಜಯಪ್ರಕಾಶ್, ಕಾರ್ತರ್ ಸಿಂಗ್, ಎನ್.ಫೋನಿ, ಪ್ರಧಾನ ಕಾರ್ಯದರ್ಶಿ ಪ್ರೇಮ್ ಚಂದ್ ಲೊಚಬ್, ಕೋಶಾಧಿಕಾರಿ ಸತ್ಯಪಾಲ್ ಸಿಂಗ್ ದೇಶ್ವಾಲ್, ಜತೆ ಕಾರ್ಯದರ್ಶಿ ಬೆಳ್ಳಿಪ್ಪಾಡಿ ಗುಣರಂಜನ್ ಶೆಟ್ಟಿ, ಆರ್.ಕೆ.ಪುರುಶೋತ್ತಮ್, ಕಾರ್ಯಕಾರಿ ಸಮಿತಿದ ಸದಸ್ಯೆರ್ ಎಮ್. ಲೋಗನಾಥನ್, ನೈವಿಕೌಲಿ ಖಾತ್ಸು, ಪ್ರಶಾಂತ್ ರೈ, ರಜನೀಶ್ ಕುಮಾರ್, ಉಮ್ಮೆದ್ ಸಿಂಗ್ ಆಯ್ಕೆ ಆದಿತ್ತೆರ್.
ಪುತ್ತೂರುದ ಕಣ್ಮಣಿ ಬಿ.ಗುಣರಂಜನ್ ಶೆಟ್ಟಿ:
ದಕ್ಷಿಣ ಕನ್ನಡ ಜಿಲ್ಲೆದ ನಡುಮೊಗರುಗುತ್ತು ವಿಠಲ ಶೆಟ್ಟಿ ಬೊಕ್ಕ ಬೆಳ್ಳಿಪ್ಪಾಡಿ ಉರಮಾಲು ಗುತ್ತು ಪ್ರಫುಲ್ಲ ವಿ.ಶೆಟ್ಟಿ ದಂಪತಿಲೆನ ಮಗೆ ಬೊಕ್ಕ ಡಾ.ಸಾಯಿ ರಮೇಶ್ ಶೆಟ್ಟಿ ಬೊಕ್ಕ ದಕ್ಷಿಣ ಭಾರತದ ಪುಗರ್ತೆದ ನಟಿ ಅನುಷ್ಕಾ ಶೆಟ್ಟಿ ಮೆರೆನ ಸಹೋದರೆ ಬಿ.ಗುಣರಂಜನ್ ಶೆಟ್ಟಿ ಮೇರ್ ಮೂಲತಃ ಪುತ್ತೂರುದ ಬೆಳ್ಳಿಪ್ಪಾಡಿ ಇಲ್ಲಲ್ ಪುಟ್ಟಿಯೆರ್. ಉರಮಾಲು ಗುತ್ತು ನಿವಾಸಿ ಆಯಿನ ಮೇರ್ ಇತ್ತೆ ಬೆಂಗ್ಲೂರುಡು ವಾಸ ಆದ್ ಉಲ್ಲೆರ್. ತನ್ನ ವಿದ್ಯಾಭ್ಯಾಸನ್ ಬೆಂಗ್ಲೂರುಡು ಮಲ್ತಿನ ಮೇರ್ ಬೆಂಗ್ಲೂರುಡು ಉದ್ಯಮಿ ಆತೆರ್.
ಮೇರ್ ಶ್ರೀ ಮಹಾಲಿಂಗೇಶ್ವರ ಸೇವಾ ಟ್ರಸ್ಟ್ ಬೆಂಗ್ಲೂರು, ಐ ಕ್ಯಾರ್ ಬ್ರಿಗೇಡ್, ಐ ಕ್ಯಾರ್ ಫೌಂಡೇಶನ್, ಜಯಕರ್ನಾಟಕ ಜನಪರ ವೇದಿಕೆದ ಸಂಸ್ಥಾಪಕೆರ್ ಬೊಕ್ಕ ಬೆಂಗ್ಲೂರು ಕಂಬುಲ ಸಮಿತಿದ ಒತ್ತು ಗುರ್ಕಾರೆ ಆತೆರ್.
pallavi shetty