ಹಳೆಯಂಗಡಿ : ರಾಷ್ಡ್ರೀಯ ಸ್ವಯಂ ಸೇವಾ ಯೋಜನೆ (ಎನ್ಎಸ್ಎಸ್) ಶಿಬಿರಡ್ ಪನ್ಪಿನ ಎನ್ಎಸ್ಎಸ್ ಪದ್ಯಡ್ ಇಪ್ಪುನ ಮಾತ ಅಂಶಲೆನ್ ಜೀವನಗ್ ದೆತೊಂಡ ಮನುಷ್ಯತ್ವದ ಬಿಲೆ ಎಚ್ಚ ಮಲ್ಪೆರೆ ಅನುಕೂಲ ಆಪುಂಡು ಪಂದ್ ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿದ ಗುರ್ಕಾರೆ ವಸಂತ ಬರ್ನಾಡ್ ಪಂಡೆರ್. ಆರ್ ಹಳೆಯಂಗಡಿ ಯುಬಿಎಂಸಿ ಶಾಲೆಡ್ ನಡತ್ತಿನ ಶ್ರೀ ನಾರಾಯಣ ಸನಿಲ್ ಸರಕಾರಿ ಪದವಿಪೂರ್ವ ಕಾಲೇಜ್ದ ಎನ್ಎಸ್ಎಸ್ ವಾರ್ಷಿಕ ಶಿಬಿರಡ್ ಪಾಲ್ ಪಡೆದ್ ಪಾತೆರಿಯೆರ್.
ಕಾರ್ಯಕ್ರಮದ ಗುರ್ಕಾರ್ಮೆನ್ ಕಾಲೇಜ್ದ ಪ್ರಾಂಶುಪಾಲೆರ್ ಜಯಶ್ರೀ ವಹಿಸ್ದ್ ಇತ್ತೆರ್. ಮಲ್ಲ ಬಿನ್ನೆರಾದ್ ಮುಲ್ಕಿ ಪೊಲೀಸ್ ಠಾಣೆದ ಸಬ್ ಇನ್ಸ್ಸ್ಪೆಕ್ಟರ್ ಮಾರುತಿ, ಸಿಎಸ್ಐ ಸಭಾ ಪಾಲಕೆರ್ ಅಮೃತ ರಾಜ್ ಖೋಡೆ ಮುಲ್ಕಿ, ಉಪನ್ಯಾಸಕೆರ್ ರಮಾನಂದ, ನಿವೃತ್ತ ಉಪನ್ಯಾಸಕೆರ್, ಪ್ರೇಮನಾಥ್ ಶೆಟ್ಟಿಗಾರ್ ಇತ್ತೆರ್. ಶಿಬಿರದ ಸಹ ಯೋಜನಾಧಿಕಾರಿ ಅನಿಲ್ ಕೆರಿಯನ್ ಬೊಕ್ಕ ಆಶಾಲತಾ ಲೇಸ್ದ ಸುಧಾರಿಕೆ ಮಲ್ತೆರ್. ಯೋಜನಾಧಿಕಾರಿ ಅನ್ನಪೂರ್ಣ ಶೆಣೈ ಸೊಲ್ಮೆ ಸಂದಾಯ ಮಲ್ತೆರ್.
pallavi shetty