ಮುಲ್ಕಿ: ಪುಗರ್ತೆದ ಮುಲ್ಕಿ ಸೀಮೆ ಅರಸು ಕುಂಬುಲ ಡಿ. 24 ಕ್ಕ್ ನಡಪರೆ ಉಂಡು. ನೆತ್ತ ಲೆಪ್ಪೋಲೆನ್ ಸುರಗಿರಿ ಶ್ರೀ ಮಹಾಲಿಂಗೇಶ್ವರ ದೇವಲ್ಯದ ಆಡಳಿತ ಮೊಕ್ತೇಸರೆರ್ ಸೀತಾರಾಮ ಶೆಟ್ಟಿ ಮೇರ್ ಪಡು ಪಣಂಬೂರು ಅರಮನೆತ್ತ ಧರ್ಮ ಚಾವಡಿಡ್ ಬುಡುಗಡೆ ಮಲ್ತೆರ್.
ಈ ಲೇಸ್ ಮುಲ್ಕಿ ಸೀಮೆ ಅರಸೆರ್ ಎಂ ದುಗ್ಗಣ್ಣ ಸಾವಂತೆರೆನ ಮುತಾಲಿಕೆಡ್, ಸಮಿತಿದ ಗುರ್ಕಾರೆ ಕಿರಣ್ ಕುಮಾರ್ ಶೆಟ್ಟಿ ಗುರ್ಕಾರ್ಮೆಡ್ ನಡತ್ಂಡ್.
ದುಗ್ಗಣ್ಣ ಸಾವಂತೆರ್ ಪಾತೆರ್ದ್, ಡಿ.24 ಕ್ಕ್ ಮುಲ್ಕಿ ಸೀಮೆದ ಅರಸು ಕಂಬುಲ ನಡಪರೆ ಉಂಡು. ಅವ್ವೆ ದಿನ ಬೊಲ್ಪುಗು ಪುಗರ್ತೆದ ಮುಲ್ಕಿ ಅರಮನೆಗ್ ಮೈಸೂರ್ ಸಂಸ್ಥಾನದ ಮಹಾರಾಜೆರ್ ಯದುವೀರ್ ಕೃಷ್ಣರಾಜ ಒಡೆಯರ್ ಕಂಬುಲಡ್ ಪಾಲ್ ಪಡೆಯೆರೆ ಉಲ್ಲೆರ್. ಅತ್ತಂದೆ ಲಕ್ಷರ್ದ್ ಎಚ್ಚ ಜನ ಕಂಬುಲಗ್ ಬರ್ಪುನ ನಿರೀಕ್ಷೆ ಉಂಡು. ಅಂಚೆನೆ ಲೇಸ್ ನ್ ಮುಲ್ಕಿ ಸೀಮೆದ ನಾಗರಿಕೆರ್ ಪೊರ್ಲು ಮಲ್ತ್ ದ್ ಕೊರೊಡು ಪಂದ್ ಪಂಡೆರ್.
ಈ ಪೊರ್ತುಡು ರಾಮ ಭಟ್, ಬಂಕಿ ನಾಯಕೆರ್, ಸೂರ್ಯ ಕುಮಾರ್ ಹಳೆಯಂಗಡಿ, ಪಡು ಪಣಂಬೂರು ಗ್ರಾಪಂ ಅಭಿವೃದ್ಧಿ ಅಧಿಕಾರಿ ಸುಧೀರ್, ಗೌತಮ್ ಜೈನ್ ಮುಲ್ಕಿ ಅರಮನೆ, ಕಂಬುಲ ಸಮಿತಿದ ಪದುಕೆರ್ ವಕೀಲೆರ್ ಚಂದ್ರಶೇಖರ್, ಶ್ಯಾಮ್ ಪ್ರಸಾದ್, ನವೀನ್ ಬಾಂಧಕೆರೆ, ಶಶೀಂದ್ರ ಸಾಲ್ಯಾನ್, ವಸಂತ್ ಬೆರ್ನಾಡ್, ಮಹಿಮ್ ಹೆಗ್ಡೆ, ಹಳೆಯಂಗಡಿ ಗ್ರಾಪಂ ಸದಸ್ಯೆರ್ ಅಬ್ದುಲ್ ಖಾದರ್, ಪಿ. ಸಿ. ಕೋಟ್ಯಾನ್, ಮನ್ಸೂರ್ ಹಳೆಯಂಗಡಿ ಯುವ ಕಾಂಗ್ರೆಸ್ ಗುರ್ಕಾರೆ ಅಶೋಕ್ ಪೂಜಾರಿ, ದಿನೇಶ್ ಹೊಸಲಕ್ಕೆ ದಾಮೋದರ್ ಸಾಲ್ಯಾನ್, ಚಂದ್ರಹಾಸ ಪಡು ತೋಟ ಇತ್ತೆರ್.
Editorial