ಕಲ್ಪಾರ್ಥಿಲು ಪುಟ್ಟಾಯಿನ ಅಪ್ಪ ಅಮ್ಮಗ್ ಅಂಚೆನೆ ವಿದ್ಯೆ ಕಲ್ಪಾವುನ ಗುರುಕುಲೆಗ್ ಸುರುಕ್ಕು ಗೌರವ ಕೊರಿಯೆರೆ ಕಲ್ಪೊಡು ಪಂದ್ ಸಿನಿಮಾ ನಟಿ ರಚಿತಾ ರಾಮ್ ಪಂಡೆರ್. ಆರ್ ಕಟೀಲು ಶ್ರೀ ದುರ್ಗಾಪರಮೇಶ್ವರೀ ದೇವಸ್ಥಾನದ ಶಿಕ್ಷಣ ಸಂಸ್ಥೆದ ವತಿರ್ದ್ ನಡತ್ತಿನ ಭ್ರಮರ ಇಂಚರ ನುಡಿಪರ್ಬ ಕಾರ್ಯಕ್ರಮಡ್ ಸಿನಿಮಾ ಬೊಕ್ಕ ರಂಗಭೂಮಿ ಕಾರ್ಯಕ್ರಮಡ್ ಪಾತೆರಿಯೆರ್.
ನಟೆ ರಮೇಶ್ ಭಟ್ ಪಾತೆರ್ದ್ ಮಾತ ಜನಕ್ಲೆಡ ಒರಿ ಒರಿ ಕಲಾವಿದೆ ಇಪ್ಪುವೆ, ಅವು ಬೇತೆ ಬೇತೆ ರೀತಿಡ್ ಆದಿಪ್ಪುಆಸಕ್ತಿದಾಯಕ ಬೇಲೆನ್ ಅಪಗ ಸಾಧನೆ ಮಲ್ಪೆರೆ ಸಾಧ್ಯ ಪಂದ್ ಪಂಡೆರ್. ಈ ಪೊರ್ತುಡು ಉದ್ಯಮಿ ಮೋಹನ್ ಕುಮಾರ್ ಕುಡ್ಲ, ಗಿರೀಶ್ ಶೆಟ್ಟಿ ಕಟೀಲು, ಪ್ರಶಿಲ್ ಶೆಟ್ಟಿ ಕುಡ್ತಿಮಾರುಗುತ್ತು, ವೃಂದಾ ಹೆಗ್ಡೆ, ಕಮಲಾದೇವಿ ಪ್ರಸಾದ್ ಆಸ್ರಣ್ಣ, ಬಿಪಿನ್ ಚಂದ್ರ ಶೆಟ್ಟಿ ಕೊಡೆತ್ತೂರುಗುತ್ತು ಇತ್ತೆರ್.
ಉಪ ಪ್ರಾಂಶುಪಾಲೆರ್ ರಾಜಶೇಖರ್ ಲೇಸ್ ದ ಸುದಾರಿಕೆ ಮಲ್ತೆರ್. ನಾಲ್ ವಿದ್ಯಾರ್ಥಿಲು ರಚಿತಾ ರಾಮ್ ಅರೆನ ಬೇತೆ ಬೇತೆ ರೀತಿದ ಭಾವಚಿತ್ರ ಬುಡ್ಪಾಯೆರ್. ಸ್ವತಃ ರಚಿತಾ ರಾಮ್ ಅಕ್ಲೆನ್ ಚಾವಡಿಗ್ ಲೆತ್ತ್ ದ್ ಬುಡ್ಪಾಯಿನ ಚಿತ್ರದ ಬಗ್ಗೆ ವಿವರಣೆ ಕೇಂಡೆರ್.
pallavi shetty