ಡಿ.17: ತಿಬಾರ ಕೊಡಮಂದಾಯನ ನಡೆಟ್ಟ್ ತಿಬರಾಯನ

ಕುಡ್ಲ: ಶ್ರೀ ಕೊಡಮಣಿತ್ತಾಯ ಕ್ಷೇತ್ರ ಶಿಬರೂರು ದೇಲಂತಬೆಟ್ಟು ಮೂಲು ಡಿ.16ರ್ದ್‌ 23 ಮುಟ್ಟ ವಾರ್ಷಿಕ ಮಹೋತ್ಸವ ತಿಬರಾಯನ ನಡಪೆರೆ ಉಂಡು. ಶನಿವಾರ ಕಾಂಡೆ ನವಕ ಕಲಶಾಭಿಷೇಕ, ಮಹಾಪೂಜೆ ಆದ್ ರಾತ್ರೆ ಕೊಡಿ ಏರುಂಡು. ಡಿ.17 ತಾನಿ ತುಲಾಭಾರ ಸೇವೆ, ಕಾಂಡೆ ಶ್ರೀ ಉಳ್ಳಾಯ ದೈವದ ನೇಮೋತ್ಸವ, ಮಡಸ್ತಾನ ಸೇವೆ, ಕಂಚಿಲ್ ಸೇವೆ, ಅನ್ನಸಂತರ್ಪಣೆ, ರಾತ್ರೆ ಕೊಡಮಣಿತ್ತಾಯ ದೈವದ ನೇಮೋತ್ಸವ ನಡಪೆರೆ ಉಂಡು.

ಡಿ.18 ಕಾಂತೇರಿ ಜುಮಾದಿ ನೇಮೋತ್ಸವ, ಡಿ.19 ಸರಳ ಧೂಮಾವತಿ ನೇಮೋಚ್ಚಯ, 20 ಗು ಜಾರಂದಾಯ ದೈವದ ನೇಮೋಚ್ಚಯ, 21 ಕ್ಕೆ ಕೈಯ್ಯೂರು ಧೂಮಾವತಿ ದೈವದ ನೇಮೋಚ್ಚಯ, 22 ತಾನಿ ಪಿಲಿಚಾಮುಂಡಿ ದೈವದ ನೇಮೋಚ್ಚಯ, 23 ತಾನಿ ಕಾಂಡೆ ತುಲಾಭಾರ ಸೇವೆ, ಕೊಡಿ ಜಾವರೆ. ಮದ್ಯಾಹ್ನ ಅನ್ನಸಂತರ್ಪಣೆ ನಡಪೆರೆ ಉಂಡು. ಡಿ.24 ಐತಾರ ಕಟೀಲು ದುರ್ಗಾಪರಮೇಶ್ವರಿ ಕೃಪಾಪೋಷಿತ ಯಕ್ಷಗಾನ ಮಂಡಳಿರ್ದ್‌ ಯಕ್ಷಗಾನ ಬಯಲಾಟ ನಡಪೆರೆ ಉಂಡು. ಅಂಚನೆ ಕ್ಷೇತ್ರಡ್‌ ಜೀರ್ಣೋದ್ದಾರದ ಬೇಲೆಲ ಆವೊಂದು ಇತ್ತ್‌ದ್‌ ಮಾತೆರ್ಲ ಸಹಕಾರ ಕೊರೊಡು ಪಂದ್‌ ಲೆಪ್ಪೋಲೆಡ್‌ ತೆರಿಪಾದೆರ್.