ಸುಬ್ರಹ್ಮಣ್ಯ : ಕುಕ್ಕೆಶ್ರೀ ಸುಬ್ರಹ್ಮಣ್ಯ ದೇವೆರ್ನ ಚಂಪಾಷಷ್ಠಿ ಜಾತ್ರಾ ಮಹೋತ್ಸವದ ಪ್ರಧಾನ ದಿನ ಆಯಿನ ಕಾರ್ತಿಕ ಶುದ್ಧ ಷಷ್ಠಿದ ದಿನವಾಯಿನ ಸೋಮವಾರ ಬೊಲ್ಪುಗು 7.33 ತ ಧನುರ್ ಲಗ್ನ ಮೂರ್ತಡ್ ಕುಕ್ಕೆ ಸುಬ್ರಹ್ಮಣ್ಯ ದೇವೆರ್ನ ಬ್ರಹ್ಮರಥಾರೋಹಣ ನಡತ್ಂಡ್.
ಅಂಚನೆ ಎಲ್ಯ ತೇರ್ ಡ್ ಉಮಾಮಹೇಶ್ವರ ದೇವೆರ್ ಕುಲ್ದ್ ಇತ್ತೆರ್. ಬೊಕ್ಕ ಸುವರ್ಣ ವೃಷ್ಠಿಯಾದ್, ಎಲ್ಯ ತೇರ್ ನಡತ್ಂಡ್. ಬೊಕ್ಕ ಚಂಪಾಷಷ್ಠಿ ಮಹಾರಥೋತ್ಸವ ನಡತ್ಂಡ್.
ವಿದ್ಯುದ್ದೀಪಾಲಂಕಾರ:
ಕುಕ್ಕೆ ಕ್ಷೇತ್ರ ಚಂಪಾಷಷ್ಠಿ ಜಾತ್ರಾ ಮಹೋತ್ಸವದ ಅಂಗವಾದ್
ವಿದ್ಯುದ್ದೀಪಾಲಂಕಾರರ್ದ್ ಆವೃತ್ತಿ ಆದ್ ಇತ್ತ್ಂಡ್. ತುಡರ್ ದ ಜೋಡಣೆದ ಮುಖೆನ ಕುಕ್ಕೆ ಗೋಪುರ ವರ್ಣಮಯವಾದ್ ತೋಜೊಂದು ಇತ್ತ್ಂಡ್.
ನೆತ್ತ ಒಟ್ಟಿಗೆ ಕಾಶಿಕಟ್ಟೆ, ಕುಮಾರಧಾರ ದ್ವಾರ, ಸವಾರಿ ಮಂಟಪ, ಬಿಲದ್ವಾರ, ಶ್ರೀ ದೇವೆರ್ನ ವಸತಿ ಗೃಹ, ಷಣ್ಮುಖ ಪ್ರಸಾದ ಭೋಜನ ಶಾಲೆ, ಯಾಗ ಶಾಲೆ, ಆದಿ ಸುಬ್ರಹ್ಮಣ್ಯ ಭೋಜನ ಶಾಲೆ ವಿದ್ಯುತ್ ದೀಪಾಲಂಕಾರರ್ದ್ ಇತ್ತ್ಂಡ್
ಭಾರಿ ಸಂಖ್ಯೆಡ್ ಭಕ್ತೆರ್ :
ಕುಕ್ಕೆ ಕ್ಷೇತ್ರಡ್ ಸ್ಕಂದ ಪಂಚಮಿದ ದಿನವಾಯಿನ ಐತಾರ ಭಕ್ತೆರ್ನ ರಾಶಿಯೇ ಇತ್ತ್ಂಡ್. ಕ್ಷೇತ್ರದ ಸುತ್ತ ಭಕ್ತೆರ್ ಲಕ್ಷ ಗಟ್ಟಲೆ ಸಂಖ್ಯೆಡ್ ಪಾಲ್ ಪಡೆದಿತ್ತೆರ್.
pallavi shetty