ಕುಡ್ಲ: ಟೇಕಾಫ್ಗ್ ತಯಾರ್ ಆಯಿನ ಇಮಾನಗ್ ಪಕ್ಕಿ ಗುದ್ದುದು ಆಕ್ಸಿಡೆಂಡ್ ಆಯಿನ ಘಟನೆ ಕುಡ್ಲ ಅಂತಾರಾಷ್ಟ್ರೀಯ ಇಮಾನ ನಿಲ್ದಾಣಡ್ ನಡತ್ಂಡ್.
ಪ್ರಯಾಣಿಕೆರೆನೊಟ್ಟಿಗೆ ಬೊಲ್ಪುಗು 8:30ಕ್ಕ್ ಕುಡ್ಲರ್ದ್ ದುಬೈಗ್ ಪಿದಾಡಿನ ಈ ಇಂಡಿಯೋ ಇಮಾನದ ರೆಕ್ಕೆಗ್ ಪಕ್ಕಿ ಗುದ್ದುಂಡು. ಟ್ಯಾಕ್ಸಿ ವೇ ದಾಟಿ ರನ್ವೇಡ್ ಪೋವೊಂದು ಇತ್ತಿನ ಪೊರ್ತುಡು ಈ ಘಟನೆ ನಡತ್ಂಡ್. ಅಪಾಯದ ಸೂಚನೆ ತಿಕಿನ ಕೂಡ್ಲೆ ಪೈಲಟ್ ಎಟಿಸಿಗ್ ಪೊಲಬು ಕೊರ್ದು ಟೇಕಾಫ್ ಕ್ಯಾನ್ಸಲ್ ಮಲ್ತ್ ದ್ ರನ್ ವೇರ್ದ್ ಇಮಾನ ವಾಪಸ್ ಬೈದ್ಂಡ್.
ಪ್ರಯಾಣಿಕೆರೆನ್ ಜಪ್ಪದ್ ಇಮಾನದ ತಪಾಸಣೆ ಮಲ್ತೊಂದು ಉಲ್ಲೆರ್. ಬೆಂಗ್ಲೂರ್ ರ್ದ್ ಬತ್ತಿನ ಕುಡೊಂಜಿ ಇಮಾನಡ್ ಪ್ರಯಾಣಿಕೆರೆನ್ ದುಬೈಗ್ ಕಡಪಾವುನ ವ್ಯವಸ್ಥೆ ಮಲ್ದೆರ್. ಈ ಘಟನೆರ್ದ್ ಕುಡ್ಲ ಅಂತಾರಾಷ್ಟ್ರೀಯ ಇಮಾನ ನಿಲ್ದಾಣಡ್ ಕೆಲವು ಪೊರ್ತು ಪೋಡಿಗೆದ ಸ್ಥಿತಿ ನಿರ್ಮಾಣ ಆದಿತ್ತ್ಂಡ್.
pallavi shetty